Jamiyat
Internetdan boshlangan xiyonat yoxud tiriklar orasida «o‘lgan» ayol qismati
Navoiy shahridagi yaqin qarindoshimizdan xabar olish uchun yo‘lga otlandim. Avtobusda. Yonimdagi o‘rindiqda, chamasi, 40-45 yoshlardagi ayol. Shu payt qo‘l telefonimga «sms» xabar keldi. «Obbo, yana internet orqali aldangan, oilasiga xiyonat qilayotgan ayollar…»- dedim beixtiyor ovoz chiqarib.
Buxoro viloyat ichki ishlar boshqarmasi xodimidan kelgan ma’lumotnomani tahrirlashga tushganimda, yonimdagi ayol uni mazmunan aytib berishimni so‘radi. Aytib berdim. Ayol mahzun tortdi. Chuqur xo‘rsindi.
— Men erimning qotiliman!-qo‘qqis so‘zladi ayol.
«Yalt» etib qaradim. Ammo, u aftidan «o‘tirib-chiqqan»larga o‘xshamasdi.
— Men uchun qiziq. Agar lozim topsangiz, gapirib bering!-dedim men ham qiziqishim ortib.
Ayol o‘z hikoyasini dam vajohat, dam uzoq-uzoq sukut bilan so‘zlardi.
«Ikki o‘g‘limiz bor. Yigirma yillarcha avval erim chetga chiqib ketgan. U davlat xizmatida uzoq yillar ishladi. Hujjat, majlis, javobgarlik… Doim jamiyat uchun yugurardi. Lekin, men va farzandlari uchun vaqt ajratmas va hatto, deyarli, e’tibor ham qaratmas edi. Bolalarining sog‘inchiyu, mening ilhaq kutishlarimni juda kech angladi. Juda kech payqab yetdi.
O‘shanda men ham yosh, e’tiborga muhtoj edim. Mehrga muhtojlikmi, men internet orqali boshqa bir erkakka bog‘lanib qoldim. Erimga xiyonatim oshkor bo‘lgan kun erim o‘zini butunlay yo‘qotdi. Chunki, sevib turmush qurganmiz. Hatto, quda-andachilik rishtalari yanayam bog‘lanib, ukam uning singlisiga uylangan. Men esa bilib-turib… Men xiyonatga, erim oriyatga botdi. Qishloqdoshlarning gap-so‘zlari, odamlar nigohidagi achchiq hukm, o‘zining yuragidagi ayblov uni qurshab oldi. Chet elga chiqib ketdi. Yigirma yildan ortiq vaqt. Bu vaqt orasida men bilan, aqalli, bir marta ham gaplashmadi. Chunki, men uning uchun «o‘lgan» ekanimni tan olib bo‘lgandim. Bolalarini singlisi orqali so‘rab-surishtirardi.
Rossiyada uni hech kim kutmagandi. Tanish-bilishi ham, yoru-birodari ham yo‘q edi. O‘z xiyonatimdan o‘zim pushaymonda qolgandim, erimga qattiq achinardim. Qish-qirovli kunlarda qurilish maydonlarida qo‘lida temir, yelkasida yuklar bilan tushgan suratlarini ham uning singlisi orqali ko‘rardim. Yig‘lardim. Sovuq suyak-suyagigacha o‘tganini, barmoqlari qotib, kechqurunlari og‘riqdan uxlay olmasligini his qilardim.
Keyin Xitoyga ketdi. U yerda ham ishi yanada og‘ir edi. Zavod, tungi smena, sal ehtiyot bo‘lmasa, qo‘lni kesadigan temir, quloqni qomatga keltiradigan shovqin. Kun bilan tunning uning uchun farqi qolmagandi.
Yillar o‘tdi. Yigirma yil. Bu orada ikki o‘g‘limni ham uylantirdim. Erim esa tanasi bilan tirik edi, xolos. Men bilardim, u bir umr «Nega, nima uchun?!»-degan savol bilan o‘zini qiynab o‘tgan. Yigirma yildan so‘ng qishloqqa qaytganini eshitdim. Garchi, o‘rtamizdagi munosabatlarga darz ketgan bo‘lsa ham uni, negadir, ko‘rishga oshiqardim. Biroq, u uzoq yillar oldin to‘siq qo‘yib bo‘lgan, hatto, ko‘rish tugul, ovozimni eshitishni ham istamas edi. O‘g‘illarim esa otasining qaytganidan xursand, otasini topishganidan mamnun edilar. Eshitishimcha, erimning sochlari oqargan, yelkalari cho‘kkan, g‘am yemirgan ekan.
Taqdirni qarangki, qishlog‘imizdagi ma’rakalardan biri bizni bir-birimizga ro‘paro‘ qildi. U shundoq yonginamdan shu qadar nafrat bilan o‘tib ketdiki, men esa shu hayotda yashab yurganim uchun pushaymonlarda qoldim. Uzoqdan bo‘lsa ham uni bir bor ko‘rish uchun qilgan har qancha harakatlarim zoye ketdi.
Eshitishimcha, u o‘sha ma’rakadayam jimgina o‘tirgan. Ko‘pchilik tanimagan, hatto, deyarli, hech kim uning shu yerdaligiga e’tibor ham bermagan. Suhbatlar qizib, kimdir kutilmaganda: «Eslaringizdami, falonchi bor edi… Xotini xiyonat qilgandi, shundan keyin chetga chiqib ketgandi…» Bu erim uchun yigirma yillik og‘riqning yana qayta tirilishi, yana qayta zarbasi bo‘lgan. U o‘sha kecha uyiga qaytgan. Rossiyada muzlagan qo‘llari, Xitoyda qonagan barmoqlari… og‘ir va jismoniy mehnatlarning hamma-hammasiga chidagan, lekin, yigirma yildan keyin ham yana qayta qonagan yara – gapga chiday olmagan. Tong saharda erimning jasadini og‘ilxonadan topishgan. «Oriyat vaqt bilan ham tuzalmaydi» deyishgani rost ekan… »
Ayol hikoyasini tugatdi, shekilli, jimib qoldi.
– Shu taqdir, demak, sizning internetdan topgan achchiq qismatingiz?-xo‘rsindim.
– Yo‘q. Bu hech nima emas. Bolalarim mening xiyonatimni yigirma yildan keyin bilishdi. Men ahmoq esa… erimga xiyonatim yetmaganday, bolalarimga: “Otangiz menga xiyonat qilgan edi, shuning uchun men u bilan ajrashganman, u meniyam, sizlarniyam tashlab ketgan”,-deb miyalariga singdirib kelganman. Erning nafrati emas, farzandlarning nafrati yomon ekan, kuydirar ekan. Og‘aynilarim-ku, o‘sha paytlardayoq, mendan yuz o‘girishgan, shunchaki, qarindoshlik uchun goh-gohda hol so‘rashmasa, biror marotaba daraklab ham kelishmagan. Bugun esa ship-shiydonman. Ikki o‘g‘lim ham ostonasiga yaqinlashtirishmaydi. Gohida kichik o‘g‘lim akasidan yashirincha hol-ahvol so‘rashini aytmasa, u ham xabarlashmaydi. Bu gunohlarim badali. Men-ku, shuncha yillar qiynaldim. Azob chekdim. Jabrini ham tortdim. O‘sha paytning o‘zidayoq, tovba qilgandim. Boshqa unday nobakor yo‘llarda yurmagandim. Ammo, yoshlikdagi birgina xiyonatim bir umrlik xazonimga aylandi. Bugun esa ayollar men adashgan yo‘llarda har kun, har soatda adashishmoqda. Ularning ham kun kelib, mening sinovim bilan sinalishlarini eslasam, qo‘rqib ketaman. Men faqatgina rahmatli erim uchun emas, juda ko‘pchilik uchun, hatto, farzandlarim uchun ham «o‘lgan»ga aylandim…
— Qayoqqa ketayapsiz?!
— Erim, hatto, Buxoro tuprog‘ida ham jasadini qo‘ydirmasliklarini so‘rab, xat qoldirgan. Hatto, oxiratini ham men bilan bitta qabristonda bo‘lishini istamagan. Uning vasiyatiga ko‘ra, asli navoiylik bo‘lgan qaynonam tug‘ilgan qishloq qabristoniga ko‘mishgan… Hech bo‘lmasa, qabriga ziyoratga boray..,-dedi ayol hazin tovushda.
— Bormang!-dedim. Tilimdan bu so‘z chiqib ketganini o‘zim ham bilmay qoldim,- u tirigida ham istamaganmi, bir qabristonda yotishni ham xohlamaganmi, endi oxiratini tinch qo‘ying, mozorini kuydirmang!
Bu gapni nechog‘li to‘g‘ri yoki noto‘g‘ri aytdim, bilmadim, ammo, Navoiy shahriga yetib kelgach, u ayol men bilan xayrlashdi-da, hech qayerga yo‘nalmay, Buxoroga qatnovchi boshqa bir avtobusga o‘tirdi…
Laylo Hayitova
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
Yangi o‘quv yili arafasida O‘zbekiston hududidagi umumta’lim maktablari, dehqon bozorlari va savdo majmualarida mavsumiy «Maktab bozorlari» tashkil etilmoqda.
Raqobat qo‘mitasi mavsumiy savdo jarayonlarida iste’molchilarning huquq va manfaatlarini himoya qilish, raqobat muhitini ta’minlash hamda aholini sifatli va hamyonbop mahsulotlar bilan ta’minlash muhimligini ta’kidladi.
Qo‘mita ota-onalar va o‘quvchilarga xarid vaqtida mahsulotning sifati, ishlab chiqaruvchisi, narxi va boshqa muhim ma’lumotlarga e’tibor qaratishni tavsiya qildi.
Tadbirkorlarga esa «Maktab bozorlari»da sotilayotgan mahsulotlar sifati va narxlarining asosliligini ta’minlash, iste’molchilarga zarur axborotlarni taqdim etish hamda ularning huquqlariga rioya qilish majburiyati eslatildi.
Raqobat qo‘mitasi maktab bozorlarida faoliyat yuritayotgan tadbirkorlarni darsliklar, maktab formalari, o‘quv-yozuv qurollari va boshqa anjomlar narxlarini asossiz oshirmaslikka hamda qonunchilik talablariga qat’iy amal qilishga chaqirdi.
Fuqarolar «Maktab bozorlari»da narxlarni asossiz oshirish holatlariga duch kelsa, Raqobat qo‘mitasining 1159 ishonch telefoni orqali murojaat qilishi mumkin.
Qo‘mita tomonidan maktab bozorlarida narxlar barqarorligini ta’minlash maqsadida monitoring ishlari olib borilishi ma’lum qilindi.
Prezidentning 2026-yil 14-avgustdagi PQ–294-son qarori bilan 2027-yil 1-yanvardan muddatli to‘lov xizmati operatorlari faoliyati tartibga solinadi.
Ma’lum qilinishicha, muddatli to‘lov xizmatini ko‘rsatuvchi yuridik shaxslar operator hisoblanadi. Ular iste’molchiga tovar yoki xizmatni muddatli to‘lov asosida olish imkoniyatini vositachi sifatida taqdim etadi.
Qarorning 3-bandi «d» kichik bandiga ko‘ra, ko‘chmas mulk operator ko‘rsatadigan muddatli to‘lov xizmatining obyekti bo‘la olmaydi. Shu sababli vositachi operator orqali uy-joyni «rassrochka»ga olish imkoniyati nazarda tutilmagan.
Biroq bu qoida uy-joyni bo‘lib-bo‘lib to‘lash asosida sotishni umumiy tarzda taqiqlamaydi.
Qarorning 3-bandi «a» kichik bandida sotuvchi tomonidan iste’molchiga tovarni to‘g‘ridan-to‘g‘ri sotish holatlari muddatli to‘lov xizmati tushunchasidan mustasno qilingan.
Shunga ko‘ra, quruvchi o‘zining qurgan uy-joyini xaridorga bevosita bo‘lib-bo‘lib to‘lash sharti bilan sotishi mumkin. Ya’ni yangi tartib quruvchi va xaridor o‘rtasidagi to‘g‘ridan-to‘g‘ri savdoni taqiqlamayapti.
Demak, ijtimoiy tarmoqlarda tarqalayotgan «endi uyni rassrochkaga olib bo‘lmaydi» degan talqin to‘liq to‘g‘ri emas. Cheklov aynan muddatli to‘lov operatorlari orqali ko‘chmas mulkni moliyalashtirishga taalluqli.
Yangi tartibga ko‘ra, muddatli to‘lov operatorlari maxsus reyestrga kiritiladi va ularning faoliyati Markaziy bank nazorati ostida bo‘ladi. Shuningdek, operatorlar bilan tuziladigan shartnomalar, ustama va komissiyalarga nisbatan aniq talablar belgilanadi.
Shunday qilib, 2027-yildan operator orqali uy-joyni «rassrochka»ga olish cheklanadi, ammo quruvchining xaridorga uyni bevosita bo‘lib-bo‘lib to‘lash sharti bilan sotishi saqlanib qoladi.
Oziq-ovqat ishlab chiqarishda qaysi hududlar yetakchi?
Prezident ishtirokida umumiy qiymati 50 trln so‘mlik loyihalar ishga tushirildi
«Milliy manfaatlarni himoya qilish dunyodan yopilish degani emas» — Sherzod Asadov
-
Siyosat3 days ago
Shavkat Mirziyoyev «Haydar Aliyev» ordeni bilan taqdirlandi
-
Siyosat3 days ago
Илҳом Алиев Тошкентда тантанали кутиб олинди
-
Mahalliy4 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Siyosat3 days ago
O‘zbekiston va Ozarbayjon o‘rtasida Abadiy do‘stlik shartnomasi imzolandi
-
Iqtisodiyot4 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat3 days ago
To‘qayev prezidentlikka qayta nomzod qo‘yishi haqidagi savolga javob berdi
-
Jamiyat5 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat2 days ago
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)