Markaziy bankning 2026-yil yanvar–aprel oylari bo‘yicha sharhiga ko‘ra, yuridik va jismoniy shaxslarning chet el valyutasiga bo‘lgan umumiy talabi 20,4 mlrd dollarni tashkil qildi.

Bu ko‘rsatkich o‘tgan yilning mos davriga nisbatan 24,3 foizga oshgan. Xususan, yuridik shaxslar tomonidan qariyb 16 mlrd dollar, aholi tomonidan esa 4,4 mlrd dollarlik valyuta sotib olingan.

Shu bilan birga, bozorda valyuta taklifi ham o‘sishda davom etdi. Hisobot davrida umumiy taklif 18 mlrd dollarga yetgan bo‘lib, bu 2025-yilning shu davriga nisbatan 33,9 foizga ko‘pdir.

Markaziy bank ma’lumotlariga ko‘ra, aholi tijorat banklariga 8,2 mlrd dollar sotgan bo‘lsa, yuridik shaxslar tomonidan sotilgan valyuta hajmi 9,8 mlrd dollarga yetgan.

Hisobotda qayd etilishicha, 2026-yilning dastlabki to‘rt oyida dollar kursi 11 ming 938 so‘mdan 12 ming 320 so‘mgacha bo‘lgan diapazonda tebrangan.

Davr yakunida milliy valyuta 0,6 foizga mustahkamlangan. Ya’ni dollar kursi 12 ming 4 so‘mdan 11 ming 938 so‘mgacha pasaygan.

Taqdim etilgan infografikada ham yil boshida kurs nisbatan barqaror bo‘lgani, keyingi oylarda esa keskin tebranishlar kuzatilgani aks etgan. Xususan, 2025-yilning yanvar–aprel oylarida o‘rtacha kunlik tebranuvchanlik 13,6 so‘mni tashkil etgan bo‘lsa, joriy yilning shu davrida bu ko‘rsatkich 28,5 so‘mgacha oshgan.

Tahlillarga ko‘ra, valyuta bozorida talab va taklif bir vaqtning o‘zida o‘smoqda. Bu esa tashqi savdo operatsiyalari, import hajmi va aholi valyuta operatsiyalari faollashganini ko‘rsatadi.

Markaziy bank taqdim etgan grafikda yil davomida kurs harakatidagi o‘zgarishlar, ayniqsa yoz oylaridagi keskin pasayish va keyingi tiklanish jarayonlarini ko‘rish mumkin.

Source link

2031 yilga borib jahonning eng yirik iqtisodiyotlari o‘rtasidagi kuchlar muvozanati sezilarli darajada o‘zgarishi kutilmoqda. Xalqaro valuta jamg‘armasi (XVJ) prognozlariga ko‘ra, bu davrda eng katta iqtisodiy o‘sishni Hindiston namoyon etadi.

Visual Capitalist infografikasida 2026, 2028 va 2031 yillardagi nominal yalpi ichki mahsulot (YaIM) hajmi bo‘yicha dunyoning 15 ta eng yirik iqtisodiyoti keltirilgan. Ma’lumotlar XVJning 2026 yil aprel oyida yangilangan “Jahon iqtisodiyoti istiqbollari” hisobotiga asoslangan.

Prognozlarga ko‘ra, AQSh va Xitoy yaqin yillarda ham jahon iqtisodiyotida mutlaq yetakchilikni saqlab qoladi. Har ikki davlat iqtisodiyoti 2031 yilga qadar taxminan 6,6 trillion dollarga o‘sishi mumkin. Bu AQSh uchun qariyb 20 foiz, Xitoy uchun esa 32 foizlik o‘sishni anglatadi.

Shunga qaramay, Xitoy iqtisodiyoti 2031 yilda 27,5 trillion dollarga yetsa ham, u hali ham AQSh iqtisodiyotidan taxminan 11,5 trillion dollarga kichik bo‘lib qoladi. Ayni vaqtda Xitoy dunyodagi navbatdagi eng yirik iqtisodiyotdan deyarli to‘rt barobar katta bo‘lishi kutilmoqda.

Mutaxassislar AQSh va Xitoy kelgusi yillarda jiddiy ichki muammolarga duch kelishini ta’kidlamoqda. AQShda siyosiy qutblashuv va davlat qarzi ortib bormoqda. Xitoy esa aholi soni qisqarishi va eksportga bog‘liq iqtisodiyot sabab uzoq muddatli o‘sish sur’atlari sekinlashishi xavfiga yuz tutmoqda.

Hindiston esa kelajakda jahon iqtisodiyotining yangi superkuchiga aylanishi mumkin. XVJ prognozlariga ko‘ra, mamlakat iqtisodiyoti 2031 yilga qadar 63,5 foizga o‘sadi va bu dunyodagi eng yuqori ko‘rsatkichlardan biri bo‘ladi.

Taxminlarga ko‘ra, Hindiston 2028 yilga borib Yaponiya va Buyuk Britaniyani ortda qoldirib, YaIM hajmini 5 trillion dollardan oshiradi. 2031 yilga kelib esa Germaniyani ham quvib o‘tib, 6,8 trillion dollarlik iqtisodiyotga aylanishi mumkin.

1,4 milliarddan ortiq aholiga ega Hindiston uchun bu o‘sish global iqtisodiy tartibdagi o‘zgarishlar ramzi sifatida baholanmoqda. Mamlakat kompaniyalarining xalqaro bozorda raqobatbardoshligi ham ortib bormoqda.

Hisobotda Rossiya iqtisodiyotiga oid prognozlar ham keltirilgan. Qayd etilishicha, 2016–2026 yillar oralig‘ida Rossiya iqtisodiyoti ikki barobardan ko‘proq o‘sgan va yirik iqtisodiyotlar orasida yuqori sur’atlarni ko‘rsatgan. Biroq 2031 yilga kelib Rossiya nominal YaIM hajmi qisqaradigan yagona yirik iqtisodiyot bo‘lishi mumkin.

Prognozlarga ko‘ra, Rossiya iqtisodiyotining sekinlashishi natijasida Braziliya, Kanada va Meksika uni jahon reytingida ortda qoldiradi. Mutaxassislar buni mamlakatning uglevodorod eksportiga yuqori darajada bog‘liqligi, mehnat unumdorligining past o‘sishi hamda G‘arb davlatlari sanksiyalari bilan izohlamoqda.

Source link

Maxsus soliq rejimi belgilangan talablarni bajargan chet el fuqarolari va ularning voyaga yetgan yaqin qarindoshlariga arizada ko‘rsatilgan soliq davri uchun, biroq 5 yildan ko‘p bo‘lmagan muddatga beriladi. 

Hukumat qarori bilan “Chet el fuqarolariga maxsus soliq rejimini taqdim etish tartibi to‘g‘risida”gi nizom tasdiqlandi.

Nizomga ko‘ra, chet el fuqarosi maxsus soliq rejimini taqdim etish bo‘yicha YaIDXP (my.gov.uz), Elektron soliq xizmatlari portali orqali yoxud Davlat xizmatlari markazlari orqali ariza taqdim etadi.

Arizaga chet el pasportining nusxasi va O‘zbekistonda bo‘lish muddatini tasdiqlovchi hujjat (viza yoki boshqa hujjatlar) ilova qilinadi.

Soliq qo‘mitasi Maxsus soliq rejimini taqdim etish komissiyasining arizani ko‘rib chiqish natijasi bo‘yicha xulosasi yuzasidan 1 ish kunida chet el fuqarosiga xabarnoma yuboradi.

Ijobiy xulosa bo‘yicha xabarnoma olgan chet el fuqarosi bank hisobvarag‘i yoki kripto-hamyon ochadi hamda 50 ming AQSh dollari miqdorida maxsus yig‘imni to‘laydi.

Maxsus soliq rejimi belgilangan talablarni bajargan chet el fuqarolari va ularning voyaga yetgan yaqin qarindoshlariga arizada ko‘rsatilgan soliq davri uchun, biroq 5 yildan ko‘p bo‘lmagan muddatga beriladi.

Source link

Chet el fuqarolariga maxsus soliq rejimini taqdim etish tartibi belgilandi. 

Hukumat qarori (270-son, 21.05.2026 y.) bilan «Chet el fuqarolariga maxsus soliq rejimini taqdim etish tartibi to‘g‘risida»gi nizom tasdiqlandi.

Nizomga ko‘ra, chet el fuqarosi maxsus soliq rejimini taqdim etish bo‘yicha YaIDXP (my.gov.uz), Elektron soliq xizmatlari portali orqali yoxud Davlat xizmatlari markazlari orqali ariza taqdim etadi.

Arizaga quyidagi hujjatlar ilova qilinadi:

– chet el pasportining nusxasi ;

– O‘zbekistonda bo‘lish muddatini tasdiqlovchi hujjat (viza yoki boshqa hujjatlar).

Soliq qo‘mitasi Maxsus soliq rejimini taqdim etish komissiyasining arizani ko‘rib chiqish natijasi bo‘yicha xulosasi yuzasidan 1 ish kunida chet el fuqarosiga xabarnoma yuboradi.

 Ijobiy xulosa bo‘yicha xabarnoma olgan chet el fuqarosi bank hisobvarag‘i yoki kripto-hamyon ochadi hamda 50 ming AQSh dollari miqdorida maxsus yig‘imni to‘laydi.

Maxsus soliq rejimi belgilangan talablarni bajargan chet el fuqarolari va ularning voyaga yetgan yaqin qarindoshlariga arizada ko‘rsatilgan soliq davri uchun, biroq 5 yildan ko‘p bo‘lmagan muddatga beriladi.

Source link

Milliy statistika qo‘mitasi ma’lumotlariga ko‘ra, 2026-yilning yanvar–mart oylarida O‘zbekistonda moliyaviy xizmatlar hajmi 46,8 trln so‘mni tashkil qildi.

Bu ko‘rsatkich 2025-yilning mos davriga nisbatan 22,4 foizga oshgan. Tahlillarga ko‘ra, bank, kredit, to‘lov va boshqa moliyaviy xizmatlarga talab yuqori sur’atlarda o‘sishda davom etmoqda.

Hududlar kesimida eng katta hajm Toshkent shahrida qayd etildi. Poytaxtda uch oy davomida 27,5 trln so‘mlik moliyaviy xizmatlar ko‘rsatilgan.

Shu tariqa, respublikadagi umumiy moliyaviy xizmatlarning katta qismi aynan Toshkent shahri hissasiga to‘g‘ri kelmoqda.

Statistikaga ko‘ra, Toshkent shahridan keyingi o‘rinlarni Farg‘ona, Andijon va Toshkent viloyati egallagan. Farg‘ona viloyatida moliyaviy xizmatlar hajmi 2,4 trln so‘mni tashkil etgan. Andijon va Toshkent viloyatida esa bu ko‘rsatkich 2 trln so‘mdan qayd etildi.

Samarqand viloyatida 1,8 trln so‘mlik, Qashqadaryo viloyatida 1,6 trln so‘mlik moliyaviy xizmatlar ko‘rsatilgan. Buxoro va Xorazm viloyatlarida 1,4 trln so‘mdan, Surxondaryo va Namanganda 1,3 trln so‘mdan xizmatlar amalga oshirilgan.

Qoraqalpog‘iston Respublikasi, Jizzax va Navoiy viloyatlarida moliyaviy xizmatlar hajmi 1,1 trln so‘m atrofida shakllangan. Eng past ko‘rsatkich Sirdaryo viloyatida qayd etilib, hududda 694,6 mlrd so‘mlik moliyaviy xizmatlar ko‘rsatilgan.

Source link