Jamiyat
IIB xodimlarini haqorat qilgan shaxs: haqiqatmi yoki tuhmat?
Buxoroda «102» xizmati operatorlarini haqorat qilganlik va pora talab qilishda ayblangan shaxsga nisbatan sud hukmi chiqdi. Bu haqda «Xabar.uz»ga ma’lum qilgan Jinoyat ishlari bo‘yicha Qorako‘l tumani sudi raisining so‘ziga ko‘ra, aybdorga nisbatan 2 yil muddatga ozodlikni cheklash jazosi qo‘llanilgan.
Holatga ko‘ra, Buxoro tumanilik Q.O. o‘ziga avvaldan tanish bo‘lgan Buxoro shahrilik fuqaro I.M. bilan telefon orqali bog‘lanib, uning xonadonida mavjud bo‘lgan 2 dona cho‘yan isitish batareyalarini sotib olishga kelishgan. Biroq, Q.O. uning xonadoniga borgan vaqtda uyda hech kim bo‘lmagan. Yana shuncha olis manzilga qaytib kelishni istamay, cho‘yan isitish batareyalarining pulini egasiga keyin yetkazish fikri bilan ularni olib, o‘z yashash manziliga borish uchun yo‘lga tushgan. Uyiga endigina yetib kelgan paytda Q.O.ni profilaktika inspektorlari to‘xtatishgan. Ulardan biri o‘zini Buxoro shahar Shergiron mahallasi profilaktika inspektori, deb tanishtirgan, fuqarolik kiyimida bo‘lgan ikkinchisi esa JQB xodimi ekanini aytgan. Q.O. inspektorlarning so‘roviga cho‘yan isitish batareyalarining pulini keyin yetkazish fikri bilan yana ovvora bo‘lmaslik uchun uni egasidan so‘roqsiz olib kelganini, u bilan faqat telefon orqali bog‘langanini tushuntirgan. Shu payt Q.O. o‘z hovlisidan chiqib kelgan o‘g‘li J.A.ga ham vaziyatni aytib bergan. Biroq, J.A. jazavaga tushib, ichki ishlar organlari xodimlarini go‘yoki otasini o‘g‘rilikka ayblayotgan, deya o‘ylab, ularni haqorat qilib tashlagan.
Sergaklik va ogohlik yuzasidan o‘z xizmat vazifasini bajarayotganini tushuntirayotgan organ xodimlariga quloq solmay, o‘sha joyning o‘zida “102” qisqa raqamiga qo‘ng‘iroq qilgan. Ichki ishlar organlari xodimlarini jinoyat qilayotganlikda ayblagan. Hatto, «102» kichik mutaxassisini ham kurakda turmaydigan so‘zlar bilan so‘kkan. Ularning sha’ni va qadr-qimmatini oyog‘osti qilgan.
J.A. sudda yolg‘on ko‘rsatma berib, ichki ishlar organlari xodimlari uning oilasiga bosim o‘tkazib, pul talab qilib, o‘ziga nisbatan tahdidlar bo‘lganini bildirgan. Olib borilgan tezkor-tegov surishtiruv ishlari hamda sud tergovi harakatlari davomida J.A. biror-bir so‘zini isbotlay olmagan. Ikki nafar ichki ishlar organlari xizmat xodimlari bo‘lgan jabrlanuvchilar esa aybdorning haqoratli audioyozuvlarini hamda videokuzatuv kameralari orqali o‘zlarining hech qanday bosim o‘tkazishmagani, haqorat qilishmagani, o‘z xizmat vazifalarini olib borishganini faktlar bilan sudga taqdim etishgan.
Yetmaganiga aybdor inspektordan uning asablarini qo‘zitgani uchun pul talab qilish orqali uni ayblab, tuhmat qilish jinoyatini ham sodir etgan.
«Sud jarayonida J.A. aybini tan oldi, qilgan ishlaridan pushaymonligini bildirdi va oilaviy sharoitiga e’tibor qaratilishini so‘radi»,-deydi sud raisi Boborahim Ochilov.
Ijtimoiy tarmoqlarda keng muhokamalarga sabab bo‘lgan ushbu voqea davomida IIB xodimlari ham J.A.ning oilasidagi og‘ir sharoit va uning o‘z aybini tan olganini inobatga olgan holda insoniylik tamoyillarini ustun qo‘yib, suddan yengil jazo tayinlanishini so‘rashgan.
Sud tergovi davomida, jabrlanuvchilar va guvohlar ko‘rsatmalari, audio yozuvlar, sud-lingvistika ekspertizasi natijalari asosida J.A. O‘zbekiston Respublikasi Jinoyat kodeksi 139-moddasi (qasddan sha’nini va qadr-qimmatini haqorat qilish) hamda 140-moddasi (tuhmat) 3-qismlari bilan aybli, deb topilgan.
Toshkent viloyatida favqulodda vaziyatlar tizimida faoliyat yurituvchi mansabdor shaxs tadbirkordan katta miqdorda pul talab qilgani aniqlandi. U tuman hududidan oqib o‘tuvchi uchta soy qirg‘oqlarini mustahkamlash va beton plitali yo‘l o‘tkazgichlari qurishga oid umumiy qiymati 5,04 mlrd so‘mlik shartnomalarni olib berganini ro‘kach qilgan.
Mazkur shartnomalarni go‘yoki vazirlikdagi hamkasblari orqali mahalliy mas’uliyati cheklangan jamiyatga rasmiylashtirib berganini aytgan mansabdor, korxona rahbaridan 63 ming AQSh dollari miqdorida «ulush» talab qilgan.
2026-yilning mart-aprel oylarida u ushbu mablag‘ning 24 ming dollarini olgani ham ma’lum bo‘ldi. Keyinchalik esa tadbirkordan qolgan 39 ming dollarni ham berishni talab qilishda davom etgan.
Davlat xavfsizlik xizmati xodimlari tomonidan Bosh prokuratura huzuridagi Departamentning Toshkent viloyati boshqarmasi hamda Favqulodda vaziyatlar vazirligining Shaxsiy xavfsizlik boshqarmasi bilan hamkorlikda tezkor tadbir o‘tkazildi.
Unda mansabdor talab qilingan pulning navbatdagi qismi — 25 ming AQSh dollarini olayotgan vaqtida qo‘lga olindi. Holat uning «Tracker» rusumli xizmat avtomashinasida sodir bo‘lgani qayd etildi.
Tezkor tadbir davomida u ashyoviy dalillar bilan ushlangani rasman tasdiqlandi. Bu holatda pul mablag‘larining aynan talab qilingani va olingani hujjatlashtirildi.
Hozirda mansabdor shaxsga nisbatan jinoyat ishi qo‘zg‘atilgan. Tergov organlari tomonidan barcha holatlar yuzasidan surishtiruv ishlari olib borilmoqda.
Unga nisbatan «qamoq» ehtiyot chorasi qo‘llanilgani ma’lum qilindi.
Ijtimoiy tarmoqlarda tarqalgan video ortidan Samarqandda ikki nafar qizga nisbatan zo‘ravonlik holati fosh etildi. Voqea Bolalar ombudsmani nazoratiga olindi.
Samarqand viloyatining Toyloq tumanida voyaga yetmagan ikki nafar qizga nisbatan jismoniy va ruhiy zo‘ravonlik holati aniqlandi. Bu haqda Bolalar ombudsmani ma’lum qildi.
Ma’lum bo‘lishicha, joriy yilning 21-aprel kuni fuqaro M.S. o‘zining vaqtincha vasiyligida bo‘lgan 2019-yilda tug‘ilgan B.D. va 2017-yilda tug‘ilgan B.M.ga nisbatan turli shaklda tazyiq o‘tkazgan. U bolalarning xorijda bo‘lgan onasi D.M.dan pul undirish maqsadida zo‘ravonlik qilgani va bu holatni videoga olgani qayd etilgan.
Holat ijtimoiy tarmoqlarda tarqalgach, bolalar ombudsmani tomonidan nazoratga olindi. Samarqand viloyatidagi mintaqaviy vakil joyiga chiqib, vaziyatni o‘rgandi va bolalarni himoya qilish bo‘yicha zarur choralarni ko‘rdi.
Hozirda mazkur holat yuzasidan tuman ichki ishlar bo‘limi tomonidan tergovga qadar tekshiruv ishlari olib borilmoqda.
Tuman vasiylik organi — «Inson» markazi mas’ullari tomonidan M.S. vasiylik vazifasidan chetlatildi. Bu qaror bolalar manfaatlarini himoya qilish maqsadida qabul qilingan.
Shuningdek, bolalarga yetkazilgan tan jarohatlari darajasini aniqlash uchun sud-tibbiy ekspertiza tayinlangan. Bu jarayonda barcha holatlarga huquqiy baho berilishi kutilmoqda.
Zo‘ravonlikdan jabrlangan qizlarning ruhiy holatini barqarorlashtirish maqsadida psixolog jalb qilingan. Hozirda ular tumandagi oilaviy bolalar uyiga joylashtirildi. Shu bilan birga, yashash hududiga yaqin maktab va maktabgacha ta’lim muassasalariga rasmiylashtirilib, ta’lim olish huquqlari tiklandi.
Ayni paytda xorijda bo‘lgan onaning o‘z ota-onalik majburiyatlarini qay darajada bajarayotgani ham o‘rganilmoqda. Bolalar ombudsmani mazkur ish bo‘yicha kuzatuvni davom ettirmoqda.
O‘zbekistonda aholini uy-joy bilan ta’minlashni rag‘batlantirish maqsadida ipoteka bozorida yangi mexanizm — «maqsadli ipoteka omonati» amaliyotini joriy etish rejalashtirilmoqda.
Ushbu tashabbus Prezidentning 2026-yil 24-fevraldagi PF–29-son farmoni ijrosi doirasida ishlab chiqilgan bo‘lib, 2026-yil 1-iyuldan boshlab tajriba-sinov tarzida amalga oshirilishi ko‘zda tutilgan.
Yangi tizimning asosiy g‘oyasi — aholining vaqtincha bo‘sh mablag‘larini uy-joy xaridiga yo‘naltirish. Fuqarolar ipoteka krediti olishdan oldin maxsus omonat hisobvarag‘ida mablag‘ jamg‘aradi. Bu mablag‘lar keyinchalik dastlabki badalni shakllantirishda ishlatiladi.
Bunda:
– tijorat banklarida maxsus omonat hisoblari ochiladi;
– omonatlarga bozor stavkalarida foiz hisoblanadi;
– davlat tomonidan subsidiyalar ajratiladi;
– jamg‘arilgan mablag‘lar ipoteka krediti uchun maqsadli yo‘naltiriladi.
Yangi mexanizm ikki tomonlama samara beradi. Birinchidan, fuqarolar uchun uy-joy sotib olish imkoniyati kengayadi – chunki ular oldindan mablag‘ jamg‘arib, kredit yukini kamaytiradi. Ikkinchidan, banklar uchun uzoq muddatli moliyaviy resurslar bazasi shakllanadi.
Dastlabki badalning bir qismi davlat subsidiyasi hisobidan qoplab berilishi, ipoteka foizlarining ma’lum qismiga ham kompensatsiya berilishi (5 yilgacha) hamda fuqaro uy olmasa, omonat mablag‘lari foizlari bilan qaytarilishi kabi shartlar qo‘shimcha imkoniyatlar sifatida taqdim qilinmoqda.
«Maqsadli ipoteka omonati» tizimi ipoteka bozorida yangi bosqichni boshlab berishi mumkin. U nafaqat aholining uy-joyga bo‘lgan ehtiyojini qondirishga xizmat qiladi, balki ichki moliyaviy resurslarni iqtisodiyotga jalb qilish orqali umumiy iqtisodiy barqarorlikni ham mustahkamlaydi.
U Samarqand tumanida istiqomat qiluvchi fuqaroning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Samarqand shahrida yer uchastkasini noqonuniy sotishga uringan shaxs qo‘lga olindi.
Davlat xavfsizlik xizmati xabariga ko‘ra, u Samarqand tumanida istiqomat qiluvchi fuqaro bilan til biriktirib, uning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Shaxs xaridorga ushbu yerni 490 ming AQSh dollariga sotishini, shuningdek mansabdor tanishlari orqali hujjatlarni rasmiylashtirib berishini aytib, oldindan 50 ming dollar talab qilgan.
U Davlat xavfsizlik xizmati, Iqtisodiy jinoyatlarga qarshi kurashish departamenti va ichki ishlar organlari hamkorligida o‘tkazilgan tezkor tadbirda 50 ming AQSh dollarini olgan vaqtida ashyoviy dalillar bilan ushlandi.
Hozirda mazkur fuqarolarga nisbatan jinoyat ishi qo‘zg‘atilgan bo‘lib, tergov harakatlari olib borilmoqda.
Jamiyat
Andijonda ikki kishini katta pul evaziga haj ziyoratiga yuborishni va’da qilgan shaxs ushlandi
U kelishilgan 18 ming dollar puldan 9 ming dollarini olgan vaqtida ushlangan.
Foto: Bosh prokuratura huzuridagi Departament
Bosh prokuratura huzuridagi Departamentning Asaka tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Qayd etilishicha, fuqaro M.Ch. 18 000 AQSh dollari evaziga fuqarolar A.I. va B.X.ni haj ziyorati uchun Saudiya Arabistoniga yuborishni va’da qilgan.
U kelishilgan puldan 9 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq O‘zbekiston musulmonlari idorasi hajga borishda firibgarlarga aldanib qolmaslikka chaqirgandi.
Neft, geosiyosat va AQSh yordamiga qaramlik
O‘zbekistonda kiyim ishlab chiqarish bo‘yicha qaysi hudud yetakchi?
Tadbirkordan 63 ming dollar talab qilgan mansabdor qo‘lga olindi
-
Siyosat5 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat4 days ago
Giyohvand moddalar aylanmasini nazorat qilishning milliy tizimi takomillashtiriladi
-
Jamiyat4 days agoShavkat Mirziyoyev Ostonaga yetib bordi
-
Iqtisodiyot3 days ago
Markaziy bank: 24-aprelda dollar pasayadi
-
Iqtisodiyot3 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Dunyodan3 days ago
Buyuk Britaniyada “chekmaydigan avlod” dunyoga keldi
-
Jamiyat5 days ago
Toshkent viloyatida 11 mansabdor ishdan olindi, yana 8 nafari jazolandi