Sport
IBA rossiyalik bokschi Abdumalik Xalokovning qulog‘ini tishlamagan deb topdi
2–13 dekabr kunlari Dubay shahrida bo‘lib o‘tgan IBA erkaklar o‘rtasidagi jahon chempionatining 60 kg vazn toifasidagi final bahsida Abdumalik Xalokov (O‘zbekiston) va Vsevolod Shumkov (Rossiya) o‘rtasida yuz bergan «quloq tishlash» epizodi bo‘yicha soha ekspertlari tomonidan tekshiruv o‘tkazilganini ma’lum qildi. O‘rganishlardan so‘ng jang natijasi o‘zgarishsiz qoldirilgan.
Qayd etilishicha, o‘sha kungi bahsni bevosita kuzatib turgan hakam ham vaziyatni to‘liq ko‘rib turgan va bu holat jangga aralashishni talab qilmaydi deb hisoblagan. Videotakrorlarni o‘rganish ham jang darhol va to‘g‘ri davom etganini, Xalokov hech qanday jarohat yoki e’tiroz belgilarisiz faol kurashni davom ettirganini tasdiqlagan.
«Garchi bunday vaziyatga tushish IBA qoidalariga ko‘ra taqiqlangan bo‘lsa-da, rasmiy shaxslar har bir holatni real vaqt rejimida uning jiddiyligi, maqsadi va jangga ta’sirini hisobga olgan holda baholashlari shart. Mazkur holatda hakamlar guruhi vaziyatni baholadi, Jahon chempionati texnik delegati esa yakuniy xulosani berdi. Tadbir yakuniga qadar O‘zbekiston delegatsiyasi tomonidan hech qanday apellyasiya berilmagan. Shu sababli, rasmiy natijani o‘zgartirish yoki medallar jadvaliga tuzatish kiritish uchun huquqiy asoslar mavjud emas», – deyiladi Xalqaro boks assosiatsiyasi bayonotida.
Shu bilan birga, to‘liq shaffoflikni ta’minlash va sport standartlarini himoya qilish maqsadida, ushbu masala Boks bo‘yicha mustaqil korrupsiyaga qarshi kurash bo‘limi (BIIU) tomonidan ham ko‘rib chiqilishi ma’lum qilindi. Agar bo‘lim ushbu harakatni qoidabuzarlik deb topsa, sportchiga nisbatan moliyaviy jarima qo‘llanilishi mumkin.
«Musobaqalarimizning halolligi biz uchun eng muhim vazifa va bu borada hech qanday murosa bo‘lishi mumkin emas. Biz ushbu epizodni baholash uchun ekspertlarni jalb qildik va texnik delegat tomonidan tasdiqlangan yakuniy qarorga keldik. Natijani o‘zgartirish muddati tugagani sababli, texnik delegat masalani BIIUga yuborishni va agar lozim deb topilsa, sportchiga jarima belgilashni tavsiya qildi. Ta’kidlashni istardimki, har qanday vaziyatda sportchilarning manfaatlari biz uchun ustuvor bo‘lib qoladi», – dedi IBA bosh kotibi va ijrochi direktori Kris Roberts.
Eslatib o‘tamiz, Xolokov va Shumkov bahsidagi ushbu munozarali vaziyat jangning uchinchi raundi tugashiga taxminan 50 soniya qolganda, raqiblarning klinch paytida sodir bo‘lgan. Ushbu qisqa to‘qnashuvda Shumkovning og‘zi Xalokovning qulog‘iga tekkan, biroq bu harakat tasodifiy deb baholandi va jang jarayoniga hech qanday ta’sir ko‘rsatmagani aytildi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Portugaliyalik hujumchi Krishtianu Ronaldu otasi vafot etgan argentinalik futbolchi Lionel Messini qo‘llab-quvvatladi. U Messining Instagram sahifasidagi posti ostida izoh qoldirdi.
«Bu qiyin damlarda siz va yaqinlaringizni mahkam quchgan holda chuqur hamdardlik bildiraman, Leo. Bardoshli bo‘ling», deb yozgan Ronaldu.
Avval Messi «Inter Mayami»dagi o‘yinchilik faoliyatini to‘xtatgani e’lon qilingan edi. U oilasi va do‘stlarini qo‘llab-quvvatlash uchun Argentinada qoldi.
Xorxe Messi 8-avgust kuni 68 yoshida vafot etdi. U uzoq davom etgan og‘ir kasallikdan so‘ng olamdan o‘tdi. Ko‘p yillar davomida argentinalik futbolchining otasi o‘z o‘g‘lining faoliyatida muhim o‘rin tutardi.
EChL 2026/2027. Umumiy guruh bosqichi taqvimi e’lon qilindi
Prezidentning Mustaqillik bayrami tabrigidan o‘rin olgan asosiy fikrlari
Oziq-ovqat ishlab chiqarishda qaysi hududlar yetakchi?
-
Siyosat4 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot4 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat16 hours ago
Prezidentning Mustaqillik bayrami tabrigidan o‘rin olgan asosiy fikrlari
-
Sport1 hour ago
EChL 2026/2027. Umumiy guruh bosqichi taqvimi e’lon qilindi