Jamiyat
“Hokimlar va’dasiga ishonib sarson bo‘ldik” – Rishtonda tadbirkorlar buyum bozorini tiklab berishlarini so‘ramoqda
2003 yilda Rishton tumani hokimining qaroriga muvofiq “Buyum bozori” tashkil etish uchun 4 gektardan ziyod yer maydoni ajratilgan edi. Tadbirkorlarga do‘kon qurish uchun shu bozordan yer beriladi. Tuman hokimi tadbirkorlarni yig‘ib do‘konlar qurib bitkazilgach kadastr xujjatlari qilib berilishiga va’da bergan. Hokim va’dasiga ishongan 114 nafar tadbirkor o‘z hisoblaridan do‘kon qurib bitkazishadi. Bozor ma’muriyatining talabi bilan do‘konlar atrofini obodonlashtirish uchun 3 mln so‘mdan pul ham berishadi. Lekin shu paytgacha hokimlar tomonidan berilgan birorta va’da bajarilmagan.
{Yii::t(}
O’tkazib yuborish 6s
O’tkazib yuborish
114 nafar tadbirkor tomonidan yig‘ilgan mablag‘lar buyum bozoriga emas, balki o‘zi shundoq ham obod bo‘lib turgan dehqon bozoriga sarf qilib yuboriladi. Oradan bir necha yil o‘tib esa “snosga tushdi” deb endi do‘konlarni buzishga tushishadi.
Bu orada tumanda bir nechta hokim almashgan. Lekin Rishton tumanida buyum bozorining o‘zi yo‘q. Bozor uchun ajratilgan maydon esa abgor holatda. Savdogarlar ilojsizlikdan yog‘in-sochin kunlarda ham yerda o‘tirishga majbur.
Hokimlarning va’dalariga ishonib mablag‘ sarflab do‘kon qurib qo‘ygan tadbirkorlarning dodini eshitadigan odamning o‘zi yo‘q.
Katta bir tumanda buyum bozori yo‘q…
“Tumanning o‘sha paytdagi hokimi G‘ayrat Mamadaliyev tadbirkorlarni yig‘ib Rishtonday katta bir tumanda buyum bozori yo‘qligini ta’kidlab, do‘kon qurishimizni aytgan edi. Biz tadbirkorlarga joy ajratildi. Hokim va’dasiga ishonib o‘z hisobimizdan do‘konlar qurganmiz. Hokim do‘konni quraveringlar, bitgach barcha xujjatlarini qilib beraman deb va’da bergan. Ular bizga bozor bosh rejasini ham taqdim qilgan.
Keyin biz shu rejaga asosan bu yerda qurilish ishlarini boshlaganmiz. Bizga o‘sha majlisda “Buyum bozorida do‘kon qurasizlar, shu yerni gullatamiz, obod qilamiz. Binolar bitgandan keyin umumiy bitta kadastr qilib, do‘kondorlar ulushdor sifatida kirasizlar”, deb aytishgan. O‘sha paytdagi hokimning barcha aytganlarini so‘zsiz bajarganmiz. Do‘kon qurgan 114 kishi 2011 yildan 2015 yilgacha atrofni obodonlashtirish uchun bozor hisob raqamiga 3 million so‘mdan pul o‘tkazganmiz.
Lekin o‘tkazgan pullarimiz qayerga sarflandi bilmaymiz. Kimlardir u mablag‘ni o‘zlashtirgani aniq. Rishtonda nechta hokim almashgan bo‘lsa buyum bozori masalasini chetlab o‘tyapti. Bizning katta shunday Rishton degan joyda buyum bozori yo‘q. Yog‘in-sochin paytida ham sotuvchilar yerda o‘tirib savdo qilishadi.
Bozor yo‘qligidan xalq mana bu ko‘chada, katta yo‘lning bo‘yida, hokimiyatdan to dehqon bozorigacha yerda o‘tirib, gazonlarda, trotuarlarda o‘tirishibdi. Piyodalar yo‘lagidan yurishga joy yo‘q. Bizning niyatimiz buyum bozorini tashkil qilish. Qo‘shni Oltiariq, Bog‘dod tumanlarida ham buyum bozori chiroyli qilib tashkil qilingan. Rishtonda bunday bozor yo‘q. Tuman bozori noqulayligidan Rishton xalqi atrofdagi bozorlarga boradi.
Hokimimiz Rishton xalqiga amaliy yordam berib, abgor holatda yotgan buyum bozori infrastrukturasini tiklashga yordam bersa, qolgan ishlarini biz o‘zimiz tashkillaymiz”, deydi Muhayyo Doniyorova.
Muhayyo Doniyorova
Rishton tumani hokimi Bahodir Xoliqovdan holat bo‘yicha izoh so‘radik.
“Buyum bozorimiz 2015-2016 yilga qadar katta bozor bo‘lgan. Ayni paytda shu bozor haftada bir kun ishlaydi xolos. Buyum bozorining mavjud yer maydonidan samarali foydalanilmayapti. Bozorga do‘kon qurgan mahalliy tadbirkorlarni chaqirtirib gaplashdik. Savdo majmuasini zamon talabiga mos ravishda qayta tashkil qilish taklifini berdim.
Bahodir Xoliqov. Rishton tumani hokimi
Mahalliy tadbirkorlar tomonidan agar tashabbus bo‘lsa, loyiha taklif bo‘lsa, zamon talabiga mos aholi uchun qulay sharoit yaratilsa, avvalambor mahalliy tadbirkorlar bilan ishlaymiz.
2011 yilda har bir tadbirkor obodonlashtirish ishlari uchun bozor hisobiga 3 million so‘mdan o‘tkazgan ekan. Endi u masalada bizning xabarimiz yo‘q. Bu zararni tadbirkorlarga qoplash yoki qoplamaslik investorga bog‘liq. Agar o‘sha yerga investor savdo majmuasi, yoki boshqa ishlab chiqarish faoliyatini, yo ko‘p qavatli uy faoliyatini yo‘lga qo‘yaman desa, hududda do‘kon qurilganligi, do‘kon qurgan tadbirkorlarni rozi qilish masalasini to‘g‘ri tushuntiramiz. Lekin o‘sha paytda ham o‘sha savdo do‘konlarini qurish, savdo majmuasini tashkil qilish tashabbusi shaxsan hokimlar tomonidan qilingan bo‘lsa, yaxshi tashabbus bo‘lgan.
Yangi zamonaviy aholi uchun qulay bo‘ladigan majmua yaratishimiz kerak. Va o‘sha joydan bir kunlik bozor emas, kerak bo‘lsa haftaning har kuni ishlaydigan majmua tashkil qilish taklifi bilan chiqqanmiz. Va bu tashabbusni o‘zim ilgari surib, tadbirkorlarni chaqirib gaplashdik, suhbatlashdik, muzokaralar olib boryapmiz”, deydi Rishton tumani hokimi.
Hokimlar va’dasiga ishonib o‘z hisobidan do‘kon qurib qo‘ygan va atrofni obodonlashtirish uchun o‘sha paytda bozor hisob raqamiga 3 mln so‘mdan pul o‘tkazgan 114 tadbirkor tegishli idoralardan holatga e’tibor qaratishlarini so‘raydi.
Sarvar Ziyoyev,
Sardor Mamirov,
Kun.uz
Bolaga Howo yuk mashinasi boshqaruvini ammasining o‘g‘li ishonib topshirgan. “Mashina boshqarishni o‘rgatmoqchi edim”, degan u. Mashina jarima maydoniga joylashtirilgan, huquqbuzarlarga esa ma’muriy bayonnoma rasmiylashtirilgan.
Navoiyda Howo yuk mashinasi boshqaruvini 7 yoshli bolaga ishonib topshirgan shaxs aniqlandi. Bu haqda viloyat YHXB axborot xizmati xabar berdi.
Ijtimoiy tarmoqlarda yosh bola yuk mashinasini boshqarib borayotgani aks etgan videolavha tarqaldi. Qoidabuzarlik yuzasidan tezkorlik bilan surishtiruv harakatlari olib borilgan. Jarayonda voqea 2025 yil sentabr oyida bo‘lgani aniqlangan.
Ma’lum bo‘lishicha, bolaga boshqaruvchi uning ammasini o‘g‘li ishonib topshirgan. “Akam menga katta mashinasini berdi. Men uni boshqardim. Endi qaytib qilmayman”, degan bola.
Huquqbuzar qilgan ishidan afsusda ekanini aytib, jiyaniga mashina boshqarishni o‘rgatmoqchi bo‘lganini bildirgan.
Karmanalik ushbu shaxsning xatti-harakati va ota-onaning farzandini nazoratsiz qoldirgani yuzasidan MJtKning tegishli bandlari bilan ma’muriy bayonnomalar rasmiylashtirilgan. Yuk mashinasi esa jarima maydoniga joylashtirilgan.
Avvalroq Farg‘onada voyaga yetmagan shaxs Malibu’da uchta bolani urib ketgan edi. Ulardan biri vafot etgandi.
«Tashabbusli budjet jarayonlari doirasida mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qo‘shimcha imkoniyatlarni yaratish to‘g‘risida»gi prezident qarori qabul qilindi.
Sun’iy intellekt yaratgan surat
Qarorga ko‘ra, 2026 yil 1 avgustdan tashabbusli budjet jarayonida deputatlar tomonidan loyihalarni qo‘shimcha ravishda g‘olib deb e’lon qilish uchun imkoniyatlar yanada kengaytiriladi.
Bunda:
har bir deputat tomonidan «Ochiq budjet» axborot portalida (portal) bir mavsum uchun ajratilgan mablag‘lar doirasida bir yoki bir nechta loyihalar tanlanib, qo‘shimcha ravishda g‘olib deb e’lon qilinadi;
deputat vakolati muddatidan ilgari tugatilgan hollarda «Tashabbusli budjet» jarayonlarida parlament nazoratini amalga oshirish bo‘yicha komissiya qaroriga ko‘ra boshqa deputatlar tomonidan tashabbusli budjet jarayonlarining tegishli saylov okrugidagi qo‘shimcha g‘oliblari aniqlanadi.
2027 yil 1 yanvardan sheriklik loyihalarini qo‘shimcha ravishda Yagona interaktiv davlat xizmatlari portali, to‘lov tashkilotlari va tijorat banklarining mobil ilovalari orqali moliyalashtirish imkoniyatlari yaratiladi.
Mobil ilovalarda portal bilan integratsiya ta’minlangan holda barcha sheriklik loyihalarining ro‘yxati va tashabbusli budjet jarayonining onlayn statistikasi aks ettiriladi.
Qiymati BHM 2000 baravarigacha (taxminan 824 mln so‘m) bo‘lgan ichki yo‘llarni ta’mirlash bo‘yicha sheriklik loyihalarini tuman (shahar) obodonlashtirish boshqarmalari tomonidan amalga oshirish tartibi joriy etiladi.
Ijtimoiy tarmoqlarda tarqalgan videoda Kia rusumli avtomobil chorrahada katta tezlikda harakatlangani va qayrilib olayotgan Lacetti’ni urib o‘tganini ko‘rish mumkin. Jabrlanuvchilar haqida hozircha ma’lumot berilmadi.
Toshkent shahri Yunusobod tumanida Lacetti va Kia K5 rusumli avtomobillar ishtirokida ayanchli avariya ro‘y berdi.
Poytaxt YHXB matbuot xizmati ma’lum qilishicha, hodisa 30 iyun kuni soat 05:10 larda Amir Temur–Bog‘ishamol ko‘chalari chorrahasida sodir bo‘lgan. Lacetti Amir Temur ko‘chasi bo‘ylab harakatlanib ketayotgan vaqtida, o‘zidan o‘ng tomondan harakatlanib kelgan Kia K5 rusumli avtomobil bilan to‘qnashgan.
Ijtimoiy tarmoqlarda tarqalgan videoda Kia katta tezlikda harakatlanib, Lacetti’ning orqa qismini urib o‘tganini ko‘rish mumkin.
Xabarda avtomobilda bo‘lganlarning ahvoli haqida ma’lumot berilmagan.
Hozirda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Voyaga yetmagan Doniyor Turg‘unov odam o‘limiga sabab bo‘lgan qasddan badanga og‘ir shikast yetkazish jinoyatida ayblanmoqda. Jinoyat ishi Mirobod tuman sudida yopiq tarzda ko‘rib chiqilmoqda. 26 iyun kuni dastlabki sud majlisi o‘tkazilgan.
Joriy yil 25 fevral kuni Toshkent shahrida BMW mashinasida YPX inspektorini urib ketgan voyaga yetmagan Doniyor Turg‘unovga nisbatan olib borilgan dastlabki tergov harakatlari yakunlanib, ish sudga oshirilgani ma’lum bo‘ldi. Bu haqda Kun.uz manbalari ma’lum qildi.
Manbaga ko‘ra, jinoyat ishi Mirobod tuman sudida yopiq tarzda ko‘rib chiqilmoqda (JPK talabiga ko‘ra, voyaga yetmaganlar ishtirokidagi ishlar yopiq ko‘riladi). 26 iyun kuni dastlabki sud majlisi o‘tkazilgan.
Jinoyat ishi yopiq tarzda o‘tkazilayotgani uchun sud majlislari jadvalida keltirilmagan.
Toshkent shahar sudlari matbuot xizmati Kun.uz so‘roviga javoban ish jinoyat ishlari bo‘yicha Mirobod tuman sudida ko‘rilayotgani, ish sudga Jinoyat kodeksining 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan taqdim etilgani, sudlanuvchiga nisbatan qamoq ehtiyot chorasi saqlanib qolgani haqida ma’lum qildi.
Eslatib o‘tamiz, 2026 yil 25 fevral kuni Toshkent shahrining Mirobod tumanida voyaga yetmagan Doniyor Turg‘unov BMW mashinasida yo‘l-patrul xizmati inspektori Hosilbek Eshnazarovni urib yuborgandi.
Inspektor og‘ir jarohatlar oqibatida vafot etgan.
Shundan so‘ng Doniyor Turg‘unov qamoqqa olingan va unga Jinoyat kodeksining 267-moddasi (avtotransport vositasini olib qochish) va 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan ayb e’lon qilingandi.
Marhum kichik serjant Hosilbek Eshnazarov prezident farmoniga ko‘ra, «Jasorat» medali bilan mukofotlandi va uning oilasiga Toshkent shahridan 3 xonali kvartira berildi.
Malayziyaga sayohatga borgan 3 nafar o‘zbekistonlik o‘lim jazosiga hukm qilingani haqida material e’lon qilingandi. O‘zbekiston tashqi ishlar vazirining matbuot kotibi Omonulla Fayziyev ushbu fuqarolarning keyingi taqdiri haqida Kun.uz’ga ma’lumot berdi.
Omonulla Fayziyevning aytishicha, 2010 yil sentabr oyida O‘zbekiston fuqarolari N.S., N.D. va J.J. Kuala-Lumpur xalqaro aeroportida 12 kilogrammdan ortiq giyohvandlik vositalarini olib o‘tishga urinishda gumonlanib, Malayziya huquqni muhofaza qiluvchi organlari tomonidan qo‘lga olingan.
Keyinchalik Malayziya sudi ularga nisbatan o‘lim jazosi tayinlagan.
Fuqarolarimizning huquq va qonuniy manfaatlarini himoya qilish maqsadida O‘zbekistonning Malayziyadagi elchixonasi tomonidan 2013, 2014, 2016 va 2020 yillarda Malayziya Tashqi ishlar vazirligi, Bosh prokuraturasi, Oliy sudi hamda mamlakat Qiroli nomiga ularni afv etish to‘g‘risida bir necha bor rasmiy murojaatlar kiritilgan.
2018 yilda Malayziyada o‘lim jazosini ijro etishga moratoriy joriy etildi. Keyinchalik, 2024 yil 18 mart kuni kuchga kirgan “O‘lim va umrbod ozodlikdan mahrum qilish jazolarini olgan shaxslarning ishlarini qayta ko‘rib chiqish to‘g‘risida”gi qonun asosida Malayziya Oliy sudi mazkur uch nafar O‘zbekiston fuqarosiga nisbatan chiqarilgan avvalgi o‘lim jazosini 30 yil muddatga ozodlikdan mahrum qilish jazosi bilan almashtirdi.
Malayziya qonunchiligiga muvofiq, jazoni ijro etish tartibi va yaxshi xulq-atvor uchun nazarda tutilgan imtiyozlar inobatga olinganda, ushbu fuqarolarning jazo muddati 2030 yilda yakunlanishi kutilmoqda.
Hozirgi vaqtda ular Malayziyaning Selangor shtatidagi Kajang qamoqxonasida jazo muddatini o‘tamoqda. O‘zbekistonning Malayziyadagi elchixonasi tomonidan ular bilan muntazam konsullik uchrashuvlari o‘tkazilib, zarur konsullik-huquqiy ko‘mak ko‘rsatib kelinmoqda.
Tashqi ishlar vazirligi xorijda bo‘lib turgan O‘zbekiston fuqarolarining huquq va qonuniy manfaatlarini himoya qilish bo‘yicha tegishli choralarni bundan buyon ham davom ettiradi, dedi Omonulla Fayziyev.
Eslatib o‘tamiz, uch o‘zbekistonlikning Malayziyaga sayohatga borishi va giyohvand moddalar aniqlanib o‘limga hukm qilinishi haqidagi hikoyani iste’fodagi DXX xodimi O‘ktam Suvonov Xavfsizlik YouTube kanaliga bergan intervyusida aytib bergandi.
Eldor Shomurodovning goli JCh–2026 guruh bosqichidagi eng chiroyli deb topildi
Al Kaponedan Gulnora Karimovagacha: “Kir pullar” qanday yuviladi?
Navoiyda 7 yoshli bolaga yuk mashinasi boshqaruvini bergan shaxsga chora ko‘rildi
-
Dunyodan4 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Sport5 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Siyosat5 days agoPrezident Shavkat Mirziyoyev AQSh Savdo vakili Jeymison Grini qabul qildi
-
Dunyodan2 days agoEron Hormuz boʻgʻozi orqali oʻtayotgan kemalarni ogohlantirdi
-
Sport4 days agoDo‘stlar sharafiga Lamin Yamal deb nomlangan bola – jahon futbol yulduzi haqida
-
Iqtisodiyot4 days ago
Ertaga dollar tushib, yevro biroz ko‘tariladi
-
Jamiyat4 days agoVatanparvar jurnalistlarni o‘zimga do‘st va maslakdosh deb bilaman
-
Iqtisodiyot2 days ago“Xohlagan ekinni ekish mumkin” – Yangi tartib fermerga nima beradi?