Sport
Germaniya revansh oldi va mundialga chiqdi
Nemis mashinasi slovaklarga hech qanday imkon qoldirmadi: Germaniya va Niderlandiya JCh-2026’ning 31 va 32-ishtirokchisiga aylandi.
17 noyabr oqshomida JCh-2026 Yevropa saralashida yana uch guruhda guruh o‘yinlari yakunlandi va ikki jamoa mundial yo‘llanmasini rasmiylashtirdi. Yana ikki jamoani o‘tish o‘yinlari kutmoqda.
A guruhi
Germaniya – Slovakiya 6:0
Gollar: Voltemade, 18 (1:0). Gnabri, 29 (2:0). Sane, 36 (3:0). Sane, 41 (4:0). Baku, 67 (5:0). Uedraogo, 79 (6:0)
Germaniya: Baumann, Ta, Shlotterbek (Tshau, 64), Raum (Braun, 72), Kimmih (Baku, 64), Pavlovich (Nmecha, 46), Goretska, Gnabri, Virs (Uedraogo, 77), Sane, Voltemade
Slovakiya: Dubravka, Obert, Shkrinyar, Gansko, Dember (Shatka, 46), Lobotka, Duda (Shrans, 46), Bero (Rigo, 24), Sauer, Dyurish (Pekarik, 82), Strelets (Bobchek, 67)
Ogohlantirishlar: Ta, 70. Tshau, 70
Germaniya milliy jamoasi birinchi turda kutilmaganda Slovakiyaga yutqazib qo‘ygandi (0:2). Shu tufayli Yulian Nagelsman jamoasi keyingi to‘rt o‘yinda g‘alabali seriya qayd etganiga qaramay, oxirgi turgacha JCh-2026 yo‘llanmasini rasmiylashtira olmagandi. Javob uchrashuvida nemislarni durang ham qoniqtirgan bo‘lardi, ammo ular slovaklarga rahm qilib o‘tirmadi. Germaniya eng yirik g‘alabasini shu raqibga qarshi o‘yinda qayd etdi – 6:0.
Mezbonlar birinchi bo‘limdayoq to‘rtta gol urishdi, Nik Voltemade terma jamoadagi qatorasiga uchinchi o‘yinda nomini tabloga yozdirib qo‘ydi, «Galatasaroy» dubli Leroy Sane dubl qayd etdi, Serj Gnabri, Ridle Baku va 19 yoshli Assan Uedraogo (debyut o‘yinida va maydonga tushganidan ikki daqiqa o‘tib) bittadan gol urishdi. «Liverpul»da moslasha olmayotgani uchun tanqidga uchrayotgan Florian Virs Sanening ikki goliga assistentlik qildi. Germaniya 1954 yildan buyon uzluksiz ravishda jahon chempionatlariga chiqib kelmoqda va 2026 yil yozida ham katta natijalarni ko‘zlagan. Slovakiyada ham jahon chempionatiga yo‘llanma olish uchun imkoniyat saqlanib qolmoqda. Ammo buning uchun o‘tish o‘yinlarida ikki o‘yinda g‘alaba qozonish kerak bo‘ladi.
Shimoliy Irlandiya – Lyuksemburg 1:0
Gol: Donli, 44 – penalti (1:0)
Shimoliy Irlandiya: Hazar, Makneyr, Braun, Makkonvill, Gelbreyt, Layons (Smit, 53), Makdonnell (Magennis, 67), Lyuis (Kelli, 82), Bredli (Devlin, 46), Donli (Marshall, 67), Prays
Lyuksemburg: Mori, Korats, Karlson, Yans, M. Martins (Dzogovich, 87), Olesen (Moreyra, 67), K. Martins, Barreyru, Dardari (Avdusinovich, 67), Till (Muratovich, 80), Sinani
Ogohlantirishlar: Makkonvill, 81. Smit, 85. Hazar, 90. Makneyr, 90 – Mori, 43. Korats, 56. Sinani, 85. Moreyra, 90. Yans, 90. Barreyru, 90
Shimoliy Irlandiya allaqachon ikkinchi o‘rin uchun ham imkoniyatni yo‘qotgandi va so‘nggi tur jamoalar uchun quruq rasmiyatchilikka aylandi. «Omadsizlar derbisi»da mezbonlar g‘alabani qo‘lga kiritdi. O‘yindagi yagona golni 44-daqiqada Jyeymi Donli penaltidan urdi. Shimoliy Irlandiya 1986 yildan buyon jahon chempionatlaridan qolib ketmoqda. Ammo Millatlar Ligasidagi yaxshi ishtiroki tufayli ushbu jamoada ham turnirga saralanish uchun so‘nggi imkon bo‘ladi – o‘tish o‘yinlari orqali.
G guruhi
Niderlandlar ham hal qildi
Niderlandiya – Litva 4:0
Gollar: Reynders, 16 (1:0). Gakpo, 58 – penalti (2:0). Simons, 60 (3:0). Malen, 62 (4:0)
Niderlandiya: Verbryuggen, van Deyk, de Ligt, Ake, Yu. Timber (Gertreyda, 64), Simons (Valente, 78), de Yong (K. Timber, 63), Reynders, Gakpo (Lang, 79), Malen, Depay (Emega, 63)
Litva: Gertmonas, Tutyshkinas, Utkus, Shirvis (Beneta, 46), Lasitskas (Upstas, 85), Armalas, Gineytis, Sirgedas (Golubikas, 46), Vorobev, Kalinauskas (Burba, 81), Chernix (Paulauskas, 59)
Ogohlantirishlar: Shirvis, 23. Paulauskas, 84
O‘tgan turda polyaklar bilan o‘yinda durang qayd etib, muddatidan oldin yo‘llanmani hal qila olmagach, niderlandlar ustozi Ronald Kuman tanqidlar ostida qolgandi. Chunki nazariy jihatdan, so‘nggi turda jamoa birinchi o‘rinni boy berishi mumkin edi: buning uchun jamoa Litvaga yirik hisobda mag‘lub bo‘lishi va Polsha o‘z o‘yinida yirik hisobda g‘alaba qozonishi talab etilardi. Amalda esa niderlandlar so‘nggi turda xotirjamlik bilan vazifani hal qildi.
Teyani Reynders birinchi bo‘limdayoq hisobni ochdi. Ikkinchi bo‘limda esa Kodi Gakpo, Xavi Simons va Doniell Malen bittadan gol urib, «Yoxan Kruiff Arena»ga yig‘ilgan muxlislarni xursand qildi. Ayniqsa, Simonsning goli juda chiroyli chiqdi: u raqib himoyachisini ikki bor aldab o‘tdi va olis burchakni aniq nishonga oldi.
Malta – Polsha 2:3
Gollar: Levandovski, 32 (0:1). Kardona, 36 (1:1). Vsholek, 59 (1:2). Teuma, 68 – penalti (2:2). Zelinski,
85 (2:3)
Malta: Bonello, Ments (Buxagyar, 87), Shou, Kamenzuli, Muskat (Korbalan, 54), Giyome, Satariano, Teuma (Pepe, 77), Shuaref, D. Mbong (Overend, 46), Kardona (P. Mbong, 77)
Polsha: Dragovski, Visnevski (Bereshinski, 77), Kendzera, Kivyor, Skuras, Vsholek (Kapustka, 77), Zelinski, Slish (Grositski, 77), Zalevski (Sviderski, 46), Kaminski (Rozga, 90+1), Levandovski
Ogohlantirishlar: Teuma, 45. Satariano, 49 – Visnevski, 5. Zalevski, 17
Yuqorida aytilganidek, Polshaning JChga to‘g‘ridan to‘g‘ri yo‘llanma qo‘lga kiritish imkoniyati faqat nazariy jihatdan mavjud edi. Malta bilan uchrashuvning birinchi bo‘limidan keyin esa jamoa o‘tish o‘yinlari orqali yo‘llanmaga ega bo‘lish imkoniyati ham juda pastligi ko‘rinib qoldi. Robert Levandovski 32-daqiqada hisobni ochgan bo‘lsa-da, maltaliklar darhol javob golini urishdi. Tanaffusdan keyin jamoalar yana bittadan gol almashishdi: Pavel Vsholekning aniq zarbasiga mezbonlar yarimhimoyachisi Teddi Teum penaltidan urilgan gol bilan javob qaytardi. 11 metrlik jarima zarbasi belgilanishidan oldin noyob holat kuzatildi: polyaklar uchinchi golni urishgandi, ammo bosh hakam Igor Payach VAR xonasidagilardan mehmonlarning golli hujumi boshlanishidan oldin jarima maydonida fol ishlatilgani haqida xabar oldi. Arbitr Karol Sviderskining golini bekor qildi va Malta uchun penalti belgiladi.
Ammo polshaliklar baribir saviya hisobiga g‘alabani ilib ketdi. O‘yinning 85-daqiqasida Pyotr Zelinski mehmonlarga g‘alaba keltiruvchi golni urdi – 3:2. Oldinda polyaklarni o‘tish o‘yinlari kutmoqda, ular 2022 yilgi mundialga ham qo‘shimcha saralash orqali yo‘l olishgandi.
L guruhi
Xorvatcha kambek
Chernogoriya – Xorvatiya 2:3
Gollar: Osmaich, 3 (1:0). Krstovich, 17 (2:0). Perishich, 37 – penalti (2:1). Yakich, 72 (2:2). Vlashich, 87 (2:3)
Chernogoriya: Nikich, Rubejich (Perovich, 46), Tutsi, Marushich, Veshovich (Shipchich, 77), Lonchar (Vukotich, 62), Bulatovich (Brnovich, 77), Osmaich, Yankovich, Krstovich, Yovetich (Adjich, 62)
Xorvatiya: Livakovich, Chaleta-Tsar (Stanishich, 46), Shutalo, Gvardiol (Pongrachich, 46), Yakich, Moro, Pashalich, Vlashich, Perishich (Modrich, 78), Ivanovich (Kramarich, 55), Matanovich (Musa, 59)
Ogohlantirishlar: Lonchar, 30. Rubejich, 36. Osmaich, 70 – Pashalich, 29
Bu guruhda so‘nggi tur quruq rasmiyatchilikka aylandi. Xorvatlar allaqachon guruhda birinchi o‘rin masalasini hal qilgan, chernogoriyaliklar esa so‘nggi tur o‘yinlari natijalaridan qat’i nazar, uchinchi o‘rindan yuqori ko‘tarila olmasdi. Ammo, aytish mumkinki, Chernogoriyada motivatsiya borasida muammo yo‘q edi. Birinchidan, Yugoslaviya bo‘yicha sobiq qo‘shniga qarshi o‘yin doim alohida ahamiyat kasb etgan. Ikkinchidan, futbolchilar keyingi sikl uchun o‘zini ko‘rsatishi kerak edi.
Mezbonlar ilk daqiqalardan tashabbusni qo‘lga olishdi va 17-daqiqagacha ikki gol urishdi. 3-daqiqadayoq Milutin Osmaich hisobni ochdi, keyin esa Nikola Krstovich chiroyli va aniq zarba yo‘lladi.
Ammo Xorvatiya yutqazishga o‘rganmagan. Bo‘lim davomida «shashkachilar» Ivan Perishichning penaltidan urgan goli orqali hisobni qisqartirdi, tanaffusda Zlatko Dalich himoya chizig‘ini yangiladi va ikkinchi bo‘limda boshqa gol o‘tkazilmadi. Mehmonlar to‘liq kuch bilan hujumga o‘tishdi va avvaliga Yakichning aniq zarbasi bilan hisobni tenglashtirishdi. Modrich zaxiradan o‘yinga qo‘shilganidan keyin esa Xorvatiya g‘alabani ilib ketdi. Nikola Vlashich qarshi hujumni chiroyli gol bilan yakunladi. Sakkiz turda 22 ochko – Xorvatiya JCh-2026 saralashini mag‘lubiyatsiz yakunladi.
Chexiya – Gibraltar 6:0
Gollar: Dudera, 5 (1:0). Xori, 18 (2:0). Tsoufal, 32 (3:0). Karabets, 39 (4:0). Souchek, 44 (5:0). Granach, 51 (6:0)
Chexiya: Kovarj, Granach, Zeleni (Xaloupek, 68), Yurasek, Tsoufal, Beran (Cherv, 58), Souchek (Sadilek, 68), Shik (Xitil, 88), Karabets, Dudera, Xori (Danek, 57)
Gibraltar: Xenkins, Lopesh, Olivero (Makklafferti, 46), Mauro, Jolli, Torilya (Perera, 85), Pozo (Bent, 69), Ronan, Skenlon, Del Rio (Vaynet, 76), Bartolo (Morgan, 85)
Ogohlantirish: Ronan, 49
Chexlar o‘tgan turdayoq jahon chempionatiga to‘g‘ridan to‘g‘ri yo‘llanmadan umid uzib bo‘lgandi. Shuning uchun, Gibraltarga qarshi o‘yin Ivan Gashek shogirdlari uchun yarim o‘rtoqlik maqomidagi o‘yinga aylandi. Lekin Chexiya baribir maydonga optimal tarkibda chiqib keldi va Gibraltarni ayab o‘tirmadi. Mezbonlar jiddiy qarshilikka uchramadi va o‘z muxlislari ko‘z o‘ngida Jyeylen Xenkins darvozasiga oltita gol yo‘llashdi. Chexiya endi o‘tish o‘yinlari uchun qur’ani kutmoqda.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot21 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi