Sport
Futbol bo‘yicha 2026 yilgi jahon chempionatiga borish qanchaga tushadi?
Futbol bo‘yicha 2026 yilgi jahon chempionatiga borish – bu bitta chipta sotib olish yoki qisqa ta’til emas. Turnir qariyb bir yarim oy davom etadi, bir vaqtning o‘zida uchta mamlakatda o‘tkaziladi va parvoz, viza, yashash kabi jiddiy xarajatlarni talab qiladi. Quyida O‘zbekistondan boruvchi muxlis uchun safar budjeti haqida ma’lumot beramiz.
2026 yilgi jahon chempionati qachon va qayerda o‘tadi?
Jahon chempionati 2026 yil 11 iyundan 19 iyulgacha bo‘lib o‘tadi va jahon chempionatlari tarixidagi eng uzoq va eng yirik turnirga aylanadi. Musobaqa 39 kun davom etadi, unda 48 ta milliy terma jamoa 104 ta o‘yin o‘tkazadi.
Jahon chempionati ilk bor bir vaqtning o‘zida Shimoliy Amerikaning uchta mamlakatida o‘tkaziladi:
AQSh – turnirning asosiy maydoni, bu yerda yarimfinallar va final o‘tkaziladi;
Kanada — guruh bosqichi uchrashuvlarining bir qismini qabul qiladi;
Meksika — bu yerda ham dastlabki bosqich bahslari o‘tkaziladi.
O‘yinlar 16 ta shaharda o‘tkaziladi. Bahslarning katta qismi AQShda o‘tkazilishi rejalashtirilgani sababli aynan shu mamlakat turnirning logistik va tashkiliy markaziga aylanadi. Bunday format muxlislar uchun JCh-2026ni avvalgi jahon chempionatlariga nisbatan yanada murakkab va qimmat qiladi.
JCh-2026ga chipta qanday sotib olinadi
2026 yilgi jahon chempionatiga chiptalarni sotib olish oddiy onlayn buyurtma singari amalga oshirilmaydi. Muxlis chiptani tanlab, darhol to‘lov qilmaydi, balki FIFA lotereyasida qatnashishga ariza beradi.
FIFA Ticketing shaxsiy kabineti: JCh-2026 chiptasiga Random Selection Draw tizimi orqali ariza berish.
Lotereya
Birinchi bosqichda foydalanuvchi “My Application” bo‘limiga kiradi va “Random Selection Draw” formatini tanlaydi — bu keng auditoriya uchun chipta sotib olishning asosiy usuli.
FIFA Ticketing chipta sotib olish formatini tanlash: Random Selection Draw.
FIFA darhol ogohlantiradi:
xarid kafolatlanmagan;
agar ariza lotereyada g‘olib bo‘lsagina pul yechib olinadi;
to‘lov bog‘langan kartadan avtomatik ravishda amalga oshadi.
Barcha arizalar tasodifiy tanlashda qatnashadi.
Jamoa va bahslarni tanlash
Muxlis “My Team” formatini tanlaydi — masalan, O‘zbekiston terma jamoasini. Shundan so‘ng tizim jamoa o‘tkazadigan bahslarni taklif qiladi:
guruh bosqichidagi o‘yinlar (sanasi va stadioni bilan);
conditional matches — jamoa guruhdan chiqqanda o‘ynaydigan ehtimoliy pley-off bahslari.
FIFA tizimida jamoa va bahslarni tanlash.
Skrinshotlarda xususan, quyidagilar ko‘rsatilgan:
Mexikodagi O‘zbekiston — Kolumbiya bahsi;
Xyustondagi Portugaliya — O‘zbekiston bahsi;
Atlantadagi ehtimoliy pley-off bahsi.
Chiptalar toifasi va real narxlar
FIFA har bir bahs uchun bir nechta toifadagi chiptalarni taklif qiladi.
Supporter Value Tier — 140–220 dollar, eng arzon chiptalar, cheklangan miqdorda;
Supporter Standard Tier — 380–500 dollar, asosiy ommaviy variant;
Supporter Premier Tier — 450–700 dollar, oddiy chiptalar orasidani eng yaxshi joylar.
Narxlar bitta chipta uchun ko‘rsatilgan va soliqlarni o‘z ichiga oladi.
Arizani tasdiqlash va to‘lov
FIFA so‘nggi bosqichda quyidagilarni so‘raydi:
bank kartasini bog‘lash (Visa yoki boshqa mos keladigan);
qoidalarga rozilikni tasdiqlash;
Bu xarid emas, balki tasdiqlangan arizadir. Chipta faqat lotereya natijasi muvaffaqiyatli bo‘lganidan keyingina sotib olingan hisoblanadi.
FIFA natijalarni belgilangan sanalarda, odatda turnir boshlanishidan bir necha oy oldin elektron pochta orqali yuborishni va’da qiladi.
Hospitality-paketlar
Hospitality — eng qimmat, lekin jahon chempionatiga borishning eng ishonchli usuli.
FIFA Hospitality bo‘limi: JCh-2026 bahslariga premial paket tanlash.
Hospitality-paketga nimalar kiradi:
bahsga kirish kafolatlangan chipta;
qulay joylar (markaziy yoki pastki qatorlar);
o‘yindan oldin va keyin launjga kirish imkoni;
bahs kuni ovqatlanish va ichimliklar;
stadionga alohida kirish yo‘li va servis.
FIFA Hospitality bo‘limi: JCh-2026 bahslariga premial paket tanlash.
Bu qancha turadi:
guruh bosqichi — bitta bahs uchun 1 400–1 600 dollar;
pley-off uchrashuvlari — 2 000–3 500 dollar;
yarimfinallar —4 000 dollar va undan yuqori;
final — paketdan kelib chiqib 6 000–8 000 dollar.
Tejamkorlikdan ko‘ra kafolatlangan kirishni muhim deb bilganlar Hospitality’ni tanlaydi.
FIFA chiptalarini qayta sotish
Agar muxlis asosiy sotuv bosqichida yoki lotereya orqali chipta xarid qila olmagan bo‘lsa, FIFA rasmiy va qonuniy qayta sotish usulini — FIFA Resale/Exchange Marketplace platformasini taklif qiladi. Bu 2026 yilgi jahon chempionatiga chiptalarni bekor qilinish xavfisiz sotib olish yoki sotish mumkin bo‘lgan yagona platformadir.
FIFA Resale/Exchange Marketplace rasmiy platformasi.
Platformada avval FIFA rasmiy sayti orqali boshqa muxlislar tomonidan sotib olingan chiptalarni xarid qilish mumkin.
Bir nechta cheklovlarni hisobga olish muhim:
faqat FIFA.com/tickets orqali sotib olingan chiptalarni qayta sotish mumkin;
hospitality-paketlar, akkreditatsiyalar, bepul va promo-chiptalar qayta sotilmaydi;
FIFA chipta qayta sotilishiga kafolat bermaydi — hammasi talabga bog‘liq;
qayta sotishda narxlar avvalgisidan qimmatroq bo‘lishi va bahs o‘tkaziladigan mamlakat, chipta toifasi va FIFA cheklovlariga bog‘liq bo‘lishi mumkin.
FIFA Resale/Exchange Marketplace rasmiy platformasi.
FIFA rasmiy qayta sotish marketpleysi orqali xarid qilinganda, chipta narxiga 15 foiz komissiya qo‘shiladi.
Hatto chiptani muvaffaqiyatli sotib olish ham safar amalga oshishini anglatmaydi. O‘zbekiston fuqarolari uchun bahs o‘tkaziladigan mamlakat vizasini olish majburiy hisoblanadi va ko‘pincha aynan viza masalasi jahon chempionatiga borish imkoniyatini belgilab beradi.
O‘zbekiston fuqarolari uchun viza narxlari
Bu bo‘limda vizaning ma’qullanish ehtimolini baholamaymiz, balki faqat rasmiy yig‘imlar va O‘zbekistondan boradigan muxlis safarni rejalashtirishda hisobga olishi kerak bo‘lgan taxminiy xarajatlarni ko‘rib chiqamiz.
AQSh, Kanada va Meksikaga viza yig‘imi narxlari.
Toshkentdan JCh-2026 mamlakatlariga parvoz narxlari
Toshkentdan JCh-2026 o‘tkaziladigan mamlakatlarga parvoz qilish narxlari.
JCh-2026 davrida yashash qanchaga tushadi
Jahon chempionati kunlarida mezbon shaharlarda yashash xarajatlari sezilarli darajada oshadi hamda shahar va o‘yinlar sanasiga bevosita bog‘liq bo‘ladi.
Mehmonxonalar narxlari
O‘yinlar o‘tkaziladigan kunlardagi mehmonxonalar narxlari.
Boshqa xarajatlar
Hattoki safarning tejamkor shaklida ham qo‘shimcha xarajatlardan qochib bo‘lmaydi.
Sug‘urta 50–100 USD — 2-6 haftalik turpolis narxi.
Ovqatlanish kuniga 20–60 USD — kundalik ovqatlanish narxi diapazoni.
Shahar transporti kuniga 10–50 USD — metro/avtobus/taksi.
Aloqa 10–30 USD — oddiy SIM/eSIM.
Zaxira 100–300 USD — mayda xarajatlar uchun.
Odatda bu xarajatlar kamdan-kam hisobga olinadi, lekin yakunda jahon chempionatiga borishning umumiy qiymatiga sezilarli ta’sir ko‘rsatadi.
Jami
2026 yilgi jahon chempionatiga borishning jami qiymati.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot2 days ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi