Dunyodan
Fransua Olland Fransiya prezidenti lavozimiga qaytishi mumkin
Fransiyaning sobiq prezidenti Fransua Olland 2027-yilgi prezidentlik saylovlarida ishtirok etishi mumkinligini ma’lum qildi.
“Biz tayyorlanyapmiz”, dedi u Marianne jurnaliga bergan intervyusida. “Prezidentlik saylovlari nafaqat Fransiya, balki butun tarix uchun muhim masalalarni hal qiladi”.
2012-2017-yillarda Fransiyani boshqargan prezident Olland Beshinchi respublika tarixidagi eng past ma’qullash reytingiga ega bo‘lgan prezidentlardan biri hisoblanadi. U 2017 yilda Yelisey saroyini atigi 4 foizlik reyting bilan tark etgan.
Hozircha uning siyosiy salohiyati yuqori baholanmagan. So‘rov natijalariga ko‘ra, saylovchilarning 10 foizdan kamrog‘i prezident Ollandni qo‘llab-quvvatlaydi.
Ayni paytda o’ng qanot “Milliy birlik” partiyasi yuqori ko’rsatkichni saqlab turibdi. Partiya yetakchilari Marin Le Pen va Jordan Bardellani 30 foizdan ortiq qo‘llab-quvvatlagan.
Qizig‘i shundaki, prezident Olland davrida Fransiyaning o‘ta o‘ng qanoti mamlakatda asosiy siyosiy o‘yinchiga aylandi.
Prezident Olland a’zoligicha qolayotgan Sotsialistik partiya ichida ham bir oz shubha bor. Partiya vakillaridan biri Mariannaga uning siyosatga katta qaytishiga ishonmasligini aytdi.
Shunga qaramay, prezident Olland o‘zining asosiy ustunligi sifatida davlat rahbari sifatidagi tajribasini ko‘rsatmoqda. U prezident sifatidagi besh yillik faoliyati, xalqaro sammitlardagi ishtiroki va inqiroz davrida mamlakatni boshqarganini esladi.