Sport
FIFA sobiq rahbari Blatter jahon chempionatini boykot qilishga chaqirdi
FIFA sobiq rahbari Zepp Blatter ba’zi siyosatchilar va futbol ekspertlariga qo‘shilib, muxlislarni 2026 yilgi futbol bo‘yicha jahon chempionatini tomosha qilish uchun Qo‘shma Shtatlarga bormaslikka chaqirdi.
FIFA sobiq rahbari Zepp Blatter AQSh prezidenti Donald Tramp va uning ma’muriyatining mamlakat ichidagi va xorijdagi xatti-harakatlari tufayli muxlislarning 2026 yilda AQShda bo‘lib o‘tadigan futbol bo‘yicha jahon chempionati o‘yinlarini boykot qilish taklifini qo‘llab-quvvatladi.
Blatter jahon chempionati uchun AQSh mezbon mamlakat sifatida munosibligini shubha ostiga qo‘ydi va ijtimoiy tarmoqdagi postida turnirni boykot qilishga chaqirdi.
AQSh Kanada va Meksika bilan birgalikda 11 iyundan 19 iyulga qadar futbol bo‘yicha jahon chempionatiga mezbonlik qiladi.
Blatter iqtisodiy jinoyatlar va korrupsiyaga qarshi kurash bo‘yicha shveysariyalik huquqshunos Mark Pitning futbol muxlislarini AQShdan uzoqroq bo‘lishga chaqirgan fikrlarini qo‘llab-quvvatladi.
«Agar biz muhokama qilgan narsalarning barchasini hisobga olsak, muxlislar uchun faqat bitta maslahat bor: AQShdan uzoqroq yuring!», dedi o‘n yil oldin FIFA Islohotlarni nazorat qilish mustaqil qo‘mitasiga ham rahbarlik qilgan Pit o‘tgan hafta Shveytsariyaning Der Bund gazetasiga bergan intervyusida.
«Nima bo‘lganda ham, televizorda bu yaxshiroq ko‘rinadi. Borgandan keyin esa muxlislar agar rasmiylarning talablarini qondira olmasa, darhol uyga eng yaqin reysga o‘tqazishlariga tayyor bo‘lishi kerak. Agar omadi kelsa», dedi Pit.
Ijtimoiy tarmoqdagi postida Blatter Pitdan iqtibos keltirib, qo‘shimcha qildi: «Menimcha, Mark Pit bu jahon chempionatini shubha ostiga qo‘yganida haq».
89 yoshli siyosatchi 1998 yildan 2015 yilgacha FIFA prezidenti lavozimida ishlagan, shundan so‘ng, korrupsiya bo‘yicha tergov tufayli iste’foga chiqqan.
Xalqaro futbol hamjamiyatining AQShga nisbatan xavotirlari Trampning Grenlandiyaga nisbatan ekspansionistik pozitsiyasi, sayohat taqiqlari va AQSh shaharlarida, ayniqsa Minneapolisda immigratsiya qonunchiligining kuchaytirilishiga qarshi chiqayotgan migrantlar va namoyishchilarga nisbatan tajovuzkor taktikasi bilan bog‘liq.
Ikki hafta oldin, Tramp ma’muriyati Senegal va Kot-d’Ivuar fuqarolariga mamlakatga vizasiz kirishni taqiqladi. Shuningdek, jahon chempionatiga yo‘llanma olgan yana ikki davlat – Eron va Haiti muxlislariga ham AQShga kirish taqiqlangan edi.
Ta’kidlash joiz, jahon chempionatini boykot qilishga chaqiriqlar hali biror marta rasmiy darajada yangramadi. Bunday chaqiriqlar alohida, norasmiy shaxslarga tegishli bo‘lib qolmoqda.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot2 days ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi