Vinisius mundialda yorqin o‘yin o‘tkazmoqda; pley-off masalasini hal qilgan yana bir jamoa nomi ma’lum; Turkiya esa ikki o‘yinda jami 62 ta zarbadan birorta gol ura olmadi va guruhdan chiqa olmaydigan bo‘ldi – Paragvayga qarshi bir bo‘lim davomida son jihatdan ustunlik ham naf bermadi – shu o‘yinda paragvayliklar futbolchisiga qo‘li bilan og‘zini yopganlik uchun ilk qizil kartochka ko‘rsatildi.

2026 yilgi jahon chempionatining navbatdagi kuni ham voqealarga boy bo‘ldi. AQSh milliy jamoasi Avstraliyani mag‘lub etdi (2:0) va Meksika ortidan pley-off masalasini muddatidan oldin hal qilgan ikkinchi jamoaga aylandi, Shotlandiya Marokashga minimal hisobda yutqazdi (0:1), Braziliya Haitini tor-mor etdi (3:0), Turkiya va Paragvay o‘yinida esa futbolchilar nizosi chog‘ida og‘zini qo‘li bilan to‘sganlik uchun ilk chetlatish kuzatildi.

Maydon tashqarisida ham shov-shuvli voqealar davom etmoqda: marokashlik Ashraf Hakimi zo‘ravonlik ishi bo‘yicha sud qilinadi, ispaniyalik hujumchi Borxa Iglesias mehmonxonadagi qo‘riqchi bilan bog‘liq noqulay holatga tushib qoldi, Messining otasining kasalligi milliy mojaroga aylandi.

Amerikaliklar guruhdan chiqishdi

AQSh – Avstraliya 2:0

Gollar: Berjyess, 11 avtogol (1:0). Frimen, 43 (2:0)

AQSh: Friz, Richards, Rim, Frimen, Adams, Makkenni (Reyna, 90+6), Tillman, Robinson (Trasti, 80), Dest (Skalli, 80), Pepi (Berhalter, 74), Balogun (Rayt, 90+6)

Avstraliya: Bich, Chirkati, Suttar, Berjyess (Geriya, 46), Bos, Italyano, O`Nill, Okon-Engstler (Irvayn, 78), Velupillay (Metkalf, 46), Leki (Volpato, 61), Ture (Irankunda, 46)

Ogohlantirishlar: Robinson, 56. Balogun, 89. Richards, 90 – Bos, 16. Chirkati, 32. Suttar, 89. Italyano, 89

AQSh milliy jamoasi o‘z uyidagi turnirni muvaffaqiyatli boshlab, Paragvayni birinchi turda 4:1 hisobida mag‘lub etgandi. Shu tufayli guruh masalasini ikkinchi turdayoq hal qilish uchun Avstraliya ustidan har qanday hisobdagi g‘alaba kifoya qilardi. Yashil qit’a vakillari ham birinchi turda Turkiya ustidan g‘alaba qozongandi (2:0), ammo bu ko‘proq omad evaziga bo‘lgandi – jamoa 90 daqiqani himoyada o‘tkazgan va o‘z darvozasi tomon 30 zarba berilishiga yo‘l qo‘ygandi. Shu tufayli oldindagi uchrashuvda mezbonlar yaqqol favorit sifatida ko‘rilayotgandi.

Amerikaliklar turklarning xatolaridan saboq chiqarishdi va butun kuch bilan oldinga tashlanishmadi – buning o‘rniga Marsh shogirdlari muvozanatli o‘yin ko‘rsatishdi va faqat rejali hujumlar amalga oshirishdi. O‘yinning 11-daqiqasidayoq hisob ochildi – Kemeron Berjyess o‘z darvozasini ishg‘ol etib qo‘ydi. 32-daqiqada avstraliyaliklar bir kishi kam bo‘lib qolishi mumkin edi, ammo bosh hakam Chirkatini ayadi – ushbu himoyachiga butsasining ostki qismi bilan raqib oyog‘iga oshkora berilgan zarba uchun qizil kartochka ko‘rsatilishi ham mumkin edi.

43-daqiqada esa o‘yin taqdiri amalda hal bo‘ldi – Aleks Frimen jarima maydoni tashqarisidan yo‘llagan zarbasi bilan jamoasining ikkinchi golini urdi.

Ikkinchi bo‘limda «yankilar» hisobdan kelib chiqqan holda kuch tejab harakat qilishdi, avstraliyaliklarda esa vaziyatni o‘zgartirish uchun kuch yetmadi. Turnir mezbonlari g‘alabani saqlab qolishdi va Meksika ortidan muddatidan oldin pley-offga yo‘l olishdi.

Tantashevga e’tirozlar

Shotlandiya – Marokash 0:1

Gol: Saybari, 2 (0:1)

Shotlandiya: Gann, Henli, Hendri, Roberson, Patterson (Ralston, 88), Kristi (Maklin, 71), Fergyuson, Tirni (Douk, 60), Makginn (Styuart, 88), Maktominay, Adams (Dayks, 71)

Marokash: Bunu, Diop, Riyoz, Mazraviy, Hakimi, Buaddi, Al-Aynaviy, Unai (Al-Murabet, 90), Al-Hannus (Talbi, 83), Dias (Rahimi, 83), Saybari (Amaymuni-Eshguyab, 83)

Ogohlantirishlar: Roberson, 65 – Diop, 22

Shu kuni o‘zbekistonlik hakam Ilgiz Tantashev ham jahon chempionatida debyut qildi. Uning boshqaruvidagi o‘yinda marokashliklarning 2-daqiqadayoq urgan goli yagonaligini saqlab qoldi. O‘tgan turda Braziliya darvozasini ishg‘ol etgan Ismoil Saybari bu safar ham Braim Diasning pasidan unumli foydalandi.

Shotlandlar esa shu kuni faqat penalti orqali hisobni tenglashtirishga harakat qildi va ikki bor penalti talab qilishdi, ammo Tantashev jarima maydoni ichida yiqilgan Jon Makginnga ham, Skott Maktominayga ham ishonmadi – bu vaziyatlarda chindan ham fol qayd etish uchun yetarlicha kontakt bo‘lmagandi. 

Bundan tashqari, britaniyaliklar jamoasi muxlislari birinchi bo‘limda Adamsni to‘xtatib qolgan Diopga «so‘nggi umid foli» uchun qizil emas, sariq kartochka ko‘rsatilganiga e’tiroz bildirishgan. Lekin bu holatda xuddi shu chiziqda marokashliklarning boshqa himoyachisi ham bo‘lgani hakamning qarori to‘g‘ri bo‘lganini ko‘rsatadi.

Britaniyada mundial o‘yinlarini namoyish etish huquqiga ega ITV telekanali ekspertlarining hakamning ishini baholash bo‘yicha fikri ikkiga bo‘lindi. Sobiq hakam Kristina Unkel Skott Maktominay bilan bog‘liq vaziyatda penalti belgilanishi kerak edi, deb hisoblaydi.

«Tantashev futbolchilarga yakkakurashlarda nisbatan qattiqroq o‘ynashga, jismoniy kurashlarga imkon berishi bilan tanilgan. Ammo bu vaziyatda penalti belgilashi uchun ko‘p narsa kerak emasdi», – degan Unkel.

Sobiq futbolchi Roy Kin esa boshqacha fikrda. Uning hisoblashicha, o‘sha epizodda Skott Maktominayning o‘zi yiqilishni ko‘proq xohlagan.

«Menimcha, bu penalti emas. U shunchaki yiqilishni istadi. O‘yin juda qattiq kechdi. Hakam esa ba’zi holatlarda o‘yinga ortiqcha aralashib yubordi: futbolchilar yiqilishi bilan fol qayd etdi», – degan Roy Kin ITV efirida.

Shotlandlar ustozi Stiv Klark esa Makginn bilan bog‘liq holatni 50 ga 50 deb baholagan va hakamning qaroriga e’tiroz bildirmagan.

Braziliya Haitiga imkon qoldirmadi

Braziliya – Haiti 3:0

Gollar: Kunya, 23 (1:0). Kunya, 36 (2:0). Vinisius Junior, 45+3 (3:0)

Braziliya: Alisson, Gabriel Magalyayns, Markinos, Duglas Santos, Danilu Luis, Kazemiro, Lukas Paketa (Endrik, 64), Gimarayns (Danilu Santos, 81), Vinisius Junior, Rafinya (Rayan, 40), Kunya (Martinelli, 64)

Haiti: Plasid, Ade, Delkrua, Dyuvern, Eksperens, Arkus (Simon, 46), Bellegard (Etenn, 81), Denli, Providens (Jozef, 71), Kazimir (Didson, 63), Perro (Izidor, 46)

Ogohlantirishlar: Duglas Santos, 65 – Arkus, 4. Perro, 45. Denli, 72

O‘yin kutilganidek pentakampeonlarning to‘liq ustunligida kechdi va o‘yin taqdiri birinchi bo‘limdayoq hal bo‘ldi: Mateus Kunya dubl qayd etdi, birinchi bo‘limga qo‘shib berilgan daqiqalarda Vinisius Junior mundialdagi ikkinchi golini urdi.

Ikkinchi bo‘limda Anchelotti shogirdlari ochiqchasiga kuch tejab o‘ynadi va saviya hisobiga yirik hisobdagi ustunlikni saqlab qoldi – 3:0. Ammo Rafinyaning jarohati jamoa muxlislarining ko‘nglinini biroz xira qildi – «Barselona» yarimhimoyachisi 40-daqiqada almashtirildi, uning holati haqida hozircha aniq ma’lumot yo‘q.

Braziliya bu g‘alaba evaziga S guruhida peshqadam bo‘lib oldi, Haiti esa oxirgi tur natijasidan qat’i nazar pley-offga chiqish imkoniyatini yo‘qotdi.

Turklar ko‘pchilik bo‘lib yutqazdi

Turkiya – Paragvay 0:1

Gol: Galarsa, 2 (0:1)

Turkiya: Ugurjan Chaqir, Merih Demiral, Abdulkarim Bardakchi (O‘rxun Ko‘kchi, 86), Ferdi Kadio‘g‘li (Eren Elmali, 70), Mert Muldur, Hoqon Chalxono‘g‘li, Ismoil Yuksak (Uzun, 60), Arda Guler, Kenan Yildiz, Yunus Oqgun (Gul, 60), Karim Oqturko‘g‘li (Barish Yilmaz, 46)

Paragvay: Hil, Alderete, G. Gomes, Alonso, Kaseres (Maydana, 81), D. Gomes (Velaskes, 67), Kubas, Galarsa (Kanale, 90), Almiron, Ensiso (Avalos, 90), Pitta (Bobadilya, 46)

Ogohlantirishlar: Eren Elmali, 71 – Galarsa, 4

Chetlatish: Almiron, 45

Shu kuni eng ko‘p muhokamalar markazida turgan o‘yin Turkiya va Paragvay bahsi bo‘ldi. Shu kuni futbolga kiritilgan yangi qoidalardan biri ishga tushdi.

Birinchi bo‘limga qo‘shib berilgan daqiqalarda paragvayliklar yetakchisi Migel Almiron maydon markazidagi bahs vaqtida turklar himoyachisi Mert Muldur qarshisida turgan holda qo‘lini og‘zi bilan to‘sib, nimadir dedi. Raqib esa darhol bosh hakamdan ushbu vaziyatga e’tibor qaratishni so‘radi.

Ushbu mundial arafasida futbolga kiritilgan yangi qoidalarga ko‘ra bunday harakat darhol qizil kartochka bilan jazolanishi belgilangan. Salvadorlik arbitr Ivan Barton monitor qarshisiga borib, vaziyat takrorini ko‘rib chiqdi va qoida bo‘yicha ish tutdi.

Bu jahon chempionati tarixiga og‘izni yopganlik uchun ko‘rsatilgan ilk qizil kartochka sifatida kirdi («Vinisius qonuni» deb nom olgan bu qoida futbolga YeChL pley-off bosqichida «Benfika» va «Real» o‘rtasidagi o‘yindan keyin paydo bo‘lgan. O‘shanda portugallar jamoasi futbolchisi Janluka Prestianni og‘zini yopgan holda Vinisiusga irqchilik ruhidagi so‘zlarni ishlatgandi. Ushbu mojarodan keyin ishlab chiqilgan va FIFA tomonidan tasdiqlangan qoidaga ko‘ra, futbolchi raqib bilan mojaro yoki bahs vaqtida o‘z og‘zini qo‘li, futbolkasi yoki boshqa narsa bilan bekitsa, hakam tomonidan unga to‘g‘ridan to‘g‘ri qizil kartochka ko‘rsatilishi belgilandi).

Bu o‘yinning 2-daqiqasidayoq Paragvay hisobni ochgandi – turklar maydon markazida to‘pni yo‘qotdi va tezkor uyushtirilgan qarshi hujumni Matias Galarsa jarima maydoni tashqarisidan yo‘llangan aniq zarbasi bilan yakunlab berdi. Bir bo‘lim davomida son jihatdan ozchilik bo‘lib o‘ynaganiga qaramay, janubiy amerikaliklar tartibli himoyalanishdi va o‘yin davomida yo‘llangan 32 zarbadan birorta gol o‘tkazib yuborishmadi.

Endi unikal statistika yuzaga keldi: Vinchenso Montella shogirdlari ikki o‘yinda 62 zarba yo‘llashdi, ammo birorta gol urishmadi va amalda turnir bilan xayrlashdi, endi ushbu jamoa so‘nggi turda AQSh bilan o‘yinda qanday hisob qayd etilishidan qat’i nazar guruhda so‘nggi o‘rinda qoladi.

Hakimi atrofidagi mojaro

Jahon chempionati – jinoiy ishlarni to‘xtatish uchun sabab bo‘la olmaydi. «PSJ» himoyachisi va Marokash milliy jamoasi sardori Ashraf Hakimi bunga shaxsan amin bo‘ldi, u 2023 yilda zo‘ravonlik qilishda ayblangandi. Turnir vaqtida ish sudga oshirilgani ma’lum bo‘ldi – futbolchi tomonidan berilgan apellyatsiya rad etilgan.

Marokashlik futbolchining o‘zi bunga munosabat bildirdi – u sud jarayonini intiqlik bilan kutmoqda.

«Adolat mening ko‘zlarimga qarab: „Agar sen mashhur odam bo‘lmaganingda, bu ish hech qachon sodir bo‘lmasdi“, dedi. Men ko‘p yillar davomida sukut saqlashni afzal ko‘rdim. Men qadr-qimmatni saqlash, sabr-toqat va adolatga ishonch to‘g‘ri qarorlar qabul qilishga imkon beradi, deb hisoblardim. Lekin endi men sudni kutyapman. Nihoyat o‘z fikrimni ayta olaman», – deya yozgan Hakimi ijtimoiy tarmoqlardagi sahifalarida.

Iglesiasni tanishmadi

Ispaniya milliy jamoasi bilan kulgili holat sodir bo‘ldi – qo‘riqchi jamoa hujumchisi Borxu Iglesiasni tanimadi va mehmonxonaga kiritmadi. Forvard o‘z sevgilisi bilan Chattanuge shahrini aylanishga (ispanlar qarorgohi shu yerda) chiqib ketgandi, ammo ruxsatnomasini unutib qoldirgani uchun xonasiga qaytib kira olmadi.

Bu epizod videoga tushib qolgan. Unda Borxa vaziyatga yumor bilan yondashganini ko‘rish mumkin – avvaliga u milliy jamoa futbolchisi ekanini tushuntirishga harakat qilgan, keyin esa xodimlardan biriga qo‘ng‘iroq qilgan. Ko‘p o‘tmay ichkaridan chiqib kelgan xodim Iglesiasni o‘zi bilan birga olib kirib ketgan va voqea baxtli yakun topgan.

Messining otasini «dafn etishdi»

18 iyun kuni Lionel Messining oilasi futbolchining otasi Xorxe og‘ir betob bo‘lib qolgani haqidagi xabarlarni tasdiqladi.

«U sog‘lig‘i bilan bog‘liq muammolarni boshdan kechirmoqda. Hozirda shifokorlar nazorati ostida bo‘lib, sog‘ayib, ahvoli yaxshilanib bormoqda. Mas’uliyatli bo‘lish va insonparvarlikni saqlab qolishni so‘raymiz, tushunganingiz uchun minnatdormiz», – deyiladi rasmiy xatda.

Lekin bu murojaatni hamma ham diqqat bilan o‘qimagani ma’lum bo‘ldi. Argentinalik boshlovchi Florensiya Penya Luzu TV telekanalida jonli efir vaqtida yolg‘on ma’lumot tarqatdi: «Dilingizni xira qilishni istamasdim, ammo hozirgina Messining otasi vafot etdi. Jahon chempionati vaqtida».

Penya buning uchun uzr so‘ragan bo‘lsa-da, ko‘p o‘tmay ishdan bo‘shatildi. Argentina prezidenti Haviyer Miley ham bu qarorni qo‘llab-quvvatlab chiqdi va buni ifodalashda so‘z tanlab o‘tirmadi: «Ommaviy axborot vositalaridan hamma narsani ko‘rib bo‘lgandek tuyulganda, ular har doim hayratlanarli narsani o‘ylab topishadi. Penyaning dahshatli iboralari bizga jazosizlikni eslatadi… Yaxshiyamki, kanal baribir insof bilan yo‘l tutib, bu mayda g‘iybatchi, jirkanch shaxsni ishdan bo‘shatdi», – degan Miley.

20-21 iyun kungi o‘yinlar

Mundialda ikkinchi tur davom etadi – 20 iyun kuni kechqurun va 21 iyunga o‘tar kechasi quyidagi o‘yinlar belgilangan:

00.00. F guruhi. Niderlandiya – Shvetsiya
01.00. E guruhi. Germaniya – Kot-d’Ivuar
05.00. E guruhi. Ekvador – Kyurasao
09.00. F guruhi. Tunis – Yaponiya

Source link

Ikkinchi tur start oldi: pley-offning ilk ishtirokchisi ma’lum.

2026 yilgi jahon chempionatida guruh bosqichining ikkinchi tur uchrashuvlari boshlandi: dastlabki o‘yinda Chexiya va JAR ochkolarni bo‘lishib olishdi (1:1), Shveytsariyaning zaxiradan tushirilgan yosh futbolchisi Bosniya va Hersegovinaga qarshi o‘yinni hal qildi (4:1), Kanada Qatar darvozasiga istagancha gol urdi (6:0), Meksika esa Janubiy Koreyani mag‘lub etib (1:0), pley-off masalasini hal qilgan ilk jamoaga aylandi.

Maydondan tashqarida ham shov-shuvli voqealar davom etmoqda – 40 yoshli darvozabon Manuel Noyyer Germaniya milliy jamoasidagi faoliyatini yakunlashi haqida e’lon qildi, Neymar hali Braziliya tarkibiga qayta olmapyati, Angliya milliy jamoasi ustozi Tomas Tuhel esa fotomuxbirlar ustidan shikoyat qildi.

Meksika hal qildi

Meksika – Janubiy Koreya 1:0

Gol: Romo, 50 (1:0)

Meksika: Ranhel, Alvares, Vaskes, Galyardo, Sanches, Lira, Romo (Pineda, 71), Guterres (Vargas, 71), Kiniones (Uerta, 84), Alvarado (Reyyes, 80), R. Himenes (S. Himenes, 80)

Janubiy Koreya: Kim Sin Gyu, Kim Min Je, Li Gi Hek, Li Hang Bem, Hvang In Bom, Pek Sin Ho (Guye Son Cho, 77), Sol Yen U (Yem Ji Sun, 71), Kim Mun Hvang (Hyun Jun Yan, 71), Li Je Son (Hvang Hi Chhang, 57), Li Kan In, Son Heung Min (Hon Gu O, 57)

Ogohlantirishlar: Li Kan In, 4. Pek Sin Ho, 58

Janubiy Koreya va Meksika turnirni g‘alaba bilan boshlagandi, ammo ularning o‘zaro uchrashuvini yorqin kechdi deyish qiyin. Birinchi bo‘lim davomida darvoza sohasiga to‘g‘ri borgan bittagina zarba bo‘ldi.

Ikkinchi bo‘lim boshida osiyoliklar darvozaboni o‘z jamoasi himoyachisi bilan to‘qnashib ketib, to‘pni qo‘ldan chiqarib yubordi va Romo bo‘sh darvozani osonlik bilan hisobni ochdi.

O‘yinning qolgan qismini janubiy koreyaliklar faolroq o‘tkazishdi va qator vaziyatlarga ega bo‘lishdi, o‘yin oxirlarida meksikaliklar darvozaboni Jo Gu Sonning yaqin masofadan yo‘llagan zarbasini qaytardi.

Yana bir vaziyatda esa Edson Alvares darvoza to‘riga kirib ketayotgan to‘pni to‘xtatib qoldi. Yakunda Romoning goli yagonaligini saqlab qoldi.

Bu natija evaziga turnir mezbonlari 2026 yilgi jahon chempionatining pley-off masalasini hal qilgan ilk jamoasiga aylandi: ikki turdan keyin Meksika A guruhida 6 ochko bilan peshqadam bo‘lib olgan.

Og‘ir jarohat kanadaliklar shousini buzib qo‘ydi

Kanada – Qatar 6:0

Gollar: Larin, 16 (1:0). Devid, 29 (2:0). Devid, 45+3 (3:0). Saliba, 64 (4:0). Al-Mannai, 75 – avtogol (5:0). Devid, 90+2 (6:0)

Kanada: Krepo, De Fujyerol (Oluvaseyi, 71), Kornelius (Bombito, 46), Lareya, Jonston, Eushtakiu, Kone (Saliba, 56), A. Ahmad (Shaffelberg, 71), Byukenen (Sigur, 83), Larin, Devid

Qatar: Abunada, Pedru Migel, Huhi, X. Ahmad, Al-Oui, Madibo, Layye, Abdulsalom (Fati, 46, Mendes, 87), Afif (Al-Husayn, 59), Edmilson Junior (Al-Mannai, 46), Abdurisoq (Al-Brake, 40)

Ogohlantirishlar: Kornelius, 9 – Fati, 62

Chetlatish: X. Ahmad, 33. Madibo, 51

Birinchi turda Shveytsariya bilan o‘yinda durangga erishgan (1:1) Qatar darvozasiga bu safar tepilgan to‘pning barchasi kirib ketaverdi. Dastlab Kayl Larin va Jonatan Devid 29-daqiqaga kelib hisobni qulay ko‘rinishga keltirdi, ko‘p o‘tmay Hulen Lopetegi shogirdlari Homam Ahmadning jarima maydoni yaqinidagi qo‘polligi tufayli o‘n kishi bo‘lib qolishdi, birinchi bo‘limga qo‘shib berilgan daqiqalarda Devid yana bir goli bilan hisobni yiriklashtirdi – 3:0.

Lekin kanadaliklarga jahon chempionatidagi ilk g‘alaba (shimoliy amerikaliklar oldingi ikki turnirdagi olti o‘yinda ham yutqazgandi) unchalik tatimadi: ikkinchi bo‘lim boshlarida Qatar himoyachisi Assim Madibo to‘pni olib qo‘yishga urinib, Ismoil Konening oyog‘iga ortdan zarba berdi va unga ham qizil kartochka ko‘rsatildi. O‘yin olti daqiqadan vaqt mobaynida to‘xtab qoldi, bu vaqtda tibbiyot xodimlari jabrlangan futbolchiga yordam ko‘rsatishdi, ikki jamoa futbolchilari va murabbiylar shtabi vakillari esa dahanaki jangga kirishishdi.

O‘yindan keyin jurnalist Fabritsio Romano ma’lumot berishicha, Konega «chap oyog‘ning kichik va katta boldir suyaklarining sinishi» tashxisi qo‘yilgan.

Mezbonlar bu epizoddan keyin raqibga umuman shafqat qilishmadi va yana uchta gol urishdi – 6:0. Devid het-trik rasmiylashtirdi, Natan Saliba jarima zarbasini golga aylantirdi va bu golini Konening familiyasi yozilgan futbolkani ko‘tarib nishonladi.

Shveytsarlar kutilmaganda yirik g‘alabaga erishdi

Shveytsariya – Bosniya va Hersegovina 4:1

Gollar: Manzambi, 74 (1:0). Vargas, 84 (2:0). Manzambi, 90 (3:0). Mahmich, 90+3 (3:1). Jaka, 90+7 – penalti (4:1)

Shveytsariya: Kobel, Elvedi, Akanji, Rodriges, Vidmer (Hakes, 86), Jaka, Froyler, Ebisher (Manzambi, 72), Ndoy (Sou, 72), Embolo (Itten, 89), Rider (Vargas, 72)

Bosniya va Hersegovina: Vasil, Muharemovich, Katich, Kolashinats, Dedich, Tahirovich (Bashich, 63), Shunich (Hojiahmetovich, 85), Alaybegovich (Mahmich, 90+1), Memich, Demirovich (Lukich, 85), Jyeko (Bayraktarevich, 63)

Ogohlantirishlar: Elvedi, 65 – Dedich, 59. Jyeko, 61

Chetlatish: Muharemovich, 80

Birinchi turda shveysarlar barcha jabhalarda katta ustunlikka erishgan (Xg bo‘yicha 3,25), ammo vaziyatlardan foydalana olmagan va so‘nggi daqiqalarda gol o‘tkazib yuborib, ochko yo‘qotgandi (1:1). Ikkinchi turda esa bu omadsizlik uchun jamoa o‘ziga xos tarzda kompensatsiya oldi.

Bosniya va Hersegovina bilan o‘yin maksimal darajada zerikarli kechdi. 74-daqiqagacha tabloda nollar yonib turdi. Keyin esa barchasi tezlashib ketdi: «Frayburg»ning 20 yoshli yarimhimoyachisi Joan Manzambi zaxiradan o‘yinga qo‘shilganidan ikki daqiqa o‘tib hisobni ochdi, bosniyaliklar esa biroz o‘tib son jihatdan ozchilik bo‘lib qolishdi va o‘yin oxirigacha yana uchta gol o‘tkazib yuborishdi. Jumladan, jamoa sardori, 33 yoshli Granit Jaka qo‘shimcha daqiqalarda penaltidan yakuniy hisobni o‘rnatdi va goldan keyin tribunalar qarshisiga borib, jamoani tanqid qilganlarga qarata jim bo‘lish ishorasini ko‘rsatdi.

Bosniya va Hersegovina esa bu oraliqda to‘rtta golga bittagina gol bilan javob qaytardi. Lekin bu o‘yindagi eng chiroyli gol bo‘ldi – zaxiradan o‘yinga qo‘shilgan Ermin Mahmich havodagi to‘pni to‘xtatmasdan zarba yo‘lladi. Faqat bu golning chiroyidan naf yo‘q: bolqonliklar yirik mag‘lubiyatdan keyin amalda guruhdan chiqish imkoniyatini yo‘qotdi.

Chexiya va JAR o‘yinida g‘olib aniqlanmadi

Chexiya – JAR 1:1

Gollar: Sadilek, 6 (1:0). Mokoena, 83 – penalti (1:1)

Chexiya: Kovarj, Granach, Kreychi, Xolesh, Darida (Zeleni, 55), Cherv (Zima, 78), Sadilek (Provod, 67), Soyka (Shuls, 55), Tsoufal, Glojyek (Souchek, 67), Shik

JAR: Uilyams, Mbokazi, Okon, Modiba, Mudau, Mokoena, Adams (Mofokeng, 46), Mbata, Appollis, Maseko (Sebelebele, 84), Rayners (Makgopa, 66)

Ogohlantirishlar: Kreychi, 75 – Mokoena, 33. Mbata, 40

Chexlar va janubiy afrikaliklar o‘yini qaysidir ma’noda «omadsizlar dueli»ga aylandi – ikki jamoa ham birinchi turda yutqazgandi va amalda bu ikki jamoa o‘yinida turnirni birinchi bo‘lib tark etadigan jamoa aniqlanishi kerak edi.

Shu bilan birga, Chexiyada imkoniyat yaxshiroq edi – bu jamoa Janubiy Koreyaga qarshi o‘yinda (1:2) yaxshiroq ko‘ringan va ancha vaqt hisobda oldinda borgan edi. Afrikaliklar esa, yumshoq qilib aytganda, Meksikaga qarshi o‘yinda (0:2) juda ojiz ko‘rinishgan, shu tufayli ular Yevropa jamoasiga qarshi yaxshiroq o‘ynashini tasavvur qilish qiyin edi.

Avvaliga bunday prognoz amalga oshayotgandi: chexiyaliklar safida Mixal Sadilek 6-daqiqadayoq aut tashlash orqali boshlangan hujum yakunida hisobni ochdi. Ular turnir oldidan bunday ishlanmani juda ko‘p mashq qilishgani tayin – koreyaliklar darvozasi ham shunday uslubda ishg‘ol etilgandi.

Ammo shundan keyin Miroslav Koubek shogirdlari o‘yinni tashlab yuborishdi va qolgan vaqtni himoyada o‘tkazishdi. Afrikaliklar esa barcha pozitsiyalardan hujum uyushtirib, o‘yin oxiriga kelib penalti ishlashdi. Jamoa yetakchisi Teboxo Mokoena 11 metrdan aniq zarba berib, shundan keyin muxlislar boshqa gol ko‘rishmadi. Demak, A guruhida qolib ketadigan jamoa(lar) nomi faqat so‘nggi turda aniq bo‘ladi.

Husanov uzr so‘radi

O‘zbekiston terma jamoasi himoyachisi Abduqodir Husanov Kolumbiyaga qarshi Jahon chempionati o‘yinida jarohat olgan operatorga dastxati va «I am sorry» («Kechirasiz») degan yozuvi tushirilgan futbolkasini yubordi.

Hodisa payshanba kuni bo‘lib o‘tgan «K» guruhi o‘yinining birinchi bo‘limida sodir bo‘lgan. «Manchester Siti»ning 22 yoshli futbolchisi maydon chetida Kolumbiya terma jamoasi hujumchisi Luis Dias bilan to‘p uchun kurashishga urinayotib, translatsiya kamerasi operatori bilan to‘qnashib ketgan edi. Operatorga tibbiy yordam ko‘rsatilib, shifoxonaga olib borilgan.

🚨🇺🇿 Khusanov’s tackle obliterates Luis Diaz and the cameraman. 😱⚽ Camera worth thousands of dollars destroy with the operator needing medical attention🚑💥 pic.twitter.com/LxftcZkBIy

— City Exclusives (@city_exclusives) June 18, 2026

Keyinroq O‘zbekiston futbol assotsiatsiyasi vakillari jabrlanuvchini borib ko‘rdi va unga Husanovning dastxati tushirilgan futbolkani topshirdi. Futbolchi ham operatorga tezroq sog‘ayib ketishini tilagan.

Neymar davolanishda davom etmoqda

Neymarning muxlislari hali yana kutishiga to‘g‘ri keladi – Braziliya milliy jamoasi 34 yoshli forvard jarohatidan tiklanish jarayonini davom ettirayotgani tufayli Haitiga qarshi o‘yinda qatnasha olmasligini ma’lum qildi. Futbolchi jamoa bilan Filadelfiyaga yo‘l olmagan va Nyu Jyersidagi bazada qolgan.

Neymarning JCh uchun yakuniy tarkibga kiritilgani ko‘pchilikning e’tiroziga sabab bo‘lgandi – futbolchi so‘nggi oylarni ko‘proq maydonda emas, lazaretda o‘tkazgandi. U JCh birinchi turida Marokashga qarshi o‘yinni (1:1) ham o‘tkazib yuborgandi, shu tufayli uning o‘rniga boshqa futbolchini mundialga olib ketmagan Karlo Anchelottiga savollar ko‘paygandan ko‘paymoqda.

Noyyer milliy jamoadan ketadi

2026 yilgi jahon chempionati eng qayg‘uli mundiallardan biri sifatida tarixda qoladi: turnir ko‘pchilik buyuk futbolchilar uchun oxirgisi bo‘lib qolmoqda. Kimdir hozircha o‘z qarorini sir tutmoqda, kimdir esa bu haqda rasman e’lon qilmoqda – masalan, Germaniya milliy jamoasi posboni Manuel Noyyer.

«Bu mening Germaniya milliy jamoasidagi so‘nggi turnirim bo‘ladi, ikki yildan keyin Yevropa chempionatida ishtirok etishni rejalashtirmayapman. Xayrlashish va bu so‘nggi o‘yinim bo‘lishi haqida o‘ylamasdan, har bir o‘yinni intiqlik bilan kutishni xohlayman», – deya ma’lum qildi 40 yoshli darvozabon.

Tuhel fotograflardan norozi

Tomas Tuhel jahon chempionatini o‘ta kuchli boshladi – inglizlar Xorvatiyani 4:2 hisobida mag‘lub etishdi. Germaniyalik mutaxassis o‘yindan keyin o‘z futbolchilarini maqtovlarga ko‘mib tashladi. FIFAga esa e’tiroz bildirdi – o‘yindan oldin milliy madhiya ijro etilayotganida fotomuxbirlar uning qarshisida turib olib, ko‘rinishni to‘sib qo‘ygani unga umuman yoqmadi.

«FIFAdan ularni qayergadir ko‘chirishni iltimos qilaman. Madhiya ijro etilayotgan paytda futbolchilarni ko‘ra olmasdim… Garchi bu lahzani kutgan bo‘lsam-da. Bu o‘zgacha oqshom bo‘ldi, lekin men 50 nafar fotosuratchi tufayli yigitlarimni ko‘ra olmadim», – degan Tuhel.

Xalqaro futbol federatsiyasi hozircha uning so‘rovi bo‘yicha munosabat bildirmadi.

Superkompyuter taxmini

Opta tahlil portali versiyasiga ko‘ra, birinchi turdan keyin fransuzlar – 2026 yilgi jahon chempionligi uchun asosiy favoritlar bo‘lib turibdi. Superkompyuter Dide Desham jamoasi imkoniyatlarini 15,7 foizga baholagan – bu ikkinchi o‘rinni bo‘lishib turgan Angliya va Argentina (12,3 foiz)nikidan biroz yuqoriroq. Uchinchi o‘rinda Ispaniya (12,1 foiz) joylashgan.

E’tiborli tomoni, turnir startidan oldin Opta aynan ispanlarni asosiy favorit sifatida ko‘rayotgandi. Ammo ispanlar uchun birinchi tur muvaffaqiyatsiz kechdi va jamoa Kabo-Verdeni mag‘lub etolmadi (0:0). Fransiya, Angliya va Argentina esa turnirni muvaffaqiyatli boshlashdi.

19-20 iyun kungi o‘yinlar

20 iyunga o‘tar kechasi va tongda quyidagi qiziqarli uchrashuvlar bo‘lib o‘tadi:

00.00. D guruhi. AQSh — Avstraliya
03.00. C guruhi. Shotlandiya — Marokash
05.30. C guruhi. Braziliya — Haiti
08.00. D guruhi. Turkiya — Paragvay

Source link

Kanadaliklar futbolchisining oyog‘i sinib ketdi. Arablar jamoasi o‘yinni 9 kishi bo‘lib yakunladi va javobsiz 6 ta gol o‘tkazdi.

Foto: Alex Grimm/Getty Images

Dahshatli jarohat kanadaliklarning yorqin g‘alabasini xiralashtirdi  

Kanada – Qatar 6:0

Gollar: Larin, 16 (1:0). Devid, 29 (2:0). Devid, 45+3 (3:0). Saliba, 64 (4:0). Al-Mannai, 75 – avtogol (5:0). Devid, 90+2 (6:0)

Kanada: Krepo, De Fujyerol (Oluvaseyi, 71), Kornelius (Bombito, 46), Lareya, Jonston, Eushtakiu, Kone (Saliba, 56), A. Ahmad (Shaffelberg, 71), Byukenen (Sigur, 83), Larin, Devid

Qatar: Abunada, Pedru Migel, Huhi, X. Ahmad, Al-Oui, Madibo, Layye, Abdulsalom (Fati, 46, Mendes, 87), Afif (Al-Husayn, 59), Edmilson Junior (Al-Mannai, 46), Abdurisoq (Al-Brake, 40)

Ogohlantirishlar: Kornelius, 9 – Fati, 62

Chetlatish: X. Ahmad, 33. Madibo, 51

Kanadaliklar jahon chempionati guruh bosqichining ikkinchi turida Qatarni osonlik bilan mag‘lub etdi – 6:0. O‘yin taqdiri birinchi bo‘limdayoq hal bo‘ldi: o‘tgan turda ham bosniyaliklar darvozasiga yagona golni urgan Kayl Larin gollari sonini oshirib oldi, Jonatan Devid dublni rasmiylashtirdi. Bundan tashqari, 33-daqiqada Qatar ozchilik bo‘lib qoldi: Homam Ahmad darvozabon bilan yakkama-yakka vaziyatga chiqib borayotgan Byukenenga so‘nggi umid folini ishlatgan deb topildi va maydonan chetlatildi.

Birinchi bo‘limdayoq hisob yirik ko‘rinish oldi, ammo kanadaliklar to‘plar nisbatini yaxshilab olish uchun faollik bilan hujum qilishda davom etishdi. 51-daqiqada esa o‘yinda dahshatli voqea ro‘y berdi: qatarliklar himoyachisi Assim Madibo to‘pni olib qo‘yishga urinib, Ismoil Konega og‘ir jarohat yetkazdi.

Kanadaliklar yarimhimoyachisi gazonda yotgan holda oyog‘iga qaradi va dahshatga tushib, qo‘llari bilan yuzini yopdi – uning chap oyog‘i sinib ketgan va notabiiy ko‘rinishga kelgandi.

O‘yin shu zahoti to‘xtatildi. Konening jamoadoshlari darhol Madiboni o‘rab olishdi va keskin ohangda e’tiroz bildira boshlashdi. Ammo himoyachining o‘zi qilib qo‘ygan ishidan karaxt holatga tushgandi. Uni tinchlantirish uchun jamoa darvozaboni Mahmud Abunada yetib keldi.

O‘yin bosh hakami Kristian Garay avvaliga qoidabuzarga sariq kartochka ko‘rsatgandi, ammo fol oqibatlarini ko‘rganidan keyin qarorini o‘zgartirib, futbolchini maydondan chetlatdi.

Maydonda ikki jamoa vakillari, jumladan, murabbiylar shtabi a’zolari o‘rtasida kichik to‘qnashuvlar ham bo‘lib o‘tdi.

O‘yinda olti daqiqadan ko‘proq to‘xtalish yuzaga keldi. Maydonga jonlantirish brigadasi tushib keldi. Tibbiy yordam ko‘rsatish chog‘ida kanalik futbolchilar Kone va shifokorlarni har tomondan o‘rab turishdi.

Kone hushini yo‘qotmagandi. U zambilda maydonni tark etish chog‘ida tribunadagilarga qo‘l silkitishga ham o‘zida kuch topa oldi.

Futbolchilar o‘ziga kelishi uchun ham vaqt talab etildi. Kanadaning ayrim futbolchilari ko‘z yoshlarini tiya olishmayotgandi.

Ammo pauzadan keyin o‘yin davom ettirildi va gol urishda davom etishdi.

Konening o‘rnini egallagan Saliba 64-daqiqada to‘rtinchi golni urdi va Konening futbolkasini ko‘targan holda golni unga bag‘ishladi.

Kanadaliklar bu bilan to‘xtashmadi va Shveytsariyaga qarshi hal qiluvchi o‘yin oldidan gollar nisbatini yaxshilash bo‘yicha ishni davom ettirishdi. To‘qqiz kishi bo‘lib qolgan osiyoliklarda esa qarshilik ko‘rsatish imkoniyati yo‘q edi. 75-daqiqada Muhammad Al-Mannai to‘pni darvoza chizig‘i ustidan qaytarib yuborishga urinib, o‘z jamoasi darvozasini ishg‘ol etib qo‘ydi, o‘yinga qo‘shib berilgan daqiqalarda esa Devid het-trik amalga oshirib, turnir to‘purari Lionel Messiga yetib oldi.

6:0 – Kanada jahon chempionatlaridagi ilk g‘alabasini shunday hisobda qo‘lga kiritdi va amalda pley-off masalasini hal qildi: endi mezbonlarda ham Shveytsariyadagi kabi 4 ta ochko bor. 

Endi ushbu jamoalar 24 iyun kuni 3-tur doirasida o‘zaro kuch sinashadi – amalda ikki jamoani ham durang hisob qoniqtiradi. Qatar hamda Bosniya va Hersegovinada bittadan ochko bor.

Source link

21:53

Debyutda mag‘lubiyat. Qayerda xato qildik?



Source link

17–21 iyun kunlari Xitoyning Gonkong shahrida FIDE World Rapid & Blitz Team Chess Championships 2026 xalqaro musobaqasi bo‘lib o‘tmoqda.

Dunyoning eng kuchli shaxmatchilari ishtirok etayotgan nufuzli turnirda 53 ta jamoa g‘oliblik uchun bahs olib bormoqda. O‘zbekiston terma jamoasi ham musobaqada 8 nafar yetakchi shaxmatchi bilan qatnashmoqda.

17-iyun kuni o‘tkazilgan dastlabki to‘rt tur natijalariga ko‘ra, O‘zbekiston jamoasi:

«Blue Bulldogs»ni 5:1
Indoneziya terma jamoasini 3,5:2,5
«Chess Thulir» jamoasini 4,5:1,5 hisobida mag‘lub etdi.

Shu bilan birga, jamoa Qozog‘istonning «KazChess» klubiga qarshi bahsda 2,5:3,5 hisobida mag‘lubiyatga uchradi.

To‘rt tur yakunlariga ko‘ra, O‘zbekiston terma jamoasi musobaqa jadvalida 6-o‘rinni egallab turibdi.

Turnir bahslari 21-iyunga qadar davom etadi. O‘zbekistonlik shaxmatchilar yuqori o‘rinlar uchun kurashni davom ettirmoqda.

Source link