Sport
FIFA JCh-2026 chiptalarining qimmat narxi tufayli «ulkan xiyonat»da ayblandi
Futbol muxlislari 11 dekabr kuni jahon chempionati chiptalari narxi ma’lum bo‘lgach, FIFA tashkilotini «ulkan xiyonat»da aybladi. Avvalroq, FIFA 60 dollarlik chipta haqida bayonot bergan edi. Yangi narxlar bundan balandligi bilan muxlislarni hayratda qoldirdi.
Dunyodagi futbol muxlislari JCh-2026 chiptalari narxidan norozi. Muxlislar Xalqaro futbol federatsiyasini (FIFA) chipta sotish siyosatini qayta ko‘rib chiqishga chaqirmoqda. Bu haqda Euronews yozdi.
Futbol muxlislari 11 dekabr kuni jahon chempionati chiptalari narxi ma’lum bo‘lgach, FIFA tashkilotini «ulkan xiyonat»da aybladi. FIFA milliy assotsiatsiyalarga o‘z jamoasi ishtirokidagi o‘yinlar uchun chiptalarning 8 foizini «eng sodiq muxlislarga» sotish uchun ajratadi.
Germaniya futbol federatsiyasi tomonidan e’lon qilingan ro‘yxatda guruh bosqichining turli o‘yinlariga chiptalar narxi 180 dollardan 700 dollargacha belgilangan. Final chiptasining eng arzon narxi 4185 dollarni, eng qimmat narxi esa 8680 dollarni tashkil etadi.
Guruh bosqichidagi bu narxlar FIFA tomonidan 60 dollarlik chipta haqidagi bayonotlardan keskin farq qiladi. 7 yil oldin turnirga mezbonlik qilish uchun ariza bergan AQSh futbol rasmiylari guruh bosqichida 21 dollarlik yuz minglab chiptalarni e’lon qilgan edi.
Football Supporters Europe (FSE) muxlislar tashkiloti hozirgi narxlarni «tovlamachilik» deb atadi.
«Bu jahon chempionati an’analariga xiyonat qilish, muxlislarning ushbu tomoshaga qo‘shgan hissasini e’tiborsiz qoldirishdir», deyiladi tashkilot bayonotida.
Sentyabr oyida FIFA saytida sotiladigan chiptalar narxi guruh bosqichi o‘yinlari uchun 60 dollardan final uchun 6730 dollargacha bo‘lishi ma’lum qilingan edi. Ammo bu narxlar o‘zgarishi mumkin, chunki futbol bo‘yicha jahon chempionatida birinchi marta dinamik narxlar (talabga qarab) qo‘llanadi.
FIFA chiptalari to‘rtta toifada sotiladi, eng yaxshi o‘rinlar 1-toifaga kiradi. Germaniya futbol federatsiyasi tomonidan e’lon qilingan narxlar ro‘yxatida atigi uchta toifa bor. Germaniya terma jamoasining Hyustondagi Kyurasaoga qarshi guruh bosqichi birinchi o‘yiniga eng arzon chipta narxi 180 dollar. Yarimfinalning eng arzon narxi 920 dollar, maksimal narxi esa 1125 dollar edi.
FSE FIFA tashkilotini «Jahon chempionatining an’analari, universalligi va madaniy ahamiyatini hurmat qiladigan yechim topilmaguncha» milliy assotsiatsiyalar orqali chipta sotishni zudlik bilan to‘xtatishga chaqirdi.
11 dekabr kuni FIFA chiptalar sotuvishning uchinchi bosqichini boshladi va endi muxlislar ilk bor «Tasodifiy tanlov qur’asi» yordamida muayyan o‘yinlarga ariza topshirishi mumkin.
O‘tgan hafta AQSh, Kanada va Meksika birgalikda mezbonlik qiladigan 2026 yilgi musobaqaga o‘tkazilgan qur’adan so‘ng, yangilangan taqvim e’lon qilindi. Ilgari chiptalar ko‘r-ko‘rona o‘ynalar edi, chunki saralash davri hali tugamagan va qur’a tashlanmagan edi. Endi ishtirokchi davlatlar guruhlarga bo‘lingan va ularning turnirdagi yo‘llari aniqlangan.
Ammo muxlislarga o‘zi ariza bergan o‘yinlarga chipta olishi kafolatlanmagan. Qur’a tashlash marosimi fevralda o‘tkaziladi.
Muxlislar FIFA sayti orqali bitta o‘yinga bitta oilaga ko‘pi bilan to‘rtta, butun turnirga ko‘pi bilan 40 ta chipta olish uchun ariza topshirishi mumkin.
Chiptalarga ariza topshirish uchun muxlislarga FIFA ID kerak bo‘ladi va ular qaysi o‘yinlarga va qaysi narx toifasida ariza topshirishni tanlashi mumkin.
Hammasi bo‘lib to‘rtta toifa mavjud: eng yaxshi o‘rinlar 1-toifada, eng arzoni 4-toifada va bu o‘rinlar stadionlarning yuqori qismida. Arizalari ma’qullangan nomzodlar fevral oyida elektron pochta orqali xabardor qilinadi, shundan so‘ng to‘lov ilova qilingan kartadan avtomatik ravishda yechib olinadi.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Kecha, 22 mart kuni Ispaniya La Ligasida bir qator markaziy uchrashuvlar bo‘lib o‘tdi. Turning eng asosiy bahsi Madrid derbisiga to‘g‘ri keldi. Unda “Real Madrid” prinsipial raqibi “Atletiko Madrid”ni 3:2 hisobida mag‘lub etdi. “Barselona” esa “Rayo Valekano” ustidan 1:0 hisobida g‘alaba qozondi.
Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.
Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.
Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.
Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.
22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.
Rossiyalik hokkeychi liga tarixida Ueyn Gretskidan keyin bu marrani zabt etgan ikkinchi o‘yinchi bo‘ldi.
«Vashington Kepitalz»ning rossiyalik hujumchisi Aleksandr Ovechkin MHL muntazam chempionatining «Kolorado Evelansh»ga qarshi uchrashuvida gol urdi va pley-offlarni ham hisobga olgan holda liga tarixida 1000 ta gollik ko‘rsatkichga erishdi.
40 yoshli Ovechkin hisobida muntazam chempionatlarda 923 ta va pley-offda 77 ta gol bo‘ldi. U jami 1723 ta o‘yin o‘tkazgan (muntazam chempionatda 1562 ta va pley-offda 161 ta).
Bu borada MHL rekordchisi kanadalik Ueyn Gretski hisoblanadi — u 1694 ta (1487+207) o‘yinda 1016 ta (894+122) gol urgan.
Aleksandr Ovechkin muntazam chempionatlarda urilgan gollar soni bo‘yicha MHL rekordchisi bo‘lib, o‘tgan mavsumda Gretskining rekordini yangilagan edi.
«Kolorado»ga qarshi o‘yindan so‘ng «Vashington»da muntazam chempionatda yana 11 ta o‘yin qoladi. Hozir jamoa Sharqiy konferensiyada 12-o‘rinda bormoqda va pley-off hududidan tashqarida joylashgan.
“Manchester Siti” to‘qqizinchi bor Angliya Liga kubogi sohibi bo‘ldi. O’Rayli “Arsenal” darvozasiga to‘rt daqiqa ichida ikkita gol kiritib, dubl muallifiga aylandi.
Londondagi “Uembli” stadionida “Arsenal” va “Manchester Siti” jamoalari Angliya Liga kubogi final bahsi bo‘lib o‘tdi.
Uchrashuvning birinchi bo‘limida hisob ochilmadi.
O’Rayli 60-daqiqada “Manchester Siti”ni hisobda oldinga olib chiqqan bo‘lsa, 64-daqiqada “Arsenal” darvozasiga ikkinchi golini kiritdi.
“Shaharliklar”ning o‘zbekistonlik himoyachisi Abduqodir Husanov uchrashuvni asosiy tarkibda boshladi va to‘liq harakat qildi. U 32-daqiqada Yokeresga nisbatan ishlatgan qo‘polligi uchun sariq kartochka oldi.
“Arsenal”ni 2:0 hisobida mag‘lub etgan “Manchester Siti” to‘qqizinchi bor Angliya Liga kubogi sohibi bo‘ldi.
O‘zbekiston milliy terma jamoasi 22-martdan Toshkentda o‘quv-mashg‘ulot yig‘inlarini boshlaydi.
Fabio Kannavaro FIFA Series uchun jalb etilgan futbolchilar ro‘yxatini e’lon qildi.
Kengaytirilgan ro‘yxatdan o‘rin olgan futbolchilarimiz — Jaloliddin Masharipov, Husniddin Aliqulov, Abbosbek Fayzullayev, Dilshod Komilov, Ibrohimhalil Yo‘ldoshev, Abdulla Abdullayev, Alibek Davronov va Husayn Norchayev jarohati tufayli yig‘inni o‘tkazib yuborishi ma’lum bo‘ldi.
Eslatib o‘tamiz, milliy jamoa FIFA Series doirasida 27 mart kuni Gabon, 30 mart kuni esa Venesuyealaga qarshi maydonga tushadi. O‘yinlar «Bunyodkor» stadionida soat 19:00 da start oladi.
O‘zbekistonda taksichilarni aldashning yangi firibgarlik usuli fosh etildi
Hukumat Toshkent issiqxonalarini janubiy viloyatlarga ko‘chirish rejasini ma’lum qildi
Jahon banki Surxondaryoda yo‘l qurishga 200 mln dollar ajratadi
-
Siyosat5 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Dunyodan4 days ago
Isroil Livan janubida quruqlikdan operatsiya boshladi
-
Jamiyat4 days agoToshkentda bayram kunlari jamoat transporti uchun maxsus jadval joriy etildi
-
Mahalliy4 days agoRo‘zadan keyin 90 foiz odamlar yo‘l qo‘yadigan xato
-
Jamiyat4 days agoChilonzorda Al-Xorazmiy ko‘chasining bir qismi yopiladi
-
Dunyodan5 days ago
Eron Hindistondan qo’lga olingan tankerni ozod qilishni talab qildi
-
Jamiyat4 days agoCoca-Cola O‘zbekistonda Ramazon oyida bir qator xayriya tashabbuslarini amalga oshirdi
-
Iqtisodiyot4 days ago
Xizmatlar bozorining qariyb 40 foizi Toshkentda — statistika