Jamiyat
Farg‘onada “prava”siz ayol uch odamni urib yubordi, bir kishi to‘shakka mixlandi: jabrlanuvchilar sud hukmidan norozi
Tanishining Onix mashinasini boshqargan Xadichabonu Xabibullayeva sun’iy do‘nglik bilan ajratilgan piyodalar yo‘lagidan o‘tayotgan 31 yoshli ayolni ikki yosh bolasi bilan urib yuborgan. Oqibatda ayol og‘ir tan jarohati olib, to‘shakka mixlanib qolgan. Ruldagi ayolning haydovchilik guvohnomasi ham, avtomobilni boshqarishga ishonchnomasi ham bo‘lmagan. Sud esa yetkazilgan zarar uchun sudlanuvchidan jabrlanuvchilar foydasiga 280 ming so‘m undirishni belgilagan.
{Yii::t(}
O’tkazib yuborish 6s
O’tkazib yuborish
Sun’iy do‘nglik shaklidagi piyodalar yo‘laklari avtomobilda odamlarni urib ketish hollari oldi olinishiga umid qilingandi. Ammo Farg‘onadagi bir holatda ayol va ikki go‘dakni o‘sha sun’iy do‘nglik ham qutqara olmadi.
Haydovchilik guvohnomasi bo‘lmagan Xadichabonu Xabibullayeva 2025 yil 11 oktyabr kuni tanishining Onix mashinasini boshqargan. U Farg‘ona shahrining ko‘chalaridan birida sun’iy do‘nglik bilan ajratilgan piyodalar yo‘lagidan o‘tayotgan 31 yoshli Dilafruz Sayfullayeva, uning 3 yoshli o‘g‘li Yasinboy Abdurahmonov hamda 2,5 yoshli jiyani Hadiya Qodirovalarni urib yuborgan. Zarba kuchidan ayol va bolalar bir necha metrga uchib ketgan.
Dilafruz Sayfullayeva
Hadiya Qodirova
Yasinboy Abdurahmonov
Oqibatda og‘ir tan jarohati olgan Dilafro‘z Sayfullayeva hamon to‘shakka mixlanib yotibdi. Ma’lum muddat shifoxonada davolanib chiqqaniga qaramay uning o‘g‘li va jiyanida “avtoavariya” asoratlari saqlanib qolgan.
“Mashina urgan paytda qizim, ikki nevaram uch tarafga uchib ketgan. Mashina boshqargan qizning “prava”si ham bo‘lmagan. Bir tanishining mashinasini beruxsat minib chiqqan ekan. Qizim shifoxonada davolanganiga qaramay haligacha to‘shakka mixlanib yotibdi. Yonidagi choyni ham olib icha olmaydigan holatda. Nevaralarimda ham “avariya” asoratlari qolgan, miyalari chayqalgan. Kechalari bezovta bo‘lib uxlay olmay tagini xo‘llab qo‘yishyapti. Ilgari undan holat kuzatilmagandi. Eng achinarlisi, qizim va nevaralarimni shu holga solgan haydovchi ayol yordam berish o‘rniga konsertlarda, to‘yu tomoshalarda mazza qilib o‘ynab yuribdi. Pinagini ham buzgani yo‘q. Sud hukmidan norozimiz. Holatga nisbatan juda yengil hukm chiqarildi.
Turmush o‘rtog‘im II guruh nogironi, o‘zim pensionerman. Topgan pulimizni qizimiz sog‘ligini tiklashga sarf qilyapmiz. O‘sha ayolga noilojlikdan qo‘ng‘iroq qilib dori-darmonga yordam so‘rasam vaqtim yo‘q, ishlarim ko‘p, deb bahonalar bilan telefonni qo‘yib qo‘yadi”, deydi Dilafro‘z Sayfullayevaning onasi Guljamol Qodirova.
Guljamol Qodirova
Holat yuzasidan tergov bo‘lib o‘tgan. Xadichabonu Xabibullayevaga munosib xulq-atvorda bo‘lish haqida tilxat ehtiyot chorasi qo‘llanilgan va ish sudga oshirilgan.
Xadichabonu Xabibullayeva sudda jabrlanuvchi tomonning davolanishi uchun tanishi, ya’ni u boshqargan mashina egasi tomonidan 20 mln so‘mdan ortiq, o‘zi tomonidan esa 18 mln 750 ming so‘m pul sarflanganini, qo‘shimcha yana 20 mln so‘m bermoqchi bo‘lgani, ammo Dilafro‘z Sayfullayeva hamda uning qonuniy vakili 100 mln so‘m so‘ragani haqida ko‘rsatma bergan.
Jabrlanuvchi Dilafro‘z Sayfullayeva esa o‘z ko‘rsatmasida shifoxonadan chiqqandan so‘ng sudlanuvchi holidan xabar olmay qo‘ygani bildirgan. Shuningdek, u uzoq muddat davolanishi lozimligi sababli Xadichabonu Xabibullayevadan 100 mln so‘m so‘rashganini, ammo sudlanuvchi ushbu mablag‘ni berishdan bosh tortayotgani aytib, suddan unga qonuniy chora ko‘rishni so‘ragan.
JIB Farg‘ona shahar sudi hukmi bilan Hadichabonu Habibullayeva Jinoyat kodeksining 266-moddasi 1-qismida nazarda tutilgan jinoyatni sodir qilishda aybli deb topilgan. Unga 2 yil muddatga ozodlikni cheklash jazosi tayinlangan. Shuningdek, sud hukmi bilan Xadichabonu Xabibullayevadan jabrlanuvchi foydasiga 280 ming so‘m moddiy zarar undirish belgilangan.
Sud hukmidan norozi bo‘lgan jabrlanuvchi va qonuniy vakil yuqori instansiya sudiga apellyatsiya shikoyati kiritgan. Dilafro‘z Sayfullayeva sud ish holati bo‘yicha Xadichabonu Xabibullayevaga yengil jazo tayinlagan, deb hisoblamoqda. Qolaversa, u yetkazilgan zarar sudlanuvchi tomonidan qoplanmaganini ta’kidlayapti.
Ma’lumot uchun, Jinoyat kodeksining 266-moddasi 1-qismidagi qilmish, ya’ni transport vositasini boshqaruvchi shaxs tomonidan transport vositalari harakati yoki ulardan foydalanish xavfsizligi qoidalarini buzish badanga o‘rtacha og‘ir yoki og‘ir shikast yetkazilishiga sabab bo‘lishi 3 yilgacha muayyan huquqdan mahrum qilib, BHMning 50 baravarigacha miqdorda jarima yoki 3 yilgacha ozodlikni cheklash yoxud 3 yilgacha ozodlikdan mahrum qilish bilan jazolanadi.
Prezident Shavkat Mirziyoyev 3-mart kuni ayollar va bolalar huquqlarining himoyasini yanada kuchaytirish, ularga nisbatan tazyiq va zo‘ravonlikning oldini olish yuzasidan takliflar hamda yangi tashabbuslar bilan tanishdi.
Mamlakatimizda erta nikoh, erta yoshdagi tug‘uruq hamda ayollar va bolalarga nisbatan zo‘ravonlik holatlarining oldini olish masalalariga oila institutini mustahkamlash jamiyatda sog‘lom ijtimoiy muhitni shakllantirishning muhim yo‘nalishi sifatida doimiy e’tibor qaratib kelinmoqda.
Ushbu masalalar eng yuqori darajada bir necha bor muhokama qilinib, huquqni muhofaza qilish organlari hamda boshqa mutasaddi idoralar oldiga aniq vazifalar qo‘yilgan. Ularning bu boradagi faoliyatini muvofiqlashtirish maqsadida idoralararo kengash tashkil etilgan va qisqa muddatlarda amaliy takliflarni ishlab chiqish topshirilgan edi.
Bugungi taqdimotda keng jamoatchilik, soha ekspertlarining takliflari hamda ilg‘or xalqaro tajriba asosida muvofiqlashtiruvchi kengash tomonidan tayyorlangan tashabbuslar ko‘rib chiqildi.
Jumladan, ijtimoiy tarmoqlarda aholining haqli e’tirozlariga sabab bo‘layotgan bir qator masalalar bo‘yicha quyidagi takliflar bildirildi:
– shahvoniy shilqimlik uchun belgilangan 5 sutkagacha ma’muriy qamoq jazosini qat’iylashtirish;
– pedofillar uchun umrbod ozodlikdan mahrum qilishgacha bo‘lgan jazoni belgilash;
– Jinoyat kodeksining 118- va 119-moddalaridagi jinsiy jinoyatlarni voyaga yetmagan shaxslarga nisbatan sodir etgan mahkumlarni manzil-koloniyalarga o‘tkazmaslik;
– Jinoyat kodeksining 6 ta moddasidagi jinsiy jinoyatlar bo‘yicha ishlarni tergov qilish vakolatini ichki ishlar organlaridan prokuraturaga o‘tkazish;
– shahvoniy shilqimlik bo‘yicha ma’muriy huquqbuzarlikka oid materiallarda jinoyat alomatlari mavjud emasligi bo‘yicha prokuror qarorini olish shartligi;
– ayollar va bolalarga nisbatan zo‘ravonlik jinoyatlari bilan maxsus tayyorgarlikdan o‘tgan advokatlar, tergovchi va sudyalar shug‘ullanishi;
– zo‘ravonlikdan jabrlangan va himoya orderi berilgan xotin-qizlar himoyasini kuchaytirish maqsadida ularning telefon qurilmalariga maxsus «SOS» ilovalarini o‘rnatish, bunda chaqiruv tugmasi bosilganda 5 kilometr radiusdagi ichki ishlar xodimlari 10 daqiqada manzilga yetib kelishi va boshqalar.
Shuningdek, yurtimizda nikohlarning 40 foizi 18-19 yoshdagilar o‘rtasida tuzilishi, biroq xalqaro tashkilotlarning eng maqbul nikoh yoshi 21 yosh ekani, bu yoshga yetgan shaxslar odatda moliyaviy mustaqillikka erishib, oila qurishga har tomonlama tayyor bo‘lishi haqidagi tavsiyalari asosida quyidagi tashabbuslar bildirildi:
– nikohni 21 yoshga yetgan shaxslar o‘rtasida tuzilishini rag‘batlantirish maqsadida qo‘shimcha moliyaviy qo‘llab-quvvatlash mexanizmlarini joriy etish;
– davlat bojidan imtiyozlar berish yo‘li bilan nikohlanuvchilar o‘rtasida nikoh shartnomasi tuzilishini rag‘batlantirish;
– nikoh yoshiga oid qonunchilikni buzganlik uchun jarimaning 15 foizini bunday holat haqida xabar bergan shaxslarga berish tartibini joriy etish orqali erta nikohlarni aniqlash samaradorligini oshirish;
– erta nikoh va 16 yoshgacha bo‘lgan homiladorlik holatlari haqida ichki ishlar organlari va «Inson» ijtimoiy xizmatlar markazlariga xabar berish bo‘yicha idoralararo zanjirni yo‘lga qo‘yish, bunda qayd etilgan holatlar haqida xabar bermaslik uchun ma’muriy javobgarlikni belgilash;
– homilador yoki 3 yoshgacha bo‘lgan farzand tarbiyasi bilan band talaba qizlar uchun ta’limni davom ettirish imkonini berish orqali ularni ta’limdan tushib qolishining oldini olish va boshqalar taklif etildi.
Davlatimiz rahbari bildirilgan tashabbuslarni ma’qullab, tegishli farmonga imzo chekdi hamda sohadagi yangiliklarni keng jamoatchilik orasida targ‘ib qilish yuzasidan mutasaddilarga topshiriqlar berdi.
Jamiyat
Surxondaryo orqali Afg‘oniston va Tojikistonga o‘tadigan magistral yo‘l kapital ta’mirlanadi
Yig‘ilishda Surxondaryodagi eng og‘riqli masalalardan biri yo‘l va transport infratuzilmasi ekani qayd etildi.
Ikki yil oldin Osiyo taraqqiyot banki bilan 183 million dollar hisobiga Boysun va Denovni bog‘lovchi yo‘lning 111 kilometr qismini sement-beton qoplamaga o‘tkazish loyihasi boshlangan. Bu yo‘l ishga tushsa, yuk hajmi 2 karra oshadi, tashish vaqti 3 soatdan 1,5 soatga qisqaradi.
Yurtimizni Afg‘oniston va Tojikiston bilan bog‘laydigan 178 kilometrli magistral yo‘l 30 yildan buyon kapital ta’mirlanmagan. Mutasaddilarga qurilish ishlarini uch oy ichida boshlash topshirildi.
Toshkent – Termiz yo‘nalishidagi yo‘lovchi poyezd 14 soatdan ko‘p harakatlanadi. Koreyalik hamkorlar bilan zamonaviy tezyurar poyezdlar olib kelish bo‘yicha kelishuvga erishilgan. «Toshg‘uzor – Boysun – Qumqo‘rg‘on» uchastkasini tezyurar poyezdga moslash bo‘yicha loyihani shu yil boshlash, 103 kilometr bo‘lgan «Qumqo‘rg‘on – Quduqli» temir yo‘lini elektrlashtirish ishlariga kirishish topshirildi.
25 fevral kuni Toshkent shahrining Mirobod tumanida voyaga yetmagan Doniyor Turg‘unov avtomashinada yo‘l-patrul xizmati inspektori Hosilbek Eshnazarovni urib yuborgan, keyinchalik u og‘ir jarohatlar oqibatida vafot etgan edi. Mukofotlash to‘g‘risidagi prezident farmonida inspektorning «qasamyodiga sodiq qolgan holda o‘z burchini sidqidildan va yuksak sharaf bilan ado etib, mardlik va fidoyilik namunasini ko‘rsatgani» qayd etilgan.
Foto: Ichki ishlar vazirligi
Prezident farmoniga ko‘ra, marhum kichik serjant Eshnazarov Hosilbek Beknazar o‘g‘li «Jasorat» medali bilan mukofotlandi.
«Ichki ishlar organlaridagi fidokorona mehnati, yurtimizda jinoyatchilikka qarshi kurashish, jamoat xavfsizligi va xalqimiz osoyishtaligini saqlash, yo‘llarda harakat xavfsizligini ta’minlash, yo‘l-transport hodisalarining oldini olish, qoidabuzarliklar profilaktikasini samarali amalga oshirish borasidagi katta xizmatlari, muqaddas qasamyodiga sodiq qolgan holda o‘z burchini sidqidildan va yuksak sharaf bilan ado etib, mardlik va fidoyilik namunasini ko‘rsatgani, yosh avlodni Vatanga muhabbat va sadoqat ruhida tarbiyalashdagi faol ishtiroki uchun Toshkent shahar Ichki ishlar bosh boshqarmasining yo‘l harakati xavfsizligi boshqarmasi yo‘l-patrul xizmati inspektori, marhum kichik serjant Eshnazarov Hosilbek Beknazar o‘g‘li «Jasorat» medali bilan mukofotlansin», deyiladi farmonda.
2026 yil 25 fevral kuni Toshkent shahrining Mirobod tumanida voyaga yetmagan Doniyor Turg‘unov avtomashinada yo‘l-patrul xizmati inspektori Hosilbek Eshnazarovni urib yuborgan edi. Keyinchalik inspektor og‘ir jarohatlar oqibatida vafot etdi. Bosh prokuratura xabariga ko‘ra, jinoyat ishi doirasida Doniyor Turg‘unov qamoqqa olingan. U Jinoyat kodeksining 267-moddasi 1-qismi (Transport vositasini olib qochish, 5 yildan 10 yilgacha ozodlikdan mahrum qilish jazosini nazarda tutadi) va 104-moddasi 3-qismi (Qasddan badanga og‘ir shikast yetkazish, 8 yildan 10 yilgacha ozodlikdan mahrum qilish jazosini nazarda tutadi) “d” bandida nazarda tutilgan jinoyatlarni sodir etganlikda gumon qilinmoqda.
Ijtimoiy tarmoqlarda “tirik kitob” sifatida tanilgan kitob sotuvchisi Xayrulla Asadov noqonuniy tadbirkorlik faoliyati bilan shug‘ullangani uchun jarimaga tortildi. U 20 ming so‘mga xarid cheki bermagan va kunlik savdodan tushgan 20 ming so‘m pulni onlayn nazorat kassa mashinasi xotirasiga kiritmagan. Toshkent shahar sudlari ma’naviyat va savdo o‘rtasida farq borligini, kitob ma’naviyat vositasi bo‘lishi barobarida sotuvda u tovar hisoblanishini bildirdi.
Ko‘chada kitob sotish faoliyati bilan shug‘ullanadigan, ko‘pchilik ijtimoiy tarmoqlar orqali “tirik kitob” sifatida taniydigan Xayrulla Asadov ma’muriy jazoga tortildi. Bunga uning tadbirkorlik faoliyati bilan noqonuniy shug‘ullangani sabab bo‘lgan.
Kun.uz tanishgan sud qarorida keltirilishicha, 2025 yil 23 sentabr kuni Mirzo Ulug‘bek tumani davlat soliq inspeksiyasi xodimlari Xayrulla Asadovga tegishli ko‘chma savdo nuqtasida tekshiruv o‘tkazgan. Jarayonda u xaridorga 20 ming so‘mga xarid cheki bermagani va kunlik savdodan tushgan 20 ming so‘m pulni onlayn nazorat kassa mashinasi xotirasiga kiritmagani, shuningdek, tegishli hujjatlarsiz faoliyat yuritayotgani aniqlangan.
Xayrulla Asadov qilmishidan pushaymon ekanini, bu kabi harakatlarni boshqa sodir etmasligini aytib, suddan yengillik so‘ragan.
JIB Mirzo Ulug‘bek tuman sudining 2026 yil 6 yanvardagi qarori bilan Xayrulla Asadov Ma’muriy javobgarlik to‘g‘risidagi kodeksning 176-moddasi 1-qismida nazarda tutilgan tadbirkorlik faoliyatini davlat ro‘yxatidan o‘tmasdan amalga oshirish huquqbuzarligini sodir qilgan deb topilgan. Unga BHMning 5 baravari (2 mln 60 ming so‘m) miqdorida jarima jazosi qo‘llangan.
Shuningdek, Xayrulla Asadovning narxi 1 mln 520 ming so‘m bo‘lgan 3 turdagi 100 dona kitobi tegishli tartibda musodara qilingan.
Toshkent shahar sudlari holat yuzasidan munosabat bildirdi.
“Ma’naviyat va savdo o‘rtasida farq bor. Kitob – ma’naviyat vositasi ekani to‘g‘ri, biroq u sotuvda tovar hisoblanadi, sotuvchi esa savdo qoidalariga rioya etishi kerak. Bu masalaning huquqiy tomoni. Masalaning ijtimoiy-ma’naviy tomonlari ham bor, albatta. Bu, ish holatidan kelib chiqib, yuqori sud instansiyasida muhokama qilinishi mumkin”, deyiladi munosabatda.
Qo‘shimcha qilinishicha, qonun sud qaroridan norozi tarafga shikoyat qilish imkoniyatini beradi. Buning uchun yuqori sud instansiyasiga murojaat etish lozim.
Tezkor vakillardan biri yonidan narkotik modda topilgan fuqaroni jinoiy javobgarlikka tortmaslik evaziga undan 2 200 dollar talab qilgan. Shundan ming dollarini muqaddam olib, qolganini o‘z xizmat xonasida olgan vaqtida ushlangan. Uning sherigi ham qo‘lga olingan.
Foto: Davlat xavfsizlik xizmati
Toshkentda IIBning ikki tezkor vakiliga nisbatan jinoyat ishi qo‘zg‘atildi. Bu haqda Davlat xavfsizlik xizmati xabar berdi.
Ma’lum qilinishicha, Olmazor tumanida yashovchi 44 yoshli fuqaroning yonidan 3 gr gashish narkotik moddasi topilgan va holat yuzasidan tergovga qadar tekshiruv harakatiga kirishilgan. Shayxontohur tumani IIO FMB Jinoyat qidiruv bo‘limi katta tezkor vakili Toshkent shahar IIBB Jinoyat qidiruv boshqarmasi katta tezkor vakili bilan kelishgan holda ushbu fuqarodan uni jinoiy javobgarlikka tortmaslik evaziga 2 200 dollar talab qilgan. U kelishilgan puldan muqaddam ming dollar olgan.
Tezkor vakil qolgan 1 200 dollarini o‘z xizmat xonasida olgan vaqtida Davlat xavfsizlik xizmatining Toshkent shahar bo‘yicha boshqarmasi xodimlari tomonidan qo‘lga olingan. Shuningdek, Toshkent shahar IIBB JQB katta tezkor vakili ham protsessual tartibda ushlangan.
Toshkent shahar prokuraturasi tomonidan mazkur katta tezkor vakillarga nisbatan Jinoyat kodeksining 210-moddasi (pora olish) 2-qismi tegishli bandlari bilan jinoyat ishi qo‘zg‘atilgan. Ularga qamoqqa olish tarzidagi ehtiyot chorasi qo‘llangan. Hozirda tergov harakatlari olib borilmoqda.
Avvalroq elektr energiyasidan noqonuniy foydalanish holati bo‘yicha qo‘llangan 276 mln so‘mlik jarimani “tanishlari orqali hal qilib berish” va chora ko‘rilmasligini ta’minlash evaziga 9 ming dollar talab qilgan prokuratura xodimi qo‘lga olingandi.
Ayollar va bolalarni tazyiq va zo‘ravonlikdan himoyalash yanada kuchaytiriladi
Ozarbayjon: Genotsid qurbonlari xotirasi abadiylashtiriladi
O‘zbekiston mudofaa qobiliyatini mustahkamlash masalalari muhokama qilindi
-
Dunyodan4 days ago
Prezident Tramp oʻzining eski “hiylasini” takrorladi
-
Siyosat5 days agoSaida Mirziyoyeva Toshkent transport tizimini modernizatsiya qilish boshlanganini maʼlum qildi
-
Jamiyat4 days ago10:10 “Hovlimizda doim bahor” – angrenlik qulupnaychi
-
Jamiyat4 days ago
55 metrli shokoladli poyezd Ginnesning rekordlar kitobiga kiritildi
-
Jamiyat4 days ago1200 dollarga “prava” olib berishni va’da qilgan shaxs ushlandi
-
Siyosat5 days agoO‘zbekistonda soliq ma’muriyatchiligini yagona to‘lov tizimi bilan tartibga soladi
-
Iqtisodiyot4 days ago
Mart oyidan dollar qanchaga yetish ma’lum bo‘ldi
-
Siyosat5 days ago2025-yilda O‘zbekistonga Hindiston sarmoyasi 135 foizga oshadi – Elchi