Taklif etilayotgan ish o‘rinlari uchun 900 dollardan 1650 dollargacha oylik maosh belgilangan.

Dunyodagi yirik dengiz boshqaruv kompaniyalaridan biri — V.Ships Global Recruitment O‘zbekiston fuqarolari uchun kruiz kemalarida ishlash bo‘yicha vakansiyalar e’lon qildi.

Migratsiya agentligining bildirishicha, taklif etilayotgan ish o‘rinlari uchun 900 dollardan 1650 dollargacha oylik maosh belgilangan.

Vakansiyalar orasida xizmat ko‘rsatish yordamchisi, bar ofitsianti, ikkinchi oshpaz, oshpaz yordamchisi va oshxona xodimi kabi 45ta ish o‘rni mavjud.

Ta’kidlanishicha, xodimlarning ish samaradorligiga qarab maosh va lavozimning oshib borishi kafolatlangan.

Nomzodlar 18–45 yosh oralig‘ida bo‘lishi, ingliz tilini kamida B1 darajasida bilishi kerak. Yevropa davlatlari tillarini biladiganlarga ustunlik berilishi mumkin.

Qayd etilishicha, ishga qabul qilinganlarga turli mamlakatlarga sayohat qilish imkoniyati, AQSh ishchi vizasi hamda Migratsiya agentligi ishtirokida tuziladigan uch tomonlama shartnoma asosida huquqiy himoya kafolatlanadi.

Ishga joylashish uchun nomzodlar kompaniya saytida ariza qoldirishi kerak. Ma’qul kelgan nomzodlar bilan kompaniya mutaxassislari bog‘lanadi, suhbatdan muvaffaqiyatli o‘tganlar intervyuga taklif etiladi. Ish beruvchi tanlagan nomzodlar bilan uch tomonlama shartnoma tuzilib, AQSh ishchi vizasi rasmiylashtiriladi.

Source link

Musodara qilingan 11 kg “Keto coffee mix” mahsuloti tarkibida “sibutramin” kuchli ta’sir qiluvchi moddasi mavjud bo‘lib, respublika hududida uning savdosi taqiqlangan.

Foto: Davlat xavfsizlik xizmati

Davlat xavfsizlik xizmati va Bojxona organlari xodimlari hamkorligida Andijon viloyatida o‘tkazilgan tezkor tadbirda Marhamat tumani markazidagi savdo majmuasida fuqaro shartli xaridorga 900 dona “Keto coffee mix” mahsulotini 6 mln so‘mga sotgan vaqtida ashyoviy dalillar bilan ushlandi.

Ushbu mahsulot Andijon shahridagi “Jahon savdo kompleksi”da joylashgan do‘kondan xarid qilinganligi ma’lum bo‘lib, tezkor tadbir davom ettirildi.

Natijada Andijon shahrida yashovchi fuqaroga tegishli do‘kondan 480 dona “Keto coffee mix” mahsuloti olindi.

Musodara qilingan jami 11 kg “Keto coffee mix” mahsuloti tarkibida “sibutramin” kuchli ta’sir qiluvchi moddasi mavjud bo‘lib, respublika hududida uning savdosi taqiqlangan.

Hozirda mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.

Source link

Andijon viloyatining Marhamat tumanida kuchli ta’sir qiluvchi moddani 6 mln so‘mga sotgan shaxs qo‘lga olindi.

1991-y.t. fuqaro tuman markazidagi savdo majmuasida shartli xaridorga 900 dona «Keto coffee mix» mahsulotini sotgan vaqtida ashyoviy dalillar bilan ushlangan.

Ushbu mahsulot Andijon shahridagi «Jahon savdo kompleksi»da joylashgan do‘kondan xarid qilinganligi ma’lum bo‘lgach, tezkor tadbir davom ettirilgan. Bu jarayonda Andijon shahrida yashovchi, 1987-y.t. fuqaroga tegishli do‘kondan jami 480 dona «Keto coffee mix» mahsuloti olindi.

Ashyoviy dalil sifatida musodara qilingan jami 11 kg «Keto coffee mix» mahsuloti tarkibida «sibutramin» kuchli ta’sir qiluvchi moddasi mavjud bo‘lib, respublikamiz hududida uning muomalasi taqiqlangan.

Hozirda mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.

Source link

Agentlikning ogohlantirishicha, naqd pul berish, jismoniy shaxs kartasiga o‘tkazish yoki “konsalting xizmati” nomi bilan boshqa firmaga to‘lov qilish xavfli hisoblanadi.

Migratsiya agentligi xorijga ishga borish jarayonida litsenziyaga ega xususiy bandlik agentligi bilan shartnoma tuzib, to‘lovni esa boshqa firma yoki vositachilar hisob raqamiga amalga oshirmaslikni maslahat berdi.

Qayd etilishicha, litsenziya bir tashkilot nomi uchun beriladi va boshqa firma yoki “konsalting” xizmatlariga tatbiq etilmaydi.

Agentlikning ogohlantirishicha, naqd pul berish, jismoniy shaxs kartasiga o‘tkazish yoki “konsalting xizmati” nomi bilan boshqa firmaga to‘lov qilish xavfli hisoblanadi.

“To‘lov faqat xususiy bandlik agentligining maxsus depozit hisob raqamiga amalga oshirilishi va albatta to‘lovni tasdiqlovchi chek bo‘lishi kerak”, deyiladi agentlik xabarida.

Migratsiya agentligi xorijga ishga borishni rejalashtirgan fuqarolarga litsenziyani tekshirish,  shartnoma va to‘lovdagi firma nomini solishtirish hamda to‘lov cheklari, xujjatlar, reklama va yozishmalarning barchasini saqlashni tavsiya qilgan.

Source link

Zamonaviy texnologiyani eplasang – maza, eplolmasang – bemaza bo‘lib qolar ekan…

Xorijda safarda yurgan kezlarim bir muborak bayram kuniga to‘g‘ri kelib qolsa, deng.
Birinchi tabrigim, albatta farzandlarimga bo‘ldi. Besh qizim va ikki o‘g‘limga mehr bilan dil so‘zlarimni yozib, tagiga ismi sharifimdan oldin «Otalaring… » deb yozib qo‘yish ma’qul ko‘rindi.

Undan keyin mobil telefon imkoniyatlaridan «samarali» foydalanishga kirishdim. Farzandlarimga yo‘llagan tabrigim matni ustiga barmog‘imni tekkizsam, «kopirovat» (rus. nusxa olish, -tahr.) degan iltifotli so‘z chiqdi. Jon-jon deb nusxa oldimu eng ulug‘ ustozlarimdan biri telegramiga joyladim. «Aziz o‘g‘lonim» degan satrimni  «Aziz ustozim» deb tahrir qildim-da, ulug‘ siymo ismini yozdim.

Qolgan dil so‘zlarim ham mehr bilan tahrir qilindi, boyitildi! Ismlari ortidan akajonim, ayol bo‘lsa, opajonim yoki singiljonim, deb murojaat qilaverdim. Biror imloviy yo uslubiy xato ketmayaptimikin, degan o‘yda tabrik xatimni qayta-qayta o‘qidim, hammasi joyida!

Shu tariqa o‘zim uchun aziz siymolarga tabriklar jo‘nataverdim. Xudoga shukr, ko‘p aziz Ustozlardan saboq olib, mehr ko‘rganman!

Tabrik xatimdan nusxa olgach, faqat ismini o‘zgartirib, navbatdagi Ustozlarimga yuboraverdim.

Hatto, ishxonamdagi rahbarlarimga, o‘rinbosarlariga ham «ustozim» deya lutf aylab, tabrik yo‘llayverdim.

Ellikdan ortiq «Ustoz»larning ko‘nglini ovlagach, yuz ellikdan ortiq qadrdon do‘stlarim, sobiq sinfdoshlar-u kursdoshlarimga ham matni bir xil (faqat ismi o‘zgargan) tabrik xatini mehr bilan yubordim.

Bu orada o‘zimga to‘rt yuzdan ortiq shogirdlarimdan tabrik xati kelsa, deng!

Tabrik xati matnini shogirdlarga moslab ozroq tahrir qilib, yana o‘sha-o‘sha ismini o‘zgartirib, qolgan matni bir xil javob tabrigini yo‘llayverdim.

Bir mahal o‘ta ziyrak va hushyor do‘stim Sharofiddin hoji aka qo‘ng‘iroq qilib qoldi:

«Bugungi kunda birovga otangman yo bolangman, deb gapirish, ayniqsa, yozish qaltisroq bo‘lib qolganini yaxshi bilasiz, – dedi hoji akam tagdor gapini uzoqroqdan boshlab. – Menga yuborgan tabrigingizda o‘zingizni «otalaring» deb yozganingizni to‘g‘ri tushundim. Menimcha, bolalaringizga yozgan tabrigingizdan nusxa olib, ismni o‘zgartirib qo‘ya qolibsiz. Ishqilib, boshqalarga ham shunaqa «tabrik» jo‘natvormadingizmi?..»

Bu gapdan esxonam chiqib ketdi. Xah, shoirxayollik qursin-a…

Shosha-pisha o‘sha yuborgan tabriklarni qayta ochib ko‘ra boshladim. Voy-dod! Hammaga bir xilda tabrik adog‘ida «otalaring…» falonchi degan gap ketib qolibdi-ku!

Zudlik bilan tabrik xatlaridan «otalaring» so‘zini o‘chirib tashlashga kirishdim.

Ibi, bu qanaqasi bo‘ldi? Qaysi Ustozimga yuborgan tabrik xatini tuzatib, qayta yuboray, desam, qandaydir bir qizil undov belgisiga o‘xshash tayoqcha (!) rasmi YPX tayog‘idek chiqib: «To‘xta! Sen endi bu telegramga kira olmaysan! Sening yo‘ling batamom qulflandi…» degandek qotib turaveradi…

Tabrik xatlaridagi «otalaring» so‘zini o‘chirishning imkoni bo‘lmadi…

Asabiy holatda boshimni changallab, asta yonboshladim. Ko‘zim ilinib, ko‘rganlarim tushga aylandi. Yuzlab son-sanoqsiz qizg‘ish undov belgilari boshim atrofida gir-gir aylanarmish.
Uzoqlardan dag‘-dag‘ali tovushlar eshitilarmish:
«Hey, o‘rgildim, sendaqa otadan…»

Dahshatli hayqiriqdan cho‘chib uyg‘ondimu, baribir o‘zimga kelolmadim…

Hoji aka aytganidek, hozir birovga «otangman» deyish naqadar xatarli, «bolangman» deyish undan ham ayanchli bo‘lib qolgan-da…

To‘lqin EShBEK
2026 yil

Source link