Sport
Eldor Shomurodov, Timur Kapadze… Yilning eng yaxshilari aniqlandi
O‘zbekiston futbol assotsiatsiyasi turli nominatsiyalar bo‘yicha g‘oliblarni aniqladi.
“Eng yaxshi hududiy futbol assotsiatsiya”
Qoraqalpog‘iston futbol assotsiatsiyasi “Eng yaxshi hududiy futbol assotsiatsiyasi” sifatida e’tirof etildi.
Diyoraxon Habibullayev — “Ayollar Oliy ligasi to‘purari”.
Joriy mavsumda ayollar chempionatida 31 ta gol urib, eng yaxshi to‘purar bo‘lgan “Sevinch” jamoasi futbolchisi Diyoraxon Habibullayevga sovrin topshirildi.
Sadriddin Hasanov — “Yilning eng yaxshi yosh futbolchisi”.
2025 yilda O‘zbekiston U-17 terma jamoasi bilan Osiyo kubogini qo‘lga kiritgan, musobaqaning eng yaxshi futbolchisi deb topilgan hamda U-17 Jahon chempionatida munosib ishtirok etgan Sadriddin Hasanov “Yilning eng yaxshi yosh futbolchisi” deb e’tirof etildi.
Vladislav Xan — “Ayollar futboli bo‘yicha yilning eng yaxshi murabbiyi”.
“Sevinch” jamoasi bilan joriy mavsumda chempionat g‘olibligini qo‘lga kiritgan hamda Chempionlar ligasida munosib ishtirok etayotgan Vladislav Xan “Ayollar futboli bo‘yicha yilning eng yaxshi murabbiyi” deb e’tirof etildi.
Nilufar Qudratova — “Ayollar Oliy ligasining eng yaxshi futbolchisi”.
“Sevinch” klubi yetakchi futbolchisi Nilufar Qudratova “Ayollar Oliy ligasining eng yaxshi futbolchisi” sifatida e’tirof etildi.
Timur Kapadze — “Yilning eng yaxshi murabbiyi”.
Ilk bor O‘zbekiston milliy terma jamoasi bilan Jahon chempionati yo‘llanmasini qo‘lga kiritib, tarixiy natijaga erishgan Timur Kapadze “Yilning eng yaxshi murabbiyi” deb e’tirof etildi.
Yusuf Ergashev — “Bolalar futboli bo‘yicha yilning eng yaxshi murabbiyi”.
O‘FA birinchiligi, viloyat terma jamoalari o‘rtasidagi musobaqa g‘olibi, o‘smirlar terma jamoalariga 8 nafar futbolchini yetkazib bergan “Bunyodkor” akademiyasi murabbiyi Yusuf Ergashev “Bolalar futboli bo‘yicha yilning eng yaxshi murabbiyi” sovrini bilan taqdirlandi.
Nasibabonu Toshmuhammedova — “Yilning eng yaxshi ayol hakami”.
Superliganing 2025 yilgi mavsumida ilk bor bosh hakam sifatida faoliyat olib borgan hamda xalqaro musobaqalarda o‘yinlarni boshqargan Nasibabonu Toshmuhammedova “Yilning eng yaxshi ayol hakami” deb topildi.
Ilgiz Tantashev — “Yilning eng yaxshi hakami”.
Klublar o‘rtasidagi Jahon chempionatida muhim uchrashuvlarni boshqargan, xalqaro musobaqalarda faoliyat olib borgan hamda 2026 yilda AQSh, Kanada va Meksikada bo‘lib o‘tadigan Jahon chempionati o‘yinlariga nomzod sifatida qayd etilgan Ilgiz Tantashev “Yilning eng yaxshi hakami” sifatida e’tirof etildi.
Diyora Habibullayeva — “Yilning eng yaxshi ayol futbolchisi”.
O‘zbekiston ayollar milliy terma jamoasi yetakchisi Diyora Habibullayeva “Yilning eng yaxshi ayol futbolchisi” deb topildi.
Eldor Shomurodov — “Yilning eng yaxshi futbolchisi”.
O‘zbekiston milliy terma jamoasi bilan birgalikda ilk bor Jahon chempionatiga yo‘l olgan hamda “Istanbul Bashakshehir” jamoasi safida muvaffaqiyatli o‘yinlar namoyish etgan Eldor Shomurodov “Yilning eng yaxshi futbolchisi” deb topildi.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Saida Mirziyoyeva Pekinda Va I bilan muloqot o‘tkazdi
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Iqtisodiyot5 days ago
Oziq-ovqat ishlab chiqarishda qaysi hududlar yetakchi?
-
Jamiyat18 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat2 days ago
Prezidentning Mustaqillik bayrami tabrigidan o‘rin olgan asosiy fikrlari
-
Sport1 day ago
EChL 2026/2027. Umumiy guruh bosqichi taqvimi e’lon qilindi
-
Sport18 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Siyosat5 hours ago
Saida Mirziyoyeva Pekinda Va I bilan muloqot o‘tkazdi