Sport
Eldor Shomurodov atrofidagi mish-mishlar. U yozda «Roma»ni tark etadimi?
O‘zbekiston milliy terma jamoasi va Italiyaning «Roma» klubi hujumchisi Eldor Shomurodov yozgi transfer oynasida klubini o‘zgartirishi kutilyapti. Unga Turkiya, Fransiya va AQSh chempionati vakillaridan jiddiy takliflar bor. Ayrim turk manbalari futbolchi yaqin vaqt ichida Istanbulning «Bashakshehir» klubi bilan shartnoma imzolashi haqida yozyapti.
Foto: R. Ramaccia/Presse Spors
O‘zbekiston milliy terma jamoasi va Italiyaning «Roma» klubi hujumchisi Eldor Shomurodov yozgi transfer oynasida yangi klubga o‘tishi mumkin. Rim klubi rahbariyati futbolchining ketishiga qarshi emas, chunki Shomurodovning amaldagi shartnomasi 2026 yil iyunida yakunlanadi.
AQSh chempionati
Dastlab Fransiyaning L’Équipe nashri o‘zbekistonlik futbolchi nomi oshkor etilmagan Amerika klubidan rasmiy taklif olgani va hozirda muzokaralar olib borilayotgani haqida yozdi.
Hujumchining MLS’ga ko‘chib o‘tishi borasidagi mish-mishlar ilgari ham tarqalgandi. O‘tgan yili AQShning «Atlanta Yunayted» klubi unga qiziqish bildirgan, biroq transfer noma’lum sabablarga ko‘ra amalga oshmagandi.
Shuningdek, Eldorga Kanadaning «Toronto» klubi ham qiziqish bildirgandi.
Turkiya chempionati
Payshanba kuni mashhur jurnalist Yakub Chinor o‘zining X’dagi sahifasida Shomurodov Istanbulning «Bashakshehir» klubi bilan shartnoma imzolash uchun Turkiyaga yetib borgani haqida xabar berdi.
Manba futbolchi ayni paytda Istanbulda bo‘lib turganini, u klub bilan har tomonlama kelishuvga erishgani va yaqin kunlarda rasmiy shartnoma imzolanishi kutilayotganini qayd etgan.
«Bashakshehir» «Roma» bilan to‘g‘ridan to‘g‘ri bog‘lanib, futbolchining xizmatlari uchun 7 million yevro miqdorida to‘lov taklif qilgan.
Avvalroq Turkiyaning Gazetaarena nashri ham 29 yoshli hujumchi «Bashakshehir» bilan shartnoma imzolashga yaqin turgani haqida yozgandi. Shuningdek, futbolchiga Turkiyaning boshqa klublari: «Galatasaroy», «Fenerbahche», «Beshiktosh» va «Trabzonspor»dan ham takliflar bo‘lgan.
Fransiya chempionati
Fransiyaning mashhur nashri Footmercato’ning xabar berishicha, o‘zbekistonlik forvardga «Renn» klubi ham qiziqish bildiryapti.
Manba ma’lumotlariga ko‘ra, Loik Dizerining o‘zi hujumchi transferi bo‘yicha Rim klubiga so‘rov yuborgan. Dizeri «Renn» jamoasining sport direktori hisoblanadi.
Ma’lumot uchun, Shomurodov 2021 yildan beri Italiya A seriyasida faoliyat olib boryapti. O‘tgan davr mobaynida u «Jyenoa», «Roma», «Spetsiya» va «Kalyari» jamoalarida to‘p tepdi. 29 yoshli hujumchi A seriyada jami 119 ta uchrashuvda maydonga tushdi. Uning hisobida 19 ta gol va 13 ta golli uzatma bor. Xususan, yakunlangan mavsumda Eldor «Roma» safida 37 ta uchrashuvda maydonga tushib, 7 ta gol va 5 ta golli uzatmaga mualliflik qildi. Transfermarkt portali futbolchining qiymatini 5 million yevroga baholayapti.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Siyosat5 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport14 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi