Sport
Diyego Maradonani davolagan shifokorlar sudlanadi
Ular ehtiyotsizlik tufayli qotillik, shuningdek, ehtiyotsizlik tufayli uning o‘limiga sabab bo‘lish moddalari bilan ayblanmoqda.
Argentina futboli afsonasi Diyego Maradonaning so‘nggi kunlarida unga qaragan 8 nafar tibbiyot xodimidan 7 nafari ehtiyotsizlik tufayli qotillik va ehtiyotsizlik tufayli uning o‘limiga sabab bo‘lish moddalari bilan ayblanib, sudlanadi. Bu haqda BBC xabar berdi.
Maradona 2020 yil 25 noyabrida 60 yoshida vafot etdi. Bundan biroz oldin u miyasidagi qon ivishini olib tashlash uchun operatsiya qilingan edi. Shuningdek, u spirtli ichimliklar va giyohvandlikdan davolangani ma’lum.
Argentina prokuraturasi futbolchining o‘limidan ko‘p o‘tmay shifokorlar va hamshiralar ustidan tergov boshladi. 2021 yilda Maradona o‘limi holatlarini o‘rgangan 20 nafar ekspertdan iborat komissiya tibbiy guruhning harakatlarini «nomaqbul, noadekvat va mas’uliyatsiz» deb topdi. Mutaxassislar xulosasiga ko‘ra, agar afsonaviy futbolchi tegishli tibbiy muassasasida to‘g‘ri davolanganida «omon qolish imkoniyati yuqoriroq bo‘lardi».
Ayblanuvchilar orasida Maradonaning shaxsiy shifokori Leopoldo Luke, psixiatr va hamshiralar bor. Ularning barchasi futbolchining o‘limida o‘z aybini inkor etmoqda.
Ayblanuvchilar o‘z qilmishi o‘limga olib kelishini bilgan holda qotillikda aybdor deb topilsa, 8 yildan 25 yilgacha ozodlikdan mahrum etilishi mumkin.
Diyego Maradona futbol tarixidagi eng buyuk futbolchilardan biri sanaladi. FIFA rasmiy saytida o‘tkazilgan ovoz berish natijalariga ko‘ra, u XX asrning eng yaxshi futbolchisi deb topilgan.
Maradonaning o‘limi Argentinani Covid-19 pandemiyasi davrida motamga olib keldi. Uning tobuti prezident saroyiga qo‘yildi, u bilan vidolashish uchun o‘n minglab odamlar navbatga turdi.
Maradona Buenos-Ayresdagi uyida, to‘shakda o‘lik holda topildi. Bu operatsiyadan ikki hafta o‘tgach sodir bo‘ldi. Sobiq futbolchining yurak xurujidan vafot etgani aniqlandi.
Prokurorlar fikriga ko‘ra, bir guruh shifokorlar Maradonani uy sharoitida davolanishga o‘tishini talab qilgan. Vaholanki, uyda davolanish uchun zarur sharoit bo‘lmagan, masalan, defibrilyator yo‘q edi, alkogolizm va giyohvandlikni davolashga ixtisoslashgan shifokorlar nazorati ham bo‘lmagan. Ayblov tomonining ta’kidlashicha, Maradona to o‘limigacha «uzoq, og‘riqli davr davomida» taqdir taqozosiga tashlab qo‘yilgan.
O‘zbekiston milliy jamoasi bosh murabbiyi Fabio Kannavaro Al Ain Cup 2025 turniri yarimfinalidan o‘rin olgan Misrga (2:0) qarshi o‘yindan keyin o‘z fikrlarini aytdi.
– Futbolchilarim uchun juda xursandman. Ular qo‘ldan kelgancha harakat qildi. Ular o‘rganishga, yaxshilanishga harakat qilishyapti. Ular qanchalik kuchli ekanini ko‘rsatishga harakat qilishyapti. Bunaqa jamoaga qarshi o‘ynash osonmas, ularning tarkibida top futbolchilar bor. Lekin boshidan e’tibor bilan yaxshi o‘ynashga harakat qildik. Ikkita gol urdik, barcha hududlarni yopishga harakat qildik. Natija biz uchun juda muhim, lekin xuddi shunday ishlashda davom etishimiz kerak.
– Men futbolchilarning jismoniy holati bo‘yicha xavotirdaman. Buni yaxshilashga harakat qilishimiz kerak. Bu natija bizga ko‘proq kuch beradi.
– O‘runovning almashtirilishi? U yaxshi harakat qildi, lekin charchadi. Jarohatdan tiklanganidan keyin uchinchi o‘yini, u albatta jismoniy holatini yaxshilashi kerak.
– BAA sharoitlari yaxshi, maydonlari sifati yaxshi bundan har doim xursand bo‘laman. Yangi stadion ham yoqdi, bu yerda bo‘lish har doim yoqimli.
– Sovrin uchun Eron bilan o‘ynaymiz, ularni juda hurmat qilamiz, Osiyodagi eng kuchlilaridan biri. Ularga muammo yaratishga harakat qilamiz.
– Darvozabonning o‘yini qanchalik qoniqtiryapti? To‘psiz holatda juda yaxshi ishlayapti. Bunday jamoaga qarshi o‘yin qiyin. Ba’zan raqibga tepish uchun imkoniyatlar berib qo‘ydik. Lekin raqib darvozamiz oldida yaqqol xavfli imkoniyatlar yarata olmadi.
– Muhammad Salohni to‘xtatish bo‘yicha alohida reja qilindimi? Bunday futbolchini to‘xtatib bo‘lmaydi, iloji yo‘q, ammo imkoniyatlarini kamaytirish mumkin.
– O‘zbekistonni tanlaganimni sababi bu yerda zo‘r iqtidorlar yetishmoqda, mahalliy futbolchilarga e’tibor qaratilmoqda. Ularni qanday ishlayotganini ko‘rdim va uxlosa chiqardim.
Eslatib o‘tamiz, O‘zbekiston milliy jamoasi musobaqa finalida 18 noyabr kuni Eron bilan to‘qnash keladi.
Abu-Dabi shahridagi xalqaro turnirning yarimfinalida hujumchi Oston O‘runovning ikkita goli o‘zbekistonliklarga g‘alaba keltirdi. 18 noyabr kuni finalda Eron – O‘zbekiston o‘yini o‘tkaziladi.
Birlashgan Arab Amirliklarning Abu-Dabi shahrida 4 ta milliy jamoa ishtirokida Al Ain Cup xalqaro turniri o‘tkazilmoqda.
O‘zbekiston milliy jamoasi 14 noyabr kuni yarimfinalda Misr bilan o‘ynadi va 2:0 hisobida g‘alaba qozondi.
Ikkala gol ham Oston O‘runov tomonidan urildi. 4-daqiqada u chaqqon harakatlar bilan misrlik himoyachilar orasidan o‘tib, qulay vaziyatga chiqdi va darvozani ishg‘ol etdi. 43-daqiqada Otabek Shukurov oshirgan to‘pni egallab olib, darvozabonni ham aldab o‘tib, gol urishga erishdi.
Ikkinchi bo‘limda Misr to‘p nazoratida ustunlik qildi. Biroq, darvozabon Abduvohid Ne’matov bir necha vaziyatda ishonchli harakat qilib, muhim seyvlarni amalga oshirdi.
Bu g‘alaba Fabio Kannavaro shogirdlariga turnir finaliga chiqish imkonini berdi.
Avvalroq, dastlabki yarimfinalda Eron va Kabo-Verde to‘qnash kelgan edi. O‘yinda hisob ochilmadi, penaltilar seriyasida eronliklar g‘alaba qozondi.
18 noyabr kuni musobaqa finali bo‘lib o‘tadi. Unda Eron va O‘zbekiston to‘qnash keladi. 17 noyabr kuni uchinchi o‘rin uchun bahsda Kabo-Verde va Misr o‘ynaydi.
Al Ain Cup – 2025, 1/2 final
14 noyabr, Abu-Dabi, «Hazza bin Zayd» stadioni
O‘ZBeKISTON – MISR 2:0
Gollar: Oston O‘runov (3, 44)
O‘zbekiston: Abduvohid Ne’matov, Abduqodir Husanov, Hojiakbar Alijonov (Farruh Sayfiyev 89), Otabek Shukurov (Dostonbek Hamdamov 69), Odil Hamrobekov, Aziz G‘aniyev (Akmal Mozgovoy 53), Oston O‘runov (Hojimat Erkinov 53), Sherzod Nasrullayev, Eldor Shomurodov, Abdulla Abdullayev, Husniddin Aliqulov (Rustam Ashurmatov 89).
Bosh murabbiy: Fabio Kannavaro
Misr: Muhammad Elshenavi, Ramiy Robia, Muhammad Honiy, Mustafo Abdulla, Muhammad Sharofiddin, Hamdi Abdulfattoh, Marvon Attia, Ahmad Said, Muhammad Daader, Marvon Muhammad, Muhammad Saloh
Bosh murabbiy Hussam Hasan
O‘zbekiston milliy terma jamoasi Misrga qarshi xalqaro o‘rtoqlik uchrashuvi o‘tkazdi va g‘alaba qozondi.
Oston O‘runovning 4 va 44-daqiqada kiritgan gollari O‘zbekistonga g‘alaba keltirdi. Tarkibida Muhammad Saloh kabi tajribali futbolchilar o‘ynagan Misrga O‘zbekiston darvozasiga yo‘l topish nasib etmadi.
Endi vakillarimiz 18-noyabr kuni Eronga qarshi o‘ynaydi.
Al Ayn xalqaro kubogi – 2025.
O‘zbekiston – Misr 2:0
Gollar: Oston O‘runov (4, 44).
Olimpiya chempioni Lazizbek Mullajonov doping-testning ijobiy natijasi sabab musobaqalarda ishtirok etishdan uch yilga chetlatildi.
Bu haqda World Boxing federatsiyasining mustaqil antidoping dasturi uchun mas’ul bo‘lgan Xalqaro test agentligi ma’lum qildi.
Tashkilot ma’lumotlariga ko‘ra, sportchi musobaqadan tashqari olingan namuna metasteron metabolitlariga ijobiy natija ko‘rsatganidan so‘ng diskvalifikatsiyaga rozilik bildirgan. Bu — mushaklarning tez o‘sishi, kuch va chidamlilikning oshishiga yordam beradigan sintetik anabolik androgen steroid hisoblanadi. U musobaqa paytida ham, musobaqadan tashqarida ham taqiqlangan.
Namuna joriy yil 11 iyun kuni musobaqadan tashqari doping nazorati doirasida olingan. Iyul oxirida Mullajonov vaqtincha diskvalifikatsiya qilingan edi.
Lazizbek Mullajonov 92 kg vazn toifasida Parij-2024 Olimpiadasi g‘olibi sanaladi.
Bokschining 2025 yil 11 iyun kuni musobaqadan tashqari paytda topshirgan namunasida taqiqlangan metasteron metabolit moddasi aniqlandi.
Jahon boksida mustaqil antidoping dasturiga rahbarlik qiluvchi Xalqaro test agentligi (ITA) xabariga ko‘rga, o‘zbekistonlik bokschi Lazizbek Mullajonov taqiqlangan modda – metasteron metabolitiga topshirgan testi musbat natija berganidan so‘ng 3 yillik diskvalifikatsiyaga rozi bo‘ldi.
Sportchi 2025 yil 11 iyun kuni musobaqadan tashqari paytda namunani topshirgandan so‘ng, taqiqlangan metasteron metabolit moddasi uchun testi musbat bo‘lib chiqdi.
Metasteron Jahon antidoping agentligi (WADA) tomonidan taqiqlangan va nospetsifik moddalar qatoriga kiritilgan. U mushak massasi va kuchini oshiradigan sintetik anabolik steroid hisoblanadi.
Sportchi antidoping qoidalarini (ADRV) buzgani bo‘yicha qarorga e’tiroz bildirmadi va bahslashmadi. Qoidaga ko‘ra, shu sababli u 4 yilga emas, balki 3 yilga diskvalifikatsiya qilindi. Uning diskvalifikatsiya muddati 2025 yil 22 iyuldan 2028 yil 21 iyulgacha amal qiladi. Shuningdek, 2025 yil 11 iyundan (sinov topshirilgan sana) 2025 yil 22 iyulgacha (vaqtincha chetlatilgan sana) bo‘lgan musobaqalardagi barcha natijalari bekor qilinadi.
Lazizbek Mullajonov 26 yoshda. 2024 yilgi yozgi Olimpiadada u 92 kg vazn toifasida oltin medalni qo‘lga kiritgan edi. Shuningdek, 2023 yilgi jahon chempionatining bronza medali sovrindori hisoblanadi.
Vodiydagi “metan zapravka”larga ko‘chma konteynerlarda tabiiy gaz yetkazib berish tizimi ishga tushiriladi
Markaziy Osiyo va Ozarbayjon yetakchilari Islom sivilizatsiyasi markazini borib ko‘rishdi
O’zbekiston va Qozog’iston prezidentlari muhim ikki tomonlama kelishuv imzoladilar
-
Jamiyat3 days agoIsh vaqtidan tashqari ishlaganlarga ikki hissagacha haq to‘lanadi
-
Jamiyat3 days agoToshkent uchun yana 56 dona zamonaviy metro vagonlari xarid qilinadi
-
Jamiyat3 days agoTezkor tadbirlarda valuta ayirboshlashning noqonuniy sxemalari aniqlandi
-
Jamiyat4 days agoPrezident huzurida ekologiya bo‘yicha taqdimot o‘tkazildi
-
Dunyodan3 days agoIsroil ko’chmanchilari G’arbiy Siqilning hujumi sifatida Falastin omborlari va erlariga o’t qo’yishdi
-
Iqtisodiyot1 day agoO‘zbekistonda qariyb yarim million korxona va tashkilot faoliyat ko‘rsatmoqda
-
Jamiyat3 days agoPrezident Shavkat Mirziyoyev Binali Yildirimni qabul qildi
-
Jamiyat1 day agoO‘zbekistonda bugun shamolli, lekin iliq ob-havo kutilmoqda