Jamiyat
Buxoroda maktab o‘quvchilarini urgan shaxs sud hukmi bilan jarimaga tortildi
U o‘z farzandini yolg‘iz o‘zi tarbiyalab kelgan va sinfdoshlari tomonidan do‘pposlangan bolasining salomatligidan xavotirga tushgan.
Ijtimoiy tarmoqlarda Buxoro shahridagi 34-umumiy o‘rta ta’lim maktabida o‘quv yili davrida sodir bo‘lgan ko‘ngilsiz holat muhokamaga aylandi.
Buxoro viloyati maktabgacha va maktab ta’limi boshqarmasi axborot xizmati rahbari Iroda Oripovaning «Xabar.uz»ga bildirishicha, holat joriy yilning 30 aprel kunida sodir bo‘lgan.
Voqeaga ko‘ra, Buxoro shahridagi 34-umumiy o‘rta ta’lim maktabining 4-sinfida tahsil olayotgan voyaga yetmagan o‘g‘il bolalar B.R., Sh.R. va S.S.lar fuqaroning o‘g‘li bilan o‘zaro janjallashgan. Bolalar o‘rtasidagi janjal mushtlashuvga aylangan va ular o‘zaro haqoratlashishgan. Do‘pposlangan bolaning yaqin sinfdosh o‘rtog‘i uning otasiga xabar bergan. Jahl otiga mingan ota zudlik bilan maktabga yetib kelgan va maktab qorovulidan so‘rab, to‘g‘ridan-to‘g‘ri o‘g‘lining sinfxonasiga kirib borgan.
Videodagi tasvirga ko‘ra, ayni dars boshlangan vaqtda sinfga kirib kelgan ota hech bir qarshiliksiz o‘z o‘rnida o‘tirgan va janjalga sabab bo‘lgan bolalarni sinfdoshlari oldiga chiqarib, ularni qo‘rqitib baqirgan va ayamay kaltaklagan. Maktab qorovulining hech moneliksiz begona odamni ichkariga kiritib yuboragani bir tomon bo‘lsa, ikkinchi tomonda tasvirda vaziyatni qo‘lga olish o‘rnida holatga hech bir qarshiliksiz befarq qarab turgan o‘qituvchini hamda sinfxona eshigi oldida «tomoshabin» mas’ullarni ko‘rish mumkin. Harchand urinishimizga qaramay, Buxoro shahridagi 34-umumiy o‘rta ta’lim maktabi direktori Murodilla Hamroyev bilan telefon orqali bog‘lanishning imkoni bo‘lmadi.
«Xabar.uz» surishtiruviga ko‘ra, «zo‘ravon» asli Jondor tumanida tug‘ilgan, qaramog‘ida bir nafar farzandi bilan yashab, yakka tartibdagi mehnat faoliyati bilan shug‘ullanib kelayotgan 34 yoshli B.Sh. bo‘lgan. Uning xatti-harakatlari Jinoyat ishlari bo‘yicha Buxoro shahar sudi tomonidan ko‘rib chiqilgan.
«Menga o‘g‘limning telefonidan sinfdoshlari qo‘ng‘iroq qilishib, boshqa bir nechta sinfdoshlari tomonidan kaltaklangani, uning behush yotgani, shu sababdan tezroq shifoxonaga olib borish kerakligini aytishganidan so‘ng o‘zimni qo‘lga ololmay, maktabga bordim. Aybimni tan olaman va qilmishimdan pushaymonman. Farzandim yolg‘iz o‘zimning qaramog‘imda. Uning salomatligidan xavotirga tushganim uchun o‘zimni yo‘qotib qo‘ydim va kechirim so‘rayman»,-degan u sudda.
Respublika sud-tibbiy ekspertiza ilmiy-amaliy markazi Buxoro filialining 6 maydagi xulosasiga ko‘ra, B.Sh. tomonidan shapaloqlab urilgan bolalarda biror bir jarohat yoki ob’yektiv belgilar aniqlanmagan. B.Sh.ning aybiga iqror bo‘lgani, kechirim so‘ragani, shuningdek, O‘zbekiston Respublikasi MJtKning 29-moddasi 2-qismida «Ma’muriy qamoqqa olish chorasi homilador ayollarga, uch yoshgacha bolasi bo‘lgan ayollarga, o‘n to‘rt yoshgacha bo‘lgan bolasini o‘zi tarbiyalayotgan shaxslarga, o‘n sakkiz yoshga to‘lmagan shaxslarga, birinchi va ikkinchi guruh nogironligi bo‘lgan shaxslarga nisbatan qo‘llanilishi mumkin emas» deb qayd qilingani inobatga olingan. Yolg‘iz o‘zi farzandini tarbiyalab kelayotgani sababli huquqbuzarga nisbatan O‘zbekiston Respublikasi MJtKning 183-moddasi sanksiyasi doirasida jarima jazosi tayinlangan. Shu modda bilan bazaviy hisoblash miqdorining besh baravari miqdorida jarima jazosi qo‘llanilgan.
Iroda Oripovaning so‘ziga ko‘ra, maktab qorovuliga ham Buxoro viloyati maktabgacha va maktab ta’limi boshqarmasi o‘z «aybi»ga yarasha chora ko‘rilgan.
«Fuqaroning sinfga to‘g‘ridan-to‘g‘ri kirib kelgan holda o‘quvchilarga bosim o‘tkazib, bir nechta bolalarning kaltaklanishiga beparvo qarab turgan o‘qituvchiga nisbatan ham chora ko‘rilishi belgilanmoqda»,- deydi Iroda Oripova.
O‘zbekiston Respublikasi Prezidentining 2026-yil 9-iyundagi Farmoyishiga asosan, O‘zbekiston Respublikasi Konstitutsiyasining 109-moddasi 14-bandi va «Sudlar to‘g‘risida»gi Qonunining 70-moddasiga muvofiq:
Akrom Jo‘raqulovich Utayev yozma arizasiga binoan Farg‘ona viloyat sudining raisi lavozimidan;
Alisher Abdurashidovich Abduraxmanov yozma arizasiga binoan Farg‘ona viloyat sudi raisining o‘rinbosari – iqtisodiy ishlar bo‘yicha sudlov hay’ati raisi lavozimidan ozod etildi.
Shuningdek:
Giyosiddin Tulkinovich Yalgashev besh yil muddatga Jizzax viloyat sudining raisi lavozimiga tayinlanganligi munosabati bilan Navoiy viloyat sudi raisining o‘rinbosari – jinoyat ishlari bo‘yicha sudlov hay’ati raisi lavozimidan ozod etildi;
Boboxon Xodjiakbarovich Vaxobov besh yil muddatga Farg‘ona viloyat sudining raisi lavozimiga;
Abrorjon Alimjonovich Omonov besh yil muddatga Farg‘ona viloyat sudi raisining o‘rinbosari – jinoyat ishlari bo‘yicha sudlov hay’ati raisi lavozimiga;
Akmal Xashimovich Raximov sudyalik lavozimida bo‘lishning muddatsiz davriga, shundan besh yil muddatga Farg‘ona viloyat sudi raisining o‘rinbosari – iqtisodiy ishlar bo‘yicha sudlov hay’ati raisi lavozimiga;
Tolibdjan Yakubdjanovich Xaydarov besh yil muddatga Jizzax viloyat sudi raisining o‘rinbosari – jinoyat ishlari bo‘yicha sudlov hay’ati raisi lavozimiga;
Ulugbek Balkibayevich Mamadaliyev besh yil muddatga Qashqadaryo viloyat sudi raisining o‘rinbosari – jinoyat ishlari bo‘yicha sudlov hay’ati raisi lavozimiga;
Oybek Aliyevich Xasanov besh yil muddatga Samarqand viloyat sudi raisining o‘rinbosari – fuqarolik ishlari bo‘yicha sudlov hay’ati raisi lavozimiga;
Jasur Mansurovich Suyarov besh yil muddatga Sirdaryo viloyat sudi raisining o‘rinbosari – iqtisodiy ishlar bo‘yicha sudlov hay’ati raisi lavozimiga tayinlandi.
Respublikaning bir qator hududlarida o‘tkazilgan tezkor tadbirlar davomida fuqarolarni Koreya Respublikasiga ishga yoki o‘qishga yuborishni va’da qilib, ulardan turli miqdorda pul olgan bir necha shaxslar qo‘lga olindi.
Sun’iy intellekt yaratgan surat
Bosh prokuratura huzuridagi Departament hamda boshqa huquqni muhofaza qiluvchi organlar xodimlari tomonidan o‘tkazilgan tezkor tadbirlarda Qoraqalpog‘iston Respublikasi, Farg‘ona, Samarqand, Andijon, Sirdaryo va Navoiy viloyatlarida Koreyaga ishga yoki o‘qishga jo‘natishni va’da qilgan shaxslarning noqonuniy faoliyatiga chek qo‘yildi.
Jumladan, Xo‘jayli tumanida bir fuqaro yuqori lavozimlarda ishlovchi tanishlari orqali Koreyaga ishga joylashtirib berishni va’da qilib, 5 ming AQSh dollarini olgan vaqtida ushlangan.
Farg‘ona viloyatida o‘tkazilgan tezkor tadbirda muqaddam sudlangan shaxs 10 nafar fuqaroni 55 ming AQSh dollari evaziga Koreyaga o‘qish va ishga yuborishini aytib, 4 ming AQSh dollarini olgan vaqtida qo‘lga olingan. Tergovga qadar tekshiruvlarda uning yana 46 nafar fuqarodan jami 196 ming 650 AQSh dollarini firibgarlik yo‘li bilan qo‘lga kiritgani aniqlangan.
Shuningdek, Samarqand, Andijon, Sirdaryo va Navoiy viloyatlarida ham Koreyaga ishchi yoki sport vizasi rasmiylashtirib berish, shuningdek, ishga joylashtirishni va’da qilgan bir qator shaxslar fuqarolardan pul olgan vaqtida ashyoviy dalillar bilan ushlangan.
Huquqni muhofaza qiluvchi organlar tomonidan mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Toshkent viloyatining Zangiota tumanida o‘tkazilgan tezkor tadbir davomida 10 kilogrammdan ortiq kumushni noqonuniy sotishga uringan shaxs qo‘lga olindi. Tadbir chog‘ida milliardlab so‘mlik qimmatbaho metalllar ham aniqlandi.
Foto: Davlat xavfsizlik xizmati
Davlat xavfsizlik xizmati, Iqtisodiy jinoyatlarga qarshi kurashish departamenti hamda Bojxona organlari hamkorligida o‘tkazilgan tezkor tadbirda qimmatbaho metalllarning noqonuniy muomalaga kiritilishiga chek qo‘yildi.
Ma’lum bo‘lishicha, Toshkent shahrida yashovchi 1992 yilda tug‘ilgan shaxs 13 dona quyma bo‘laklardan iborat bo‘lgan, jami 10 kilogramm 35 gramm kumushni maxsus xaridorga 20,8 ming AQSh dollariga sotayotgan vaqtida ashyoviy dalillar bilan ushlangan.
Mutaxassislar xulosasiga ko‘ra, mazkur kumushning umumiy qiymati 235 million 229 ming so‘mni tashkil etadi.
Tergovga qadar tekshiruvlar davomida gumonlanuvchi zargarlik buyumlari ishlab chiqarish bilan shug‘ullanuvchi mas’uliyati cheklangan jamiyat xodimi ekani aniqlangan. Shuningdek, ushbu korxonada oltin va kumush mahsulotlariga qayta ishlov berilgani, biroq affinaj faoliyati bilan shug‘ullanish uchun tegishli ruxsatnomaga ega emasligi ma’lum bo‘lgan.
Tezkor tadbir davomida mazkur manzildan umumiy qiymati 3 milliard 483 million so‘mlik 58 kilogramm kumush hamda 2,2 kilogramm oltin borligi aniqlangan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
O‘zbekistonning bir nechta hududlarida yashovchi 8 nafar fuqaro Suriyadagi terroristik tashkilot faoliyatini moliyalashtirgani uchun sud tomonidan turli muddatlarga ozodlikdan mahrum qilish va ozodlikni cheklash jazolariga hukm qilindi.
Davlat xavfsizlik xizmati organlari tomonidan Ichki ishlar idoralari bilan hamkorlikda o‘tkazilgan tezkor tadbir natijasida terrorizmni moliyalashtirish bilan shug‘ullangan bir guruh shaxslar faoliyatiga chek qo‘yildi.
Aniqlanishicha, Toshkent shahri, Samarqand, Buxoro, Andijon va Farg‘ona viloyatlarida yashovchi, 1987–1998 yillarda tug‘ilgan 8 nafar fuqaro Suriyadagi «G‘uroba katibasi» terroristik tashkiloti bilan bog‘liq bo‘lgan Qirg‘iziston fuqarosi Abdulmuhsin Usmonovning g‘oyaviy-psixologik ta’siriga tushib, unga tegishli hisob raqamlariga pul o‘tkazib kelgan.
Tergov ma’lumotlariga ko‘ra, «Saad Muxtor» taxallusi bilan tanilgan mazkur shaxs «Telegram» messenjeri orqali Falastinda jabr ko‘rgan musulmonlarga yordam berish bahonasida xayriya mablag‘lari yig‘gan. Biroq to‘plangan mablag‘lar aslida Suriyadagi terrorchi guruhlar ehtiyojlari uchun sarflangan.
Sud hukmiga muvofiq, qonunbuzarlarning yetti nafari 3 yildan 8 yilgacha bo‘lgan muddatlarga ozodlikdan mahrum qilindi. Yana bir nafar shaxsga esa 4 yil 4 oy muddatga ozodlikni cheklash jazosi tayinlandi.
Eslatib o‘tamiz, Jinoyat kodeksining 155-3-moddasiga ko‘ra, terrorizmni moliyalashtirish jinoyati uchun 15 yilgacha ozodlikdan mahrum qilish jazosi belgilangan.
Davlat xavfsizlik xizmati fuqarolarni ijtimoiy tarmoqlarda tarqatilayotgan shubhali xayriya chaqiriqlariga ishonmaslikka chaqirib, mablag‘ o‘tkazishdan oldin ularning haqiqiy maqsadi va qonuniyligini tekshirish zarurligini ta’kidladi.
Buxoro shahrida singlisining shaxsiy hayotiga oid ma’lumotlardan g‘arazli maqsadda foydalangan ayolning jinoiy harakatlariga chek qo‘yildi. Bu haqda «Xabar.uz»ga viloyat IIB axborot xizmati rahbari ma’lum qildi.
Ta’kidlanishicha, 2007-yilda tug‘ilgan fuqaro J.N. singlisi R.N. va uning tanishi D.D. o‘rtasidagi ishqiy munosabatlardan xabar topgan. Biroq, u bu holatni sir saqlash yoki muammoni tinch yo‘l bilan hal etish o‘rniga, vaziyatdan moddiy manfaat ko‘rishni maqsad qilgan.
Gumonlanuvchi ayol yigitni unga tegishli rasm va videolarni uning oila a’zolariga ko‘rsatish, ijtimoiy tarmoqlarda tarqatish hamda huquq-tartibot idoralariga murojaat qilib, uni javobgarlikka tortish bilan qo‘rqitgan. Shu tariqa u jabrlanuvchidan 2000 AQSh dollari talab qilgan.
Buxoro shahrida Ichki ishlar boshqarmasi, Tezkor qidiruv xizmati hamda boshqa mas’ul idoralar hamkorligida o‘tkazilgan tezkor tadbir davomida gumonlanuvchi J.N. talab qilingan pul mablag‘ini D.D.dan olayotgan vaqtda ashyoviy dalillar bilan qo‘lga olingan.
Tergov jarayonida u qilmishidan pushaymon ekanini bildirib: «Oilaviy sirdan foydalanib, pul ishlashga uringanim katta xato bo‘ldi. Bir lahzalik manfaat, deb o‘z kelajagimni xavf ostiga qo‘ydim. Qilgan ishimdan qattiq afsusdaman»,— degan.
Ayni vaqtda mazkur holat yuzasidan O‘zbekiston Respublikasi Jinoyat kodeksining 165-moddasi, 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda. Ushbu moddaga muvofiq, aybdor shaxs 3 yildan 5 yilgacha ozodlikni cheklash yoki 3 yildan 5 yilgacha ozodlikdan mahrum qilish jazosi bilan jazolanishi mumkin.
Farg‘ona viloyat sudi raisi va o‘rinbosari lavozimidan ozod etildi
Kredit reytinglarining yaxshilanishi O‘zbekistonga nima beradi?
Koreyaga yuborish va’dasi bilan pul yig‘gan shaxslar qo‘lga olindi
-
Iqtisodiyot5 days agoTBC Bank Group’ga OLX Uzbekistan’ni sotib olishga ruxsat berildi
-
Siyosat5 days agoSaida Mirziyoyeva mintaqaviy yashil tashabbuslarni ilgari surish maqsadida BMT va GEF rahbarlari bilan uchrashmoqda
-
Jamiyat4 days agoToshkentda avtobus orqaga yurayotgan payti piyodani bosib ketdi
-
Siyosat5 days ago
Shavkat Mirziyoyev Gonkong rahbarini qabul qildi
-
Jamiyat4 days agoToshkentda uyni ikki marta sotgan aka-ukaga jinoyat ishi qo‘zg‘atildi
-
Iqtisodiyot5 days agoAESda ishlab chiqarilgan 1 kWh elektr narxi 1000 so‘mdan past bo‘ladi
-
Jamiyat4 days agoQo‘g‘irchoq teatri san’ati an’analarini asrab qolish alohida ahamiyatga ega – Saida Mirziyoyeva
-
Mahalliy4 days ago
Bugun — Jahon atrof-muhitni muhofaza qilish kuni: sayyora bizdan nimani kutyapti?