Jamiyat
bu qotillik yuz bermasdi, agar…
Denov tumanida 3 yoshli qizaloq bozorda notanish ayol tomonidan pichoqlab o‘ldirildi. Qotil ruhiy xasta bo‘lib chiqdi: taassufki, ayol avval ham bozorda o‘g‘irlik qilgan, ruhiy xasta bo‘lgani uchun sud unga tibbiy yo‘sindagi majburlov chorasi qo‘llagan, ijrosini esa Denov tuman IIBga yuklagandi. Ayolni ruhiy xastaxonaga joylashtirishi kerak bo‘lgan profilaktika inspektori sud ajrimini “ish stoli ustida unutib qoldiradi”. Afsuski, bu “unutish”ning oqibati uzoq kuttirmadi.
{Yii::t(}
O’tkazib yuborish 6s
O’tkazib yuborish
Bozordan tirik qaytmagan qizaloq
2025 yil 1 may. Ammasi bilan Denov tumanining Bobur mahallasidagi dehqon bozorga borgan 3 yoshli Oysha uyga tirik qaytmadi: bozorda notanish ayol kutilmaganda unga hujum qilib, qo‘lidagi pichoq bilan zarba berdi. Barchasi soniyalar ichida sodir bo‘ldi, qizaloq va uning qo‘lidan ushlab kelayotgan ammasi bir lahza nima bo‘lganini sezmay ham qolishdi.
Qizaloqning jarohatidan qon oqa boshladi, unga zarba bergan ayol esa qo‘lidagi pichoqni namoyishkorona bir chetga uloqtirib, voqea joyidan nari ketdi. Hodisa shu yerdagi kuzatuv kamerasiga tushib qolgandi.
Oysha olgan og‘ir tan jarohati oqibatida voqea joyida vafot etgan. Unga pichoq bilan zarba bergan ayol esa ko‘p o‘tmay qo‘lga olingan. Bu 1995 yilda tug‘ilgan, Denov tumanida yashovchi Surayyo Mamatova edi. Ayolga nisbatan qasddan odam o‘ldirish bilan jinoyat ishi qo‘zg‘atilgan. Keyinchalik uning ruhiy xasta ekani oydinlashgan.
Bozorda o‘g‘irlangan telefon
Aslida Oyshaning o‘limi bilan bog‘liq holat sodir bo‘lishida ruhiy xasta ayoldan tashqari yana bir aybdor bor. Uning kimligini keltirishdan avval yana bir jinoyatga e’tibor qaratish zarur. Bu 2024 yil 1 oktyabr kuni Denov tumanining Namozgoh mahallasidagi bozorda sodir qilingan o‘g‘rilik jinoyati.
Shu kuni soat 7:45 larda notanish ayol bozordagi savdo do‘koniga kirib, avvaliga fuqarolardan birining narxi 2 mln so‘mlik telefonini, so‘ngra boshqa fuqaroning narxi 600 ming so‘mlik ro‘molini o‘g‘irlaydi. Bu jinoyatni ham Surayyo Mamatova sodir qilgandi.
Holat yuzasidan jinoyat ishi qo‘zg‘atiladi va tergov harakatlari olib boriladi. Jarayonda ayolning ruhiy xasta ekani aniqlanadi. Demak Surayyo Mamatovaning ruhiy xasta ekani u Oyshani pichoqlab o‘ldirishidan 7 oy oldin ma’lum bo‘lgan.
Ayol sodir qilgan o‘g‘rilik jinoyati uchun sudlangan. Jinoyat ishlari bo‘yicha Uzun tuman sudi 2025 yil 20 yanvar kuni, ya’ni Oyshaning o‘limidan 3 oy oldin Surayyo Mamatovaga tibbiy yo‘sindagi majburlov chorasini qo‘llash, ya’ni uni majburiy tartibda ruhiy kasalliklar shifoxonasiga yotqizish haqida ajrim chiqargan.
Ushbu sud hujjatida keltirilishicha, sud-psixiatriya ekspertizasining 2024 yil 22 oktyabrdagi 192-sonli xulosasida Surayyo Mamatovada ruhiy kasallikning “shizofreniya simptomlari bilan o‘tkir polimorf buzilishlar” turi belgilari kuzatilishi aniqlangani qayd etilgan. Xulosada ayol jinoyat paytida o‘z harakatlariga javob bera olmaydigan holda bo‘lgani aytilgan va uni Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati bo‘yicha Surxondaryo viloyati filialida majburiy davolash tavsiya etilgan.
Sud-psixiatriya ekspertizasining xulosasiga tayanib, sud Surayyo Mamatova o‘g‘rilik jinoyatini aqli noraso holatda sodir qilgan, deb topgan va jinoyat ishini tugatgan. Ayolga nisbatan umumiy tipdagi Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati bo‘yicha Surxondaryo viloyati filialida majburiy davolanish tarzidagi tibbiy yo‘sindagi majburlov chorasi qo‘llash belgilangan.
Sud ajrimida Surayyo Mamatovani majburiy tartibda shifoxonaga joylashtirish Denov tuman IIB hamda tibbiyot birlashmasiga yuklatilgan.
Havoda qolgan sud ajrimi
Surayyo Mamatovaga tibbiy yo‘sindagi majburlov chorasini qo‘llash haqidagi sud ajrimi uni ijro etish bo‘yicha mas’ul bo‘lgan Denov tuman ichki ishlar bo‘limi xodimi Alijon Rasulov qo‘liga oradan 23 kun o‘tib, 2025 yil 12 fevral kuni yetib borgan. Biroq o‘sha vaqtda Surayyo Mamatova yashaydigan Denov tumanidagi Fayzli mahallasida profilaktika inspektori vazifasida ishlagan Alijon Rasulov masalani jiddiy deb o‘ylamagan shekilli, sud hujjati ijrosini ta’minlamagan.
O‘z harakatlariga javob bera olmaydigan Surayyo Mamatova 2025 yil 1 maygacha, ya’ni bozorda Oyshani pichoqlab o‘ldirgunga qadar ochiqda yuravergan. Shu tariqa, qizaloqning o‘limiga ichki ishlar xodimining beparvoligi ham sabab bo‘lib qolgan. Agar Alijon Rasulov o‘z vazifasiga vijdonan yondashib, sud ajrimi ijrosini o‘z vaqtida ta’minlaganida Oysha hozir qabrda emas, onasining bag‘rida bo‘lardi balki. Bu o‘y-fikrlar qizaloqning yaqinlari bag‘rini ham o‘rtayotgani aniq.
Ikkinchi urinish
Sudning Surayyo Mamatovaga tibbiy yo‘sindagi majburlov chorasini qo‘llash haqidagi 2025 yil 20 yanvardagi ajrimidan so‘ng oradan 6 oy o‘tib, 2025 yil 18 iyul kuni jinoyat ishlari bo‘yicha Sherobod tuman sudi yana shu mazmundagi ajrim chiqardi. Bu qizaloqning o‘limi bilan bog‘liq jinoyatdan keyingi sud ajrimi edi.
Sud hujjatida keltirilishicha, Toshkent shahar Sog‘liqni saqlash bosh boshqarmasi Ruhiy kasalliklar klinik shifoxonasi Surayyo Mamatova “Paranoid shizofreniya, uzluksiz kechishi” ko‘rinishidagi surunkali ruhiy kasallik bilan og‘rishi, qotillikni sodir qilgan vaqtda o‘z harakatlarining ahamiyatini anglay olish qobiliyatiga ega bo‘lmagani, u Respublika kuzatuvi kuchaytirilgan ruhiy kasalliklar shifoxonasida majburiy davolanishga muhtoj ekani haqida xulosa bergan. Shu tariqa, ayol qotillik jinoyatini aqli noraso holatda sodir etgan deb topilgan va jinoiy javobgarlikdan ozod qilinib, unga nisbatan yuritilgan jinoyat ishi tugatilgan.
Surayyo Mamatovaga qo‘llangan qamoqqa olish tarzidagi ehtiyot chorasi bekor qilingan hamda uni Respublika kuzatuvi kuchaytirilgan ruhiy kasalliklar shifoxonasiga majburiy davolanish uchun joylashtirish belgilangan. Sud ajrimi ijrosi uchun Denov tuman IIB boshlig‘iga, 9-sonli tergov hibsxonasi rahbariga hamda Respublika kuzatuvi kuchaytirilgan ruhiy kasalliklar shifoxonasi bosh shifokoriga yuborilgan.
“Esimdan chiqib ketibdi”
Oyshaning o‘limidan so‘ng ichki ishlar xodimi Alijon Rasulovga nisbatan jinoyat ishi qo‘zg‘atilgan. Beparvoligi bilan qizaloqning o‘limiga sababchi bo‘lib qolgan xodimga 2025 yil 3 oktyabr kuni sud hukmi o‘qildi.
Alijon Rasulov sudda aybiga iqrorlik bildirgan hamda sud ajrimi ijrosini ta’minlash esidan chiqib ketganini aytgan.
“Menga 2025 yil 12 fevralda Surayyo Mamatovaga nisbatan tibbiy yo‘sindagi majburlov chorasi qo‘llash haqidagi sud ajrimini va uni ijro etish uchun yuborilgan xatni taqdim qilishdi. Ruhiy kasal Surayyo Mamatova mahallada otasi xonadonida birgalikda yashab kelgan. Sud ajrimining ijrosini ta’minlash maqsadida 14 fevralda Surayyo Mamatovaning yashash xonadoniga bordim. Chaqirganimda xonadondan hech kim chiqmadi. Shu sababli xonadonda hech kim yo‘qligi to‘g‘risida dalolatnoma rasmiylashtirdim.
18 fevral kuni Surayyo Mamatovaning uyiga borgan vaqtimda uni topishning imkoni bo‘lmagandi va xonadonida yo‘qligi to‘g‘risida mahalla raisi va yoshlar yetakchisi bilan dalolatnoma tuzdim. Keyin 12 mart kuni Surayyo Mamatovani topish uchun yana uning uyiga bordim. Ammo u yo‘q ekan. Otasidan so‘raganimda u qizi opasinikiga mehmondorchilikka ketganini, ruhiy holati yaxshi ekanini aytdi. Bu gaplarga ishonib ortga qaytdim.
Shundan so‘ng uning yashash xonadoniga bormadim. Sud ajrimi xizmat xonamda esimdan chiqib qolib ketdi. Surayyo Mamatovani tibbiy muassasaga olib borishda yordam berishim kerak bo‘lgan bo‘lsa-da, biroq boshqa xizmat ishlarim bilan bo‘lib, esimdan chiqib qoldi. Biror bir rahbar ham eslatmadi”, degan u suddagi ko‘rsatmasida.
Alijon Rasulov qilgan ishidan pushaymonligini aytib, suddan yengillik so‘ragan. Shuningdek, Oyshaning onasi ham sudda Alijon Rasulovga da’vosi yo‘qligini bildirgan.
Jinoyat ishlari bo‘yicha Sariosiyo tuman sudining hukmi bilan Alijon Rasulov mansabga sovuqqonlik bilan qarash jinoyatini sodir qilishda aybli deb topilgan. Unga 2,5 yil Ichki ishlar vazirligi tizimida xizmat qilish huquqidan mahrum qilgan holda 3 yil muddatga ozodlikni cheklash jazosi tayinlangan.
Nazoratsiz ruhiy xastalar
Keyingi vaqtlarda O‘zbekistonda ruhiy holati buzilgan shaxslar nazorati borasida kamchiliklar borligi ko‘zga tashlanmoqda. Buni Toshkent shahrida ayiq qafasidan tirik chiqib, onasi tomonidan pichoqlab o‘ldirilgan 7 yoshli Zarina Ahadova misolida ham ko‘rdik.
O‘tgan bir yilda respublikada ruhiy xasta shaxslar tomonidan o‘nlab jinoyatlar sodir etilgan. Xususan, 2 nafar voyaga yetmagan qiz ruhiy nosog‘lom erkaklarning hujumiga uchragan, 2 nafar qizaloq esa pichoqlab o‘ldirilgan. Biz bugun 3 yoshli Oyshaning o‘limiga sabab bo‘lgan beparvolikka nazar tashladik. Aslida, kuzatilayotgan shu kabi har bir holat ortida mana shunday beparvolik turgan bo‘lishi mumkin. Jajji qizaloqlar o‘limiga sabab bo‘layotgan ushbu holatlar tahlil qilinishi, xatolar ustida ishlanishi zarur.
Ruslan Saburov,
Kun.uz
Turli mamlakatlar olimlari inson organizmini vaqtidan oldin qaritadigan asosiy sabablarni aniqlashdi.
Kambag‘allik, past daromad va sifatli ta’lim olish imkoniyatining yo‘qligi inson tanasidagi biologik qarishni tezlashtirishi isbotlandi. Eng yomoni, bu salbiy jarayon ko‘pincha bolalikdanoq boshlanadi.
Xulosa chiqarish uchun mutaxassislar dunyoning 23 ta davlatidan 66 mingdan ortiq odam ishtirok etgan 140 ta ilmiy tadqiqot natijalarini o‘rganib chiqishdi. Unda chaqaloqlardan to 86 yoshgacha bo‘lgan odamlar ishtirok etdi. Olimlar odamlarning qarish tezligini maxsus «epigenetik soatlar» (organizmning ichki holatini ko‘rsatuvchi tizim) yordamida tekshirishdi. Bu haqda «Nature Human Behavior» nashri ma’lum qildi.
Tadqiqot natijalariga ko‘ra agar biologik qarish sekinlashsa inson o‘z yoshiga nisbatan tetik, yosh va sog‘lom bo‘lib yuradi. Uning tashqi ko‘rinishi ham, ichki sog‘lig‘i ham xuddi pasportdagi yoshidek (yoki undan ham yoshroq) saqlanib qoladi.
Agar qarish jarayoni tezlashayotgan bo‘lsa odatda keksalikka xos bo‘lgan kasalliklar insonda vaqtidan ancha oldin paydo bo‘ladi.
Ma’lumotlarga ko‘ra, ta’minoti past va kambag‘al oilalarda o‘sayotgan bolalarning ichki organizmi (biologik yoshi) o‘ziga to‘q oilalardagi tengdoshlariga qaraganda ancha katta, ya’ni ertaroq qariyotgani ma’lum bo‘ldi. Xuddi shunday holat katta yoshli insonlar orasida ham kuzatilmoqda.
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
«Bu musobaqa men uchun ham katta tajriba bo‘di» – Kannavaro
25-iyundan valyutalar qanchaga yetishi e’lon qilindi
Olimlar kimlar tezroq qarishini aniqlashdi
-
Sport5 days ago🔴 LIVE: AQSh-Eron muzokaralari va Starmer iste’fosi
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan
-
Iqtisodiyot3 days ago
O‘zbekiston banklari aktivlari 962,8 trln so‘mga yetdi
-
Dunyodan3 days agoQirg‘izistonda navbatdagi prezidentlik saylovlari qachon o‘tkazilishi ma’lum qilindi.
-
Dunyodan23 hours agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi