Sport
Braziliyadagi futbol uchrashuvida 23 ta qizil kartochka ko‘rsatildi
«Kruzeyro» va «Atletiko Mineyro» o‘rtasidagi o‘yin ommaviy mushtlashuvga aylandi.
Foto: Evandro Oliveira/IMAGO/TASS
Braziliyaning Belu-Orizonti shahridagi stadionda bo‘lib o‘tgan «Kruzeyro» va «Atletiko Mineyro» klublari uchrashuvi ancha vaqtgacha muxlislar yodida qoladigan bo‘ldi – gollar yoki xavfli vaziyatlar emas, o‘yin oxirida maydonda kechgan tartibsizlik tufayli. Mineyro ligasi finalining so‘nggi daqiqalarida jamoa futbolchilari o‘rtasida shiddatli to‘qnashuv yuzaga keldi, bosh hakam esa naq 23 nafar futbolchiga qizil kartochkasini ko‘rsatdi.
Barchasini darvozabon boshladi
Ushbu klublar o‘zaro o‘yinda Mineyro ligasi g‘olibi nomini aniqlashdi. O‘yinning 60-daqiqasida «Kruzeyro» forvardi Kayo Jorjye Jyersonning uzatmasi orqali hisobni ochdi.
«Atletiko Mineyro» qolgan yarim soat davomida hisobni tenglashtira olmadi. Jamoaning birorta zarbasi ham raqib darvozasi tomon to‘g‘ri bormadi. Natijada o‘yin oxirida futbolchilar asablarini jilovlay olishmadi.
Barcha hakam hushtagi chalinishini kutib turganida «Kruzeyro» so‘nggi hujumni uyushtirdi, hujum oxirida ushbu klub yarimhimoyachisi Kristian «Atletiko Mineyro» darvozaboni Eversonga borib urildi. To‘pga birinchi bo‘lib ulgurgan darvozabonga raqibning harakati yoqmadi: u avvaliga kurashga xos uslub qo‘llab, Kristianni oyog‘idan ushlab yiqitdi, keyin esa uning ustiga chiqib olib, tajovuzkor harakatlarini davom ettirdi.
Shundan keyin ikki jamoa futbolchilari, shuningdek, zaxira o‘rindig‘idagilar hamda murabbiylar shtabi a’zolari voqea joyiga yetib kelishdi. Maydonda ommaviy mushtlashuv boshlandi.
Natijada tomonlarni ajratish uchun maydonga harbiy politsiya kuchlari tushib kelgan.
«Aralashuv xavfsizlik xizmati majburiyatlarining bir qismi hisoblanadi. Protokolda hakamlar brigadasi xavfsizligini ta’minlash shartligi ko‘rsatilgan va bu ish bajarildi», – deyiladi harbiy politsiya bayonotida.
Bir necha daqiqadan keyin futbolchilar tinchlanishgan, uchrashuv esa «tulkilar»ning minimal hisobdagi (1:0) g‘alabasi bilan yakunlangan. O‘yin bosh hakami esa 23 futbolchiga qizil kartochka ko‘rsatdi: shundan 12 nafari «Kruzeyro», 11 nafari «Atletiko» futbolchilari. Bu borada bundan oldingi rekord 1954 yilda «Botafogo» va «Portugeza» klublari o‘rtasidagi o‘yinda o‘rnatilgan, o‘shanda 22 kishiga qizil ko‘rsatilgandi.
Foto: Evandro Oliveira/IMAGO/TASS
Xalk ham mushtlashuvda faol qatnashdi
O‘z vaqtida «Portu» va «Zenit» klublari safida to‘p surgan, hozirda «Atletiko Mineyro» klubi a’zosi hisoblangan Xalk bu o‘yinda Braziliya futboli tarixiga kirishi mumkin edi. U qatorasiga to‘rt yil mobaynida shtat chempionatining eng yaxshi to‘purari bo‘lgandi. Ammo 2026 yilda bu seriya uzildi: finalda u birorta gol urolmadi. Shu tariqa, u turnirning to‘rt karra to‘purari bo‘lgan boshqa bir futbolchi Dada Marvilidan o‘zib ketolmadi.
Shu bilan birga, Xalk mushtlashuvdagi faol ishtiroki bilan muxlislar yodida qoladigan bo‘ldi. Kameralar u raqiblardan birini ortidan quvib yurib urgani aks etgan holatni tasvirga olgan. Uning o‘zi o‘yindan keyin barcha javobgarlikni uchrashuv hakami zimmasiga yukladi.
«Yo hakam o‘yinni o‘z nazoratiga oladi, yoki u to‘liq tartibsizlikka aylanadi. Muxlislardan uzr so‘rashimiz kerak, bunday zo‘ravonlik sahnalarini ko‘rish juda achinarli. Buni bolalar va o‘smirlarga ko‘rsatmasligimiz kerak», – deya uning so‘zlarini keltirgan geglobo nashri.
Buyog‘iga nima bo‘ladi?
Ayni vaqtda KONKAKAF (Shimoliy va Markaziy Amerika hamda Karib havzasi futbol konfederatsiyasi) hech qanday sanksiya haqida e’lon qilmadi – tashkilot hamon hodisani tekshirmoqda.
Jurnalist va sport huquqi sohasiga ixtisoslashgan Andrey Kampffning so‘zlariga ko‘ra, futbolchilar jiddiy jazolanmaydi
«Bunday holatlarda eng keng tarqalgan kvalifikatsiya Braziliya sport adliya kodeksining (CBJD) 254-a-moddasi bo‘lib, u 4 dan 12 tagacha o‘yinga diskvalifikatsiyani nazarda tutadi», – deya uning so‘zlarini keltirgan TEMPO Sport.
Bundan tashqari, Kampff qayd etishicha, jazo faqat shtat ichki chempionatiga taalluqli bo‘ladi. Shuning uchun, futbolchilar Braziliya A seriyasi o‘yinlarida ishtirok etaverishi mumkin.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat22 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat21 hours ago
O‘zbekiston do‘konlarida 73 turdagi mahsulot sifatsiz deb topildi