Sport
Boks bo‘yicha jahon chempionatida O‘zbekiston yana 3 ta oltin oldi
Asadxo‘ja Mo‘ydinxo‘jayev, Javohir Ummataliyev va To‘rabek Habibullayev finalda o‘z raqiblarini mag‘lub etdi. O‘zbekiston boks jamoasi umumiy reytingda peshqadamlik qilmoqda. Kechki dasturda yana to‘rt final kutmoqda.
Angliyaning Liverpul shahri mezbonligida o‘tayotgan boks bo‘yicha jahon chempionatining so‘nggi kuni O‘zbekiston vakillari uchun o‘ta muvaffaqiyatli boshlandi.
Dastlab -65 kg vazn toifasida Asadxo‘ja Mo‘ydinxo‘jayev oltin medal uchun ringga ko‘tarildi. O‘zbekiston jamoasi yetakchisi hal qiluvchi jangda braziliyalik Yuriy Falkao Dos Reys ustidan 4:1 hisobida g‘alaba qozondi va jamoa hisobiga ikkinchi oltin medalni keltirdi.
Mo‘ydinxo‘jayev turnir davomida xitoylik Jianxao Ju, finlandiyalik Ismail Umar va qozog‘istonlik Ertug‘an Zeynulinov kabi raqiblarni mag‘lub etgandi, yarimfinaldagi raqibi gurjistonlik Lasha Guruli esa jarohat sababli ringga chiqmadi.
Finalda ham g‘olib bo‘lgan Asadxo‘ja Mo‘ydinxo‘jayev endi ikki karra jahon chempioni hisoblanadi.
Biroz o‘tib, -80 kg vazn toifasida finalga chiqqan Javohir Ummataliyev fransiyalik Yojyerlen Sezarni uch raund yakunlariga ko‘ra mag‘lubiyatga uchratib (5:0), jahon chempioniga aylandi.
20 yoshli bokschi finalgacha bo‘lgan yo‘lida polshalik Nikodem Kozak, janubiy koreyalik Kim Minseong, qozog‘istonlik Nurbek Oralbay hamda xorvatiyalik Gabriel Veochich (o‘z vaznida amaldagi chempion bo‘lgan raqibni nokdaun holatiga ham tushirdi) kabi raqiblarni taslim etgandi.
Kunning uchinchi finalida To‘rabek Habibullayev braziliyalik Isaias Ribeiroga qarshi jang qildi. -90 kg vazn toifasidagi final jangida To‘rabek ham raqibini ochkolar bo‘yicha mag‘lubiyatga uchratdi (5:0) va O‘zbekiston hisobiga navbatdagi oltin medalni taqdim etdi.
Habibullayev esa turnirdagi ishtiroki davomida gretsiyalik Vagkan Nanitzanian, qozog‘istonlik Sag‘indik Tog‘ambay hamda ispaniyalik Enmanuel Reys Pla kabi raqiblar to‘sig‘idan o‘tib, finalga chiqqandi.
13 sentabr kuni o‘tkazilgan erkaklar o‘rtasidagi dastlabki finalda Fazliddin Erkinboyev (-75 kg) Bolgariya vakili Kivan Ramini mag‘lub etib, oltin medallar hisobini ochib bergandi. Bundan tashqari, 13 sentabr kungi yarimfinal janglarida ayollar jamoasidan Cabina Boboqulova, Feruza Kazakova va Aziza Zokirova navbatdagi raqiblarga mag‘lub bo‘lib, bronza medallarga sazovor bo‘lishgandi.
Shu tariqa, O‘zbekiston hisobidagi medallar soni hozircha 7 tani tashkil etmoqda – 4 oltin va 3 bronza. Jamoa umumiy reytingda birinchi o‘rinda mustahkam joylashgan.
Eng yaqin ta’qibchilar Qozog‘iston (2-1-2) va Hindiston (2-1-2) jamoalari medallar sifati bo‘yicha ham, soni bo‘yicha ham ortda.
Kun davomida o‘zbekistonlik charm qo‘lqop ustalari ishtirokida yana 4 ta final jangi bo‘lib o‘tadi:
22:15. -60 kg. Abdumalik Xalokov – Luiz Gabriel de Oliveyra (Braziliya)
22:30. -65 kg. Navbahor Hamidova – Aida Abikeyeva (Qozog‘iston)
23:15. -85 kg. Akmaljon Isroilov – Tign Stott (Angliya)
24:45. +90 kg. Jahongir Zokirov – Oybek O‘ralboy (Qozog‘iston).
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Saida Mirziyoyeva Pekinda Va I bilan muloqot o‘tkazdi
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Iqtisodiyot5 days ago
Oziq-ovqat ishlab chiqarishda qaysi hududlar yetakchi?
-
Siyosat2 days ago
Prezidentning Mustaqillik bayrami tabrigidan o‘rin olgan asosiy fikrlari
-
Jamiyat14 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport1 day ago
EChL 2026/2027. Umumiy guruh bosqichi taqvimi e’lon qilindi
-
Sport14 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi