Jamiyat
Bir yilda 15 mingdan ziyod taksichi 100 mln so‘mdan ortiq daromad oldi
2025 yil yakunlariga ko‘ra, yo‘lovchi tashish aylanmasi 9,6 trln so‘mdan oshdi. Bitta chek o‘rtacha 20 ming so‘mni tashkil etgan.
2025 yil yakunlariga ko‘ra, 224 ta taksi agregatori soliq organlari axborot tizimlari bilan integratsiya qilindi, 479 mln marta yo‘lovchi tashish amalga oshirildi, deb xabar berdi Soliq qo‘mitasi.
Qayd qilinishicha, yo‘lovchi tashish aylanmasi 9,6 trln so‘mdan oshdi. Shundan 6,7 trln so‘m yoki 70,2 % – naqd to‘lovlar; 2,8 trln so‘m yoki 29,8% – naqdsiz to‘lovlar. Bitta chek o‘rtacha 20 ming so‘mni tashkil etgan.
Agregatorlar orqali yo‘lovchi tashish bilan 574,6 ming o‘zini o‘zi band qilgan haydovchilar shug‘ullangan. Haydovchilarning yarmidan ko‘pi (59,1%) 30-50 yoshda – 339 681 kishi, 30 yoshgacha – 189 547 kishi (33%), 50 yoshdan kattalar – 45 398 kishi (7,9%). Agregatorlar orqali 4 726 nafar ayol faoliyat yuritmoqda.
O‘tgan yil davomida taksi xizmatini ko‘rsatgan 15,5 mingga yaqin haydovchi 100 mln so‘mdan ortiq daromad olgan;
Shuningdek:
– 50-100 mln so‘m – 36,9 ming haydovchi;
– 10-50 mln so‘m – 143,8 ming haydovchi;
– 5-10 mln so‘m – 71,8 ming haydovchi;
– 1-5 mln so‘m – 146,7 ming haydovchi;
– 1 mln so‘mgacha – 159,7 ming haydovchi.
Eng ko‘p foydalanilayotgan avtomobillar: Cobalt – 23,7%; Nexia – 20,7%; Lacetti – 16,9%. Elektromobillar 1,9% ni tashkil etadi.
Agregatorlar 2025 yilda 128,2 mlrd so‘m soliq shundan, 63,6 mlrd so‘m QQS to‘lagan.