Jamiyat
«Bilol’s motors» avtosaloni rahbari ustidan sud boshlandi
Xitoydan elektromobil olib kelib sotish bilan shug‘ullangan Bilol Mamajonov firibgarlikda ayblanmoqda. Undan 48 kishi jabrlangan. Ko‘pchilik mashina uchun 50-70 foiz miqdorda to‘lov qilgan. Ulardan jami 13 mlrd so‘m yig‘ilgan. Kun.uz muxbiri 24 iyul kuni JIB Yakkasaroy tuman sudida bo‘lib, jabrlanuvchilar bilan suhbatlashdi.
{Yii::t(}
O’tkazib yuborish 6s
O’tkazib yuborish
Kun.uz ushbu firma rahbari qamoqqa olingani haqida 2025 yilning yanvarida yozgan edi. Oradan 6 oy o‘tib, Bilol Mamajonov ishi sudga o‘tdi. Ammo ishni ko‘rayotgan sudya Alisher Jalilov sudlanuvchining qarshiligi sabab tasvirga olishga ruxsat bermadi.
24 iyul kungi yig‘ilishda ma’lum bo‘lishicha, 48 kishi «Bilol’s motors»ga aldanib qolgan. Hozirgacha ularning 34 nafari sud tergovida ko‘rsatma bergan. Jabrlanuvchilarning so‘zlariga ko‘ra, «Bilol’s motors» boshqa avtosalonlarga nisbatan arzon narx taklif etgani e’tiborni tortgan. Avtosalonda menejer lavozimida ishlagan Kamila mijozlar bilan shartnoma tuzgan. U kelganlarga mashina o‘rtacha 40-45 kundan 70 kungacha bo‘lgan muddatda topshirilishini aytgan. U mashina narxi nega arzonligi haqidagi savolga buni mashinalar to‘g‘ridan to‘g‘ri Xitoydan kelishi bilan izohlagan.
Ko‘pchilik mashinaga to‘lovning 70 foizini bank orqali to‘lagan, naqd ko‘rinishda berganlar ham bor. Biroq shartnoma shartlari bajarilmagan. Sud majlisi tugaganidan keyin jabrlanuvchilardan ayrimlari «Bilol’s motors»ni qanday topgani-yu, mashinaga qancha to‘lov qilgani haqida gapirib berishdi.
«Men o‘g‘lim bilan 3-4 yil Rossiya sovug‘ida qiyinchilik ko‘rib, 4-5 so‘m pul topgandik. Keyin Telegram’dan «Bilol’s motors» reklamasini ko‘rib, bunga qiziqish bildirdik. Telefon qilganimizda, u yerda Kamila degan menejeri bor ekan, shu ko‘tardi va bizga shartnoma berishini, shartnoma bo‘yicha 70 kunda Xitoydan avtomobil yetkazib berilishini aytdi.
Bu 18 noyabr kuni edi. Keyin shartnomani tashlab berdi. Shartnomada avtomobil narxi 344 million so‘m ko‘rsatilgan. Bu BYD Champion edi. Yana telefon qildim, kredit masalasi qanday bo‘lishini so‘radim. U Toshkentga kelsam, kredit masalasida ham yordam berilishini, oldindan 50 foizini to‘lashim, avtomobil kelganidan keyin qolgan 50 foizini kredit qilishga ko‘maklashishlarini aytdi.
Boshida ikkilandim, 10 kun ichida to‘lamay yurdim. Menga har 2-3 kunda telefon qilib turdi. Oxiri meni ishontira boshladi. Hech narsadan qo‘rqish kerakmasligi, firma 3 yildan buyon ishlayotgani, ko‘pchilikka mashina yetkazib berilganini aytdi. Men uning gapiga ishondim va bank orqali 174 million 586 ming so‘m o‘tkazdim. Bu 50 foizdan ozgina ko‘proq edi», deydi shaxsini sir tutgan jabrlanuvchi.
Uning so‘zlariga ko‘ra, menejer bir necha kun o‘tgach, mijozga login-parol tashlab berishini, u orqali avtomobilning kelishini tekshirib turishini aytgan.
«3 kundan keyin login-parol so‘radim, nega tashlamadingiz, dedim. U qandaydir hayajonlanganday bo‘ldi. O‘shanda ko‘nglim bir nimani sezganday edi. Keyin login-parolni tashlab berdi. Oradan yana 10-15 kun o‘tdi. Dekabr oyi edi, avtosalonga telefon qildim, ko‘tarmadi. Keyin to‘g‘ri Toshkent shahar Ichki ishlar bosh boshqarmasiga kelib ariza yozib berdim. Tergovchidan nima bo‘lganini so‘raganimda, pulning hammasi Xitoyga o‘tkazib berilgani ma’lum bo‘lganini aytdi. Men o‘zim shu tizimda ishlaganman, uning gapi menga kulgili ko‘rindi. Bu juda puxta rejalashtirilgan ish.
Na uy-joy, na bola-chaqasi, hech narsa yo‘q ekan. U hammasini oldindan rejalashtirib, xotin-bolasi bilan ajrashgan ekan», deydi jabrlanuvchi.
Ichki ishlar tizimida ishlagan ushbu fuqaroning qo‘shimcha qilishicha, jabrlanganlar orasida 240-250 mln so‘m to‘laganlar bor. Tergovchi 48 kishidan 13 mlrd so‘m yig‘ilganini aytgan.
2024 yilning 13 dekabrida BYD Song Plus Champion mashinasiga 238 mln to‘lagan fuqaro ham bo‘lib o‘tgan ishlarni aytib berdi. U ham Kamila ismli shaxs bilan mashina oldi-sotdisi bo‘yicha gaplashgan.
«Oradan 2 kun o‘tib (15 dekabrda), avtosalon rahbari qamalib qolganini eshityapmiz. Borib tekshirtirsak, bularning hisobida pul yo‘q ekan. Pulimizni qaytarib olmoqchi edik», deydi u.
Jabrlanuvchining ta’kidlashicha, Bilol Mamajonov qamalganidan keyin avtosalon ko‘zdan g‘oyib bo‘lgan. Kamila ismli shaxs esa jabrlanuvchiga sms orqali tergovchining raqamini tashlab bergan.
«Endi eshitishimizcha, mana shu Bilol Xitoy pulimni olib, mashina bermadi, Xitoy meni “uxlatib yubordi” deyapti. Qachon pulimizni berasiz desak, chiqqanimdan keyin, deydi. Qachon chiqasiz desak, javob yo‘q», deydi u.
«Bilol’s motors»ning Telegram-kanalida 2024 yilning 14 iyuliga qadar odamlarga mashina topshirilgani aks etgan videolar joylangan. Lekin 48 nafar shaxsga na mashina berilgan, na puli qaytarilgan.
Navbatdagi sud yig‘ilishi 31 iyulda bo‘lib o‘tadi. Unda yana 14 nafar sudlanuvchining ko‘rsatmalari tinglanadi.
Toshkent shahrida o‘tkazilgan tezkor tadbirlar davomida noqonuniy muomalada bo‘lgan qariyb 3,2 kilogramm giyohvandlik vositalari musodara qilindi. Holatlar yuzasidan bir necha nafar gumonlanuvchi qo‘lga olinib, ularga nisbatan jinoyat ishlari qo‘zg‘atildi.
«Xavfsiz va sog‘lom yurt» keng qamrovli tezkor-profilaktik tadbirlari doirasida Davlat xavfsizlik xizmati Toshkent shahar boshqarmasi hamda poytaxt IIBB xodimlari hamkorligida giyohvandlik vositalarining noqonuniy aylanmasiga qarshi qator tezkor tadbirlar o‘tkazildi.
Dastlabki holatda Bektemir tumani hududida harakatlanayotgan Gentra rusumli avtomashina to‘xtatilib tekshirildi. Avtomashinada Yashnobod tumanida yashovchi, 1998 yilda tug‘ilgan ikki nafar fuqaro bo‘lgan. Tekshiruv chog‘ida transport vositasi salonidan bir nechta zip-paketlarga qadoqlangan och sariq rangli kukunsimon moddalar topildi.
Tezkor tadbir davomida gumonlanuvchilar avvaldan yashirib qo‘ygan xufiya joy hamda ijaraga olgan xonadon ko‘zdan kechirildi. U yerdan ham kukunsimon moddalar, elektron tarozilar va giyohvandlik vositalarini qadoqlashda foydalaniladigan anjomlar aniqlandi.
Ekspertiza xulosasiga ko‘ra, musodara qilingan moddalar 1,2 kilogramm geroin va 100 gramm mefedron ekani tasdiqlangan. Ma’lum qilinishicha, mazkur ikki shaxs ham muqaddam giyohvandlik vositalari bilan bog‘liq jinoyatlari uchun sudlangan.
Yana bir tezkor tadbirda Shayxontohur tumanida yashovchi, 1982 yilda tug‘ilgan, muqaddam sudlangan fuqaroning yashash xonadonidan 47 gramm gashish va 34 gramm opiy musodara qilindi.
Tergov harakatlari davomida uni narkotik moddalar bilan ta’minlab kelgani gumon qilinayotgan Olmazor tumanida yashovchi 1980 va 1985 yillarda tug‘ilgan ikki nafar fuqaro ham ushlandi. Ularning avtomashinalari va yashash xonalari tekshirilganda, 1,8 kilogramm gashish hamda 12 gramm opiy aniqlanib, protsessual tartibda rasmiylashtirib olindi.
Har ikki holat yuzasidan gumonlanuvchilarga nisbatan jinoyat ishlari qo‘zg‘atilgan. Ayni paytda tergov harakatlari davom etmoqda.
Reklama qo‘ng‘iroqlari va xabarnomalariga oid huquqlar himoyasi kuchaytiriladi.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi Prezident qarori (PQ-265-son, 15.07.2026-y.) qabul qilindi.
Qarorga ko‘ra, voyaga yetmagan shaxslar o‘z huquqlarini mustaqil ravishda amalga oshirish yuzasidan sudlarga murojaat qilishda davlat bojidan ozod qilinishi belgilandi.
2026-yil 1-oktyabrdan jismoniy shaxsning familiyasi, ismi va otasining ismi, tug‘ilgan sanasi kabi birlamchi ma’lumotlari o‘zgarganda o‘zida ushbu ma’lumotlarni aks ettiruvchi davlat organlariga tegishli axborot tizimlaridagi ma’lumotlarga avtomatik tarzda idoralararo elektron hamkorlik yo‘li bilan o‘zgartirishlar kiritish amaliyoti yo‘lga qo‘yiladi.
2026-yil 1-noyabrdan boshlab:
– mobil aloqa vositalari orqali SMS-xabarnomalar yo‘li bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
– mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘zlarining axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
– reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;
– mobil aloqa operatorlariga o‘zlari tomonidan tarqatiladigan reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
– mazkur belgilangan talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Kino, teatr, muzey va konsertlarga muntazam tashrif buyurish fiziologik qarishning sekinlashishi bilan bog‘liq bo‘lishi mumkin.
Bu ikki mingga yaqin keksa odamlarning ma’lumotlarini tahlil qilgan yapon olimlari tomonidan chiqarilgan xulosadir. Tadqiqot natijalari Epidemiologiya va Jamiyat Salomatligi jurnalida (JECH) chop etildi.
Tadqiqotchilar qarish bo‘yicha uzoq muddatli tadqiqotda ishtirok etgan 50 yoshdan oshgan 1899 nafar ingliz fuqarosining ma’lumotlarini o‘rganib chiqdilar.
Ishtirokchilar kinoteatrlar, muzeylar, san’at galereyalari, teatrlar, konsertlar va operalarga qanchalik tez-tez tashrif buyurganliklarini xabar qilishdi. Keyin bu ma’lumot ularning fiziologik yoshi bilan taqqoslandi – bu qon bosimi, o‘pka funksiyasi, gemoglobin va xolesterin darajasi, tana massasi indeksi, ushlash kuchi va yurish tezligi kabi o‘nta parametr asosida tananing haqiqiy sog‘lig‘ini aks ettiruvchi ko‘rsatkich.
Ma’lum bo‘lishicha, madaniy tadbirlarga kamida bir necha oyda bir marta tashrif buyurgan odamlarning o‘rtacha fiziologik yoshi 66,9 yoshni tashkil etgan. Deyarli faqat madaniy hayotda ishtirok etganlar orasida bu ko‘rsatkich 69,9 yoshga yetdi – bu taxminan uch yillik farq.
Daromad, bandlik, surunkali kasalliklar va boshqa omillarni hisobga olgan holda ham, madaniy faoliyat shkalasidagi har bir qo‘shimcha birlik fiziologik yoshni taxminan 31 kunga qisqartirish bilan bog‘liq edi.
Mualliflarning fikriga ko‘ra, bu ta’sir madaniy dam olish ijtimoiy muloqotni rivojlantirishi, aqliy farovonlikni yaxshilashi va sog‘lom turmush tarzini rag‘batlantirishi bilan izohlanishi mumkin.
Olimlar madaniy faoliyatning fiziologik qarishga ta’siri muntazam jismoniy faollikning ta’siriga o‘xshashligini va qo‘shimcha tadqiqotlarga loyiqligini ta’kidlamoqdalar.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Ronstik / Shutterstock
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Qarorga ko‘ra, 2026 yil 1 noyabrdan boshlab:
mobil aloqa vositalari orqali SMS-xabarnoma shaklida tovar va xizmatlarni taklif (reklama) qiluvchi har qanday yuridik va jismoniy shaxs faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘z axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 9.00 gacha tarqatish taqiqlanadi;
mobil aloqa operatorlariga reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
Ushbu talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Jamiyat | 20:07 / 15.07.2026
2671
2 daqiqa o‘qiladi
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Dreamstime
Qarorga ko‘ra, 2026 yil 1 oktyabrdan Yagona interaktiv davlat xizmatlari portalida (Yagona portal) quyidagi xizmatlar joriy etiladi:
Jismoniy va yuridik shaxslarga o‘ziga mulk huquqi asosida tegishli bo‘lgan ko‘chmas mulk obektlari va avtomototransportlarni garovga yoki ipotekaga qo‘yishga, shuningdek, ularni begonalashtirishga taqiq qo‘yish yoki uni bekor qilish;
Fuqarolarning o‘z nomiga rasmiylashtirilgan va foydalanilayotgan telefon raqamlari va bank kartalari to‘g‘risida ma’lumot olish va ushbu jarayonni boshqarishning quyidagi imkoniyatlarini yaratish:
telefon raqamini muayyan muddatga nofaol holatga o‘tkazish (faollashtirish) va o‘zi foydalanmayotgan telefon raqamlariga xizmat ko‘rsatishni to‘xtatish haqida ariza kiritish;
telefon raqami ulangan pulli xizmatlar haqida ma’lumot olish;
bank kartalarini bloklash (yopish) haqida emitentga arizalar yuborish;
fuqaroning nomiga yangi notarial harakat rasmiylashtirilganda avtomatik tarzda uni Yagona portal orqali xabardor qilish va ular hisobini yuritish.
Toshkentda 3,2 kgga yaqin narkotiklar qo‘lga olindi
Prezident Tramp uning o‘ldirilishi masalasiga oydinlik kiritmoqda
Reklama qo‘ng‘iroqlari va xabarnomalariga oid huquqlar himoyasi kuchaytiriladi
-
Sport5 days agoIspaniya Belgiyani yengib, yarimfinalga chiqdi
-
Jamiyat4 days agoBektemir tumanida «zakladchik»lar qo‘lga olindi
-
Sport4 days agoAngliya-Norvegiya bahsi boshlanish vaqti kechiktirilishi mumkin
-
Sport4 days agoInfantino yana JCh ishtirokchilari sonini oshirish g‘oyasi haqida gapirdi
-
Jamiyat5 days agoDori narxini sun’iy oshirgan yuzlab dorixonalar aniqlandi
-
Jamiyat5 days agoJanubiy Koreya va AQShga noqonuniy migratsiya tashkil etmoqchi bo‘lganlar ushlandi
-
Iqtisodiyot5 days ago
17 mlrd so‘mdan ortiq davlat xaridlaridagi qonunbuzilishlar aniqlandi
-
Dunyodan4 days ago
Frantsiyada ko’pchilik qo’rqqan narsa yuz berdi.