Sport
«Bernabeu» Modrich va Anchelotti bilan xayrlashdi. «Real» fanatlari ko‘z yoshlarini tiya olmadi
Lukaning xayrlashuv o‘yiniga Kroos ham keldi. Maydonda esa «Madrid» «Sosedad»ni Mbappening dubli evaziga yengdi, fransiyalik hujumchi «Oltin butsa» uchun kurashda peshqadamga aylandi.
Foto: Denis Doyle/Getty Images
La Liga 36-tur
«Real» – «Real Sosiyedad» 2:0
Gollar: Mbappe 38, 83.
Aniq ijro etilmagan penalti: Mbappe 38.
«Real»: Lunin, Garsiya, Asensio, Chuameni (Valexo, 56), Vaskes (Garsiya, 76), Sebalos, Modrich (Chema, 86), Valverde, Dias (Vinisius, 55), Mbappe, Guler.
«Real Sosiyedad»: Marerro, Aramburu, Pacheko, Martin, Munios, Kubo, Turiyentes (Subimendi, 70), Suchich (Mendes, 84), Gomes (Barrenechea, 71), Mariyezkurrena (Oyarsabal, 71), Marin (Olasagasti, 46).
Madrid Luka Modrich, Karlo Anchelotti va insayderlarga ko‘ra, Lukas Vaskes bilan ham xayrlashdi. Oldinda klublar o‘rtasidagi jahon chempionati bo‘ladi, ammo «Santyago Bernabeu» bu afsonalarni boshqa ko‘rmasligi aniq edi. Shunday ekan, bu oqshom «Madrid» ularni g‘alaba bilan kuzatishi kerak edi.
Ikki jamoa ham o‘yinni tetiklik bilan boshladi. Keyingi mavsumda asosiy tarkib futbolchisiga aylanishi kutilayotgan Guler Mbappega ajoyib kesib o‘tuvchi uzatma berdi. U shu qadar nozik harakat qiladiki, hatto Kilian ham doim turkiyalik jamoadoshi istaganidek harakat qila olmaydi.
Lunin qo‘riqlagan darvoza qarshisida ham xavfli vaziyatlar bo‘ldi. 10-daqiqada Serxio Gomes raqib himoyachilaridan qochib ketdi va yakkama-yakka vaziyatga chiqib bordi, ammo uning zarbasi xato ketdi. Pablo Marinda ham yaxshi vaziyat bo‘ldi, ammo futbolchining zarbasidan keyin to‘p to‘sin yuqorisidan o‘tib ketdi.
Madridliklar safida Arda vaziyatlar yaratishda davom etdi: 38-daqiqada u to‘pni raqib futbolchisi ustidan oshirib olib o‘tishga uringanida, Marin qo‘l bilan o‘ynadi. «Nuqta»ga Mbappe yaqinlashdi — la liga to‘purari bo‘lib turgan futbolchi «Oltin butsa» uchun kurashdagi holatini yaxshilashi uchun gol urishi kerak edi. U birinchi urinishda buni uddalay olmadi — «Sosiyedad» darvozaboni zarbani qaytardi, ammo to‘pni ushlab qololmadi. Kilian esa qaytgan to‘pga yetib bordi va ikkinchi urinishda uni darvoza to‘riga kiritdi.
Bu vaqtda esa zerikib qolgan Lunin o‘yinni qizitishga qaror qildi. U o‘zini Noyyer deb o‘yladi va to‘pni olib qo‘yish uchun jarima maydonini tashlab chiqdi, ammo xatoga yo‘l qo‘ydi va golga sababchi bo‘lishiga bir baxya qoldi.
Ikkinchi bo‘limda «Real» umuman Anchelottiga xos bo‘lmagan futbol namoyish etdi. Raqib hududida to‘pga egalik qilindi va «Sosedad»ga javob hujumlari uyushtirishga deyarli imkon berilmadi. O‘yin uslubiga qaralsa, odatda aynan madridliklar qarshi hujumlarga tayanib o‘ynaydi. Shu bilan birga, «Sosedad» darvozasi qarshisida ketma-ket xavfli vaziyatlar yaratilmadi: faqat Vinisius maydonga tushgan daqiqalarda o‘yin biroz ochildi, ammo braziliyalik futbolchi shu kuni o‘z familiyasini tabloga yozdirib qo‘ya olmadi — darvozabon qutqardi.
Ikkinchi bo‘limdagi asosiy haylayt esa basklar hujumi vaqtida Lunin darvozasiga penalti belgilanmagani bo‘ldi. Kubo chap qanotdan to‘pni Oyarsabalga uzatdi, to‘p Asensioga tegdi. Avvaliga hakam mehmon futbolchilar fikriga qo‘shildi va 11 metrlik nuqtani ko‘rsatdi, keyin esa hujum vaqtida «Sosedad» futbolchisi ofsaydga tushib qolgani ma’lum bo‘ldi.
Bir necha daqiqa o‘tib, 83-daqiqada, Mbappe yana bir bor basklarni jazoladi. Vinisius to‘pni chap qanot bo‘ylab oldinga olib bordi va jarima maydoniga yugurib kirgan Kilianni to‘p bilan ta’minladi. Fransuz hujumchisi to‘pni tezda o‘ziga bo‘ysundirdi va uni yaqin burchakka joyladi — darvozabonda hech qanday imkoniyat yo‘q edi.
Endi Mbappening chempionatdagi gollari soni 31 taga yetdi va u «Oltin butsa» uchun kurashda birinchi o‘ringa chiqib oldi. Mbappe mazkur ko‘rsatkich bilan «Sporting» forvardi Viktor Gyokereshni 3,5 ballik farq bilan ortda qoldirdi (shvetsiyalik futbolchi 39 ta gol urgan bo‘lsa-da, Portugaliya chempionati koeffitsiyenti pastroq – bir gol uchun 2 emas, 1.5).
Portugaliya chempionati allaqachon yakunlangan, ya’ni Gyokereshda vaziyatni o‘zgartirish imkoni bo‘lmaydi. Faqat «Liverpul» hujumchisi Muhammad Salohda imkoniyat bor, u 28 ta gol urgan (56 ball) mavjud. Uning jamoasi APLda «Kristal Pelas»ga qarshi maydonga tushadi. Agar ushbu bahsda Saloh kamida 3 ta gol urmasa, Mbappe «Oltin butsa»ga ega chiqadi.
Ikkinchi bo‘limdagi eng hissiyotli pallalar Vaskes va Modrich almashtirilganida kuzatildi. Lukasni ham hissiyotga berilib, zaxira o‘rindig‘iga kuzatishgani insayderlarning uning ketishi haqidagi ma’lumotini tasdiqlagandek bo‘ldi.
Modrichni kuzatish vaqtida esa o‘yin bir necha daqiqaga to‘xtab qoldi: «Madrid» va «Sosiyedad» futbolchilari faxriy yo‘lak hosil qilishdi, zaxira o‘rindig‘ida esa Lukani Toni Kroos kutib turgandi. Germaniyalik sobiq futbolchi xorvatiyalik do‘stini quchganida «Bernabeu»da yig‘ilgan muxlislar ko‘z yoshlarini tiya olmadi.
O‘yinning qolgan qismini Modrich oila a’zolari bilan maydon tashqarisida kuzatib o‘tirdi. Hakam Anchelotti va Luka bilan xayrlashuv marosimi boshlanishini kechiktirmaslik uchun o‘yinga atigi bir daqiqa qo‘shib berdi. Chunki stadiondagilar aynan shuni ko‘rish uchun kelishgandi — o‘yin natijasi ikkinchi darajali bo‘lib qolgandi.
30 yoshli futbolchi Turkiya klubining to‘laqonli a’zosiga aylanadi.
O‘zbekiston milliy jamoasi hujumchisi Eldor Shomurodov Italiyaning «Roma» klubidan Turkiyaning «Istanbul Boshoqshehir» klubiga rasman ko‘chib o‘tadi. Turkiyaliklar 30 yoshli futbolchini to‘liq sotib olish bandini faollashtirdi.
Rim klubi futbolchi ketishini tasdiqladi. Bungacha forvard turk jamoasida ijarada to‘p tepayotgan edi, ammo kelishuv shartlariga ko‘ra, «Istanbul Boshoqshehir» Superligadagi joyini saqlab qolgandan so‘ng, o‘yinchini sotib olish majburiyatiga ega edi.
Transfer summasi 2,8 million yevroni tashkil qiladi, shu bilan birga «Roma» ijara uchun alohida 3 million yevro olgan. Shuningdek, «bo‘rilar» futbolchining keyingi transferidan 10 foiz ulushga ega bo‘ladi.
Shomurodov Turkiya chempionatida 30 o‘yinda 18 ta gol urib, 4 ta golli uzatmani amalga oshirgan. «Istanbul Boshoqshehir» chempionat yakuniga 4 tur qolganida 5-o‘rinni egallab turibdi.
Xokkeychilar Hongkongda o‘tkazilgan turnir davomida raqiblaridan sezilarli ustunlikni namoyish etib, 97 ta shayba urishga muvaffaq bo‘ldi.
Foto: Federatsiya xokkeya RUz
Xokkey bo‘yicha O‘zbekiston milliy jamoasi IIHF 2026 yilgi jahon chempionatining III divizioni B guruhida g‘olib chiqdi. Bu nufuzi jihatdan 6-o‘rindagi liga hisoblanadi.
Latviyalik mutaxassis Normunds Seyyeys bosh murabbiyligidagi jamoa Hongkongda o‘tkazilgan turnir davomida raqiblaridan sezilarli ustunlikni va yuqori sermahsullikni namoyish etdi. Jumladan, Mo‘g‘uliston (26:1), Filippin (28:3), KXDR (20:3), Lyuksemburg (14:0) va Hongkong (9:4) mag‘lub etildi.
Yakuniy jadval quyidagicha: O‘zbekiston – 15 ochko, KXDR – 12, Honkong – 9, Lyuksemburg – 6, Mo‘g‘uliston – 3, Filippin – 0.
Turnirning eng yaxshi bombardiri va mergani O‘zbekiston milliy jamoasi vakili Vadim Kravchenko bo‘ldi. Uning hisobida 35 ochko (19 gol va 16 uzatma) bor.
Kelgusi mavsumda O‘zbekiston milliy jamoasi jahon chempionatining III divizioni A guruhida ishtirok etadi. Unga Tayvan, Bosniya va Hersegovina, Tailand, Meksika va Janubiy Afrika raqiblik qiladi.
O‘zbekiston Superligasida 8-tur o‘yinlari o‘tkazildi. Peshqadamlar – «Paxtakor» va «Neftchi» navbatdagi g‘alabani qo‘lga kiritdi. «Bunyodkor» 0:2 hisobida ortda qolayotganiga qaramay, kuchli iroda namoyish etib, yakunda zafar quchdi. «Navbahor» yaxshi tezlanish oldi va qatorasiga to‘rtinchi g‘alabaga erishdi.
17-19 aprel kunlari futbol bo‘yicha O‘zbekiston Superligasida 8-tur o‘yinlari o‘tkazildi.
PAXTAKOR 4:2 DINAMO
Gollar: Doston Hamdamov, 9 (1:0), Bashar Resan, 22 (2:0), Anvar Hojimirzayev, 25 (2:1), Azizbek Amonov, 27 (2:2), Doston Hamdamov, 60 pen (3:2), Bashar Resan, 71 (4:2)
«Paxtakor» o‘z maydonida gollarga boy o‘yinda «Dinamo»ni mag‘lub etdi va peshqadamlikni davom ettirmoqda. Toshkentliklar futbolchisi Doston Hamdamov ikkita gol urdi va to‘purarlar bahsida yetakchilik qilyapti. Uning hisobida 6 ta gol bor. «Dinamo» hamon jadval tubidagi «xavfli hudud»da boryapti.
NeFTChI 2:1 NASAF
Gollar: Yovan Jokich, 17 (1:0), Bobur Abduholiqov, 45+4 (1:1), Jamshid Iskanderov, 64 pen (2:1)
«Neftchi» qiyin kechgan bahsda «Nasaf» qarshiligini sindirdi va «Paxtakor» bilan peshqadamlik uchun kurashni davom ettiryapti. Farg‘onaliklar g‘alaba golini penaltidan urishga muvaffaq bo‘ldi. «Nasaf» uch o‘yindan buyon g‘alaba qozonolmayapti va 6-o‘ringa tushib qoldi.
LOKOMOTIV 0:2 NAVBAHOR
Gollar: Vanya Ilich, 3 (0:1), Ruslanbek Jiyanov, 16 pen (0:2)
«Navbahor» safarda «Lokomotiv»ni ishonchli tarzda mag‘lub etdi va peshqadamlarni ta’qib qilmoqda. Namanganliklar chempionatda yaxshi tezlanish oldi va qatorasiga 4 ta g‘alabaga erishib, uchinchi o‘ringa mustahkam o‘rnashdi. «Lokomotiv» 9-o‘rinni egallab turibdi.
SO‘G‘DIYoNA 2:3 BUNYoDKOR
Gollar: Lyupcho Doriyev, 4 (1:0), Lyupcho Doriyev, 26 (2:0), Bilolxon Toshmirzayev, 38 (2:1), Bilolxon Toshmirzayev, 50 (2:2), Bilolxon Toshmirzayev, 69 (2:3)
«Bunyodkor» safarda «So‘g‘diyona» bilan o‘ynadi va 0:2 hisobida ortda qolayotganiga qaramay, kuchli iroda namoyish etib, yakunda g‘alabani ilib ketdi. Bilolxon Toshmirzayev uchta gol urishga erishdi. Toshkentliklar 4-o‘rinni egallab turibdi. «So‘g‘diyona» jadval tubidagi «xavfli hudud»ni tark etolmayapti.
OKMK 3:2 BUXORO
Gollar: Siavash Haqnazariy, 9 (1:0), Mirjamol Qosimov, 12 (2:0), Sherzod Esanov, 29 (2:1), Sherzod Esanov, 34 (2:2), Nodirbek Abdurazzoqov, 77 (3:2)
OKMK muvaffaqiyatsiz startdan keyin qatorasiga 2 ta g‘alabaga erishib, 8-o‘ringa chiqib oldi. Olmaliqliklar bu safar chempionat kashfiyoti bo‘lib turgan «Buxoro»ni mag‘lub etishga erishdi.
MASh’AL 0:1 XORAZM
Gol: Vlatko Stoyanovski, 84 avtogol (0:1)
Yaqqol autsayder «Mash’al» chempionatdagi ilk ochkosini qo‘lga kiritishga yaqin edi. Ammo himoyachisining avtogoli «Xorazm»dan uchralgan mag‘lubiyatga sabab bo‘ldi. Muborakliklar jadval tubiga «mustahkam o‘rnashib» qoldi.
QO‘QON-1912 0:0 ANDIJON
«Qo‘qon-1912» qatorasiga to‘rtinchi durangni qayd etdi, «Andijon» shuncha o‘yindan beri g‘alaba nimaligini bilmayapti.
SURXON 0:1 QIZILQUM
Gol: Shahzod Rahmatullayev, 81 (0:1)
«Surxon» so‘nggi daqiqalarda gol o‘tkazib yutqazdi. «Qizilqum» to‘rtta o‘yindan iborat mag‘lubiyatli seriyasiga barham berdi va 10-o‘ringa ko‘tarildi.
8-turdan keyin Superliga jadvali
Superliga to‘purarlari
Superliga 9-tur o‘yinlari
22 aprel
SURXON – MASh’AL
BUXORO – PAXTAKOR
23 aprel
NAVBAHOR – SO‘G‘DIYoNA
NASAF – LOKOMOTIV
DINAMO – OKMK
24 aprel
XORAZM – NeFTChI
QIZILQUM – QO‘QON-1912
BUNYoDKOR – ANDIJON
Shu yilning 14–21-aprel kunlari Serbiyaning Vrniachka Bania shahrida 8–18 yosh toifasida rapid va blits yo‘nalishlari bo‘yicha Jahon chempionati o‘tkazilmoqda.
Rapid bahslari yakuniga ko‘ra, 18 yoshgacha qizlar o‘rtasida Afro‘za Hamdamova 8,5 ochko bilan jahon chempioni bo‘ldi.
Shuningdek, 12 yoshgacha o‘g‘il bolalar o‘rtasida Islombek Husanov bronza medalini qo‘lga kiritdi.
Husnoraxon Husnitdinova esa blits masalalar yechish bo‘yicha jahon chempionatida 2-o‘rinni egalladi.
Blits bahslari g‘oliblari 20-aprel (bugun) kuni aniqlanadi.
Honkongda xokkey bo‘yicha kattalar o‘rtasidagi jahon chempionatining III divizion «B» guruhidan o‘rin olgan bellashuvlar bo‘lib o‘tdi.
Unda ishtirok etgan O‘zbekiston terma jamoasi barcha raqiblarini o‘ta yirik hisoblarda mag‘lub etib, guruhda birinchi o‘rinni egalladi.
Qayd etilgan natijalar:
O‘zbekiston — Mo‘g‘uliston 26:1
O‘zbekiston — Filippin 28:3
O‘zbekiston — KXDR 20:3
O‘zbekiston — Lyuksemburg 14:0
O‘zbekiston — Gonkong 9:4
Ushbu muvaffaqiyatdan so‘ng terma jamoamiz kelasi yil III divizionning «A» guruhida ishtirok etish huquqiga ega bo‘ldi.
23-apreldan valyutalarning yangi kursi belgilandi
Mansabdorlarga yong‘in xavfsizligi uchun javobgarlik kuchaytiriladi
Ozodbek Nazarbekov soliq islohotini himoya qilib, to‘lamaslik haqidagi ayblovlar “uyat” ekanini aytdi
-
Siyosat5 days ago
«Muruvvat» internat uylari «G‘amxo‘rlik» markazlariga aylantiriladi
-
Dunyodan3 days ago
Ukraina Turkiyaga Zelenskiy-Putin uchrashuvi boʻyicha soʻrov yubordi
-
Dunyodan4 days ago
Eron nega Hurmuzni yana qamal qildi?
-
Jamiyat3 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Siyosat4 days agoO‘zbekistonda bolalarga qarshi jinoyatlar uchun jazo qat’iylashtirildi
-
Siyosat4 days agoO‘zbekistonda bolalar va nogironligi bo‘lgan shaxslarni ijtimoiy qo‘llab-quvvatlash va himoya qilishni kuchaytirmoqda
-
Siyosat4 days agoTurk kompaniyalari Farg‘ona xalqaro aeroportini modernizatsiya qilish bo‘yicha hamkorlik qilmoqda
-
Jamiyat5 days ago«World Content Market»da ilk bor O‘zbekiston milliy paviloni tashkil etildi