Jamiyat
Bektemirdagi bog‘ atrofida nima bo‘lyapti?
Toshkent shahar Bektemir tumanida tadbirkorga tegishli istirohat bog‘i joylashgan 160 sotix yer OLX platformasida 5,8 mln dollarga 3 marta sotuvga qo‘yildi. Ammo tadbirkor bundan bexabarligini aytmoqda. Bu bog‘ xususiy tadbirkor ixtiyorida bo‘lsa-da, ijtimoiy ahamiyatga ega. Bog‘ning sotuvga qo‘yilishi bu yerdagi ko‘plab daraxtlar taqdirini so‘roq ostida qoldiradi.
{Yii::t(}
O’tkazib yuborish 6s
O’tkazib yuborish
“Quyoshcha nuri” istirohat bog‘i bundan sal avval – 2 may kuni sotuvga qo‘yilgan va ijtimoiy tarmoqlardagi muhokamalar sabab olib tashlangan edi.
Kun.uz muxbiri buni aniqlashtirish uchun tadbirkor va tuman hokimligi axborot xizmatiga bog‘langanida ular bu e’lon feyk ekanini, bu yerni sotish rejasi yo‘qligini, ayni paytda bog‘da aholiga xizmat ko‘rsatish shoxobchalarini qurish loyihasi bosqichma-bosqich amalga oshirilayotganini aytishdi.
“Sotuvga qo‘yilgani o‘tgan yildan beri bor edi, 3-4 ta e’lon chiqqandi OLX, sayt, kanallarda. Shov-shuv bo‘lishidan oldin men o‘zim ularga aloqaga chiqib, o‘chirtirgan edim, feyk xabar bo‘lgani uchun. Chunki bu yer rekonstruksiya bo‘lyapti, chiroyli bo‘lyapti, yangi attraksionlar qo‘yilyapti. Kimdir, bilmadim nima sababdan, o‘zidan o‘zi qo‘yishyapti. Endi bu yil ishim ko‘p edi – yangi bruschatka qo‘ydim, yangi joy ochyapmiz, shu hujjatlar orqasidan yugurib, ijtimoiy tarmoqlarga kam kirganim uchun bu e’lon chiqqanini ko‘rmay qoldim”, – deydi “Qalandar Fidoiy” MChJ rahbari Jonibek O‘ktamov.
Lekin olib tashlangan e’lon 19 may kuni OLX’da yana paydo bo‘ldi. 26 may kuni takror joylandi. Aytish kerakki, e’lonlar bir emas, bir nechta rieltorlar tomonidan qo‘yilgan. Ulardan biri bilan suhbatlashganimizda yer sotilishini, lekin “ommaviy axborot vositalariga chiqib ketgani uchun” e’lon berilmasligini aytdi. Afsuski, shundan keyin bu raqam qo‘ng‘iroqlarimizga umuman javob bermadi.
Shu tariqa, bir tomondan hokimlik va MJCh, ikkinchi tomondan rieltorlar o‘rtasida bir-birini inkor etish tushunarsiz holatni yuzaga keltirmoqda.
Bu bog‘ “Qalandar Fidoiy” MChJ ixtiyorida bo‘lsa-da, ijtimoiy mulk hisoblanadi. Ya’ni undan jamoatchilik foydalanadi, bolalar va kattalar uchun ko‘ngilochar maskan sanaladi. Bog‘ning sotuvga qo‘yilishi bu yerdagi ko‘plab daraxtlar taqdirini so‘roq ostida qoldiradi. Shuningdek, biz saqlab qolishga ulgurgan e’londa yer qurilish uchun mo‘ljallangan ekani aytilgan. Ammo tadbirkor bu e’londan mutlaqo bexabarligini ta’kidladi.
Xo‘p, asl muammo nimada? Muammo shundaki, yerning sotilish-sotilmasligidan qat’i nazar, jamoatchilik mulki sanalgan bog‘, u yerdagi daraxtlar masalasi xavotirli. Masalan, istirohat bog‘i shaharsozlik rejalarida jamoat maydoni deb belgilangan bo‘lsa, u yerda qurilish ishlarini olib borish taqiqlanadi. “Adolat” partiyasi ma’lumotlariga ko‘ra, so‘nggi yillarda respublika bo‘yicha 184 ta istirohat bog‘larida daraxtzor hududlar kamaytirilib, o‘rniga 944 ta bino-inshoot qurilgan.
Poytaxtda yashillik tobora kamayib, havoning ifloslanish darajasida rekordlar qayd etilayotgan bir vaqtda, bog‘larning sotilishi bu xavfni yanada kattalashtiradi. Aholi yana bir ekologik nuqtani yo‘qotmasligi tarafdorimiz. Eslatib o‘tamiz, joriy yilning 5 mayidan boshlab bog‘larni xususiylashtirish taqiqlandi.
Gulmira Toshniyozova,
Kun.uz
Davlat rahbari yig‘ilishda eksportbop mahsulot ishlab chiqarish va yangi bozorlar topish masalasiga ham to‘xtaldi.
«Takror aytaman: ichki bozordagi talabni o‘zi bilan yuqori iqtisodiy o‘sishni ta’minlab bo‘lmaydi. Shu bois, bu yil vazirlar, tarmoq rahbarlari va hokimlarning asosiy vazifasi yangi mahsulotlar bilan yangi bozorlarga kirib borish bo‘ladi», – dedi Prezidentimiz.
O‘tgan yili eksport 22 foizga o‘sib, 24 milliard dollarga yetdi. Lekin hali ko‘p rahbarlar eksportda eskicha ish uslubidan voz kecha olmayotgani ko‘rsatib o‘tildi.
To‘qimachilik mahsulotlarimiz 76 ta davlat bozoriga kirib borgan. Lekin eksportning 80 foizi 6 ta davlatga to‘g‘ri keladi.
Tarmoq rahbarlariga bu yil sohada keskin o‘zgarish qilib, ishlab chiqarishni kamida 15 foizga oshirish, Yevropa, AQSh va boshqa qimmat bozorlarga kirib borib, eksportni 150 million dollarga yetkazish vazifasi qo‘yildi.
Endilikda pilla kooperativi tuzish uchun ehtiyojmand oilalarga 4 million so‘mdan subsidiya ajratiladi. Uyida pilla yetishtiradigan ehtiyojmand oilalarga xonani jihozlash va uskuna uchun 20 million so‘mgacha foizsiz ssuda beriladi.
Pilla yetishtiruvchilarga har bir kilogramm pilla hosili uchun klasterlar to‘laydigan 40 ming so‘mga qo‘shimcha 15 ming so‘mdan subsidiya beriladi, urug‘chilik korxonalari jalb qilgan mavsumiy ishchilar oyligining yarmi kompensatsiya qilinadi.
Davlat xavfsizlik xizmati va Bojxona organlari xodimlari tomonidan o‘tkazilgan tezkor tadbirda sifat sertifikatiga ega bo‘lmagan dori vositalarini saqlash va dorixonalarga tarqatish bilan shug‘ullangan shaxslar faoliyatiga chek qo‘yildi.
Davlat xavfsizlik xizmati hamda Bojxona organlari xodimlari o‘tkazgan tezkor tadbir davomida Toshkent shahrida sertifikatsiz dori vositalari muomalasi bilan bog‘liq holat fosh etildi.
Ma’lum bo‘lishicha, 1969 va 1997 yillarda tug‘ilgan ota-bola o‘z yashash xonadonida aylanma yo‘llar orqali olib kelingan dori vositalarini saqlashga mo‘ljallangan yashirin ombor tashkil qilgan. Ular ushbu omborda dori vositalarini saqlab, keyinchalik dorixonalarga o‘tkazish bilan shug‘ullangan.
Tezkor tadbir chog‘ida qonunbuzarlarga tegishli xonadon va avtomobil ko‘zdan kechirilganda, asosan Turkiya va Hindistonda ishlab chiqarilgan “Dyuspatalin”, “Novomiks”, “Galvus MeT” kabi 87 turdagi jami 133 374 dona dori vositalari aniqlangan. Ularning taxminiy qiymati 3 mlrd so‘mdan ortiq ekani qayd etildi.
Shuningdek, 50 ming AQSh dollari, 10,6 mln so‘m hamda 150 nafar shaxsga tegishli bank plastik kartalari topilib, ashyoviy dalil sifatida rasmiylashtirib olindi.
Hozirda dori vositalari namunalari ekspertizadan o‘tkazish maqsadida Farmatsevtika mahsulotlari xavfsizligi markaziga yuborilgan. Mazkur holat yuzasidan tergovga qadar tekshiruv harakatlari olib borilmoqda.
Joriy yil 11-fevraldagi PQ–59-son qaror bilan 2026 yildan har yili startap loyihaga aylantirish salohiyati yuqori bo‘lgan g‘oyalarni aniqlash bo‘yicha «Eng innovatsion g‘oya» respublika tanlovi o‘tkaziladi.
Tanlov davlat oliy ta’lim tashkilotlarida o‘tkaziladi va g‘oliblarga 100 mln so‘m grant beriladi. Shuningdek, respublika bosqichi 10 ta yo‘nalish bo‘yicha o‘tkaziladi, mukofot jamg‘armasi Ilm-fanni moliyalashtirish va innovatsiyalarni qo‘llab-quvvatlash jamg‘armasidan 10 mlrd so‘m etib belgilanadi.
2026-yil 1-sentyabrdan oliy ta’lim tashkilotlarida «Oliygohlar – startaplar generatori» dasturi amalga oshiriladi.
Bunda:
oliy ta’lim tashkilotlarida IT-park va venchur jamg‘armalar bilan hamkorlikda talabalar akseleratorlari joriy etiladi;
talabalar uchun nufuzli xalqaro akseleratorlar va universitetlar bilan stajirovka va almashinuv dasturlari yo‘lga qo‘yiladi;
oliy ta’lim tashkilotlariga talabalar va ilmiy xodimlarning istiqbolli startap loyihalariga inkubatsiya markazlari va talabalar akseleratorlari orqali har bir loyihaga 20 ming AQSh dollarigacha ekvivalentda o‘z mablag‘larini investitsiya qilish huquqi beriladi;
talabalar akseleratorlarida «startap menejer» va «startap treker» lavozimlari ko‘zda tutiladi.
Prezident Shavkat Mirziyoyev 13 fevral kuni Toshkent viloyatining Ohangaron tumaniga tashrif buyurib, yuqori kuchlanishli kabel mahsulotlari ishlab chiqarishga ixtisoslashgan “Enco Group” korxonasi faoliyati bilan tanishdi.
Mamlakatimizda energetika tarmog‘ini jadal modernizatsiya qilish, yangi elektr stansiyalari va nimstansiyalar qurish, magistral tarmoqlarni yangilash hamda qayta tiklanuvchi energiya manbalarini keng joriy etish bo‘yicha keng ko‘lamli ishlar amalga oshirilmoqda.
Iqtisodiyot tarmoqlari va aholi sonining o‘sishi natijasida elektr energiyasiga bo‘lgan ehtiyoj ortib borayotgani yuqori kuchlanishli elektr uzatish tarmoqlarini rivojlantirishni taqozo etmoqda. Shu bois, yuqori kuchlanishli kabel mahsulotlariga ichki va tashqi bozorlarda barqaror talab shakllanmoqda.
Faoliyati ushbu talabni qondirishga qaratilgan “Enco Group” korxonasi Belarus Respublikasining “Energokomplekt” kompaniyasi bilan hamkorlikda “Eltech Industrial” texnoparki hududida 21 gektar maydonda barpo etilmoqda. Loyihaning umumiy qiymati qariyb 60 million dollarni tashkil etadi. Korxona to‘liq quvvatga chiqqanidan so‘ng 600 ga yaqin yangi ish o‘rni yaratiladi.
Loyiha ikki bosqichda amalga oshirilmoqda. Korxona yiliga 25 ming tonna mahsulot ishlab chiqarishi, eksport salohiyati 300 million dollarni tashkil etishi kutilmoqda.
Ayni paytda qurilish ishlarining birinchi bosqichi 98 foizga yakunlangan, 10 million dollardan ortiq investitsiya o‘zlashtirilgan. Korxona mahsulotlarini Germaniya, Latviya, Estoniya, Bolgariya va MDH davlatlariga eksport qilish rejalashtirilgan bo‘lib, dastlabki hisob-kitoblarga ko‘ra, yillik eksport hajmi 140 million dollarga yetishi taxmin qilinmoqda.
O‘tgan yili mamlakatimizga 400 million dollarga yaqin yuqori kuchlanishli kabel mahsulotlari va izolyasiyalangan mis shinalar import qilingan. Korxona to‘liq ishga tushirilgandan keyin 150 million dollarlik import o‘rnini bosuvchi shunday mahsulot ishlab chiqarish imkoniyati yaratiladi.
Markaziy Osiyoda bunday yo‘nalishda faoliyat yuritayotgan 12 ta korxonaning 4 tasi O‘zbekiston hissasiga to‘g‘ri kelishi qayd etildi. Bu mamlakatimizda elektrotexnika sanoati bosqichma-bosqich yuqori qo‘shilgan qiymat yaratadigan tarmoqqa aylanayotganini ko‘rsatadi.
Davlatimiz rahbariga korxonaning kelgusidagi rivojlanish rejalari, ishlab chiqarish hajmini kengaytirish, mahsulot turlarini ko‘paytirish hamda mahalliylashtirish darajasini oshirish bo‘yicha takliflar taqdimot qilindi.
Prezidentimiz sanoat kooperatsiyasini kengaytirish, mahalliy xomashyodan samarali foydalanish, ilg‘or texnologiyalarni joriy etish hamda eksportbop raqobatbardosh mahsulotlar ishlab chiqarishni yanada kuchaytirish yuzasidan mutasaddilarga tegishli ko‘rsatmalar berdi.
Guruh yetakchisi muqaddam ham sudlangan “Ronaldo” laqabli 42 yoshli shaxs bo‘lgan. U tadbirkorni o‘ldirish uchun uchun yollanma qotil bilan 1 500 dollarga kelishib, shundan 300 ming so‘m berganda ushlangan. Guruhda Paxtaobod tumani tibbiyot birlashmasining “Glavrach” laqabli boshlig‘i, 23 yoshli talaba va boshqalar bo‘lgan.
Andijonda tadbirkorni yollanma qotil orqali o‘ldirmoqchi bo‘lgan bir guruh shaxslar ushlandi. Bu haqda Andijon viloyati IIB axborot xizmati xabar berdi.
Ma’lum qilinishicha, 2026 yilning 4 fevral kuni yakka tadbirkorlik bilan shug‘ullanuvchi shaxs Andijon tuman IIBga o‘ziga nisbatan uyushtirilayotgan suiqasd bo‘yicha ariza bilan murojaat qilgan. U 5 nafar jinoyatchidan iborat uyushgan guruh 1 500 dollar evaziga qotil yollab, uni qasddan o‘ldirishni kelishganini bildirgan hamda yordam so‘ragan.
Shundan so‘ng Paxtaobod tumani hududida Andijon viloyati IIB, Davlat xavfsizlik xizmati va viloyat prokuraturasi hamkorligida maxsus tezkor tadbirlar o‘tkazilgan. Jarayonda guruh yetakchisi, muqaddam Jinoyat kodeksining 8 ta moddasi bilan sudlangan 42 yoshli “Ronaldo” laqabli shaxs ekani aniqlangan. U 2000 yilda tug‘ilgan, muqaddam 7 marta sudlangan yollanma qotilga tadbirkorni qasddan o‘ldirib berish evaziga 1 500 dollar taklif etib, shundan 300 ming so‘m berganda ushlangan.
Tezkor tadbir davom ettirilib, guruhning boshqa a’zolari – 1984 yilda tug‘ilgan Paxtaobod tumani tibbiyot birlashmasining “Glavrach” laqabli boshlig‘i, “Boksyor” laqabli 42 yoshli shaxs, 1984 yilda tug‘ilgan fuqaro hamda 23 yoshli talaba qo‘lga olingan.
Holat yuzasidan guruh a’zolariga nisbatan Jinoyat kodeksining 25,97-moddasi 2-qismi “p” bandi (bir guruh shaxslar yoki uyushgan guruh a’zosi tomonidan yoxud o‘sha guruh manfaatlarini ko‘zlagan holda qasddan odam o‘ldirishga suiqasd qilish) bilan jinoyat ishi ochilgan.
Avvalroq Samarqandda yollanma qotil orqali tanishini o‘ldirmoqchi bo‘lgan shaxslar qo‘lga olingandi.
Italiyalik tasodifan 20 ta oltin quymasini axlat qutisiga tashladi
«Endi asosiy vazifa – yangi bozorlarga kirib borish bo‘ladi…» — Prezident
O‘zbekiston importida Xitoy, Rossiya va Qozog‘iston yetakchi
-
Dunyodan4 days agoDubayda rossiyalik generalga suiqasd uyushtirgan shaxs hibsga olindi
-
Jamiyat5 days agoAjabtovur psixologiya: yaxshiga rostdan ham kun yo‘qmi?
-
Iqtisodiyot3 days agoMahallalarda tadbirkorlikni boshlash uchun 50 mln so‘mgacha garovsiz mablag‘ ajratiladi
-
Iqtisodiyot4 days agoUsta dehqonlarga 75 mln so‘mgacha subsidiya beriladi
-
Dunyodan4 days agoExit-poll natijalariga ko’ra, kim g’alaba qozonganini bilamiz.
-
Iqtisodiyot4 days ago10-fevraldan dollar yana oshadi
-
Jamiyat2 days ago20 ta mikroavtobus yo‘nalishga chiqarildi
-
Dunyodan4 days agoIlon Mask Oy va Marsda shaharlar qurmoqchi