Ikkinchi jahon urushi davrida nemislar qo‘liga asir tushib, Jyersi orolida tutqunlikda bo‘lgan va jahannam orolidan qochishga muvaffaq bo‘lgan Boqijon Akramov asli Namangandanmas, balki Buxoro shahridan ekani ma’lum bo‘ldi. Kun.uz muxbiri Buxoro va hozirda uning avlodlari yashayotgan Qashqadaryo viloyatida bo‘lib, ular bilan suhbatlashishga muvaffaq bo‘ldi, Boqijon Akramovning urushdan o‘zi bilan olib kelgan noyob suratlari bilan tanishdi.

Yaqinda BBSʼda II jahon urushi davrida nemis askarlari qo‘liga asir tushib, Fransiya va Britaniya o‘rtasidagi La-Mansh bo‘g‘ozidagi Jyersi orolida tutqunlikda yashagan o‘zbek askari Boqijon Akramov haqida xujjatli film namoyish qilindi. Tunnel va bunkerlar qurish uchun foydalanilgan askar ajal orolidan 1943 yilning 27 aprelida qochib ketishga muvaffaq bo‘ladi va 3 oy davomida dalalarda yashirinib yurib, kartoshka po‘chog‘i bilan oziqlanib tirik qoladi.

Jyersi orolini qo‘riqlayotgan nemis askari, 1940 yil / FOTO: Atlantic-Press/ullstein bild via Getty ImagesAtlantic-Press/ullstein bild

O‘shanda mahalliy fermerlardan biri – Le Bretonlar oilasi o‘z jonini xatarga qo‘yib bo‘lsa ham Boqijon Akramovga uyidan boshpana berib, uning hayotini saqlab qoladi.

Boqijon Akramovga boshpana bergan Jon va Fillis Le Bretonlar / FOTO: BBC

O‘zbekistonlik askar oiladan ingliz tilini o‘rganadi, urush tugagunicha dala ishlarida oilaga yordam beradi. Urushdan keyin Akramov O‘zbekistonga qaytib keladi.

BBS muxbirlari Boqijon Akramov asli namanganlik bo‘lgani haqida ma’lumotga duch kelishgan. Shundan so‘ng BBC muxbiri Namanganda Boqijon Akramovning nevarasi ekani deya aytilgan Shamsiddin Oxunboyev va uning singillari bilan uchrashadi. Namanganlik oila bobosining hayotini saqlab qolgan fermerning 90 yoshli qizi Dulsi Le Breton bilan videomuloqot davomida ko‘z yosh ham to‘kishadi. Keksa Dulsi xonim Namanganga taklif qilinadi.

Shamsiddin Oxunboyev

Dulsi Le Breton

Dulsi o‘z uyida saqlayotgan Tom amaki (Boqijon Akramov)ning surati FOTO: BBS

Xo‘sh, britan oilasi g‘amxo‘rlik qilgan Boqijon Akramov asli namanganlikmi? U chindan ham namanganlik Shamsiddin Oxunboyevning bobosimi?

Boqijon Akramovning nevarasi deya aytilgan Shamsiddin Oxunboyev bobosining birorta suratini taqdim qilmagan. Lavhada Shamsiddin Oxunboyev bobosining urushda nemislarga asir tushgani, u yerdan qochgani va uni ingliz oilasi qutqarib qolgani haqida hech kimga hech narsa aytmaganini ham aytib o‘tgan.

Savollar tug‘ilgani uchan Shamsiddin akaning telefon raqamini surishtirib topib bu qiziqarli tarix haqida men ham ko‘rsatuv tayyorlamoqchi ekanimni aytdim. Avvaliga rozi bo‘lgan otaxon negadir fikridan qaytdi va hatto mendan shubhalana boshladi. Qizig‘i, Telegramʼdagi yozishmalarimizni (uy manzilini tashlab bergan edi) ham o‘chirib tashladi.

Shu bois bu mavzuga yana ham jiddiyroq qiziqa boshladim…

Xo‘sh, Britaniyaning Jyersi orolida yashovchi Dulsi Le Breton xonim izlayotgan Boqijon Akramov aslida kim? Ushbu savolga javob izlab Buxoroga yo‘l oldik…

***

Buxoroda Boqijon Akramovning qarindoshlarini yaqindan tanigan Hofizjon Rahimboyev bilan uchrashdik.

Sobirjon Haydarov, Boqijon Akramovning nevarasi

Ertasi kuni Qashqadaryoning G‘uzor tumaniga yo‘l oldik. Boqijon Akramov urushdan avval Buxoroda yashagan. Urushdan keyin esa G‘uzorga borib o‘sha paytdagi Telman (hozirgi 7-maktab) nomidagi maktabda matematika fanidan dars bergan ekan.

G‘uzor tumanida Boqijon Akramov qabrini ziyorat qildik. G‘uzorda tutqunlikda yashagan askarning onasi Ochiloy Shodiyevaning ham qabri bor ekan.

II jahon urushi davrida nemislar qo‘liga asir tushib Jyersi orolida tutqunlikda yashagan o‘zbek askari Boqijon Akramov asli namanganlik emas, balki buxorolik ekani oydinlashdi. Qarshi shahridagi Boqijon Akramovning o‘g‘li Mels Akramov yashagan hovlidagi eski sandiq ichidan tarixiy suratlarni topdik. Ular ichida Boqijon Akramov urushdan o‘zi bilan birga olib kelgan suratlar bor edi.

Boqijon Akramovning o‘g‘li Mels Akramov yashagan hovli

Boqijon Akramov Fillis Le Breton bilan

Boqijon Akramovning Britaniyadan olib kelgan surati

Boqijon Akramov o‘zi bilan birga Le Bretonlar oilasi, aniqrog‘i Fillis Le Breton bilan tushgan suratlarga qo‘shib yana bir nechta esdalik suratlari, tilla soat va Bibliya olib kelgan ekan.

Boqijon Akramov kim?

Boqijon Akramov 1914 yilda Buxoro shahrida tug‘ilgan. Otasi Akramov Xudoyor, onasi Ochiloy Shodiyeva. Uning Narzi Akramova (1921 yilda tug‘ilgan), Hamro Hasanova (1924 yilda tug‘ilgan) ismli singillari bo‘lgan.

Boqijon Akramov 1931-32 yillarda “Kambag‘al dehqon” kolxozida o‘qituvchi bo‘lgan. 1932-33 yillarda Dushanbe shahridagi o‘qituvchilar tayyorlash texnikumida ta’lim olgan. 1933 yilda 33 yoshida uning otasi kasallikdan vafot etgan. Singillari hali yosh bo‘lgani uchun Dushanbedan Buxoro shahriga qaytib keladi. U paytlar qurg‘oqchilik, ocharchilikka to‘g‘ri kelgan.

1939 yilning yozida Boqijon Akramov Fazilatxon Po‘latovaga uylanadi. 1939 yilning noyabrida Qizil Armiya safiga xarbiy xizmatga chaqiriladi. 1940 yilda u o‘g‘il farzandli bo‘ladi. Ismini Mels qo‘yishadi.

Boqijon Akramovning turmush o‘rtog‘i Fazilatxon Po‘latova, o‘g‘li Mels Akramov va qizi Nazira Akramova

Askar urushda nemislarga asir tushadi. Minglab asirlar qatorida u Jyersi orolida nemis istehkomlari qurishda ishtirok etadi. Bir necha marta urinishlardan so‘ng u oroldan qochishga muvaffaq bo‘ladi. Boqijon Akramovga britan oilasi – Le Bretonlar o‘z uyidan boshpana berib hayotini saqlab qoladi. Urush tugagunicha askar shu oilada Tom nomi bilan jon saqlaydi. Ingliz tilini o‘rganadi.

1943 yilda Qashqadaryo Buxoro viloyatidan mustaqil bo‘lib ajrab chiqdi. 1944 yilda Boqijon Akramovning yaqinlari G‘uzorga ko‘chib kelishadi. Chunki cinglisi Narzi Akramova G‘uzor partiya qo‘mitasiga ishga tayinlangan edi.

Boqijon Akramov yashagan hovli, Buxoro

1945 yilning oxirida Boqijon Akramov urushdan qaytib keladi. Yaqinlarini Buxorodan topa olmay, G‘uzorga ketadi va Telman nomidagi maktabda dars bera boshlaydi. 1946 yilning oktyabrida Boqijon Akramovning ikkinchi farzandi Nazira tug‘iladi.

Shahodat Fattayeva, Boqijon Akramovning jiyani

Ko‘p o‘tmay Boqijon Akramov betob bo‘lib qoladi. U yaqinlariga konslagerda qanday qiyinchiliklar ko‘rganlari, nemis askarlari boshiga har daqiqada rezina darralari bilan urganlari va Jyersi orolidan qochib ketgani, britan oilasi uyidan joy berib hayotini saqlab qolgani haqida aytib bergan. Boqijon Akramov vafotidan so‘ng uning turmush o‘rtog‘i va farzandlari Buxoro shahriga ko‘chib ketishadi.

Boqijon Akramovning yaqinlari qabri, Buxoro shahri

Boqijon Akramovning 86 yoshli kuyovi Sayfullo Haydarov

Shuhrat Akramov, Boqijon Akramovning nevarasi

Shahlo Akramova, Boqijon Akramovning nevarasi

Boqijon Akramovning nevaralari

***

Tasvirga olish jarayonida Boqijon Akramovning jiyani Shahodat Fattayeva, nevaralari Shuhrat Akramov, Sobir Haydarov, Akmal Akramov, Shahlo va Ra’no Akramova bobolarining hayotini saqlab qolgan Le Bretonlar oilasi vakili, 90 yoshli Dulsi xonimga alohida minnatdorchilik bildirishib, uni O‘zbekistonga taklif qilishdi.

Source link

Toshkent shahrida 57 yoshli shaxs AQShga ishchi viza asosida yuborish va buning uchun zarur bo‘ladigan barcha hujjatlarni rasmiylashtirib berish evaziga 22 ming dollar talab qilgan. Andijondagi holatda esa 33 yoshli ayol 6 ming dollarga Koreyaga ishga yuborishni va’da qilgan. Ular tezkor tadbirda ushlandi.

Foto: Davlat xavfsizlik xizmati

Huquqni muhofaza qiluvchi idoralar tomonidan noqonuniy migratsiyaga qarshi kurashish yo‘nalishida tezkor tadbirlar o‘tkazildi. Bu haqda Davlat xavfsizlik xizmati xabar berdi.

Toshkent shahri. Toshkent viloyati Chinoz tumanida yashovchi, muqaddam bir necha bor sudlangan 57 yoshli shaxs 2001 yilda tug‘ilgan fuqaroga mansabdor tanishlari orqali ishchi viza asosida AQShga yuborishni va’da qilgan. U buning uchun zarur bo‘ladigan barcha hujjatlarni rasmiylashtirib berishini aytib, evaziga 22 ming dollar talab qilgan. Gumondor kelishilgan pulning 5 ming dollarini olgan vaqtida ushlangan.

Andijon viloyati. Izboskan tumanida yashovchi, 1993 yilda tug‘ilgan shaxs asakalik 26 yoshli fuqarodan mansabdor tanishlari orqali ishchi viza tayyorlatish hamda Koreya davlatiga ishga yuborish evaziga 6 ming dollar talab qilgan. Shundan 3 ming dollarini olgan vaqtida qo‘lga olingan.

Tergovga qadar tekshiruv davomida, gumondor muqaddam boshqa fuqarodan ham Koreyaga ishga yuborishni va’da qilgan holda pul olgani aniqlangan. 

Hozirda har ikki holat bo‘yicha qonunbuzarlarga nisbatan jinoyat ishlari qo‘zg‘atilib, tergov harakatlari olib borilmoqda.

Avvalroq Koreyaga yuborish va’dasi bilan pul yiqqan shaxslar qo‘lga olingandi.

Source link

Yashnobod tumanida Cobalt va Nexia-3 haydovchilari yo‘l talashib, janjallashib qoldi. Internetda tarqalgan videoda ulardan biri ikkinchisiga uzun tayoq bilan hujum qilganini ko‘rish mumkin.

Ijtimoiy tarmoqlarda tarqalgan videodan kadr

Voqea 12 iyun kuni Maxtumquli ko‘chasida ro‘y bergan.

IIBB xabariga ko‘ra, Cobalt haydovchisi 1992 y.t. D.D. hamda Nexia-3 haydovchisi 1998 y.t. Sh.A. yo‘l talashish oqibatida o‘zaro tortishib qolgan.

“Ular avtomobildan tushib, jamiyatda yurish-turish qoidalarini qasddan mensimasdan, yo‘lning qatnov qismida jamoat tartibini buzib o‘zaro urishishgan”, – deyiladi rasmiy xabarda.

Holat yuzasidan har ikkala haydovchiga nisbatan mayda bezorilik moddasi bilan ma’muriy bayonnoma rasmiylashtirilib, sudga taqdim etilgan.

Source link

Shu kunlarda Toshkent xalqaro investitsiya forumi o‘tkazilishi munosabati bilan poytaxtning ayrim ko‘chalarida transport harakati ham vaqti-vaqti bilan cheklanadi.

16−18 iyun kunlari poytaxtda beshinchi Toshkent xalqaro investitsiya forumi bo‘lib o‘tadi. Forum davomida xavfsizlikni ta’minlash maqsadida shaharning ayrim ko‘chalarida transport vositalari harakati vaqti-vaqti bilan cheklanadi. Bu haqda IIV xabar berdi.

Quyidagi ko‘chalarda harakat cheklanadi: 

· Islom Karimov va Sharof Rashidov ko‘chalari chorrahasidan Islom Karimov ko‘chasi bo‘ylab Islom Karimov va Furqat ko‘chalari chorrahasigacha;

· Maxtumquli, Temur Malik va Yangi O‘zbekiston ko‘chalari kesishmasidagi ko‘prikdan Yangi O‘zbekiston ko‘chasi bo‘ylab Yangi O‘zbekiston va Istiqlol ko‘chalari chorrahasigacha;

· Islom sivilizatsiyasi markazi atrofidagi hududlarda, jumladan, Sharof Rashidov va Abdulla Qodiriy ko‘chalari chorrahasidan Abdulla Qodiriy hamda Qorasaroy ko‘chalari bo‘ylab Qorasaroy va Nurafshon ko‘chalari chorrahasigacha.

Yo‘l harakati ishtirokchilari uchun aylanma yo‘llar tashkil etiladi. Tezkor xizmatlarning maxsus avtotransport vositalari harakati bundan mustasno.

Shuningdek, tadbir kunlari Toshkent shahriga yuk mashinalari kirishi ham cheklanadi. Ularning harakati Toshkent viloyatidagi aylanma yo‘llar orqali tashkil etiladi.

Source link

Toshkent shahrining Yakkasaroy tumanida joylashgan ko‘p qavatli turar joy binosining tashqi qismida yong‘in sodir bo‘ldi. Hodisa joyiga tezkorlik bilan yetib borgan qutqaruvchilar tomonidan yong‘inni bartaraf etish ishlari olib borilmoqda.

Favqulodda vaziyatlar xizmati ma’lum qilishicha, bugun, 13 iyun kuni soat 10:21 da Yakkasaroy tumani, Nukus ko‘chasida joylashgan ko‘p qavatli uyning tashqi qismi (fasadi) yonayotgani haqida shahar FVBBga xabar kelib tushgan.

Xabarga asosan qutqaruv bo‘linmalari soat 10:23 da voqea joyiga yetib borgan va hozirda yong‘inni o‘chirish ishlarini amalga oshirmoqda.

Shuningdek, xavfsizlik choralari doirasida ko‘p qavatli uydagi barcha fuqarolarni evakuatsiya qilish ishlari tashkil etilgan.

Ma’lum qilinishicha, vaziyat to‘liq nazoratga olingan. Hodisa yuzasidan qo‘shimcha ma’lumotlar taqdim etiladi.

Source link