Iqtisodiyot
Beeline Uzbekistan hududlarda raqamli rivojlanishni jadallashtirmoqda
Har beshinchi qo‘ng‘iroq — VoLTE orqali, har bir viloyatda esa 4G o‘sishi kuzatilmoqda. Beeline Uzbekistan raqamli xizmatlardan mamlakatning istalgan nuqtasida foydalanish imkoniyatini yaratish uchun tarmoqni rivojlantirishda davom etmoqda. So‘nggi besh yil ichida Beeline Uzbekistan 4G/LTE bazaviy stansiyalarining sonini uch baravarga oshiribgina qolmay, balki eng chekka hududlarda ham barqaror qamrovni ta’minladi. Respublikaning beshta viloyatida mobil internet trafigi 25 baravarga ortdi.
Beeline Uzbekistan yuqori tezlikdagi mobil internet va ishonchli raqamli xizmatlarni taqdim etuvchi 4G tarmog‘ini uzluksiz kengaytirmoqda. 2020 yillarning boshidan beri kompaniya 4G bazaviy stansiyalari sonini uch baravardan ko‘proqqa oshirdi. Faqatgina so‘nggi bir yil ichida infratuzilma sezilarli darajada kengaytirildi va yuzlab yangi LTE stansiyalar ishga tushirilmoqda. Shu bilan birga, mavjud stansiyalar ham modernizatsiya qilinmoqda, bu esa 2020 yilga nisbatan foydalanuvchi boshiga o‘rtacha internet tezligini 2,2 baravarga oshirishga imkon berdi.
Mijozlar trafigining doimiy o‘sishini, ayniqsa, zich aholi yashaydigan hududlarda inobatga olgan holda, Beeline Uzbekistan tarmoq sig‘imi va o‘tkazuvchanligini oshirmoqda. So‘nggi yillarda Beeline Uzbekistan tarmog‘idagi mantiqiy sektorlar soni olti barobardan ziyodga ko‘paydi. Bu esa tarmoqning eng yuqori yuklamalarda ham barqaror ishlashini sezilarli darajada yaxshilash imkonini berdi.
2023 yildan boshlab Beeline Uzbekistan mijozlari VoLTE va ViLTE texnologiyalaridan faol foydalanmoqda — LTE orqali ovozli va video qo‘ng‘iroqlar. Bu texnologiyalar HD sifatdagi ovoz, darhol ulanish va qo‘ng‘iroq vaqtida internetdan bir vaqtning o‘zida foydalanish imkonini beradi. Bugungi kunda Beeline Uzbekistan tarmog‘idagi har beshinchi qo‘ng‘iroq VoLTE orqali amalga oshirilmoqda.
4G/LTE tarmog‘ini rivojlantirishda e’tibor ayniqsa viloyatlarga qaratilmoqda: Farg‘ona, Qashqadaryo, Surxondaryo va Andijon viloyatlarida bazaviy stansiyalar va foydalanuvchi trafigi bo‘yicha rekord ko‘rsatkichlar qayd etilgan. Ba’zi tumanlarda so‘nggi besh yil ichida internet trafigi 25 baravarga oshgan.
So‘nggi besh yil ichida Qoraqalpog‘iston Respublikasida Beeline Uzbekistan bazaviy stansiyalari soni 23 baravarga oshdi. Telekom infratuzilmasining bunday keng ko‘lamli rivojlanishi tarmoq qamrovining sezilarli darajada kengayishiga hamda eng chekka hududlarda ham barqaror mobil internet bilan ta’minlashga imkon berdi.
Alohida e’tibor ilgari aloqa mavjud bo‘lmagan va uzoq joylashgan hududlarga qaratildi. Masalan, Beeline Uzbekistan tarmog‘i — shu jumladan mobil internet — birinchi marta Beruniy tumanining olis Sarpok, To‘ran va Jumaniyozov ovullarida paydo bo‘ldi.
«Bizning ustuvor maqsadimiz — barcha foydalanuvchilar uchun teng va eng keng raqamli imkoniyatlarni ta’minlash. Shu bois, infratuzilmani rivojlantirar ekanmiz, ilg‘or telekommunikatsiya texnologiyalarini joriy etib, O‘zbekistonning barcha hududlarida ish olib bormoqdamiz. Strategik maqsadimiz – respublikamizning har bir fuqarosi raqamli xizmatlardan foydalana olishini ta’minlashdir», — deydi Beeline Uzbekistan texnologiyalar va innovatsiyalar bo‘yicha direktori Gediz Sezgin.
2025 yilda kompaniya O‘zbekistonda noyob texnik yechim — Triple-Band Massive MIMO 32×32 uskunasini sinov tariqasida muvaffaqiyatli ishga tushirdi. Ushbu texnologiya uchta turli chastotali diapazonlardan bir vaqtning o‘zida foydalanish orqali tarmoq o‘tkazuvchanligini sezilarli darajada oshiradi.
Avval yirik shaharlarda ishga tushirilgan innovatsiyalar asta-sekin butun mamlakat bo‘ylab aholiga taqdim etilmoqda. Zamonaviy raqamli xizmatlar O‘zbekistonning eng chekka hududlari aholisiga ham yetib borib, kundalik vazifalarni bir necha daqiqada hal qilishda yordam bermoqda: moliyaviy va aloqa xizmatlarini boshqarish, aviachiptalarga buyurtma berish, davlat bojlari, kommunal to‘lovlar va savdo tarmoqlaridagi xaridlarni qulay tarzda to‘lash imkoniyatini yaratmoqda.
Beeline Uzbekistan haqida
«Unitel» MChJ 2006 yilning 12 sentyabridan boshlab «Beeline Uzbekistan» savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Dubay shahrida joylashgan VEON xalqaro telekommunikatsiya xoldingi tarkibiga kiradi. 2024 va 2025 yillarda «Top Employer» maqomiga ega bo‘ldi.
VEON 6 mamlakatda 160 milliondan ortiq foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ fond bozorida joylashtirilgan.
Beeline Uzbekistan’da 2 mingga yaqin xodim ishlaydi. 2006 yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSh dollaridan ortiq sarmoya kiritdi. Beeline SB’ning O‘zbekistondagi faoliyati davomida 2 milliard dollarga yaqin soliq to‘langan.
Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
Twitter: @beeline_uz
LinkedIn: @beeline-uzbekistan
Iqtisodiy tadqiqotlar va islohotlar markaziga ko‘ra, «The Heritage Foundation» hamda «The Wall Street Journal» tomonidan tayyorlangan 2026-yilgi Iqtisodiy erkinlik indeksida O‘zbekiston 184 davlat orasida 86-o‘rinni egalladi. Mamlakat 60,3 ball to‘plab, o‘tgan yilga nisbatan 2,3 ballga o‘sish qayd etdi.
Bu natija O‘zbekistonni «asosan erkin iqtisodiyot» toifasiga kiritdi. Shuningdek, mamlakat jahon o‘rtacha ko‘rsatkichidan (59,9 ball) va Osiyo-Tinch okeani mintaqasi o‘rtachasidan (58,6 ball) yuqori natija ko‘rsatdi.
Reyting yetakchilari sifatida Singapur, Shveysariya, Irlandiya va Avstraliya qayd etildi. Ular 80 balldan yuqori natija bilan «erkin iqtisodiyotlar» qatoriga kiritilgan.
Tahlillarga ko‘ra, O‘zbekiston 12 ta yo‘nalishdan 8 tasida ko‘rsatkichlarini yaxshilagan. Ikki yo‘nalishda o‘zgarish bo‘lmagan, yana ikkisida esa ozgina pasayish kuzatilgan.
Davlatning iqtisodiyotdagi ishtiroki bo‘yicha ko‘rsatkichlar nisbatan yuqori. Xususan, soliq yuki 95 ball, davlat xarajatlari 73,7 ball, davlat moliyasi barqarorligi esa 79,9 ballni tashkil etdi.
Bozorlar ochiqligi yo‘nalishida ham ijobiy dinamika saqlandi. Savdo erkinligi 80,6 ball, investitsiya erkinligi 70 ball, moliyaviy erkinlik 60 ballni tashkil qildi. Tartibga solish samaradorligida esa biznes yuritish erkinligi 62,5 ball, mehnat bozori erkinligi 48,4 ball darajasida qolmoqda.
Shuningdek, qonun ustuvorligi yo‘nalishida jiddiy kamchiliklar saqlanib qolmoqda. Mulk huquqi himoyasi 43,1 ball, davlat boshqaruvi sifati 32 ball, sud tizimi samaradorligi esa atigi 13,7 ballni tashkil etdi.
2026-yil 1-mart holatiga O‘zbekistonda 576,8 mingta korxona va tashkilot faoliyat yuritmoqda. Bu haqda Milliy statistika qo‘mitasi ma’lum qildi.
Qayd etilishicha, korxonalarning eng katta qismi savdo sohasiga to‘g‘ri keladi – 156 796 ta. Qishloq, o‘rmon va baliqchilik xo‘jaligida 127 071 ta, sanoatda 61 062 ta korxona qayd etilgan. Shuningdek, qurilishda 31 372 ta, yashash va ovqatlanish xizmatlarida 31 350 ta sub’yekt faoliyat yuritmoqda.
Hududlar kesimida esa Toshkent shahri yetakchi – 111 137 ta korxona. Keyingi o‘rinlarda Toshkent viloyati (54 273) va Samarqand viloyati (53 475) turibdi. Eng past ko‘rsatkich Sirdaryo viloyatida – 16 557 ta.
Shuningdek, Farg‘ona viloyatida 49 278 ta, Qashqadaryoda 44 055 ta, Andijonda 35 500 ta korxona faol. Buxoro (34 902), Namangan (33 776), Xorazm (32 069) va Surxondaryoda (32 023) ko‘rsatkichlar o‘rtacha darajada. Qoraqalpog‘istonda 29 220 ta, Jizzaxda 26 468 ta, Navoiyda 24 061 ta korxona mavjud.
2026 yil 25 mart kuni Bo‘stonliq tumanining so‘lim go‘shasida joylashgan «Chorvoq Darvozasi» zamonaviy turizm majmuasida Navro‘z umumxalq bayrami munosabati bilan keng qamrovli madaniy-ko‘ngilochar tadbir bo‘lib o‘tdi.
«O‘zmilliybank» AJ va Bo‘stonliq tumani hokimligi hamkorligida tashkil etilgan ushbu ayyom milliy qadriyatlarimiz, urf-odatlarimizni o‘zida mujassam etdi.
Shuningdek, tadbir davomida majmua bo‘ylab maxsus ekskursiyalar tashkil etildi.
«Chorvoq Darvozasi» turar joy majmuasi — tabiat va shahar qulayligi uyg‘unlashgan maskan:
Tayyor ta’mirlangan xonadonlar;
Yer osti avtoturargohi;
Kurort infratuzilmasi;
24/7 qo‘riqlanadigan yopiq hudud;
Ko‘chmas mulk qiymati o‘sishi imkoniyati.
Majmua hududida allaqachon Feed Up, Papa John’s kabi mahalliy va xalqaro brendlar xizmat ko‘rsatayotgan bo‘lsa, zamonaviy kinoteatr ham tez orada o‘z mehmonlarini qabul qila boshlaydi.
48 m² dan 630 m² gacha bo‘lgan zamonaviy tijorat maydonlarini qulay imtiyozli davr va uzoq muddatli ijara shartlarida band qilib biznesingizni rivojlantiring.
Batafsil ma’lumot uchun:
+998712022222
Jahon iqtisodiyoti tuzilishi asosan bir nechta davlatlar tomonidan shakllantiriladi. Infografikada 2026 yil uchun prognoz qilingan yalpi ichki mahsulot (YaIM) ko‘rsatkichlari asosida dunyodagi 50 ta eng yirik iqtisodiyot taqdim etilgan.
Prognozlarga ko‘ra, 2026 yilda jahon iqtisodiyoti hajmi 123,6 trillion dollarga yetadi. Eng yirik iqtisodiyot sifatida AQSh saqlanib qoladi — uning YaIM 31,8 trillion dollardan ortiq bo‘lishi kutilmoqda.
Shuningdek, birinchi beshlikka Xitoy, Germaniya, Hindiston va Yaponiya kiradi. Prognozga ko‘ra, ushbu beshta mamlakat jahon YaIMning 55 foizini tashkil qiladi.
Rossiya reytingda 9-o‘rinni egallab, uning YaIM taxminan 2,5 trillion dollar bo‘lishi kutilmoqda. Birinchi o‘nlikka shuningdek Buyuk Britaniya, Fransiya, Italiya va Kanada ham kirgan.
Yalpi ichki mahsulot (YaIM) — bu muayyan davrda mamlakat hududida ishlab chiqarilgan barcha yakuniy tovarlar va xizmatlarning umumiy bozor qiymati hisoblanadi. U davlat iqtisodiyoti hajmini aks ettiruvchi asosiy ko‘rsatkichlardan biri hisoblanadi.
Markaziy bank 2026-yil 27-martdan valyutalarning yangi kursini belgiladi.
AQSh dollari 8,26 so‘mga oshib, 12 179,87 so‘m etib belgilandi.
Yevro kursi 37,92 so‘mga tushdi va 14 079,93 so‘m bo‘ldi. Funt-sterling 16 265,00 so‘m (-41,31).
Rossiya rubli 148,52 so‘m etib belgilandi (-1,28).
O‘zbekiston fuqarolari AQShdagi mavsumiy ishlarga jalb etilishi mumkin
O‘zbekiston iqtisodiy erkinlik indeksida yuqoriladi
O‘zbekiston va Rossiya prokuraturasi mehnat muhojirlari huquqlarini muhokama qilmoqda
-
Siyosat4 days agoIslom bank ishi anʼanaviy foizlarga asoslangan modellardan nimasi bilan farq qiladi?
-
Jamiyat3 days agoO‘zbekistonda taksichilarni aldashning yangi firibgarlik usuli fosh etildi
-
Turk dunyosi3 days agoBuyuk Britaniya Tashqi ishlar vazirligi Gretsiya, Turkiya, Kipr va Dubayga sayohatlar haqidagi soʻnggi maʼlumotlarni eʼlon qildi
-
Dunyodan3 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Dunyodan2 days ago
Eron tarixidagi eng katta banknotalar muomalaga chiqariladi
-
Jamiyat1 day ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Jamiyat4 days ago
Namanganda yirik turistik majmua qurilishi boshlandi
-
Dunyodan4 days ago
Hormuzdan tashqaridagi yirik neft yo‘llari ham xavf ostida.