Iyun oyi va yoz faslida ob-havo qanday o‘zgaradi? 

Joriy yilda yoz beqaror va o‘rtacha iliq ob-havo bilan boshlanadi. 1-3-iyun kunlari respublikaning ayrim joylarida qisqa muddatli yomg‘ir yog‘ishi, momaqaldiroq bo‘lishi mumkin, shamol tezligi 15-20 m/s gacha kuchayadi. Harorat asosan kechalari 15-20 daraja, kunduz kunlari 30-35 daraja bo‘ladi. 

Keyinchalik oy oxirigacha harorat asosan kechalari 18-23 daraja bo‘ladi, kunduz kunlari 29-34 darajadan 34-39 darajagacha o‘zgarib turadi, shimolda, janubda va cho‘l hududlarda ayrim kunlarda 40-42 darajagacha bo‘ladi. 

Oyning birinchi yarmida ayrim kunlarda qisqa muddatli yomg‘ir yog‘ishi, momaqaldiroq bo‘lishi mumkin. 

Bu yilgi yoz qanday bo‘ladi? U ekstremal issiq bo‘ladimi? Bu savol oson emas. 

Amerika iqlim prognozlari markazining so‘nggi byulleteniga ko‘ra, 2026-yil may oyida El-Nino hodisasi boshlanishining birinchi aniq belgilari (Tinch okeanida suv haroratining keskin ko‘tarilishi) qayd etildi, bu esa sayyoramizda global havo haroratining keyingi oshishiga sabab bo‘ladi. 

Hozirgi vaqtda bircha iqlim tizimi neytral deb hisoblanadi, ammo okeandagi suv harorati juda yuqori tezlikda ko‘tarilmoqda. Bu dunyoning yetakchi mavsumiy prognozlash markazlari tomonidan 2026-yil yozi issiq bo‘lishi prognozlari bilan bog‘liqdir. 

Bu O‘zbekiston uchun nimani anglatadi? 

O‘zbekistonda yoz an’anaviy ravishda quruq va issiq bo‘ladi – bu O‘rta Osiyo iqlimining o‘ziga xos xususiyatidir. Bundan tashqari, so‘nggi 15 yil davomida yoz fasllari o‘rtacha harorati ko‘tarilishining barqaror tendensiyasi kuzatilmoqda 

Jahon prognoz markazlari hisob-kitoblariga asoslangan holda O‘zgidrometning dastlabki baholashiga ko‘ra, joriy yilda yozning o‘rtacha harorati me’yordan biroz yuqori bo‘lishi mumkin. 

Yozgi mavsum davomida ekstremal qiymatlarga yaqin bo‘lgan juda issiq ob-havo davrlari bo‘lishi kutilmoqda. Yoz o‘rtalarida eng issiq kunlarda havo harorati 42-44 darajagacha, shimolda, janubda va cho‘l hududlarda 45-47 darajagacha ko‘tarilishi mumkin.

Source link

Bugungi kunda O‘zbekistonda tibbiy xizmatlar tizimida muhim o‘zgarishlar amalga oshirilmoqda. Ilgari bemorlar davolanish uchun qog‘oz shaklidagi “order” olishga majbur edi. Bu esa vaqt yo‘qotish, ortiqcha sarsongarchilik va ayrim holatlarda korrupsiyaga ham sabab bo‘lar edi.
 
Endi esa bu tizim bosqichma-bosqich bekor qilinib, uning o‘rniga davlat tibbiy sug‘urtasi mexanizmlari joriy etilmoqda.
 
Xo‘sh, bu tizim haqiqatda qanday ishlayapti? Bemorlar uchun nima o‘zgardi? Va eng muhimi – bu o‘zgarishlar oddiy inson hayotini yengillashtirdimi?
 
Ilgari “order” tizimi qanday ishlagan va muammo nimada edi?
 
Yangi tibbiy sug‘urta tizimi aholiga nima berdi?
 
“Order yo‘q” degani – bemor uchun nima degani?
 
Qaysi davlatlar tajribasi o‘rganildi? Qaysi mexanizmlar olindi? Bizning sharoitga qanday moslashtirildi?
 
Kimlar bepul davolanish huquqiga ega?
 
Aholi bu haqda qayerdan aniq ma’lumot olishi mumkin?
 
Agar bemorga yo‘llanma berilmasa, u nima qilishi kerak?
 
Bemorlar oylab navbat kutardi. Hozir vaziyat qanday?
 
Elektron navbat qanday samara beryapti?
 
“Tanish-bilishsiz” ham tez davolanish mumkinmi?
 
Bu tizim hozir qaysi hududlarda to‘liq ishlayapti? Qachon to‘liq joriy etiladi?
 
Bemor “bepul davolanaman” deb borsa, amalda yana pul to‘laydimi? Qaysi xizmatlar to‘liq bepul, qaysilariga to‘lanadi?
 
Poliklinikada “bizda bor” deyilgan dori keyin yo‘q bo‘lib qolishi – bu nima bilan bog‘liq?
 
Davlat tomonidan beriladigan dorilar ro‘yxati bormi?
 
Dorilar qanday taqsimlanadi: Toshkent va chekka hududlarda farq bormi?
 
Dori yetishmovchiligi uchun kim javob beradi?
 
Davlat tibbiy sug‘urtasi jamg‘armasi mutaxassislari Ruhillo Mahmudov hamda Shuhrat Safarov bilan shu mavzuda suhbatlashdik va bir qator savollarga javob oldik.

Source link

Prezident Shavkat Mirziyoyev transport infratuzilmasini rivojlantirish bo‘yicha taqdimot bilan tanishdi.

Transport infratuzilmasi iqtisodiyot tarmoqlarini o‘zaro bog‘lash, hududlar salohiyatini to‘liq ishga solish, aholi va biznes uchun qulaylik yaratishda muhim o‘rin tutadi. Shu bois, mamlakatimizda avtomobil yo‘llari, aviatsiya, logistika va xalqaro transport yo‘laklarini rivojlantirishga alohida e’tibor qaratilmoqda.

Taqdimotda, avvalo, «Toshkent – Samarqand» muqobil avtomobil yo‘lini qurish loyihasi ko‘rib chiqildi. Ushbu yo‘lning uzunligi 282 kilometr bo‘lib, Toshkent, Sirdaryo, Jizzax va Samarqand viloyatlarini bog‘laydi. Yo‘l I-a toifada, sement-beton qoplamali, har ikki yo‘nalishda uchtadan harakat tasmasi bilan quriladi. Loyihaviy tezlik soatiga 150 kilometrni tashkil etadi.

Loyiha doirasida 12 ta transport yechimi, 60 ta tunnelli o‘tish joyi, 91 ta ko‘prik, 16 ta yo‘l o‘tkazgich, 258 ta drenaj inshooti va intellektual transport tizimini joriy etish ko‘zda tutilgan. Shuningdek, 12 ta terminal, yo‘l bo‘yi infratuzilmasi va vazn o‘lchash tizimi tashkil qilinadi.

Salohiyatli investorlar bilan muzokaralar jarayonini jadallashtirish va qurilish ishlarini qisqa muddatlarda boshlash topshirildi.

Mamlakatimizda aviatsiya sohasida yangi ekotizimni shakllantirish bo‘yicha keng qamrovli ishlar olib borilmoqda.

Xususan, hududlardagi 7 ta xalqaro aeroport zamon talablari asosida rekonstruksiya qilinyapti. Mo‘ynoq, Qo‘qon, Zomin, Shahrisabz, Sariosiyo, So‘x tumanlarida yangi aeroportlar barpo etilib, ularning soni 18 taga yetkazildi.

Xususan, Navoiy xalqaro aeroporti faoliyatini loyihaviy boshqaruv tamoyillari asosida tashkil etish, uning tijorat mustaqilligini oshirish ishlari olib borilmoqda. Unga mahalliy va xorijiy aviakompaniyalar bilan yo‘lovchi va yuk tashish, tranzit hamda texnik qo‘nishlar bo‘yicha mustaqil muzokaralar olib borish va shartnomalar tuzish huquqi berilgan.

2030-yilga borib, aeroportda parvozlar sonini 2,3 barobarga oshirib, yiliga 7 mingtaga, yo‘lovchi tashish hajmini 150 ming nafarga, yuk tashishni esa 45 ming tonnaga yetkazish ko‘zda tutilgan. Shuningdek, aeroport hududida havo kemalariga texnik va tijorat xizmatlari ko‘rsatishga ixtisoslashgan «porto-franko» erkin zonasi tashkil etiladi.

Taqdimotda Yangi Toshkent xalqaro aeroportini qurish loyihasi ko‘rib chiqildi.

Aeroport yiliga 20 million yo‘lovchiga xizmat ko‘rsatish quvvatiga ega bo‘ladi. Yo‘lovchi terminali maydoni 208,4 ming kvadrat metrni tashkil etib, 169 ta havo kemasi turargohi, har biri 4 kilometrdan bo‘lgan 2 ta uchish-qo‘nish yo‘lagi barpo etiladi.

Hozirga qadar xalqaro moliya institutlari talablari asosida ekologik va ijtimoiy ta’sirni baholash ishlari o‘tkazildi. Loyiha hududida kanal, kollektor va elektr tarmoqlarini ko‘chirish ishlari boshlangan. Ayni paytda loyiha va pudrat tashkilotlari bilan muzokaralar olib borilmoqda.

Fuqaro aviatsiyasi korxonalarini aviayoqilg‘i bilan ta’minlash masalasi ham ko‘rib chiqildi.

Aeroportlardagi yoqilg‘i quyish majmualarining umumiy sig‘imi 49 ming tonnani tashkil etadi. 2030-yilga qadar mahalliy aviayoqilg‘i ishlab chiqarish hajmini yiliga 600 ming tonnaga, aviayoqilg‘i saqlash quvvatlarini esa 80 ming tonnaga yetkazish rejalashtirilgan. Bu maqsadda Navoiy, Andijon, Buxoro, Urganch va Yangi Toshkent xalqaro aeroportlarida yangi saqlash quvvatlari barpo etiladi.

Yoqilg‘ini saqlash va quyish jarayonlarini xalqaro standartlarga bosqichma-bosqich o‘tkazish zarurligi qayd etildi. Yoqilg‘i quyish majmualarini boshqarish jarayonlari joriy yilda to‘liq raqamlashtirilishi, aeroportlar yoqilg‘i quyish majmualari faoliyatida texnologik jarayonlar talablariga rioya etilishi ustidan tizimli davlat nazorati o‘rnatilishi belgilandi.

Davlatimiz rahbari transport infratuzilmasini rivojlantirishda loyihalarning iqtisodiy samaradorligi, qurilish sifati, xavfsizlik talablari va aholi uchun qulaylik asosiy mezon bo‘lishi zarurligini ta’kidladi hamda tegishli ko‘rsatmalar berdi.

Source link

Namangan viloyati favqulodda vaziyatlar boshqarmasi xodimlari ijtimoiy tarmoqlarda tarqalgan xabarga aniqlik kiritish uchun kanalda o‘rganish ishlarini olib borgan. O‘rganishda kanalda timsohlar borligi aniqlanmagan.

Foto: Namangan viloyati FVB

Ijtimoiy tarmoqlarda katta Farg‘ona kanalida timsohlar yurgani haqidagi xabarlar tarqaldi. Namangan viloyati favqulodda vaziyatlar boshqarmasi holatga munosabat bildirdi.

Ma’lum qilinishicha, holat yuzasidan Uchqo‘rg‘on tumani Guliston, Paxtachi, Tegirmon va Birlik mahallalari hududidan oqib o‘tuvchi katta Farg‘ona magistral kanalida o‘rganish ishlari olib borilgan. Biroq o‘rganish jarayonida kanalda timsoh mavjudligi aniqlanmagan.

Boshqarma fuqarolardan asossiz va tasdiqlanmagan xabarlarga ishonmaslikni hamda faqat rasmiy manbalarga tayanishni so‘radi.

Source link

Qurbon hayiti arafasida tadbirkorlarga katta sovg‘a: soliq yengillashadi, tekshiruvlar qisqaradi. 

Prezident Shavkat Mirziyoyev har doim tadbirkorlar masalasiga alohida e’tibor qaratib, ular uchun yangi imkoniyat va qulayliklar yaratishga intiladi. 

Davlat rahbariyati biznes vakillarini iqtisodiyotni rivojlantiradigan asosiy harakatlantiruvchi kuch sifatida ko‘radi. 

Yangi qarorlar esa «tadbirkor boy bo‘lsa — davlat ham boy bo‘ladi» degan tamoyil asosida qabul qilinadi. 

Prezident Administratsiyasi rahbari Saida Mirziyoyeva tashabbusi va bevosita davlat rahbarining qo‘llab-quvvatlovi bilan tadbirkorlarga qulaylik yaratadigan yana yangi imkoniyatlar e’lon qilindi. 

Eng muhim yangilik — 2026- yil 1- iyundan kichik biznesning soddalashtirilgan soliq rejimi chegarasi 1 mlrd so‘mdan 5 mlrd so‘mga oshirilishi kutilmoqda. 

Bu ko‘plab tadbirkorlarga QQS va foyda solig‘i to‘lashga erta o‘tish jarayonini yengillashtirib, tadbirkorlarga faoliyatini kengaytirish imkonini beradi. 

Shuningdek: 

– umumiy ovqatlanish, savdo va xizmat sohalari uchun 6%lik soddalashtirilgan QQS tartibi joriy etiladi; 

– past xavfli tadbirkorlar uchun QQS qaytarish jarayoni avtomatlashtiriladi; 

– QQS guvohnomasini vaqtincha to‘xtatish amaliyoti bekor qilinadi; 

– soliq auditi va sayyor tekshiruvlariga cheklovlar kiritiladi; 

– bank hisobraqamlarini ochish va ayrim jarayonlar raqamlashtiriladi. 

 Maqsad — kichik biznesni «soya»dan chiqarish, aylanmani yashirishga ehtiyojni kamaytirish va tadbirkor uchun adolatli, sodda muhit yaratish. 

Hisob-kitoblarga ko‘ra, bu yengilliklar 600 mingdan ortiq kichik biznes subyektiga qonuniy o‘sish imkonini beradi.

Source link