Sport
Avtosport yulduzlari Toshkentda. O‘zbekiston Formula-1 poygalarini o‘tkazmoqchi
Jahon avtosporti yulduzlari yilning eng yaxshilarini taqdirlash marosimi uchun Toshkentga yig‘ildi. Nafaqat ularning o‘zlari, balki chempionlik mashinalarining asl nusxalari ham poytaxtimizga olib kelindi. Kelgusida Formula 1 poygalarining ayrim bosqichlariga O‘zbekiston ham mezbonlik qilishi mumkin.
{Yii::t(}
O’tkazib yuborish 6s
O’tkazib yuborish
Jahon avtosport hamjamiyatining e’tibori bu hafta Toshkentga qaratildi. 12 dekabr kuni bu yerda Formula 1 poygalari tashkilotchisi bo‘lmish Jahon Avtomobil Federatsiyasi – FIA’ning Bosh Assambleyasi va FIA Awards tantanali taqdirlash marosimi bo‘lib o‘tdi.
Bu ikkala tadbir ham Markaziy Osiyoda birinchi marta o‘tkazildi. “O‘zbekiston” forumlar saroyida o‘tgan Bosh Assambleyada 100 dan ortiq mamlakat vakillari qatnashib, unda global avtosport siyosati va sohadagi qator masalalar muhokama qilindi.
“Humo” arenasida tashkil etilgan FIA Awards marosimida esa Formula 1, WRC, WEC, Formula E kabi yo‘nalishlarda yilning eng yaxshi pilotlari va jamoalari taqdirlandi. Unda dunyoning taniqli yulduz poygachilari, masalan Ferrari’ning monakolik mashhur piloti Sharl Lekler ham ishtirok etdi. Taqdirlash marosimi uchun 7 ta yo‘nalish bo‘yicha chempionlik mashinalarining asl nusxalari ham Toshkentga olib kelingan.
Milliy olimpiya qo‘mitasi suratlari
Ma’lum bo‘lishicha, O‘zbekiston hukumati Formula 1 poygalarining ayrim bosqichlariga mezbonlik qilish imkoniyatlarini o‘rganmoqda va bunga tayyorgarlik boshlamoqchi. Bu masala FIA rahbarlarining O‘zbekiston prezidenti va bosh vaziri bilan uchrashuvlarida asosiy mavzu bo‘lgan.
Rasmiy xabarga ko‘ra, prezident Shavkat Mirziyoyev va FIA prezidenti Muhammad bin Sulaym o‘rtasidagi uchrashuvda O‘zbekistonda avtomobil sportining kartingdan tortib, to Formula poygalarigacha bo‘lgan barcha yo‘nalishlarini rivojlantirish muhimligi qayd etilgan.
Prezident matbuot xizmati suratlari
Xususan, FIA universiteti bilan hamkorlikda o‘zbekistonlik poygachilarni o‘qitish, karting haydovchilari, muhandislar, konstruktor va mexaniklarni tayyorlash, O‘zbekistonda zamonaviy avtosport infratuzilmasini yaratish va Formula 1 bosqichlarini o‘tkazish masalalariga alohida e’tibor qaratildi, deyiladi xabarda. Uchrashuv yakunida Shavkat Mirziyoyev FIA rahbarini “Do‘stlik” ordeni bilan taqdirlagan.
Foto: Milliy oliypiya qo‘mitasi
Muhammad bin Sulaym keyinroq O‘zbekiston bosh vaziri Abdulla Aripov bilan ham uchrashdi. Bu uchrashuvda ham O‘zbekistonda avtosport infratuzilmasini rivojlantirish, xalqaro tadbirlarni o‘tkazish va sportchilar uchun zamonaviy sharoitlar yaratish tashabbuslari ko‘rib chiqilgan.
Ma’lumot uchun, Xalqaro Avtomobil Federatsiyasi, FIA – avtosportni tartibga soluvchi va yo‘l harakatini targ‘ib qiluvchi yetakchi xalqaro tashkilotdir. O‘zbekiston bu tashkilotga 2019 yilda a’zo bo‘lgan. O‘tgan yili Samarqandda tashkilotning 120 yilligiga bag‘ishlangan navbatdan tashqari Bosh assambleyasi bo‘lib o‘tgan edi.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport15 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat5 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport5 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi