Sport
APLda poyga qizimoqda. Kun o‘yinlari
«Siti» va «Aston Villa»da g‘alabali seriya, «Arsenal»ga avtogollar yordam bermoqda, «Liverpul» to‘rtlikka qaytdi. Shanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
«Nottinghem Forest» – «Manchester Siti» 1:2
Gollar: Reynders, 48 (0:1). Hatchinson, 54 (1:1). Sherki, 83 (1:2)
«Nottinghem Forest»: Jon Viktor, Murilo, Milenkovich, Uilyams, Savona, Anderson, Dominges (Avoniyi, 87), Gibbs-Uayt, Hadson-Odoi (Bakva, 90+2), Hatchinson, Igor Jyezus
«Manchester Siti»: Donnarumma, Ruben Diash, Gvardiol, O`Rayli, Mateus Nunes, Gonsales, Reynders (Savio, 73), Bernardu Silva, Sherki (Ake, 89), Foden, Holand
Ogohlantirishlar: Anderson, 43 – Ruben Diash, 36. O`Rayli, 59
Turning shanba kungi dasturini chempionlik poygasi ishtirokchilaridan birining o‘yini ochib berdi, ammo Nottinghemda o‘tgan o‘yinning birinchi bo‘limida «Manchester Siti» umuman o‘z darajasiga mos emasdi. 45 daqiqa davomida jamoalar darvoza sohasiga to‘g‘ri borgan birorta zarba yo‘llay olmadi, bunaqasi «shaharliklar» ishtirokidagi o‘yinlarda uch o‘yindan buyon kuzatilmagandi.
Ikkinchi bo‘lim boshida «Siti» bir kishi kam bo‘lib qolishi ham mumkin edi, Ruben Diashga jarima maydoni yaqinidagi qo‘polligi uchun ikkinchi sariq kartochka ko‘rsatilishi kerak edi, ammo o‘yin bosh hakami Robert Jons uni kechirdi.
Shundan keyin esa «Siti» hisobni ochdi. Sherki nozik uzatma bilan Reyndersni oldinga tashlab, hisob ochilishida asosiy ishni bajardi. Keyin esa ushbu fransuzning burchakdan zarbasi o‘ta xavfli chiqdi. Hozirda u va Brunu Fernandesh yettitadan golli uzatma bilan APLda eng yaxshi assistent bo‘lib turishibdi.
Ammo hisobdagi ustunlik tezda boy berildi, mezbonlar qarshi hujumda hisobni tenglashtirishdi, bu hujumda Gibbs-Uayt Igor Jyezusning qanotdan oldinga yurishini o‘z vaqtida payqadi, braziliyalik hujumchi esa to‘pni «Siti» jarima maydoniga yetkazdi. Hatchinson hech qanday qarshilikka uchramasdan «Nottinghem» safidagi ilk golini urdi.
Shundan keyin «Siti» tashabbusni qo‘lga oldi va to‘pga egalik qilish bo‘yicha katta ustunlikka (73 foiz) ega bo‘lib, g‘alaba golini urib ketishga harakat qildi. Va maqsadiga erishdi. 83-daqiqada burchak zarbasidan keyin to‘p jarima maydonida bo‘sh qoldirilgan Sherkiga kelib tushdi va burchak tomon ideal zarba berdi. «Forest» ustozi darhol ikkinchi hujumchi Avoniyini maydonga tushirdi, ammo bu yordam bermadi.
Shu tariqa, «Siti» barcha turnirlar doirasida qatorasiga sakkizinchi g‘alabasiga erishdi va yana (vaqtincha) APL turnir jadvalida birinchi o‘ringa qaytdi.
«Arsenal» – «Brayton» 2:1
Gollar: Edegor, 14 (1:0). Ryutter, 52 – avtogol (2:0). Gomes, 64 (2:1)
«Arsenal»: Rayya, Saliba, Inkapiye, Lyuis-Skelli (Gabriel Magalyayns, 71), Rays, Subimendi, Edegor, Merino, Trossar (Martinelli, 82), Saka, Yokeresh (Gabriel Jyezus, 71)
«Brayton»: Verbryuggen, Dank, Koppola (Uotson, 87), van Hekke, Hinshelvud (Uelbek, 75), Ayyari, De Keyper (Viffer, 46), Ferdi Kadio‘g‘li, Gruda (Minte, 46), Gomes (Kostulas, 87), Ryutter
Ogohlantirishlar: Lyuis-Skelli, 69. Inkapiye, 90 – Verbryuggen, 45. Dank, 50. Koppola, 56
Bir necha soat o‘tib esa «kanonirlar» bu o‘rinni qaytarib oldi. Arteta shogirdlari «Siti»ning bosimini deyarli his qilishmayapti va o‘z o‘yinlarida g‘alaba qozonishda davom etishmoqda. Tarkibdagi muammolarga qaramay (Timber o‘yinga tayyor emasdi, Kalafiori esa chigalyozdi mashg‘ulotlari chog‘ida o‘zini yomon his qilib safdan chiqdi),
«Brayton» darvozasi ilk daqiqalardan shiddatli bosim ostida qoldi. Shunday hujumlardan biri Edegorning uzoq masofadan yo‘llagan aniq zarbasi bilan yakunlandi. Norvegiyalik hujumchi to‘pni yerlatib darvoza to‘riga yo‘lladi va jamoasining chempionat joriy mavsumida gol urgan 12-futbolchisiga aylandi. Sakaning golli pasi esa uning APLdagi 104-golli harakati bo‘ldi. Londonliklarning «yettinchi» raqami bu orqali Rober Piresning natijasini yaxshiladi.
Bundan tashqari, Bukayo endi «Arsenal»ning APLdagi eng yaxshi assistentlari (47 golli uzatma) ro‘yxatida beshinchi o‘ringa chiqdi. U Aaron Remsini ortda qoldirdi. Oldinda – Dennis Bergkamp (94), Tiyerri Anri (74), Sesk Fabregas (70) va Mesut O‘zil (54). Saka hali 24 yoshda ekani hisobga olinsa, u yuzlik dovonni zabt etadigan ilk futbolchi bo‘lishi mumkin.
Umuman, londonliklar o‘yinning birinchi bo‘limida raqib darvozasi tomon 25 ta zarba yo‘lladi, mehmonlarda esa birorta zarba bo‘lmadi.
Ikkinchi bo‘lim boshida esa Raysning burchak zarbasidan keyin mehmonlar hujumchisi Ryutter o‘z jamoasi darvozasini ishg‘ol etib qo‘ydi. Qiziq jihati, Mikel Arteta jamoasining so‘nggi to‘rt o‘yinda urgan olti goli protokollarga avtogol sifatida yozilgan.
Hisob 2:0 ko‘rinishiga kelgach, o‘yin taqdiri hal bo‘lgandek ko‘ringandi, ammo «Arsenal» muxlislari o‘yinning oxirini hayajon ichida kuzatishga majbur bo‘lishdi. Avvaliga Gomes ustundan qaytgan to‘pni darvoza to‘riga yo‘llab, hisobni qisqartirdi. Keyin esa Rayya Mintening zarbasidan keyin fantastik seyv ijro etishiga to‘g‘ri keldi.
Shundan keyin Arteta yangi futbolchilar tushirish orqali o‘yin tizginini o‘z qo‘liga oldi va g‘alabali hisob saqlanib qoldi. Endi 31 dekabrga o‘tar kechasi «Emireyts»da «Aston Villa» mehmon bo‘ladi, yangi yilning ilk haftalarida «Bornmut»ga qarshi safar (4 yanvar) va Londonda «Liverpul» bilan jang (8 yanvar) kutmoqda.
«Liverpul» – «Vulverhempton» 2:1
Gollar: Gravenberh, 41 (1:0). Virs, 42 (2:0). S. Bueno, 51 (2:1)
«Liverpul»: Alisson, van Deyk, Konate, Kerkez, Frimpong, Jons, Gravenberh, Makallister, Virs (Nioni, 90+3), Kiyeza (Bredli, 61), Ekitike (Gakpo, 86)
«Vulverhempton»: Joze Sa, S. Bueno, Kreychi, Moskera (Arias, 79), Andre, Gomes, U. Bueno (Volfe, 62), Doerti (Chachua, 62), Hvang Hi Chhang (Larsen, 62), Mane, Arokodare
Ogohlantirish: Andre, 56
Odatda klublar mavsum qizigan pallada futbolchilari Afrika kubogiga yo‘l olishidan norozilik bildiradi. Lekin bu mavsum «Liverpul»da unday emas, Arne Slot endi tarkib tanlashda ancha erkin qarorlar qilmoqda va Saloh haqidagi adoqsiz savollarga javob berish majburiyatidan qutulgan. Jamoa misrlik hujumchisiz o‘ynashga ko‘nikib oldi. Qolaversa, o‘z uyida «Vulverhempton»ga qarshi o‘yinda jiddiy muammo kutilmayotgandi ham. «Enfild»dagi o‘yinda jamoaning sobiq futbolchisi Diogu Jota yana bir bor xotirlandi va futbolchilar uning farzandlari va kichik yoshdagi qarindoshlarini maydonga yetaklab chiqishdi.
Bo‘lim oxirlarida Gravenberh hisobni ochganida golni sobiq jamoadoshi uslubida nishonladi. Bir daqiqa o‘tib Gravenberh Virsning APLda uzoq kutilgan goliga hammualliflik qildi. Bu voqeani 17 tur kutishga to‘g‘ri keldi, nemis futbolchisining Angliya chempionatidagi 21-zarbasi nihoyat golga aylandi.
«Liverpul» esa qatorasiga uch g‘alabadan keyin turnir jadvalining to‘rtinchi o‘rniga ko‘tarilib oldi, ammo peshqadam bilan oradagi farq 10 ochkoni tashkil etmoqda.
«Chelsi» – «Aston Villa» 1:2
Gollar: Joao Pedro, 37 (1:0). Uotkins, 63 (1:1). Uotkins, 84 (1:2)
«Chelsi»: Sanches, Badiashile, Chaloba, Kukurelya (Gyusto, 69), Jyeyms, Fernandes, Kaysedo, Palmer (Estevao, 72), Garnacho (Delap, 69), Pedru Netu, Joao Pedro (Gittens, 69)
«Aston Villa»: Martines, Lindelyof, Konsa, Matsen (Din, 83), Kesh, Tilemans, Kamara (Bogard, 83), Buendiya (Uotkins, 58), Rodjyers, Makginn (Onana, 59), Malen (Sancho, 59)
Ogohlantirishlar: Jyeyms, 57. Chaloba, 68. Kaysedo, 71. Delap, 71. Fernandes, 90 – Kesh, 30. Rodjyers, 57. Kamara, 78
Biroz o‘tib Londonda turning markaziy bahsi bo‘lib o‘tdi. Bu o‘yin arafasida turnir jadvalining uchinchi pog‘onasida turgan «Aston Villa» «Chelsi» mehmoni bo‘ldi. O‘yinning birinchi bo‘limi mezbonlarning to‘liq ustunligi ostida kechdi (to‘p nazorati 71-29, zarbalar bo‘yicha 10:0, xG bo‘yicha 1,98-0,00) va bo‘lim oxirlarida Jyeymsning burchakdan uzatmasidan keyin Joao Pedro hisobni ochdi.
Ikkinchi bo‘limda esa barchasi 180 darajaga o‘zgarib ketdi, birinchi bo‘limda zerikib qolgan Sanches supermen rejimini yoqishiga to‘g‘ri keldi.
Darvozabon yakkama-yakka vaziyatga chiqib kelgan Kamaraning zarbasini va Rodjyers yaqin burchakka yo‘llagan to‘pni qaytardi, ammo bu vaziyatlar orasida bir zarbani o‘tkazib yubordi. «Chelsi» futbolchilari himoyadan chiqishda xatoga yo‘l qo‘ydi, maydon markazida egallab olingan to‘p Rodjyersga yetkazildi va u Uotkinsni ideal pozitsiyaga chiqardi. 59-daqiqada Malen o‘rniga tushirilgan Olli shu kuni ideal jokerga aylandi va ko‘p o‘tmay Tilemansning burchakdan uzatmasidan keyin g‘alaba golini ham urdi.
«Villa» barcha turnirlar doirasida qatorasiga o‘n birinchi g‘alabaga erishib, «Arsenal» bilan uch ochkolik farqni saqlab qoldi. To‘rtinchi o‘rinni «Liverpul»ga bo‘shatib bergan «Chelsi»da esa tizimli muammolar kuzatilmoqda: Enso Mareska jamoasi hisobda oldinda borgan o‘yinlarida 13 ochko yo‘qotishga ulgurdi. Taqqoslash uchun, birminghemliklar hisobda ortda borgan o‘yinlarida iroda ko‘rsatib, 18 ochko olishgan.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot18 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi