Sport
Alonso ishdan bo‘shadi. Klasikoda yutqazgani uchun emas
Yakshanba kuni «Barselona» navbatdagi klasikoda «Real»ni yengib, Ispaniya superkubogini qo‘lga kiritdi. Saudiya Arabistonida o‘tgan finalda «Barselona» ko‘p jihatdan ustunlik qildi, lekin hisobda faqat bir to‘p farqi bilan g‘alaba qozondi.
{Yii::t(}
O’tkazib yuborish 6s
O’tkazib yuborish
Finaldan ikki kun o‘tib «Real» oxirgi yillarda Yevropada porlab chiqqan eng yorqin murabbiylardan biri Xabi Alonsoni ishdan bo‘shatdi. Iste’foda asosiy sabab klasikodagi mag‘lubiyat bo‘lmadi, klub Xabini ishdan bo‘shatgani ham yo‘q. Murabbiy maydon tashqarisida va o‘yin davomida zaxira o‘rindig‘ida kuzatilgan hurmatsizlik sabab o‘zi ariza yozib ishdan ketdi…
Mbappe yo‘q – shou yo‘q
Shu kuni «Real» yetakchisi Mbappe asosiy tarkibda o‘ynamagani «Barselona»ni kichik favoritga aylantirdi. Birinchi bo‘limning asosiy vaqtini tomosha qilgan muxlislar «Real» Mbappega qanchalik bog‘lanib qolganini sezdi. Madrid butun bo‘lim davomida deyarli hech narsa qila olmadi. Lekin «Real» har qanday holatda kuchli jamoa, birinchi bo‘limga qo‘shib berilgan daqiqalarda avval Vinisius super gol urdi, bo‘limning oxirgi soniyalarida Mbappe o‘rniga asosiy tarkibda tushayotgan yosh hujumchi Gonsalo Garsiya hisobni tenglashtirdi. Ungacha «Barsa»dan Rafinya va Levandovski gol urgandi.
«Real» eng asosiy yulduzi maydonga tushmagan, o‘yini chiqmayotgan vaqtda ham kerakli gollarni urib, tanaffusga yengilmay chiqib ketdi. Bu top klublarga xos xususiyat. Lekin ikkinchi bo‘limda baribir «Barselona» kuchlilik qildi. Zo‘r o‘yin o‘tkazgan Rafinya g‘alaba golini urdi. Mbappe tushgani ham «Real»ga yordam bermadi. Fransuz shu kuni jarohat bilan o‘ynagani yaqqol sezildi, u aytarli imkoniyatga ham ega bo‘lmadi.
O‘yindan keyin…
«Real» va «Barselona» uchun bir-biriga yengilish juda alamli, har qanday turnirni tark etishdan ham alamliroq. Alonso «Barselona»ga sharmandalarcha yutqazgani yo‘q, muammolar girdobidagi jamoa bilan finalda munosib kurashdi. Chempionatdagi o‘yinda Alonso «Barselona»ni yenggandi ham. Bir so‘z bilan aytganda, klasikoda Alonsoni iste’foga chiqaradigan o‘yin bo‘lmadi.
Shunday bo‘lsa-da, ikki kun o‘tib Alonso iste’foga chiqqani e’lon qilindi. Hatto Fabrisio Romano kabi insayderlar ham bilmay qoldi Alonso ishdan ketishi, iste’fo haqida hech qanday mish-mish ham chiqqani yo‘q. Bu bir narsadan darak berardi: Alonso o‘zi ariza yozib ishdan ketgan. «Real» rasmiy saytida e’lon qilingan bayonotda ham murabbiy o‘z ixtiyori bilan ishdan ketganiga urg‘u berilgandi. Keyinroq klub direktori Emilio Butragenio rahbariyat Alonsoni ishdan bo‘shatmagani, murabbiy o‘zi ariza yozganini tasdiqladi.
Alonso iste’foga chiqqanidan keyin muxlislar sabablarni muhokama qila boshladi va ko‘pchilik klasikodan keyingi bir videoga to‘xtalaverdi. Taqdirlash marosimi vaqtida «Real» futbolchilari kumush medalni olgach, Alonso ularni shohsupa yonidan ketmay, raqibga hurmat ko‘rsatishga chaqirdi. Lekin Mbappe boshchilik futbolchilar murabbiyni ochiqchasiga rad etib, unga qo‘l siltagan ko‘yi maydondan chiqib ketdi. Alonso ham futbolchilarga qo‘shilishga majbur bo‘ldi.
Yaqindan olingan videolarda Mbappe Alonsoga qo‘lini siltayotib unga qarata nimadir degani bilingan. Mbappe aniq yaxshi gap aytmagan. Keyin uning qo‘l siltashiga Rodrigo va boshqa futbolchilar ham qo‘shilgan.
Keyinroq zaxira o‘rindig‘idan olingan boshqa videolar ham tarqaldi. Unda bir necha futbolchi Xabi Alonso ko‘rsatma berayotganda uni eshitmay turgani ko‘rinadi. Vaholanki, Alonso ko‘chada qolgan murabbiy emas, jahon chempioni, o‘z davrining eng zo‘r futbolchilaridan biri, murabbiylikda ham Germaniyada «Bavariya»ga non bermagan.
Va bir narsani unutmang, Xabi Alonso bask. Baskoniyalik mard yigit ko‘pning oldida jahlini ko‘rsatmadi, klubga hurmatsiz qilmadi, hech kimni ayblamadi ham. Shunchaki kecha chiqqan yulduzlarning unga nisbatan hurmatsizligini qabul qila olmadi va ariza yozib ishdan ketdi. Xabi haqiqiy erkak ekanini isbotladi, murabbiylikdan Zidanchasiga ketdi.
Murabbiy kim o‘zi?
Ispan nashrlari yozishicha, Alonso rahbariyat futbolchilarga juda ko‘p vakolat berganidan hayratlanib, buni cheklashni so‘ragan. Axir futboldagi murabbiyning o‘rni haqida Yevropaning eng zo‘r ligalarida, eng zo‘r darajada o‘ynagan Xabi Alonsodan yaxshiroq kim bilishi mumkin?
Xabi ikki avlodni bog‘lab turuvchi futbolchi desak ham bo‘ladi. U Angliyada old school vakili sifatida «Liverpul» bilan olis 2000-yillarda Chempionlar Ligasini yutgan. Keyin faoliyati oxirlaganda Yevropaning bosh sovrinini 12 yil yutolmagan Anchelottining «Real»i bilan Chempionlar Ligasida g‘olib bo‘lgan. Bu vaqt ichida Alonso qanday murabbiylar bilan ishlamagan deysiz. Va ana shunday tartib-intizomni birinchi o‘ringa qo‘yuvchi murabbiy o‘zi bir vaqtlar porlagan klubga qaytib qarasa, futbolchilar maydondan tashqarida ham ko‘p narsani hal qiladigan bo‘lib ketibdi.
Alonsoning iste’fosi oxirgi yillarda futbolda avj olayotgan bir jiddiy muammoni ko‘rsatib qo‘ydi. Afsuski, bugun futbolchilar jamoa bosh murabbiyi kim bo‘lishini biz hal qilamiz deb o‘ylay boshladi. Biz o‘zimizning futbolda shunday ishlarni ko‘rib hayron qolardik, lekin Yevropada ham bu yomon odat avj olayotganini ko‘rdik. Albatta, bunga aniq isbot ko‘rsatib bo‘lmaydi, lekin futbol ko‘rib yurgan odam hammasini tushunadi.
Klublar hamma muammoda murabbiylarni ayblab, ularni istagan vaqtida almashtiraverishi Klopp, Gvardiola, Simeone kabi bir yerda uzoq ishlaydigan murabbiylarni muxlislar uchun yanada qadrli insonlarga aylantirdi. Futbolchilar maydondan tashqaridagi masalalarni hal qilishi hech qaysi klubga yaxshilik olib kelmagan.
Menimcha, hozir futbolchilar ijtimoiy tarmoqda juda mashhurligi, futbolchining o‘zi bir brendga aylanayotgani shu kabi muammolarni keltirib chiqaryapti. Futbolchilar qarasa, millionlab odamlar ularni kuzatyapti, katta-katta brendlar reklama berish uchun navbatda. Shunda hammasida bo‘lmasa ham ba’zi futbolchilar nega menday butun boshli brend turganda boshqalar qaror qabul qilishi kerak, deb o‘ylay boshlaydi. Lekin unutmaslik kerak, eng yaxshi jamoalarda doim murabbiy birinchi o‘rinda bo‘lgan, futbolchi emas.
«Manchester Yunayted» aynan Fergyuson boshqaruvni to‘liq nazorat qilgani evaziga uzoq yil Angliyaning tengsiz jamoasi bo‘lib keldi. Ser Tom Kleverli, Fil Jons, Kriss Smolling kabi o‘rtamiyona futbolchilarni o‘ynatsa ham, Angliyada chempion bo‘laverardi. Chunki hech qachon futbolchilar unga qo‘lini siltamas, hurmatsizlik qilmasdi. Bittasi hurmatsizlik qilgani uchun ne holga tushganini hamma biladi…
Ser kiyinish xonasida hech kimni urib-so‘kmagan, lekin «MYu» futbolchilari yutqazib qo‘ysa, serdan gap eshitishni o‘ylab ham maydonda borini bergan. Axir ser shunchaki murabbiy emas, ustoz edi. Bugun futbolda ana shunday munosabat va yana… Fergyusonga o‘xshab o‘zidan ketgan futbolchining kallasiga butsa otadigan murabbiylar yetishmayaptimi deyman…
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
12 raund davom etgan jang yakuniga ko‘ra, britaniyalik Jyek Katterol hakamlarning yakdil qarori bilan g‘olib deb topildi.
O‘zbekistonlik bokschi Shahram G‘iyosov yarim o‘rta vaznda (66,7 kg) WBA Regular kamari uchun jang o‘tkazdi.
U Misrning Giza shahridagi Pyramids of Giza arenasida britaniyalik Jyek Katterolga qarshi ringga chiqdi. Jang 12 raund davom etdi va Jyek Katterol hakamlarning yakdil qarori bilan g‘olib deb topildi.
Bu Shahram G‘iyosovning professional boksdagi ilk mag‘lubiyati bo‘ldi. U bunga qadar 17ta jang o‘tkazib, ularning barchasida g‘alaba qozongan va 10ta jangda raqiblarini nokautga uchratgandi.
Uning raqibi esa bugunga qadar 34ta jang o‘tkazgan bo‘lib, 32 g‘alabaga erishgan, 2ta jangda mag‘lub bo‘lgan, 14ta jangni nokaut bilan yakunlagan.
Shahram G‘iyosovning so‘nggi jangi 2025 yil 12 aprel kuni bo‘lib o‘tgandi. O‘shanda o‘zbekistonlik bokschi argentinalik Franko Okamponi 4-raundda nokautga uchratgandi.
Toshkentda soliq xodimlari korrupsiya bilan qo‘lga tushdi
Endi ko‘p kvartirali uylarga xizmat ko‘rsatish uchun majburiy badal naqd pulda olinmaydi
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
-
Siyosat5 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Mahalliy3 days ago
Yoshlar umrini sotgan jinoyatchilar qo‘lga olindi
-
Iqtisodiyot4 days agoXitoy O‘zbekistondan 10 turdagi quritilgan sabzavotlarni olib kirishga ruxsat berdi
-
Iqtisodiyot5 days agoOLX onlayn reklama bozorida ustun mavqega ega deb topildi