Jamiyat
Alimentdan qochgan erkak o‘z xotinini «Damas»da urib ketdi
Aliment to‘lamaslik uchun esa mas’uliyatni his etmagan ayrim otalar esa hamon jinoiy xatti-harakatlardan to‘xtashmayapti.
«Biroq, aliment to‘lovidan qochib yoki undan bo‘yin tovlab, u qochib ketadimi, yashirinadimi va hatto, sud qarori bilan 15 sutka qamoq jazosini o‘tab chiqadimi, baribir, ota voyaga yetmagan farzandlari uchun aliment to‘lashga majbur. Farzandlarni ta’minotisiz qoldirish – jinoyat. Har bir ota farzand mas’uliyatini unutmasligi shart»,-deydi Buxoro viloyat Sudi axborot xizmati rahbari Feruz Sharopov.
Ijtimoiy tarmoqlarda «Alimentdan voz kech yoki mendan yaxshilik kutma» sarlavhasi ostida tarqalgan xabar ham foydalanuvchilar o‘rtasida keng muhokamalarga sabab bo‘lmoqda.
Holatga ko‘ra, Navoiy viloyati, Qiziltepa tumanida yashovchi fuqaro Sh.A. uzoq yillar davomida muntazam ravishda turmush o‘rtog‘i Z.D.ni siquvga olib, urib, haqoratlab kelgan. Biroq, 4 nafar farzandga ona bo‘lgan Z.D. «ostonadan yugurib chiqadigan kelin» degan gap-so‘zlardan qochib, sabr bilan mashaqqatli kunlarni boshidan o‘tkazgan.
Biroq, u keyinchalik «uzoq yillik uyqudan ko‘z ochgan» va farzandlari uchun tirik qolish maqsadida sudga ajrim uchun ariza bergan.
Navoiy viloyati Fuqarolik sudi joriy yilning 12 avgustida ajrashish masalasini ko‘rib chiqib, 3 oy muddat belgilagan. Shuningdek, sud Sh.A.ga 4 nafar voyaga yetmagan farzandi uchun aliment to‘lashi yuzasidan ham qaror chiqargan. Afsuski, 13 avgust kuni Sh.A. turmush o‘rtog‘iga qo‘ng‘iroq qilib, «Alimentdan voz kech, aks holda, mendan yaxshilik kutma», -deya tahdid qilgan.
14 avgust kuni tongda Sh.A. o‘ziga tegishli bo‘lgan «Damas» rusumli avtomashinasida o‘z uyidan chiqqan va yo‘l chetidan ketayotgan o‘z turmush o‘rtog‘ini urib yuborgan. Natijada Z.D. og‘ir jarohat olgan.
Sh.A.ning o‘zi Z.D.ni hushsiz holatda tuman markaziy shifoxonasiga olib kelgan. Unga birinchi tibbiyo yordam ko‘rsatilgan. Shunga qaramay, og‘ir ahvoldagi bemor uzoq vaqt o‘z hushiga kelmagan. Sud-tibbiy ekspertiza xulosasiga ko‘ra, umurtqasi sinib, asab tomirlari shikastlangan. Belidan past qismi falaj bo‘lgan.
Ma’lum bo‘lishicha, holat yuzasidan tezkor-surishtiruv ishlarini boshlagan ichki ishlar organlari xodimlariga Sh.A. ushbu holatni qasdan sodir qilmaganini, baxtsiz hodisa tufayli urib yuborganini va shu boisdan, Z.D.ni o‘zi kasalxonaga zudlik bilan olib kelganini bildirgan. Va shunga ko‘ra, Sh.A.ning xatti-harakatlariga nisbatan Jinoyat kodeksining 266-moddasi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Biroq, oradan ma’lum muddat o‘tgach, og‘ir ahvoldagi bemor o‘z hushiga kelgan va asl holatni ochiqlagan. Z.D. ichki ishlar organlari xodimlariga turmush o‘rtog‘i Sh.A uni boshqa tasodif tufayli emas, balki, u yo‘l chetidan yurib borayotganida, «Damas» avtomashinasida qasddan urib, bosib o‘tib ketganini bildirgan.
Z.D.ning yaqin qarindoshlari esa dastlabki tergov davomida qo‘zg‘atilgan jinoyat ishidan norozi bo‘lib, voqeani qasddan urib ketish va qochib ketish, deb hisoblamagani, unga yengil ayblov qo‘yilgani, aybdorning qamoqda emas, ozodlikda yurgani, shuningdek, Z.D.ning salomatligi og‘ir ekani yuzasidan shikoyat qilishgan.
«Ma’lumki, Jinoyat sodir etgan shaxsga nisbatan sud hukmiga ko‘ra, tegishli jazo qo‘llaniladi. Aybdorning ayni paytda ozodlikda yurgani bu uning jazosiz qolayotganini ko‘rsatmaydi. Ayni paytda ham holat yuzasidan tergov harakatlari davom etmoqda. Ta’kidlash joizki, fuqaro Z.D. o‘z hushiga kelgach, tergov harakatlariga jalb qilingan va u turmush o‘rtog‘i tomonidan avtomashinasi orqali qasddan urib ketilganini bayon qilgan. Unga qadar sodir etilgan yo‘l transport hodisasi yuzasidan O‘zbekiston Respublikasi jinoyat kodeksining 266-moddasi, 1-qismi asosida jinoyat ishi qo‘zg‘atilgan. Biroq, holat oydinlashgach, olib borilayotgan ish qayta malakalanib, gumonlanuvchiga nisbatan Jinoyat kodeksining 104-moddasi, 2-qismi bilan ish qo‘zg‘atilgan. Shuni alohida ta’kidlash kerakki, hech bir shaxs, hech bir aybdor qonundan qochib keta olmaydi. Sodir etilgan har qanday jinoyat uchun jazo muqarrar»,-deydi Navoiy viloyati IIB axborot xizmati rahbari Fayozjon Qosimov.
Muhandislarning noqonuniy harakatlari fosh etildi.
Farg‘ona tumani elektr ta’minoti korxonasi muhandisi xizmat mavqeidan foydalanib, fuqaroning qurilish mahsulotlari ishlab chiqarish sexiga elektr tarmog‘i tortish, elektr hisoblagich o‘rnatib, ulab berish, shuningdek, mansabdor tanishlari orqali ruxsat beruvchi hujjatlarni tayyorlatib berish evaziga 100 mln so‘m talab qiladi.
DXX Farg‘ona viloyati bo‘yicha boshqarmasi va IJQKD xodimlari hamkorligida o‘tkazilgan tezkor tadbirda muqaddam sudlangan muhandis so‘ralgan pul mablag‘ini olgan vaqtida ashyoviy dalillar bilan ushlandi.
Boshqa holatda esa Sharof Rashidov tumani elektr ta’minoti korxonasi muhandisi ham o‘z xizmat mavqeidan foydalanib, mahalliy fermer xo‘jalikning elektr energiyasidan mavjud 122 mln so‘m qarzdorligini mansabdor tanishlari orqali yo‘q qilib berish evaziga 50 mln so‘m talab qilib, muqaddam 10 mln so‘m olgan.
DXX va IJQKD xodimlari hamkorligida o‘tkazilgan tezkor tadbirda u qolgan 40 mln so‘mni olgan vaqtida ushlandi.
Hozirda har ikki holat bo‘yicha muhandislarga nisbatan jinoyat ishlari qo‘zg‘atilib, tergov harakatlari olib borilmoqda.
Energetika vazirligida tayinlovlar amalga oshirildi.
Umid Mamadaminov energetika vazirining birinchi o‘rinbosari lavozimiga tayinlandi. Bunga qadar u energetika vazirining o‘rinbosari lavozimida ishlab kelayotgan edi.
Mamadaminov 2024-yildan beri vazirning birinchi o‘rinbosari bo‘lgan Baxtiyor Mamatkarimov o‘rnini egallagan.
Umarjon Egamberdiyev energetika vazirining o‘rinbosari lavozimiga tayinlandi. Bunga qadar u Prezidentning energetik xavfsizlik bo‘yicha vakili bo‘linmasining yetakchi inspektori lavozimida ishlab kelayotgan edi.
Toshkentdagi tug‘uruq muassasalaridan birida 21 yoshli ayol tug‘uruqdan keyin falaj holatiga tushib qolgan. Voqeaga ikki oy bo‘lganiga qaramay, uning ahvoli hanuz og‘irligicha qolmoqda. Toshkent shahar sog‘liqni saqlash boshqarmasi Kun.uz’ga holat yuz berganini tasdiqlab, bemor shifokorlar nazorati ostida ekanini ma’lum qildi.
Ayolning yaqinlari ma’lum qilishicha, voqea joriy yil 24 aprel kuni Toshkentdagi 9-tug‘uruq muassasasida sodir bo‘lgan. Ularning aytishicha, ayol homiladorlik davrini sog‘lom o‘tkazgan va tug‘uruqqa jiddiy muammolarsiz kirgan.
Yaqinlarining so‘zlariga ko‘ra, tug‘uruq jarayonida og‘riqni kamaytirish maqsadida epidural anesteziya qo‘llangan. Shundan keyin ayolning ahvoli og‘irlashib, u koma holatiga tushgan. Chaqaloq kesarcha kesish amaliyoti orqali dunyoga keltirilgan.
Ma’lum qilinishicha, uch kundan keyin ona va chaqaloq Respublika shoshilinch tez tibbiy yordam ko‘rsatish markazi jonlantirish bo‘limiga o‘tkazilgan. Ayol komadan chiqqan, ammo unda falajlik alomatlari kuzatilgani aytilmoqda.
Toshkent shahar sog‘liqni saqlash boshqarmasi Kun.uz so‘roviga javoban mazkur holatni tasdiqladi. Boshqarmaga ko‘ra, bemor ayni vaqtda mutaxassislar nazorati ostida davolanyapti.
Hozircha ayol ahvolining og‘irlashishi sabablari bo‘yicha rasmiy xulosa e’lon qilinmagan.
Eslatib o‘tamiz, avvalroq Kuvaytda faoliyat yuritayotgan o‘zbek anesteziologi Jahongir Jo‘rayev Kun.uz bilan suhbatda O‘zbekistonda anesteziologiya sohasi chuqur islohotlarga muhtojligini ta’kidlagan edi. Uning fikricha, anesteziologik yondashuvlar va xavfsizlik standartlari yetarli darajada takomillashtirilmasa, og‘ir asoratlar va o‘lim bilan bog‘liq holatlar kuzatilishi davom etishi mumkin.
Inspeksiya Samarqand viloyati hokimini pedagoglarni kasbiy faoliyatiga aloqador bo‘lmagan ishlarga jalb etganlik uchun javobgarlik borligidan ogohlantirgan.
Samarqand viloyati hokimligi e’lon qilgan videodan kadr
Mehnat inspeksiyasi Samarqand viloyati hokimi Adiz Boboyevga o‘qituvchilarni ko‘chalardagi obodonlashtirish va monitoring ishlariga jalb etish tashabbusi yuzasidan ogohlantirish yubordi. Bu haqda inspeksiya axborot xizmati xabar berdi.
Inspeksiya rasmiy munosabatida amaldagi qonunchilikka ko‘ra, pedagog xodimlarni ularning kasbiy faoliyati bilan bog‘liq bo‘lmagan ishlarga majburiy tarzda jalb etish taqiqlanishini eslatgan.
“Agar mazkur tashabbus amaliyotga joriy etilib, pedagoglar faoliyatiga daxldor bo‘lmagan ishlarga jalb etilsa, majburiy mehnat holatlarining yuzaga kelishiga sabab bo‘ladi.
Shu munosabat bilan Samarqand viloyati hokimi Adiz Boboyevga pedagoglarni kasbiy faoliyatiga aloqador bo‘lmagan ishlarga jalb etish qonunchilikka zid ekani hamda bunday holatlar uchun javobgarlik belgilanganligi yuzasidan ogohlantirish yuborildi”, deyiladi munosabatda.
Idora har qanday tashabbusni amalga oshirishda amaldagi qonunchilik talablariga rioya etish, pedagoglarning huquq va qonuniy manfaatlari himoyasini ta’minlash zarurligini qo‘shimcha qilgan.
Samarqand viloyati hokimligi ham rasmiy munosabat bildirib, viloyat rahbarining tavsiyasidan asosiy maqsad talabalarni jismoniy mehnatga jalb qilish emas, balki sohaga ixtisoslashgan oliy ta’lim muassasalari, fakultetlar va kafedralarning ilmiy salohiyatidan samarali foydalanish, jamoatchilik nazoratini o‘rnatishdan iborat ekanini ma’lum qildi.
“Bugungi kunda shahar ko‘chalarida turli kasalliklar, zararkunanda hasharotlar hamda noto‘g‘ri agrotexnik yondashuvlar kabi qator omillar tufayli ayrim daraxtlar kasallanib, qurib qolmoqda. Bu masalalarni hal etishda ilmiy yondashuv va mutaxassislar maslahat va tavsiyalari asosida ish tutish muhim ahamiyat kasb etadi.
Shu munosabat bilan oliy o‘quv yurtlari rektorlari bilan uchrashuvda biologiya, ekologiya, agronomiya, tuproqshunoslik va landshaft dizayni kabi yo‘nalishlarda ta’lim olayotgan yosh tadqiqotchilar hamda professor-o‘qituvchilarning ilmiy-tadqiqot ishlarini shahar muhitidagi amaliy kuzatuvlar bilan uyg‘unlashtirish taklif etildi.
Bu jarayonda talabalar va yosh olimlar daraxtlarning holatini o‘rganish, monitoring olib borish, kasallik va zararkunandalar belgilarini erta aniqlash bo‘yicha ilmiy xulosalar hamda tavsiyalar ishlab chiqishlari mumkin bo‘ladi. Barcha agrotexnik va jismoniy ishlar esa tegishli kommunal va obodonlashtirish tashkilotlari tomonidan amalga oshiriladi.
Ta’kidlash joizki, mazkur tashabbus ilmiy muassasalar, mahalliy hokimlik va obodonlashtirish xizmatlari o‘rtasidagi hamkorlikni kuchaytirishga qaratilgan”, deyiladi hokimlik munosabatida.
Qo‘shimcha qilinishicha, bu yondashuv talabalar uchun sifatli amaliyot maydonini yaratish, ilmiy izlanishlarning amaliy samaradorligini oshirish va shaharning yashil fondini saqlash bo‘yicha zamonaviy yechimlarni ishlab chiqish imkonini beradi. Hokimlik har qanday tashabbusni amalga oshirishda qonunchilik talablariga qat’iy rioya qilinishi, fuqarolar huquq va manfaatlari ta’minlanishi hamda majburiy mehnatga yo‘l qo‘yilmasligini bildirgan.
Avvalroq Samarqand viloyati hokimi o‘qituvchilarni ko‘cha nazoratchisiga aylantirishni buyurgani xabar qilingandi. Adiz Boboyev o‘z topshirig‘ida Samarqand shahridagi ko‘chalarni OTMlarga biriktirib qo‘yishni, oliygoh pedagoglari o‘zlariga biriktirilgan ko‘chaning tozaligi, ko‘cha bo‘yidagi daraxtlar va sug‘orish tizimining holatini monitoring qilib, muammolar haqida obodonlashtirish xizmatini xabardor qilib turishi kerakligini aytgandi.
«Mahalla boshqaruvini samarali tashkil etishga oid qo‘shimcha chora-tadbirlar to‘g‘risida»gi Prezident Farmoni (PF–116-son, 24.06.2026-y.) qabul qilindi.
Farmonga ko‘ra, 2026-yil 1-iyuldan O‘zbekiston mahallalari uyushmasining Qoraqalpog‘iston Respublikasi, viloyatlar va Toshkent shahar boshqarmalari hamda tuman (shahar) bo‘limlariga:
– mahallalardagi muammolarni tizimli tahlil qilish, mas’ul idoralar o‘rtasida o‘zaro hamkorlik yo‘nalishlarini ishlab chiqish, shuningdek, hududiy dasturlarni tayyorlash hamda ijrosini nazorat qilishda ishtirok etish huquqi beriladi.
Mahallada yashovchi 1-marotaba ijtimoiy xavfi katta bo‘lmagan yoki uncha og‘ir bo‘lmagan jinoyat sodir etgan fuqarolarga ularning oilaviy sharoitidan kelib chiqib, fuqarolar yig‘ini kengashining kollegial qarori asosida shaxsga nisbatan yengillik berish to‘g‘risida qilingan murojaat sud-tergov organlari tomonidan qanoatlantirilgan hollarda:
– «mahalla yettiligi» kafillikka olingan shaxsni qayta tarbiyalash, zarur hollarda, kasbga o‘rgatish, bandligini ta’minlash, ta’limga yo‘naltirishga mas’ul bo‘ladi;
– kafillikka olingan shaxs 3 yil davomida jinoyat va huquqbuzarlik sodir etmasa, «mahalla yettiligi»ning shaxsni tarbiyalashda faollik ko‘rsatgan a’zosini qo‘shimcha rag‘batlantirish choralari ko‘riladi.
Uyushmaning tuman (shahar) bo‘limi boshliqlariga «mahalla yettiligi» faoliyatiga aralashganlik, ularni xizmat vazifalari bilan bog‘liq bo‘lmagan ishlarga jalb etganlik uchun tuman (shahar) hokimlariga taqdimnomalar kiritish vakolati beriladi.
Soliq oliy maktabi rektori vazifasini bajaruvchi tayinlandi
Farg‘onada 100 mln so‘m talab qilgan elektr korxonasi muhandisi ushlandi
Shavkat Mirziyoyev Britaniya sobiq bosh vazirini qabul qildi
-
Jamiyat4 days ago
Bugun ayrim hududlarda havo harorati 44 darajaga yetishi mumkin
-
Mahalliy5 days agoO‘zbekiston – Kolumbiya o‘yinida yig‘lagan bolakay kim?
-
Siyosat4 days ago
«Endigi vazifa erishilgan kelishuvlarni real loyihalarga aylantirish»
-
Dunyodan5 days agoAQSh va Eron o’rtasidagi urushning iqtisodiy oqibatlari hisoblanmoqda
-
Iqtisodiyot4 days ago
O‘zbekistonda qurilish ishlari hajmi 35 yilda 12 barobar oshdi
-
Iqtisodiyot4 days agoO‘zbekiston qaysi mamlakatlarga ko‘proq mahsulot sotmoqda?
-
Siyosat3 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Siyosat4 days ago
Shavkat Mirziyoyev YeTTB bilan hamkorlikning ustuvor yo‘nalishlarini belgiladi