Sport
O‘zbekiston U-20 penaltilar seriyasida Janubiy Koreyaga mag‘lub bo‘ldi
O‘zbekiston U-20 terma jamoasi Osiyo chempionati doirasida Janubiy Koreyaga qarshi chorak final bahsida maydonga tushdi.
Uchrashuvning dastlabki daqiqasidayoq Koreya darvozasi tomon penalti belgilandi, ammo Muhammadali O‘rinboyev yo‘llagan zarbani darvozabon qaytardi. Shunday bo‘lsada, hisobni ochish o‘zbekistonlik yoshlarga nasib qildi. Uchrashuvning 18-daqiqasida Asilbek Jumayev burchak to‘pidan so‘ng bosh bilan to‘pni raqib darvozasiga kiritdi.
Shundan so‘ng tashabbus Janubiy Koreya tomoniga o‘tdi va raqib 26, 56 va 61-daqiqalarda gol kiritib, hisobni bir yo‘la 3:1 ko‘rinishiga keltirib qo‘ydi.
Uchrashuv taqdiri hal bo‘lganday ko‘ringan lahzalarda O‘zbekiston U-20 qo‘shimcha daqiqalarda ikkita gol urib, hisobni tenglashtirdi va o‘yin qo‘shimcha bo‘limlarga ko‘chdi. Yoshlarimiz safida Muhammadali O‘rinboyev va Abdug‘ofur Haydarov gol kiritdi.
Qo‘shimcha bo‘limlarda hisob o‘zgarmadi. Penaltilar seriyasida esa Janubiy Koreya U-20 terma jamoasi omadliroq ishtirok etdi va g‘alabani qo‘lga kiritdi.
Shu tariqa O‘zbekiston U-20 terma jamoasi Chilida bo‘lib o‘tadigan jahon chempionati yo‘llanmasini qo‘lga kirita olmadi.
Janubiy Koreya U-20 – O‘zbekiston U-20 – 3:3
Penaltilar seriyasi: 3:1
Gollar: Shin Min Xa 26, 56, Kim Taye Von 61 – Asilbek Jumayev 18, Muhammadali O‘rinboyev 90+1, Abdug‘ofur Haydarov 90+4 –
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Portugaliyalik hujumchi Krishtianu Ronaldu otasi vafot etgan argentinalik futbolchi Lionel Messini qo‘llab-quvvatladi. U Messining Instagram sahifasidagi posti ostida izoh qoldirdi.
«Bu qiyin damlarda siz va yaqinlaringizni mahkam quchgan holda chuqur hamdardlik bildiraman, Leo. Bardoshli bo‘ling», deb yozgan Ronaldu.
Avval Messi «Inter Mayami»dagi o‘yinchilik faoliyatini to‘xtatgani e’lon qilingan edi. U oilasi va do‘stlarini qo‘llab-quvvatlash uchun Argentinada qoldi.
Xorxe Messi 8-avgust kuni 68 yoshida vafot etdi. U uzoq davom etgan og‘ir kasallikdan so‘ng olamdan o‘tdi. Ko‘p yillar davomida argentinalik futbolchining otasi o‘z o‘g‘lining faoliyatida muhim o‘rin tutardi.
Amazon asoschisi Jeff Bezos professional sportga sarmoya kiritish niyatida. The Guardian nashrining xabar berishicha, tadbirkor boshqa investorlar bilan birgalikda Angliyaning «Liverpul» futbol klubining kamida 30 foiz ulushini sotib olishni ko‘rib chiqmoqda. Kelishuv 1,35 milliard funt sterling yoki taxminan 1,8 milliard dollarga teng bo‘lishi mumkin.
«Liverpul» taxminan 6 milliard dollarga baholanadi va dunyodagi eng taniqli sport brendlaridan biri bo‘lib qolmoqda. Bezosning qiziqishi kengroq tendensiyaga mos keladi: badavlat amerikalik investorlar Angliya futbol klublarida faol ravishda ulushlarni sotib olmoqdalar. Amerikalik aksiyadorlar allaqachon «Chelsi», «Kristal Pelas», «Everton» va «Bornmut» kabi 20 ta Premer-liga jamoalaridan 13 tasiga egalik qilishadi.
Agar kelishuv amalga oshsa, Bezos ingliz futboliga faol ravishda sarmoya kiriyotgan amerikalik milliarderlar safiga qo‘shiladi.
Investorlar uchun ingliz futbolining jozibadorligi qisman sportning Qo‘shma Shtatlarda tobora ommalashib borayotgani bilan bog‘liq. Shu bilan birga, yetakchi Amerika sport franshizalari ko‘pincha yangi investorlar uchun juda qimmat yoki cheklangan, ingliz klubidagi ulush esa global auditoriyaga va eng tijorat jihatidan jozibador sport bozorlaridan biriga kirish imkonini beradi.
Lionel Messining otasi Xorxe Messi 68 yoshida vafot etdi. Bu haqda Infobae xabar berdi.
Nashr ma’lumotlariga ko‘ra, Messining otasi juma kuni kechqurun Rosario shahrida olamdan o‘tgan.
Iyun oyida Xorxe Messi sog‘lig‘i bilan bog‘liq muammolar sabab shifoxonaga yotqizilgani xabar qilingan edi. 2026-yilgi jahon chempionati yakunlanganidan so‘ng Lionel Messi otasini ko‘rish uchun Argentinaga yo‘l olgandi.
To‘qayev prezidentlikka qayta nomzod qo‘yishi haqidagi savolga javob berdi
Ozarbayjon prezidenti Yangi Toshkent loyihasi bilan tanishdi
O‘zbekistonda kiyim ishlab chiqarish bo‘yicha qaysi hududlar yetakchi?
-
Mahalliy5 days ago
Toshkentda maktabgacha ta’lim markazi tashkil etiladi
-
Jamiyat5 days ago
Mirakida ekologik bilim va sport uyg‘unlashgan kun
-
Iqtisodiyot3 days ago
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Iqtisodiyot4 days ago
Mikro GESlarni loyihalash va qurish tartibi soddalashtiriladi
-
Mahalliy1 day ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Mahalliy4 days ago
Talabalar uchun o‘quv yili qachon boshlanishi aniq bo‘ldi
-
Iqtisodiyot3 days ago
O‘zbekiston qaysi davlatlarga ko‘proq eksport qilmoqda?
-
Mahalliy2 days ago
O‘zbekistonda xorijiy oliygohlar soni 10 yilda 4,3 barobar oshdi