Sport
Messi avval golga sababchi bo‘ldi, keyin esa ikkita chiroyli gol bilan kambek qildi
Klublar mundialini tark etgan amerikaliklar ichki chempionat o‘yinlariga qaytdi.
Foto: Imagn Images, USA Today Spors
Messining dubli «Inter Mayami»ga «Monreal»ni mag‘lub etishda yordam berdi
MLS. Sharqiy konferensiya, 21-tur
«Monreal» – «Inter Mayami» 1:4
6 iyul. Monreal (Kanada). «Saputo»
Gollar: Ovusu, 2 (1:0) – Alende, 30 (1:1), Messi, 40 (1:2), Segoviya, 60 (1:3), Messi, 62 (1:4).
«Monreal»: Sirua, Bugay, Krayg, Alvares, Pertacso, Sili (Duke, 69), Pette (Kampbell, 46), Loturi, Pirs (Guboglo, 69), Ovusu (Sunusi, 85), Klark (Sinchuk, 80).
«Inter Mayami»: Ustari, Vegandt, Aviles (Martines, 72), Falkon (Seylor, 87), Alba, Allende (Piko, 83), Kremaski (Redondo, 72), Buskets, Segoviya (Rodriges, 72), Suares, Messi.
Ogohlantirishlar: Alvares 45+2 – Buskets 54, Martines 88.
Yevropa jamoalari klublar o‘rtasidagi jahon chempionatida ishtirokini yakunlagach, uzoq kutilgan ta’tilni boshlash imkoniyatiga ega bo‘lsa, «Inter Mayami» «PSJ»ga yirik hisobda yengilib (0:4), turnirni tark etganidan olti kun o‘tgach, yana bor e’tiborini MLS o‘yinlariga qaratishi lozim bo‘ladi. «Biz 1/8 finalga chiqish yo‘llanmasini hal qildik va turnirni boshni baland ko‘tarib tark etdik. Endi bor e’tiborimizni MLSga va keyingi turnirlarga qaratamiz», — deya yozgandi Messi.
Boshlanishi oson bo‘lmadi va 2-daqiqadayoq floridaliklar Monrealda Sharqiy konferensiyaning so‘nggi o‘rindagi jamoasidan gol o‘tkazib yuborishdi. Kanadaliklar iyunning ikkinchi yarmiga kelib ochkolar to‘play boshlagan va oxirgi uch o‘yinidan ikkitasida g‘alaba qozongandi. Bu safargi o‘yin boshida esa kuchli pressing va … Messi yordam berib yubordi. Argentinalik futbolchi o‘z jamoasi jarima maydoni yaqinida to‘pni raqibga topshirdi va amalda Ovusuga assistentlik qildi.
Keyin esa «Inter» sardori o‘z aybini ortig‘i bilan yuvishga kirishdi. Avvaliga Alende Messining pasidan keyin yakkama-yakka vaziyatdan foydalana olmadi, keyin esa vatandoshining navbatdagi pasini baribir golga aylantirdi. Alendening o‘zi ham bu hujumda asosiy ishni bajardi, u markazga ko‘chib, uzoq masofadan aniq nishonga oldi. Birinchi bo‘limni esa Messining chiroyli goli yakunlab berdi, u Suaresdan to‘p qabul qilib olib, raqib jarima maydoniga kirib bordi va qaytarib bo‘lmas zarba yo‘lladi.
38 yoshli urugvaylik futbolchi mavsum yakunida «qarqaralar» safini tark etishi kutilmoqda, u faoliyatini yakunlashi yoki yana bir mavsum o‘z vatanida o‘ynashi mumkin. Messining o‘zi esa «Inter» bilan yangi shartnoma bo‘yicha kelishib olgani aytilmoqda. Shu tufayli mavsumning qolgan qismida muxlislar ushbu futbolchilarning birgalikdagi o‘yinlaridan zavq olishi kerak. Futbolchilarning o‘zi ham bu damlarni qadrlaydi va Kanadadagi o‘yinda Segoviyaning golidan ikki daqiqa o‘tib yana bir golni birgalikda yuzaga keltirishdi. Messi eng yaxshi davrlarini yodga solib, jarima maydoni ichida raqibning 5 futbolchisini dog‘da qoldirdi, keyin esa darvozabonga ham imkon qoldirmadi. 4:1 – «Monreal» uchun nokaut edi.
Xaver Maskerano shogirdlari turnir jadvali yetakchilarini ta’qib etishga kirishdi, jamoa klublar mundialidagi ishtiroki tufayli to‘rtta turni o‘tkazib yuborgan va agar bu o‘yinlarda 100 foizlik natijaga erishilsa, birinchi o‘ringa ko‘tarilib olish mumkin.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
