Joriy yilning 16-may kuni Buxoro shahridagi ko‘p qavatli uylardan birida yuzaga kelgan yong‘in ko‘p sonli aholining sarosimasiga sabab bo‘ldi.

— Olov tomdan ko‘tarilganini ko‘rib, hamma hovliga tushib ketdi. Hammayoqni qora tutunning achchiq hidi qoplagan. Eng qo‘rqqanimiz, uy ichida birorta odam qolib ketmaganmikin, degan xavotir bo‘ldi. Bolalar yig‘isi, ota-onalar xavotiri, keksalaru qo‘ni-qo‘shnilarning bir-birini qo‘rquv ichida chaqirgan baqir-chaqirlari… qutqaruvchilar yetib kelgachgina, ancha xotirjam bo‘ldik, — deydi fuqarolardan biri.

Buxoro viloyati Favqulodda vaziyatlar boshqarmasi axborot xizmatining «Xabar.uz»ga ma’lum qilishicha, yong‘in Buxoro shahridagi Shirbudin mahallasida joylashgan ko‘p qavatli uylardan birining tom qismida sodir bo‘lgan. Yong‘in haqidagi xabar soat 15:57 da «112» tizimi orqali kelib tushgan.

Guvohlarning ta’kidlashicha, ekipajlar voqea joyiga juda qisqa vaqt ichida yetib kelib, yong‘inni professional tarzda cheklagan va bir vaqtning o‘zida aholini xavfsiz hududga evakuatsiya qilgan.

Yong‘in-qutqaruv ekipajlari soat 17:25 da yong‘inni to‘liq bartaraf etgan.

— Agar ular kechikkanda, olov qo‘shni xonalarga ham o‘tishi mumkin edi, — deydi mahallada yashovchilardan biri.

Boshqarmaning axborot xizmati rahbari hodisa oqibatida hech kim tan jarohati olmaganini bildirmoqda. Ayni paytda yong‘in sababi va yetkazilgan zarar o‘rganilmoqda.

Source link

Ular orasida Kushon davriga oid haykal boshlari va byustlar, shtuko bezaklari bo‘laklari, II–VIII asrlarga mansub noyob devoriy suratlar hamda Fayoztepa va Qoratepa arxeologik majmualariga tegishli osori atiqalar mavjud.

Foto: Islom sivilizatsiyasi markazi

Islom sivilizatsiyasi markazida O‘zbekistonga qaytarilgan noyob tarixiy osori atiqalar ilk bor keng ilmiy jamoatchilik e’tiboriga havola etildi. Mazkur madaniy meros namunalari Operation Inherent Vice xalqaro amaliyoti doirasida aniqlangan.

Taqdim etilgan artefaktlar Markaziy Osiyo sivilizatsiyasining ko‘p asrlik tarixiy rivojlanishini aks ettirib, buddaviy, sug‘diy va islomiy madaniy qatlamlarni o‘z ichiga oladi. Ular orasida Kushon davriga oid haykal boshlari va byustlar, shtuko bezaklari bo‘laklari, II–VIII asrlarga mansub noyob devoriy suratlar hamda Fayoztepa va Qoratepa arxeologik majmualariga tegishli osori atiqalar mavjud. Shuningdek, XV asrga oid temuriylar davriga mansub kenotaf alohida ilmiy va madaniy ahamiyatga ega.

Ishtirokchilar e’tiborini buddaviy mazmundagi devoriy suratlar, shuningdek, Gandhara va ilk buddaviy san’at an’analarini aks ettiruvchi terrakota va shtuko haykallar tortdi. Ilmiy yig‘ilish doirasida temuriylar davriga oid tosh kenotaf ham taqdim etildi. U murakkab bitiklar, bezaklar va she’riy matnlar bilan ishlangan bo‘lib, Markaziy Osiyo memorial san’atining noyob namunasi sifatida baholandi.

Ilmiy kengashda ushbu yodgorliklarni kelgusida ilmiy o‘rganish, qayta tiklash, ro‘yxatga olish va muzey ekspozitsiyasiga tayyorlash masalalari muhokama qilindi.

Source link

Dastlabki ma’lumotlarga ko‘ra, savdo majmuasining ikkinchi qavatida joylashgan kiyim kechak do‘konining taxminan 15 kv.m. maydonda ichki qismi va qisman kiyim-kechaklar yonib zararlangan.

Jizzax shahridagi uch qavatli savdo majmuasida yong‘in sodir bo‘ldi, deb xabar berdi FVV.

Xabarga ko‘ra, 17 may kuni soat 11:21 da “112” tizimi orqali Sharof Rashidov shohko‘chasida joylashgan uch qavatli savdo majmuasining ikkinchi qavatidagi do‘konda yong‘in sodir bo‘lganligi to‘g‘risida FVBga xabar kelib tushgan.

Ikkita qutqaruv bo‘linmasi voqea joyiga yetib borgan va yong‘in soat 11:37 da to‘liq o‘chirilgan.

Dastlabki ma’lumotlarga ko‘ra, savdo majmuasining ikkinchi qavatida joylashgan kiyim kechak do‘konining taxminan 15 kv.m. maydonda ichki qismi va qisman kiyim-kechaklar yonib zararlangan.

Qutqaruvchilarning tezkor haraktlari natijasida yong‘inning keng maydonga tarqalishi oldi olinib, binoning asosiy qismi yong‘indan saqlab qolingan.

Yong‘in oqibatida tan jarohati olganlar to‘g‘risida ma’lumot kelib tushmagan.

Hozirda yong‘in sababi va zarari aniqlanmoqda.

Source link

Surxondaryodagi “Termiz-avto” chegara bojxona postida ekskavator ko‘targichi ichiga 593 kg gashish va 3 kg opiy yashirib, olib o‘tishiga urinib ko‘rishdi. Ekskavator esa yuk mashinasiga ortilgan bo‘lgan. Jinoiy guruh tong sahar vaqtda harbiy xizmatchilar sergaklikni yo‘qotishiga umid qilgan. 

Afg‘onistondan olib kelingan katta miqdordagi narkotik fosh etildi. Bu haqda Davlat xavfsizligi xizmati xabar berdi.

Ma’lum qilinishicha, DXXning tezkor bo‘linmalari va Chegara qo‘shinlari hamda Bojxona qo‘mitasi hamkorligida tezkor qidiruv tadbiri o‘tkazilgan. Unda qo‘shni davlatdan olib kelingan katta miqdordagi narkotik modda to‘xtatib qolingan. Jinoiy guruh tong sahar vaqtda harbiy xizmatchilar sergaklikni yo‘qotishiga umid qilib, narkotikni olib o‘tishni rejalashtirishgan.

Surxondaryo viloyatidagi “Termiz-avto” chegara bojxona postiga Afg‘onistondan kirib kelgan yuk mashina o‘rnatilgan tartibda tekshiruvdan o‘tkazilgan. Transport vositasi Afg‘oniston fuqarosi boshqaruvida bo‘lgan.

Yuk mashina tirkamasiga ortilgan ekskavator inspeksion ko‘rik majmuasi orqali skaner qilinganida, uning ko‘targich qismi ichida konstruksiyada ko‘rsatilmagan shubhali predmetlar borligi kuzatilgan. 

Shundan so‘ng, ekskavator tuynuklari endoskop maxsus texnik vositasi orqali ko‘zdan kechirilgan. Jarayonda ekskavatorning ko‘targich qismiga 593 kg gashish va 3 kg opiy yashirilgani aniqlangan. 

Holat yuzasidan Jinoyat Kodeksining 246 va 273-moddalari bilan jinoyat ishi qo‘zg‘atilgan. Hozirda ushbu narkotik modda egalarini qo‘lga olish choralari ko‘rilmoqda.

Avvalroq Farg‘onada yuk mashinasi g‘ildiraklaridan qariyb 20 kg narkotik topilgandi. 

Source link

O‘zbekiston Respublikasi Ekologiya va iqlim o‘zgarishi milliy qo‘mitasi huzuridagi Markaziy Osiyo atrof-muhit va iqlim o‘zgarishini o‘rganish universitetida (“Green University”) ” Eco Expo Central Asia 2026″ xalqaro ekologik ko‘rgazmasi, Global ekologik jamg‘armaning (GEF) VIII Assambleyasi, shuningdek, “Green University” va “yashil” texnikumlar faoliyatiga bag‘ishlangan matbuot anjumani tashkil etildi.

Tadbirda Ekologiya vaziri o‘rinbosari Jusipbek Kazbekov, Ekologiya qo‘mitasi bo‘lim boshlig‘i Javohir Abduxoliqov, qo‘mita departament rahbari Bahrom Xolxo‘jayev, “Green University” rektori, professor Baxtiyor Pulatov, qo‘mita va tizim tashkilotlari xodimlari, hududiy boshqarmalar hamda ommaviy axborot vositalari vakillari ishtirok etdi.

Tadbirda so‘zga chiqqan Jusipbek Kazbekov O‘zbekiston yana muhim xalqaro ekologik tadbirlar o‘tkaziladigan maydonga aylanayotganini ta’kidladi. Ushbu tadbirlar doirasida atrof-muhitni muhofaza qilishning dolzarb masalalariga alohida e’tibor qaratilishi qayd etildi. Jumladan, iqlim o‘zgarishi va uning oqibatlariga bardoshlilikni oshirish, bioxilma-xillikni saqlash, yer degradatsiyasi va cho‘llanishga qarshi kurash, suv resurslarini boshqarish hamda atrof-muhit ifloslanishini kamaytirish masalalari muhokama qilinadi. Shuningdek, u Markaziy Osiyodagi yagona ixtisoslashgan ekologik universitet — “Green University” hamda uning huzurida tashkil etilayotgan «yashil» texnikumlar faoliyatiga alohida to‘xtaldi. Ushbu texnikumlarda ekologiya sohasida yuqori malakali mutaxassislar tayyorlanishi, bu esa nafaqat O‘zbekistonda, balki butun mintaqada ekologik barqarorlikni ta’minlashda muhim ahamiyat kasb etishi ta’kidlandi.

O‘z navbatida, Javohir Abduxoliqov Global ekologik jamg‘armaning (GEF) VIII Assambleyasi haqida ma’lumot berdi. Assambleya doirasida yuqori darajadagi 9 ta davra suhbati, 50 dan ortiq sayd-iventlar o‘tkazilishi, qator xalqaro tashabbuslar e’lon qilinishi va yangi ekologik loyihalar ishga tushirilishi rejalashtirilgan. Assambleya yakunlari bo‘yicha «yashil» loyihalarga grant va investitsiyalar jalb etilishi, xalqaro moliyaviy institutlar bilan hamkorlik kengaytirilishi, iqlim o‘zgarishiga moslashuv loyihalari qo‘llab-quvvatlanishi, Orolbo‘yi ekotizimini tiklash dasturlari ilgari surilishi, bioxilma-xillikni saqlash, qayta tiklanuvchi energetika va barqaror qishloq xo‘jaligi loyihalari rivojlantirilishi, shuningdek, qo‘shma transchegaraviy tashabbuslar yo‘lga qo‘yilishi kutilmoqda. Bundan tashqari, tadbir xorijiy delegatsiyalar va ekspertlar oqimini oshirish, biznes turizmini rivojlantirish hamda xizmat ko‘rsatish va logistika sohalarida qo‘shimcha ish o‘rinlari yaratishga xizmat qilishi qayd etildi.

Tadbirda so‘zga chiqqan Bahrom Xolxo‘jayev ” Eco Expo Central Asia 2026″ xalqaro ekologik ko‘rgazmasiga alohida to‘xtaldi. Uning ta’kidlashicha, mazkur tadbir dunyoning 100 dan ortiq davlatidan vakillar, xalqaro tashkilotlar rahbarlari, diplomatik korpus, investorlar, ekologik mahsulot ishlab chiqaruvchilar, ekoinnovatorlar, davlat organlari va ekspertlar hamjamiyatini birlashtiradi. Ko‘rgazma doirasida ekologik mahsulot va xizmatlarga bag‘ishlangan 68 dan ortiq pavilon tashkil etiladi.

Source link