Sport
Meksika JCh–2026 o‘yinlarini o‘tkaza olmasligi mumkin
Yana 107 kundan so‘ng Meksikada futbol bo‘yicha jahon chempionatining ochilish o‘yini bo‘lib o‘tishi kerak. Poytaxt Mexikoda mezbonlar Janubiy Afrikaga qarshi maydonga tushishi rejalashtirilgan. Poytaxtdan tashqari, o‘yinlar Monterrey va Gvadalaxara shaharlarida ham o‘tkazilishi ko‘zda tutilgan. Biroq mamlakatni qamrab olgan zo‘ravonlik to‘lqini sababli bu bahslar o‘tkazilmay qolishi mumkin.
Gvadalaxarada to‘rtta uchrashuv rejalashtirilgan, jumladan 26 iyun kuni Urugvay — Ispaniya markaziy o‘yini va 18 iyun kuni Meksika — Janubiy Koreya bahsi. Shuningdek, O‘zbekiston – Kolumbiya uchrashuvi ham Meksikada o‘tishi belgilangan. Ammo hozirda ayrim hududlarda yuz berayotgan voqealar fuqarolik urushi manzarasini eslatmoqda.
Gvadalaxara aeroportida odamlar jonini saqlash uchun qochmoqda: onalar bolalarini bag‘riga bosgan, otalar esa chemodanlarini sudrab ketmoqda. Ulgurmaganlar ro‘yxatga olish peshtaxtalari ortiga yashirinishga majbur. Videolarda AQSh va Kanada sayyohlari orasida mashhur bo‘lgan sohilbo‘yi Puerto-Valyarta shahri ustida tutun bulutlari ko‘rinmoqda.
Reyslar bekor qilinyapti, do‘konlar yopilgan, maktablar ishlamayapti. AQSh Davlat departamenti ogohlantirmoqda: «Boshpana toping va binolarni tark etmang». Germaniya Tashqi ishlar vazirligi ham xavfsizlik bo‘yicha ogohlantirish e’lon qilib, mamlakatning ko‘plab shtatlariga safardan tiyilishni tavsiya qildi.
Zo‘ravonlik avj olishiga “El Mencho” nomi bilan tanilgan va “Xalisko yangi avlod” (CJNG) nomli mashhur narkokartel rahbarining o‘limi sabab bo‘ldi. U Meksika armiyasi o‘tkazgan reyd chog‘ida halok bo‘lgan.
Keyin esa uning o‘limi uchun qasos olish boshlanib ketgan. Bir nechta shtatlarda avtobus va yuk mashinalari yoqilmoqda, yo‘llar yonayotgan barrikadalar bilan to‘silgan, bank va dorixonalar o‘t ichida qolgan. Huquq-tartibot idoralarining 27 nafar xodimi, jumladan Milliy gvardiyaning 25 xodimi, bir qo‘riqchi va bir shtat prokuraturasi xodimi halok bo‘ldi.
Xavfsizlik bilan bog‘liq vaziyat butun dunyo e’tiborini tortar ekan, yana bir savol tobora dolzarblashmoqda: bunday sharoitda bir necha oydan so‘ng jahon chempionatini o‘tkazish mumkinmi? Rasman tayyorgarlik ishlari davom etmoqda, ammo hozirgi voqealar, ayniqsa, o‘yinlar rejalashtirilgan hududlarda vaziyat beqaror ekanini ko‘rsatmoqda.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Saida Mirziyoyeva Pekinda Va I bilan muloqot o‘tkazdi
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Iqtisodiyot5 days ago
Oziq-ovqat ishlab chiqarishda qaysi hududlar yetakchi?
-
Siyosat2 days ago
Prezidentning Mustaqillik bayrami tabrigidan o‘rin olgan asosiy fikrlari
-
Jamiyat15 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport1 day ago
EChL 2026/2027. Umumiy guruh bosqichi taqvimi e’lon qilindi
-
Sport15 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Siyosat2 hours ago
Saida Mirziyoyeva Pekinda Va I bilan muloqot o‘tkazdi