Jamiyat
“U yaxshi niyatining qurboni bo‘ldi”
Istanbulda 37 yoshli o‘zbekistonlik Durdona Hakimovaning vahshiylarcha o‘ldirilishi Turkiya jamoatchiligida norozilik namoyishlariga, o‘zbek segmentida esa qurbonni ayblashga sabab bo‘ldi. Marhuma bilan ko‘p yillar hamkorlik qilgan Murat Baskan esa bu gaplarni yolg‘on deb, tarqalayotgan «ishqiy munosabat» haqidagi iddaolarni keskin rad etdi.
Istanbulda 37 yoshli o‘zbekistonlik Durdona Hakimovaning jasadi Shishli tumanidagi chiqindi qutisidan topildi. Tergov ma’lumotlariga ko‘ra, asosiy gumonlanuvchi D.T. marhum bilan yaqin munosabatda bo‘lib, ular o‘rtasida janjal kelib chiqqan va D.T. uni to‘rt marta pichoq bilan jarohatlagan. Jasaddan qutulish uchun u tanishidan yordam olgan va jasadni bo‘laklarga ajratib, chiqindi qutilariga tashlagan. Tergovda ishtirok etayotgan uchinchi shaxs — taksi haydovchisi ham gumonlanuvchilar harakatlarini bilgan yoki bilmaganligi aniqlanmoqda.
Marhumning o‘ldirilishi Istanbul va Anqarada norozilik namoyishlariga sabab bo‘ldi. Turk ayollari bir o‘zbek ayolining hayoti uchun «Migrant ayollar yolg‘iz emas», «Ayollar hayoti muhim» degan shiorlar bilan adolat va qat’iy jazo talab qilib ko‘chaga chiqishdi. Huquq himoyachilari bu fojiani migrant ayollarni himoya qilishdagi tizimli bo‘shliqlar bilan izohlashdi.
Ammo shu paytda, o‘zbek ijtimoiy tarmoq segmentida mutlaqo boshqa manzara kuzatildi: jinoyatchi emas, qurbon muhokama qilindi. Ayrimlar ayolning o‘limida uning o‘zini ayblab, zo‘ravonlikni oqlashga urinishdi. Bu esa jamiyatda hali ham jabrlanuvchini ayblashga moyil ong ustuvor ekanini yaqqol ko‘rsatdi.
Turkiyada Durdona Hakimova bilan 7 yildan buyon hamkorlikda ishlab kelgan Murat Baskan ismli shaxs o‘z ijtimoiy sahifasida bu gaplar mutlaqo yolg‘on ekanligini aytdi:
“Durdonaning vahshiylarcha o‘ldirilishi va odamlarning unga nisbatan bilib-bilmasdan aytayotgan fikrlari sabab men do‘stim, yaqinim bo‘lgan ayol haqida gapirishga majbur bo‘ldim. U bilan 7 yildan beri do‘st edik. Durdonaning Emeno‘ni Marjanda ovchilik va sport anjomlari sotadigan firmasi bor edi. 17-18 yoshli ikki qizlari bor, Istanbulda litseyda o‘qishadi. Juda muloyim, tarbiyali inson edi. U bunday o‘limga munosib emasdi. Xabarni eshitishim bilan uning turmush o‘rtog‘iga qo‘ng‘iroq qildim, javob bermadi. Keyin bildimki bu xabar rost.
Durdonaning qotillari bo‘lgan 2 nafar o‘zbekistonlikni uning sevgilisi deyishyapti, ammo unday emas. Biz Durdona bilan tijorat yuzasidan Moskva, O‘zbekiston, Qirg‘iziston, Qozog‘iston kabi davlatlarda bo‘ldik. Shu jarayonlarda Durdonaning vatandoshlari bilan tanishdik, ya’ni qotillar bilan. Ular viza qoidalarini buzgani uchun oilasi bilan deport bo‘lgan ekan. Qaytganimizdan keyin u menga o‘sha vatandoshlari ish topib berishni so‘rayotganini aytdi va ular Turkiyaga kelishdi. Durdona ularga ijaraga uy, qassob tanishlari bilan gaplashib ish topib berdi. Bu sharafsizlar uni o‘ldirgandan keyin “biz sevishardik, menga xiyonat qilgani uchun o‘ldirdim” deb qotillikdan ham battar tuban ish qilishdi. Aslo u inson sevgilisi emasdi. Qotilning onasi orqali tanish edi ular, onasi undan ish topib berishni iltimos qilgandi.
Durdonaning malak kabi qalbi bor edi. Qizlarining kelajagi uchun halol mehnat qilayotgan edi. Hayotda har narsaning chegarasi bo‘lishi kerak ekan, u shunday ayol ediki, birov besh tanga so‘rasa olti tanga berardi. Biz birga hamkorlikda ishladik, biror narsaga pul kerak desam nimaga deb so‘rab o‘tirmasdi. Marhamatning ham chegarasi bo‘lishi kerak ekan, u yaxshi niyatining qurboni bo‘ldi”, deydi u.
Turkiyada istiqomat qiluvchi erkin jurnalist Sitora Alixonzoda shunday yozadi: “Ayollarning bu darajada xor bo‘lib, bevaqt va beshavqat o‘lim topishida, ularga nisbatan zo‘ravonlikning tobora ortib borishida har safar jabrlanuvchi, qurbon qolib, jinoyatchi, qotil erkakni «tushunadigan», oqlaydigan va ruhlantiradigan jamoaviy ongning hissasi katta ekanini tan olish vaqti allaqachon kelgan. Hatto kech qolingan. Men bugun shu mavzu bilan bog‘liq xabarlarni o‘qib turib, turk millatiga mansub internet foydalanuvchisining yozganlariga ko‘zim tushdi. Uning mulohazalarini o‘zbekchaga tarjima qilishni lozim topdim. Zora, o‘sha g‘aflatdagi zehniyatlarga bir o‘zbek ayoli uchun yozganlari yetib borib, vijdonini uyg‘otsa.
Durdona Hakimovaning o‘limi bizga ayollarning, ayniqsa, muhojir xotin-qizlarning qanchalik himoyasiz qoldirilayotganining navbatdagi isbotidir.
Bu – siz ko‘rmaydigan, eshitmaydigan, himoya qilmaydigan hayotlarning ayanchli oqibatidir. Agar inson jasadi chiqindilarga tashlanishi mumkin bo‘lsa, u yerda faqat bir qotil yo‘q. U yerda mas’uliyatsizlik, beparvolik, sukut va jamiyatning ko‘r vijdoni bor.
Ayollar hamma joyda – ko‘chada, uyda, ish joyida zo‘ravonlik va tahdid ostida ekanini aytganimizda ensa qotiradigan, o‘zimizni ayblaydigan yoki vaziyatni ko‘ra bila turib, kar-soqovga aylanib oladigan har kim bu tizimning bir qismi hisoblanadi. Biz endi bu tizimni qabul qilmaymiz.
Davlat, jamiyat va qonun o‘z vazifasini bajarishi kerak.
Agar Durdona Hakimovaning ismi unutilsa, ertaga bu satrlarga boshqa bir ayolning ismi yoziladi. Biz bunga rozi emasmiz. Aybdorlar eng og‘ir jazoga tortilishi shart! Ayollarning yashash huquqi savdolashuv mavzusi bo‘lmasin. Biz bu jinoyatni unutmaymiz. Unuttirmaymiz. Voz kechmaymiz!”.
Istanbul va Anqaradagi namoyishlardan so‘ng huquq himoyachilari qat’iy yondoshuvni talab qilmoqda: barcha aybdorlar qonuniy tartibda og‘ir jazoga tortilsin, migrant ayollarning xavfsizligini ta’minlash tizimli choralar orqali rivojlantirilsin.
Kun.uz ma’lumotlariga ko‘ra, O‘zbekistonning Turkiyadagi diplomatik vakolatxonasi mazkur holatni nazoratga olgan. Konsullik tomonidan Turkiya huquqni muhofaza qiluvchi organlari bilan aloqa o‘rnatilgani, ishning xolis va qonun doirasida ko‘rib chiqilishi yuzasidan tegishli murojaatlar qilingani ma’lum qilindi.
Shuningdek, diplomatik vakolatxona marhumaning yaqinlariga konsullik-huquqiy yordam ko‘rsatish masalasini ham ko‘rib chiqmoqda. Tergov jarayoni va sud ishlari bo‘yicha qo‘shimcha ma’lumotlar olinishi bilan jamoatchilikka yetkazilishi aytilmoqda. Turkiya qonunchiligiga binoan qasddan odam o‘ldirish eng og‘ir jinoyat bo‘lib, bunday shaxslarga umrbod qamoq jazosi tayinlanadi. Agar tergov davomida jinoyatning o‘ta shafqatsiz usulda va oldindan rejalashtirilgani isbotlansa, Turkiya qonunchiligiga ko‘ra asosiy gumonlanuvchilarga og‘irlashtirilgan umrbod qamoq jazosi tayinlanishi mumkin.
Eslatib o‘tamiz, 268 mingga yaqin o‘zbekistonlik ayollar turli davlatlarda mehnat migratsiyasida bo‘lib, ularning xavfsizligi dolzarb masala bo‘lib qolmoqda.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport5 days ago
EChL 2026/2027. Umumiy guruh bosqichi taqvimi e’lon qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Siyosat3 days ago
Pokiston bosh vaziri bilan uchrashuv o‘tkazildi
-
Jamiyat2 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif