Jamiyat
110 ta fermer bankrot bo‘lsa, bu tizimning muammosi – faollar
Sirdaryoning Xovos tumanida hokimlik naq 110 ta fermerdan yerini tortib olish uchun sudga da’volar kiritdi. Kun.uz suhbatlashgan fermerchilik faoli Kamoliddin Ikromovga ko‘ra, 1-2 ta yoki nari borsa 10 ta fermer bankrot bo‘lsa, uning muammosi bo‘lishi mumkin, lekin 110 ta fermer bankrot bo‘lsa, bu – tizimning muammosi. Iqtisodchi Otabek Bakirov bunaqada yer unumdorligi pasayib ketishidan xavotir bildirdi.
Kun.uz studiyasida bo‘lib o‘tgan suhbatda O‘zbekiston qishloq xo‘jaligi duch kelib turgan asosiy muammolar, mazkur muammolar sabab soha 21-asrda ham biz istagan ko‘rinish olmayotgani, fermerga hamon tadbirkorlik sub’yekti, soliq to‘lovchi, ishlab chiqaruvchi sifatida qaralmayotgani mushohada qilindi.
Kamoliddin Ikromov, Agrobiznes assotsiatsiyasi rahbari: Fermerlar katta qarz bo‘lib qolgan, deyishadi. Sababini so‘radikmi? Bu fermerlarning ko‘pchiligi bankrot bo‘lgan klasterning yerini olgan. Auksiondan, ya’ni pul to‘lab olishgan. Endi nimaga qarz bo‘lib qoldi ular? Chunki paxtasini topshirgan klasterlar pulini vaqtida bermagan. Vaholanki, u klasterni kim tavsiya qilgan ularga? Birinchi o‘rinda o‘sha hokimiyat tavsiya qilgan: “zo‘r klaster, puli bor, javob, fermerga pulini vaqtida to‘lab beradi, o‘g‘irlamaydi, aldamaydi”, deb hokimiyat tavsiya bergan-ku!
Kamoliddin Ikromov
Otabek Bakirov, iqtisodchi: Tavsiya emas, majburlashgan.
Kamoliddin Ikromov: Ha. Keyin fermerni majburlab, unga paxtasini topshirtirgan. U esa tarozidan urib qolib, paxtasini oldi, pulini to‘lamadi vaqtida. Don korxonalari ham pulini to‘lamadi. Hozir mana, bitta klasterga jinoyat ishi ochishibdi. Pulini bermagan-da. Vaqtida bermaganidan keyin elektr energiyaning penyasi bor, bank kreditlarining penyasi bor, boshqalar bor. Pulini vaqtida olmaganidan keyin operativ ishlarni qilolmagan, vaqtida o‘g‘it solmagan, hosildorligi kamayib ketgan. Fermer zararga chiqmay, kim zararga chiqsin?
Keyin bunaqa – fermerlarning ommaviy zararga chiqishi uchun kim javob beradi? 110 ta fermer bankrot deyilyapti. 110 ta – kichkina ko‘rsatkich emas! Bitta-ikkita, mayli 10 ta fermer bankrot bo‘lsa, tajribasizlikdan bo‘ladi. Lekin yuzlab fermer bankrot bo‘lsa, kim javob beradi bunga? Javobgar bo‘lishi kerak-ku. Shu ahvolga bekorga kelib qolmagan-ku u.
Otabek Bakirov: Bitta fermer bankrot bo‘lsa, qarzdor bo‘lsa, bu fermerning muammosi. 100 ta fermer bankrot bo‘lib, qarzdor bo‘lsa, bu endi tizim. Tizimning muammosi.
Kamoliddin Ikromov: Ya’ni tizimli bankrot qilib qo‘yib, investorga bermayapmizmi yerlarni? Shunaqa savollar ham qo‘yilishi kerak-da! Xavfsizlik idoralari bu savollarni ko‘tarishi kerak. Buni biz gapirishimiz kerak emas aslida, tashkilotlar bor-ku kerakli, kichkina narsa emas-da bu.
Solig‘ini belgilab qo‘yaylik, 70-80 sentnerdan chiqadigan solig‘ini belgilaylik va aralashmaylik, solig‘ini to‘lasin, ishini qilsin.
Otabek Bakirov
Otabek Bakirov: Kerakli xulosa chiqara oldikmi, misol uchun, sement zavodlari misolidan, o‘sha – Andijonda tuproqni, havoni, suvni zaharlayotgan sement zavodlari to‘g‘risida, Jizzaxdagi sement zavodlari to‘g‘risida to‘g‘ri xulosa chiqara oldikmi? To‘g‘ri xulosa chiqara olgan bo‘lsak-ku, mayli. To‘g‘ri xulosa chiqarmagan bo‘lsak, yerimizning kelajagi qanday bo‘ladi? Tug‘mas xotin qilib qo‘yadi-yu.
Parlamentda o‘tirgan partiyalarimiz nima qilyapti, men tushunmayman. Ular O‘zbekiston xalqi manfaatini ifoda etadimi, yoki topshiriqlarni, ayrim tepadan tushgan, kabinetlardan tushgan topshiriqlarnigina ifoda etadimi?
Shokir Sharipov, jurnalist: Mana, 21-asrning 26-yiliga keldik. Fermerlarga hali ham “batrak” sifatida qaralyapti-da. Tadbirkorlik sub’yekti sifatida qaralmayapti.
Otabek Bakirov: Soliq to‘lovchi sifatida qaralmaydi, ishlab chiqaruvchi sifatida qaralmaydi, tadbirkorlik sub’yekti sifatida qaralmaydi. Hokimlarni qishloq xo‘jaligidan tashqariga olib chiqara olmadik-da! Qaysidir bitta sharqdan vakil kelsa, hokimning oldiga kirib rozi qiladigan bo‘lsa, hammani chaqirib turib, bitta protokol bilan “yeringni topshirasan” deyish mumkin bo‘lib qolyapti-da!
Huquqiy hujjat qani? Bo‘pti, men hozir qonun kerak deb aytyapman, qonun yo‘q ekan. Qaysidir hujjatda shu jarayonlar ketma-ketligi aks etganmi? U yerda fermerlarning huquqi qayerda boshlanib, qayerda tugashi, direksiyaning huquqi qayerda boshlanib, qayerda tugashi, yangi ijarachining huquqi qayerda boshlanib, qayerda tugashi yozilganmi?
Kamoliddin Ikromov: Endi, ko‘rmaganmiz-da bu narsani.
Otabek Bakirov: Yana bitta muammo – yopiq qarorlar masalasi. Qayerda yopiq qaror ko‘rsangiz, bilingki, u yerda korrupsiya bor. Nima uchun yopiq qaror chiqarishadi bo‘lmasa? Korrupsiya manfaati borligi uchun yopiq qaror chiqarishadi.
2026-yil 15-apreldan boshlab akseptsiz (roziliksiz) yechib olishlardan foydalanilganda minimal kamaytirilmaydigan qoldiq joriy etiladi. Ya’ni kartada har doim kamida BHMning 3 baravari miqdoridagi qoldiq saqlanadi.
Aniqroq aytganda, avtomatik yechib olishlarda bank kartalarning balansi nolga tushib qolmaydi. Amaliyotlar faqat belgilangan chegaradan ortiq bo‘lgan mablag‘ doirasida amalga oshiriladi.
Ma’lumot uchun, akseptsiz yechib olishlar odatda karta egalarining banklar va boshqa moliyaviy institutlar oldidagi majburiyatlarini (masalan, kreditlar, bo‘lib-bo‘lib to‘lash va boshqa majburiyatlar) so‘ndirish hollarida qo‘llaniladi.
UZCARDning bildirishicha, ushbu shartlar Bank tomonidan mijozdan olingan va OTP tasdiqlangan karta rekvizitlariga nisbatan qo‘llanilmaydi.
Poytaxtda 16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda 600 dan ortiq kameralar o‘rnatish, 1116 ta bekatni rekonstruksiya qilish, 545 ta «aqlli» svetofor o‘rnatish ko‘zda tutilmoqda.
Foto: Toshshahartransxizmat
Toshkent shahrida qo‘shimcha ravishda 240 ta avtobus xarid qilish orqali 16 ta yangi yo‘nalish tashkil etiladi. Bu haqda Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi qarorida aytilmoqda.
Qayd etilishicha, Toshkent shahri jamoat transporti tizimida jami 169 ta yo‘nalish faoliyat yuritib, mazkur yo‘nalishlarga 1927 ta avtobus biriktirilgan. Kun davomida ushbu transport vositalari orqali o‘rtacha 23 000 ta qatnov amalga oshirilmoqda.
O‘tkazilgan tahlillar natijasida Toshkent shahri jamoat transporti tizimi faoliyatida qator tizimli muammolar mavjudligi aniqlangan. Xususan, tirbandlik yuqori bo‘lgan vaqtlarda avtobuslarni kutish vaqti 35–40 daqiqagacha oshib ketmoqda. Bu esa aholi uchun ortiqcha vaqt sarfiga, ish va o‘qish joylariga o‘z vaqtida yetib borishda qiyinchiliklarga, shuningdek jamoat transportiga nisbatan ishonchning pasayishiga sabab bo‘lmoqda. Ayrim yo‘nalishlarda harakat intervallarining ortib ketishi esa yo‘lovchilar uchun noqulayliklarni yanada kuchaytirmoqda.
Mavjud muammolarni bartaraf etish maqsadida quyidagi chora-tadbirlar amalga oshirish rejalashtirilmoqda:
Qo‘shimcha ravishda 240 ta avtobus xarid qilish orqali harakat tarkibini kengaytirish;
16 ta yangi yo‘nalishni tashkil etish, kunlik qatnovlar sonini qo‘shimcha 2000 taga oshirish;
16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda nazoratni kuchaytirish maqsadida 600 dan ortiq kameralar o‘rnatish;
bekat infratuzilmasini modernizatsiya qilish doirasida 1116 ta bekatni rekonstruksiya qilish hamda 70 ta yangi bekat qurish;
545 ta «aqlli» svetoforlarni o‘rnatish orqali transport harakatini real vaqt rejimida boshqarishni yo‘lga qo‘yish.
Ushbu dori vositalarining umumiy bahosi 241,1 mln so‘mni tashkil etadi.
Foto: Bosh prokuratura huzuridagi Departament
Bosh prokuratura huzuridagi Departamentning Ohangaron shahri bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tadbir davomida fuqaro M.I. 19 turdagi 6 597 dona sifati kafolatlanmagan dori vositalarini boshqa fuqaroga sotish maqsadida olib kelgan vaqtida ushlanib, ushbu dori vositalari ashyoviy dalil sifatida olindi.
Qayd etilishicha, ushbu dori vositalarining umumiy bahosi 241,1 mln so‘mni tashkil etadi.
Mazkur holat yuzasidan Jinoyat kodeksining 186-3-moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mamlakatimiz bo‘ylab «Mustaqillik to‘yi» festivali bo‘lib o‘tadi.
O‘zbekiston Respublikasi davlat mustaqilligining 35 yilligi munosabati bilan joriy yilning may-sentyabr oylarida mamlakatimiz bo‘ylab «Yagona Vatan, yagona xalq bo‘lib, yangi hayot va kelajak yaratamiz!» shiori ostida «Mustaqillik to‘yi» festivali o‘tkaziladi.
Mazkur madaniy-ma’rifiy tadbir Respublika Ma’naviyat va ma’rifat markazi, O‘zbekiston Mahallalari uyushmasi, Madaniyat vazirligi, Yoshlar ishlari agentligi, «Ma’rifat» targ‘ibotchilar jamiyati hamda qator davlat va jamoat tashkilotlari hamkorligida tashkil etiladi.
Festival doirasida o‘ndan ortiq ijtimoiy, madaniy va ma’rifiy loyihalar amalga oshiriladi.
Bu haqda Respublika tashkiliy qo‘mitasi yig‘ilishida ma’lum qilindi.
Eslatib o‘tamiz, mazkur tashabbus haqida ilk bor Prezidentning O‘zbekiston mustaqilligining 35 yilligini nishonlash bo‘yicha qarorida aytilgandi.
6 kishi fuqarolarga ruhiy va jismoniy bosim o‘tkazish orqali pul topish bilan shug‘ullangan.
Toshkent viloyatining Chirchiq shahrida bezorilik bilan shug‘ullanganlar ushlandi. Bu haqda Davlat xavfsizlik xizmati xabar berdi.
Ma’lum qilinishicha, DXX va IIV organlari tomonidan uyushgan jinoyatchilikka qarshi kurashish yo‘nalishida tezkor-qidiruv tadbiri o‘tkazilgan. Unda Chirchiq shahrida ko‘cha yechimi va bezorilik bilan shug‘ullangan bir guruh shaxslar qo‘lga olingan. Ularga nisbatan jinoyat ishi qo‘zg‘atilgan.
Qo‘lga olinganlar quyidagilar:
Saidov Ikrom Erkinovich, 1988 yilda Buxoro viloyatida tug‘ilgan, muqaddam Jinoyat kodeksining 277-moddasi bilan sudlangan;
Saidov Islom Erkinovich, 1990 yilda Buxoro viloyatida tug‘ilgan, muqaddam Jinoyat kodeksining 267-moddasi bilan sudlangan;
Baizbayev Umidjon Zafar o‘g‘li, 1998 yilda Toshkent viloyatida tug‘ilgan;
Rustamov A’zamjon Mansurovich, 2001 yilda Buxoro viloyatida tug‘ilgan;
Suponov Qurbonali Nosirovich, 2002 yilda Navoiy viloyatida tug‘ilgan;
Farmonov Mirzoxid Shuxratovich, 1988 yilda Qashqadaryo viloyatida tug‘ilgan.
Ushbu shaxslar oshkora ravishda jamoat tartibini buzib, bezoriliklar sodir etgani bildirilgan. Ular fuqarolarga ruhiy va jismoniy bosim o‘tkazish orqali pul topish bilan shug‘ullanishgan.
Mazkur shaxslarning noqonuniy harakatlaridan jabr ko‘rganlar DXXning 1520 yoki IIVning 102 qisqa raqamlariga xabar berishlari so‘ralgan.
U amerikaliklarni Livanni zudlik bilan tark etishga chaqirdi.
Prezident eksport qilishda tadbirkorlarga yordam bermayotgan hokimlarni ogohlantirdi
Endi bank kartalaridan avtomatik yechib olishda minimal qoldiqqa amal qilinadi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Dunyodan4 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat4 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoGiyohvand moddalar savdosini moliyaviy tomirlarni kesish orqali to’xtatish mumkin.