Jamiyat
Sea Breeze Uzbekistan bo‘yicha jamoatchilik eshituvi o‘tkazildi
23 yanvar kuni Toshkent viloyati Bo‘stonliq tumani hokimligi binosida Chorvoq suv ombori sohilida barpo etilishi rejalashtirilgan Sea Breeze Uzbekistan xalqaro turistik markazi loyihasi bo‘yicha jamoatchilik bilan ochiq muloqot bo‘lib o‘tdi. Sea Breeze Uzbekistan kompaniyasi tomonidan loyihaning atrof-muhitga ta’sirini baholash tartibi doirasida tashkil etilgan mazkur tadbir mahalliy hamjamiyatlar ishtirokida o‘tgan ilk keng ko‘lamli ochiq muhokama bo‘ldi.
Foto: Sea Breeze Uzbekistan
Jamoatchilik bilan muloqotda Bo‘stonliq tumani aholi punktlari yashovchilari, jurnalistlar, blogerlar, ekologlar, mustaqil xalqaro jamoat tashkilotlari va ekspertlar hamjamiyati vakillari, Ekologiya va iqlim o‘zgarishi milliy qo‘mitasi, Bo‘stonliq tumani hokimligi, shuningdek tegishli vazirlik va idoralar xodimlari ishtirok etdi.
Tadbir avvalida Sea Breeze Uzbekistan bosh direktori Sardor Hamidov loyiha taqdimoti bilan so‘zga chiqib, kurort konsepsiyasi, uning ijtimoiy-iqtisodiy salohiyati hamda amalga oshirishning asosiy tamoyillari haqida batafsil ma’lumot berdi.
«Sea Breeze Uzbekistan — mintaqani rivojlantirishga qaratilgan uzoq muddatli loyiha. U minglab yangi ish o‘rinlarini yaratadi, iqtisodiyot va turizm rivojiga kuchli turtki beradi, shuningdek Chorvoq hududida ilgari mavjud bo‘lmagan zamonaviy muhandislik infratuzilmasini shakllantirishni ko‘zda tutadi. Biz avvalboshdan ochiqlik tamoyiliga amal qilamiz va aholi, ommaviy axborot vositalari hamda ekspertlar bilan barcha masalalarni muhokama qilishga tayyormiz. Eng muhimi, loyihani amalga oshirish jarayoni ustidan Ekologiya vazirligi tomonidan doimiy nazorat olib borilishini ilk kunlardan boshlab o‘zimiz talab qilganmiz», — deya ta’kidladi Sardor Hamidov.
Muhokamalar jarayonida Chorvoqqa tutash aholi punktlari aholisining minnatdorchilik bilan aytgan fikrlari alohida ta’sirli bo‘ldi. Xususan, so‘nggi oylarda ushbu hududlarga ilk bor magistral suv va gaz ta’minoti olib kirilmoqda. Ayrim ishtirokchilar o‘zlari va farzandlari uchun endilikda poytaxt yoki xorijga ketmasdan, o‘z yashash joylarida munosib ish o‘rinlari yaratilishiga umid bildirishdi.
Ayni paytda markazlashtirilgan kanalizatsiya tizimi hamda zamonaviy tozalash inshootlarini barpo etish bo‘yicha tayyorgarlik ishlari allaqachon boshlangan. Bu tashabbus nafaqat kurort, balki butun mintaqa uchun muhim infratuzilmaviy yechim sifatida baholanmoqda. Tashkilotchilar jamoatchilik bilan ochiq muloqotni aholi va ekspertlar hamjamiyati bilan konstruktiv muloqot yo‘lga qo‘yishdagi muhim bosqich sifatida ko‘rmoqda. Tadbir davomida bildirilgan barcha taklif, savol va mulohazalar qayd etildi hamda loyihani takomillashtirish jarayonida inobatga olinadi.
Uch soatdan ortiq davom etgan tadbir yakunida jamoat muhokamalarida ishtirok etgan ZBS kanali muallifi Vadim Ivankov #savecharvak tashabbusi bilan chiqdi.
«Biz o‘nlab volontyorlar bilan birgalikda mavsum yakunlanganidan so‘ng har dam olish kunlari suv ombori sohiliga chiqib, u yerda to‘planib qolgan chiqindilarni tozalashga tayyormiz. Sohil hududi allaqachon sektorlarga ajratildi, ish rejasi ishlab chiqildi va ishonchim komilki, birgalikdagi sa’y-harakatlarimiz tufayli bir yil ichida qirg‘oqlarni to‘liq tozalashga erishamiz», — dedi Vadim Ivankov.
Bo‘stonliq tumani hokimi Jo‘rabek Ahmedov #savecharvak tashabbusini faol qo‘llab-quvvatladi. Sea Breeze Uzbekistan rahbari Sardor Hamidov esa kompaniya tomonidan ushbu tashabbusga hamkor sifatida ko‘mak ko‘rsatishga tayyor ekanini bildirdi.
Reklama huquqi asosida
2026-yil 15-apreldan boshlab akseptsiz (roziliksiz) yechib olishlardan foydalanilganda minimal kamaytirilmaydigan qoldiq joriy etiladi. Ya’ni kartada har doim kamida BHMning 3 baravari miqdoridagi qoldiq saqlanadi.
Aniqroq aytganda, avtomatik yechib olishlarda bank kartalarning balansi nolga tushib qolmaydi. Amaliyotlar faqat belgilangan chegaradan ortiq bo‘lgan mablag‘ doirasida amalga oshiriladi.
Ma’lumot uchun, akseptsiz yechib olishlar odatda karta egalarining banklar va boshqa moliyaviy institutlar oldidagi majburiyatlarini (masalan, kreditlar, bo‘lib-bo‘lib to‘lash va boshqa majburiyatlar) so‘ndirish hollarida qo‘llaniladi.
UZCARDning bildirishicha, ushbu shartlar Bank tomonidan mijozdan olingan va OTP tasdiqlangan karta rekvizitlariga nisbatan qo‘llanilmaydi.
Poytaxtda 16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda 600 dan ortiq kameralar o‘rnatish, 1116 ta bekatni rekonstruksiya qilish, 545 ta «aqlli» svetofor o‘rnatish ko‘zda tutilmoqda.
Foto: Toshshahartransxizmat
Toshkent shahrida qo‘shimcha ravishda 240 ta avtobus xarid qilish orqali 16 ta yangi yo‘nalish tashkil etiladi. Bu haqda Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi qarorida aytilmoqda.
Qayd etilishicha, Toshkent shahri jamoat transporti tizimida jami 169 ta yo‘nalish faoliyat yuritib, mazkur yo‘nalishlarga 1927 ta avtobus biriktirilgan. Kun davomida ushbu transport vositalari orqali o‘rtacha 23 000 ta qatnov amalga oshirilmoqda.
O‘tkazilgan tahlillar natijasida Toshkent shahri jamoat transporti tizimi faoliyatida qator tizimli muammolar mavjudligi aniqlangan. Xususan, tirbandlik yuqori bo‘lgan vaqtlarda avtobuslarni kutish vaqti 35–40 daqiqagacha oshib ketmoqda. Bu esa aholi uchun ortiqcha vaqt sarfiga, ish va o‘qish joylariga o‘z vaqtida yetib borishda qiyinchiliklarga, shuningdek jamoat transportiga nisbatan ishonchning pasayishiga sabab bo‘lmoqda. Ayrim yo‘nalishlarda harakat intervallarining ortib ketishi esa yo‘lovchilar uchun noqulayliklarni yanada kuchaytirmoqda.
Mavjud muammolarni bartaraf etish maqsadida quyidagi chora-tadbirlar amalga oshirish rejalashtirilmoqda:
Qo‘shimcha ravishda 240 ta avtobus xarid qilish orqali harakat tarkibini kengaytirish;
16 ta yangi yo‘nalishni tashkil etish, kunlik qatnovlar sonini qo‘shimcha 2000 taga oshirish;
16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda nazoratni kuchaytirish maqsadida 600 dan ortiq kameralar o‘rnatish;
bekat infratuzilmasini modernizatsiya qilish doirasida 1116 ta bekatni rekonstruksiya qilish hamda 70 ta yangi bekat qurish;
545 ta «aqlli» svetoforlarni o‘rnatish orqali transport harakatini real vaqt rejimida boshqarishni yo‘lga qo‘yish.
Ushbu dori vositalarining umumiy bahosi 241,1 mln so‘mni tashkil etadi.
Foto: Bosh prokuratura huzuridagi Departament
Bosh prokuratura huzuridagi Departamentning Ohangaron shahri bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tadbir davomida fuqaro M.I. 19 turdagi 6 597 dona sifati kafolatlanmagan dori vositalarini boshqa fuqaroga sotish maqsadida olib kelgan vaqtida ushlanib, ushbu dori vositalari ashyoviy dalil sifatida olindi.
Qayd etilishicha, ushbu dori vositalarining umumiy bahosi 241,1 mln so‘mni tashkil etadi.
Mazkur holat yuzasidan Jinoyat kodeksining 186-3-moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mamlakatimiz bo‘ylab «Mustaqillik to‘yi» festivali bo‘lib o‘tadi.
O‘zbekiston Respublikasi davlat mustaqilligining 35 yilligi munosabati bilan joriy yilning may-sentyabr oylarida mamlakatimiz bo‘ylab «Yagona Vatan, yagona xalq bo‘lib, yangi hayot va kelajak yaratamiz!» shiori ostida «Mustaqillik to‘yi» festivali o‘tkaziladi.
Mazkur madaniy-ma’rifiy tadbir Respublika Ma’naviyat va ma’rifat markazi, O‘zbekiston Mahallalari uyushmasi, Madaniyat vazirligi, Yoshlar ishlari agentligi, «Ma’rifat» targ‘ibotchilar jamiyati hamda qator davlat va jamoat tashkilotlari hamkorligida tashkil etiladi.
Festival doirasida o‘ndan ortiq ijtimoiy, madaniy va ma’rifiy loyihalar amalga oshiriladi.
Bu haqda Respublika tashkiliy qo‘mitasi yig‘ilishida ma’lum qilindi.
Eslatib o‘tamiz, mazkur tashabbus haqida ilk bor Prezidentning O‘zbekiston mustaqilligining 35 yilligini nishonlash bo‘yicha qarorida aytilgandi.
6 kishi fuqarolarga ruhiy va jismoniy bosim o‘tkazish orqali pul topish bilan shug‘ullangan.
Toshkent viloyatining Chirchiq shahrida bezorilik bilan shug‘ullanganlar ushlandi. Bu haqda Davlat xavfsizlik xizmati xabar berdi.
Ma’lum qilinishicha, DXX va IIV organlari tomonidan uyushgan jinoyatchilikka qarshi kurashish yo‘nalishida tezkor-qidiruv tadbiri o‘tkazilgan. Unda Chirchiq shahrida ko‘cha yechimi va bezorilik bilan shug‘ullangan bir guruh shaxslar qo‘lga olingan. Ularga nisbatan jinoyat ishi qo‘zg‘atilgan.
Qo‘lga olinganlar quyidagilar:
Saidov Ikrom Erkinovich, 1988 yilda Buxoro viloyatida tug‘ilgan, muqaddam Jinoyat kodeksining 277-moddasi bilan sudlangan;
Saidov Islom Erkinovich, 1990 yilda Buxoro viloyatida tug‘ilgan, muqaddam Jinoyat kodeksining 267-moddasi bilan sudlangan;
Baizbayev Umidjon Zafar o‘g‘li, 1998 yilda Toshkent viloyatida tug‘ilgan;
Rustamov A’zamjon Mansurovich, 2001 yilda Buxoro viloyatida tug‘ilgan;
Suponov Qurbonali Nosirovich, 2002 yilda Navoiy viloyatida tug‘ilgan;
Farmonov Mirzoxid Shuxratovich, 1988 yilda Qashqadaryo viloyatida tug‘ilgan.
Ushbu shaxslar oshkora ravishda jamoat tartibini buzib, bezoriliklar sodir etgani bildirilgan. Ular fuqarolarga ruhiy va jismoniy bosim o‘tkazish orqali pul topish bilan shug‘ullanishgan.
Mazkur shaxslarning noqonuniy harakatlaridan jabr ko‘rganlar DXXning 1520 yoki IIVning 102 qisqa raqamlariga xabar berishlari so‘ralgan.
U amerikaliklarni Livanni zudlik bilan tark etishga chaqirdi.
Prezident eksport qilishda tadbirkorlarga yordam bermayotgan hokimlarni ogohlantirdi
Endi bank kartalaridan avtomatik yechib olishda minimal qoldiqqa amal qilinadi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Dunyodan4 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat4 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoGiyohvand moddalar savdosini moliyaviy tomirlarni kesish orqali to’xtatish mumkin.