Jamiyat
Shengen vizasini qanday qilib mustaqil olish mumkin?
O‘zbekiston fuqarolari uchun Shengen vizasi ko‘pincha qiyin va tushunarsizdek ko‘rinadi: qoidalar, talablar va odamni chalkashtiradigan mayda-chuyda jihatlar juda ham. Ammo vizaga topshirish mantig‘ini tushunib, konsullik uchun aynan nimalar muhim ekanini bilib olsangiz, bu jarayon ancha oson kechadi. Ushbu maqolada Shengen vizasiga ariza topshirishning barcha asosiy jihatlari — mamlakat tanlashdan tortib hujjatlarni tayyorlash, rasmiylashtirish muddati va narxigacha batafsil ko‘rib chiqamiz. Misol sifatida Ispaniyani olamiz va uning asosida vizaga ariza topshirish bo‘yicha bosqichma-bosqich yo‘riqnoma beramiz.
Shengen vizasi nima?
Shengen vizasi bir vaqtning o‘zida Yevropaning bir necha mamlakatlariga kirish imkonini beradi. Bitta viza bilan Shengen hududining barcha mamlakatlari bo‘ylab sayohat qilishingiz mumkin.
Shengen hududiga kiruvchi mamlakatlar ro‘yxati
Qaysi turdagi viza kerak?
O‘zbekiston fuqarolari uchun bu, qoidaga ko‘ra, C turidagi qisqa muddatli viza bo‘lib, u turizm, mehmonga borish yoki qisqa muddatli xizmat safarlari uchun olinadi. C turidagi Shengen vizasi bir martalik, ikki martalik va ko‘p martalik (multiviza) bo‘ladi — farq kirishlar sonida.
Bir martalik viza —Shengenga bir marta kirish. Aniq muddatli bir martalik safarga mos keladi. U birinchi arizadayoq berilishi mumkin.
Ikki martalik viza — ikki marta kirish. Shengendan chiqish va yana qaytib kirish rejalashtirilgan holatlar uchun qulay.
Multiviza — viza amal qilish muddati davomida 180 kun ichida 90 kun qoidasiga rioya qilgan holda Shengenga bir necha marta kirish imkonini beradi.
Shu bilan birga, boshqa turdagi vizalar ham mavjud — barchasi safar maqsadi va davomiyligiga bog‘liq. O‘qish yoki rasmiy ishlashni rejalashtirayotganlar D turidagi milliy vizani rasmiylashtiradilar. Bunday vizalar kam beriladi, chunki ular taklifnoma, tasdiqlangan asoslar va hujjatlarni sinchiklab tekshirishni talab qiladi.
Umuman olganda, O‘zbekiston fuqarolaridan tushadigan arizalarning aksariyati aynan turizm va mehmonga borish safarlariga to‘g‘ri keladi, shu bois C turidagi Shengen vizasi eng keng tarqalgan variant bo‘lib qolmoqda.
Shengen vizasini rasmiylashtirish necha pul?
O‘zbekistonda C turidagi Shengen vizasini rasmiylashtirish o‘rtacha 100–150 yevro atrofida bo‘lib, bunda yakuniy narx tanlangan viza markaziga bog‘liq. Narxga hujjatlarni topshirish usuli va tanlangan qo‘shimcha xizmatlar — masalan, tezkor navbat, anketa to‘ldirishda yordam, suratga tushish, hujjatlarni nusxalash yoki pasportni yetkazib berish xizmati ta’sir qiladi.
BLS viza markazida tezkor navbat uchun qo‘shimcha to‘lov undiriladi — taxminan 655 000 so‘m. Shu sababli yakuniy summa kutilmagan bo‘lib chiqmasligi uchun hujjat topshirishdan oldin barcha ehtimoliy xarajatlarni oldindan aniqlab olish tavsiya etiladi.
Hujjatlar konsullik nomidan hujjatlarni qabul qiladigan, biometrik ma’lumotlarni yig‘adigan va ularni konsullikka yuboradigan rasmiy tashkilotlar — viza markazlari orqali topshiriladi. Vizani berish qarorini faqat konsullikning o‘zi chiqaradi.
Qaysi davlatga hujjat topshirish kerak?
Hujjatni:
birinchi navbatda qaysi mamlakatga borayotgan bo‘lsangiz yoki
ko‘proq vaqt o‘tkazish rejalashtirilgan mamlakat konsulligiga topshirasiz.
Agar bir necha mamlakatga borish ko‘zlangan bo‘lsa, asosiy mamlakatni aniqlab olish kerak — ko‘proq qayerda vaqt o‘tkazasiz yoki asosan qaysi mamlakatga ketyapsiz. Viza shu mamlakat orqali rasmiylashtiriladi va o‘sha mamlakat orqali kiriladi, aks holda hujjatlarni ko‘rishda savollar tug‘ilishi mumkin.
Hujjatlar qayerda qabul qilinadi?
Viza uchun hujjatlar to‘g‘ridan-to‘g‘ri elchixonaga emas, balki BLS yoki VFS kabi viza markazlari orqali topshiriladi. Ular hujjatlarni qabul qilib, konsullikka topshiruvchi, biroq viza berish bo‘yicha qaror chiqarmaydigan operator kompaniyalardir.
Odatda, hujjat topshirish uchun navbatga yozilish viza markazining rasmiy sayti orqali onlayn tarzda amalga oshiriladi va ayniqsa mavsum paytlarida bo‘sh sanalar darhol chiqmasligi mumkin.
Shengen vizasiga hujjat topshirish qanday amalga oshiriladi?
Quyida hujjat topshirishni Ispaniya misolida ko‘rib chiqamiz —ilk Shengen vizasi uchun ko‘pincha shu mamlakatni tanlashadi. Agar hujjatlar to‘g‘ri tayyorlangan bo‘lsa, viza olish imkoniyati yuqori bo‘ladi va ko‘p hollarda birinchi marta hujjat topshirishda ham birdaniga bir nechta safar uchun mo‘ljallangan vizani lish mumkin.
Qanday hujjatlar topshiriladi?
Ariza berishdan oldin quyidagi hujjatlar paketini tayyorlash lozim.
Xorijga chiqish pasporti
Foto (3.5×4.5 sm, oq fonda)
Biometrik pasport/ID karta nusxasi
Mablag‘lari haqida bankdan ingliz tilidagi ma’lumotnoma
Oxirgi 6-12 oy davomidagi pul mablag‘lari harakati to‘g‘risida bankdan ingliz tilidagi ma’lumotnoma
Nikoh/tug‘ilganlik to‘g‘risidagi guvohnoma
Turmush o‘rtog‘ining/farzandlarining ingliz tilida notarial tasdiqlangan pasport nusxalari
Bron qilingan aviachipta
Bron qilingan mehmonxona
– Ishlaydiganlar uchun
Yollanib ishlaydiganlar uchun qo‘shimcha ravishda quyidagi hujjatlar talab qilinadi:
Egallab turgan lavozimi to‘g‘risida ish joyidan ma’lumotnoma
Oxirgi 12 oylik ish haqi to‘g‘risida rasmiy blankada imzolangan va muhrlangan ma’lumotnoma
Ish joyidan ta’til berilishi to‘g‘risidagi ma’lumotnoma
– Pensionerlar uchun
Pensionerlar pensionerligini va muntazam ravishda pensiya olib kelayotganini tasdiqlovchi hujjatlarni tayyorlashi zarur:
Pensiya guvohnomasi
Pensionerligi to‘g‘risida mygov portalidan olingan ma’lumotnoma
Oxirgi 12 oy davomida pensiya olgani to‘g‘risida mygov portalidan olingan ma’lumotnoma
– Ta’sischilar/direktorlar uchun
Kompaniya ta’sischi va direktorlari biznes yuritishi, qarzdorligi yo‘qligi va daromadini tasdiqlovchi hujjatlarni tayyorlashi lozim:
Lisenziya
Kompaniyaning ro‘yxatga olinganligi to‘g‘risidagi guvohnoma
Soliqdan qarzi yo‘qligi haqida ma’lumotnoma
Oxirgi 12 oy davomida dividendlar hisoblangani to‘g‘risida bankdan ma’lumotnoma
Muhim: barcha hujjatlar olingan kunidan boshlab 2 hafta davomida amal qiladi.
BLS viza markazi sayti orqali qabulga yozilish
Toshkentda BLS viza markazi faoliyat yuritadi – u Ispaniyaga viza olish bo‘yicha rasmiy xizmat ko‘rsatadi.
BLS Spain Uzbekistan saytida “Book an appointment / Qabulga yozilish”ni tanlang.
BLS viza markazi sayti bosh sahifasi
Portalda akkaunt yarating (registratsiya): email/telefon raqamingizni ko‘rsating, parol tanlang, email ni tasdiqlang (agar tizim so‘rasa)
Viza markazi portalida shaxsiy akkaunt yaratish
Shaxsiy akkauntda quyidagilarni tanlang:
shahar/markaz (Toshkent)
boruvchi (yakka/oila)
viza turi (odatda short-term / Schengen)
Shaxsiy kabinet sahifasi
BLS shaxsiy kabinet sahifasi — ariza beruvchilarni qo‘shish va anketa holatini tekshirish uchun
O‘z ma’lumotlaringizni kiritib, viza anketasini to‘ldiring
Viza anketasi shakli
Sana va vaqtni tanlang, yozuvni tasdiqlang
Vizaga hujjat topshirish uchun sana va vaqtni tanlash
appointment letter ni yuklab oling va qog‘ozga chiqaring
Yozuvni tasdiqlash
Hujjat topshirish va biometriya
Belgilangan kuni belgilangan vaqtda BLS viza markaziga barcha hujjatlar bilan kelasiz. Xodim hujjatlarni qabul qilib, tekshirib chiqadi, so‘ngra biometriyadan o‘tasiz — barmoq izlarini topshirasiz va suratga tushasiz.
Konsullik yig‘imi to‘lovi
Hujjatlar qabul qilinganidan keyin BLS viza markazida viza va servis to‘lovlari amalga oshiriladi. To‘lov miqdori 2 050 000 so‘m bo‘lib, o‘sha joyning o‘zida to‘lanadi va sizga to‘lov kvitansiyasi beriladi — uni pasport olinguniga qadar saqlab turish kerak.
Viza tayyor bo‘lish muddati va pasport olish
Hujjatlar topshirilgandan so‘ng viza bo‘yicha qaror chiqishini kutish qoladi. Ariza holatini BLS viza markazi saytida kvitansiyada ko‘rsatilgan raqam orqali onlayn kuzatish mumkin. Pasport tayyor bo‘lganida sizga xabarnoma keladi va uni viza markazidan shaxsan olib ketishingiz mumkin.
Vizani ko‘rib chiqish muddatini hisobga olish muhim: u 15 kundan 45 kalendar kungacha bo‘lishi mumkin. Shu bois hujjat topshirishni cho‘zmaslik tavsiya etiladi. Eng maqbuli — safardan 2 oy oldin, imkon bo‘lsa hatto yarim yil oldin topshirish. Bu bilan siz ortiqcha stressdan qutulasiz va safarga xotirjam tayyorlanishingiz mumkin bo‘ladi.
Nimalarni yodda tutish lozim?
Barcha hujjatlar va bronlar real yo‘nalishga mos kelishi lozim;
Yozilish va hujjat topshirish BLS viza markazida shaxsan amalga oshiriladi;
Viza yig‘imi o‘sha joyda hujjat topshirilgan kuni to‘lanadi;
Vizani ko‘rib chiqish muddati 15-45 kalendar kunni tashkil etadi;
Avvalroq hujjat topshirgan ma’qul — safardan kamida 2 oy oldin.
Prezident farmoni bilan bir guruh mahalla tizimi xodimlari mukofotlandi. Ular mahalla xodimlari kuni sabab taqdirlangan.
«Mehnat shuhrati» ordeni bilan
Kalandarova Muborak Durdiboyevna – Olot tumanidagi «Buvijonlar maktabi» jamoatchilik kengashi raisi, Buxoro viloyati
Xudaybepganov Madpaxim Xudaybepganovich – Bog‘ot tumanidagi «Kattabog‘» mahalla fuqarolar yig‘ini kengashi raisining o‘rinbosari, Xorazm viloyati
«Do‘stlik» ordeni bilan
Bulokova Dilfuza Xotamovna – Oqdaryo tumanidagi «Chorbog‘» mahalla fuqarolar yig‘ini raisi, Samarqand viloyati
Janisboyeva Aliya Mexmonkulovna – Bo‘ka tumani 9-oilaviy poliklinikasining «Samarqand» mahalla fuqarolar yig‘inidagi patronaj hamshirasi, Toshkent viloyati
Inagamov Jovdatxon Sultanovich – O‘zbekiston mahallalari uyushmasi raisining birinchi o‘rinbosari
Lutfillayeva Salima Boymirzayevna – Namangan shahar obodonlashtirish boshqarmasining «Chorsu», «Ozod» va «G‘ishtko‘prik» mahalla fuqarolar yig‘inlaridagi ko‘kalamzorlashtiruvchi – gul ekuvchisi, Namangan viloyati
Masharipov Yusupbay Ataxanovich – Ellikqal’a tumanidagi «Sharq yulduzi» ovul fuqarolar yig‘inining Yangi O‘zbekiston ko‘chasi biyi, Qoraqalpog‘iston Respublikasi
Raxmonov Erkin Xolliyevich – Angor tumanidagi «To‘lqin» mahalla fuqarolar yig‘ini raisi, Surxondaryo viloyati
Haziratkulov Baxodir Mirzayevich – Guliston tumanidagi «Sharq haqiqati» mahalla fuqarolar yig‘ini raisi, Sirdaryo viloyati
Yuldasheva Marxabo O‘mirovna – Forish tumanidagi «Xonbandi» mahalla fuqarolar yig‘ini xotin-qizlar faoli, Jizzax viloyati
II darajali «Sog‘lom avlod uchun» ordeni bilan
Allayeva Zulfiya Hazratqulovna – Shahrisabz tumanidagi «Miraki» mahalla fuqarolar yig‘ini maslahat guruhi rahbari, Qashqadaryo viloyati
Saatova Zulayxa Ochilovna – Toshkent shahar bosh imom-xatibining xotin-qizlar masalalari bo‘yicha yordamchisi, bosh otinoyisi
Toshlanova Xodisaxon Otajonovna – Paxtaobod tumanidagi «Ma’rifat» mahalla fuqarolar yig‘ini raisi, Andijon viloyati
Enazarov Izzatilla Saibovich – «Nuroniy» jamg‘armasining Buvayda tumani bo‘limi raisi, Farg‘ona viloyati
II darajali «Salomatlik» ordeni bilan
Aydarova Juldizay Razakovna – Konimex tumani 6-oilaviy poliklinikasining «To‘qqiztepa» mahalla fuqarolar yig‘inidagi oilaviy shifokori, Navoiy viloyati
«Sodiq xizmatlari uchun» medali bilan
Axmedov Sanjar Baxtiyorovich – Romitan tumani ichki ishlar bo‘limining «Qumrabot» mahalla fuqarolar yig‘inidagi profilaktika katta inspektori, Buxoro viloyati
Mamadjonov Donyorbek Ikromjon o‘g‘li – Mingbuloq tumani ichki ishlar bo‘limining «Birlashgan» mahalla fuqarolar yig‘inidagi profilaktika katta inspektori, Namangan viloyati
«Jasorat» medali bilan
Xayitov Sayitnazar Atokulovich – Ishtixon tumanidagi yakka tartibdagi tadbirkor, temirchi usta, Samarqand viloyati
Yuldasheva Moxidil Shadmanbekovna – Andijon shahridagi «Yaxshi» mahalla fuqarolar yig‘ini xotin-qizlar faoli, Andijon viloyati
«Sog‘lom turmush» medali bilan
Yodgorov Ulug‘bek Baxtiyorovich – Dang‘ara tumanidagi «Firdavs Yunusov» mas’uliyati cheklangan jamiyati ta’sischisi, Farg‘ona viloyati
Turabova Lutfiya Normuminovna – Paxtachi tumanidagi 4-oilaviy bolalar uyi rahbari, Samarqand viloyati
Yuldasheva Muyassar Tairovna – Mirzo Ulug‘bek tumanidagi «Oqibat» mahalla fuqarolar yig‘ini raisi, Toshkent shahri
«Kelajak bunyodkori» medali bilan
Abdullayev Yigitali Saydullo o‘g‘li – Jarqo‘rg‘on tumanidagi «Young Adults» o‘quv markazi direktori, Surxondaryo viloyati
Ahmadov Sirojiddin Sodiq o‘g‘li – Guliston shahridagi «Ibratli» mahalla fuqarolar yig‘ini yoshlar yetakchisi, Sirdaryo viloyati
Muxitdinov Nizomiddin Najmiddin o‘g‘li – Zangiota tumanidagi «Shodlik» mahalla fuqarolar yig‘ini yoshlar yetakchisi, Toshkent viloyati
Xolmatov Mehrojbek Erkin o‘g‘li – Chilonzor tumanidagi «Tirsakobod» mahalla fuqarolar yig‘ini yoshlar yetakchisi, Toshkent shahri
«Shuhrat» medali bilan
Axmedov Qilichbek Dadaparpiyevich – Oltiariq tumani «Zilol» mahalla fuqarolar yig‘inidagi hokim yordamchisi, Farg‘ona viloyati
Bayjanova Maqsuda Xudayberganovna – Urganch tumani soliq inspeksiyasining «Cho‘lobod», «Oyoqbog‘» va «Yangi O‘rtabog‘» mahallalariga biriktirilgan davlat soliq katta inspektori, Xorazm viloyati
Ikromov Davronbek Ilxom o‘g‘li – Piskent tumani «Navoiy» mahalla fuqarolar yig‘inidagi hokim yordamchisi, Toshkent viloyati
Kazaxbayev Polat Torebayevich – Qo‘ng‘irot tumanidagi «Talliq» mahalla fuqarolar yig‘ini raisi, Qoraqalpog‘iston Respublikasi
Kasimova Xasiyat Ulukovna – Surxondaryo viloyati bosh imom-xatibining xotin-qizlar masalalari bo‘yicha yordamchisi, bosh otinoyisi
Qodirov Asliddin Baxtiyor o‘g‘li – G‘allaorol tumanidagi «Madaniyat» qishloq fuqarolar yig‘inining kompleks ijtimoiy xizmat ko‘rsatuvchi xodimi, Jizzax viloyati
Kodirova Mufazzal Arslonovna – Andijon viloyati targ‘ibotchilar guruhi rahbari
Murodov Sobur G‘aniyevich – O‘zbekiston mahallalari uyushmasining milliy qadriyatlarni mustahkamlash va sog‘lom turmush tarzini targ‘ib etish bo‘limi bosh mutaxassisi
Soxiyeva Gulshod Jobborovna – Qamashi tumanidagi «G‘ishtli» va «Boybo‘ri» mahalla fuqarolar yig‘inlari xotin-qizlar faoli, Qashqadaryo viloyati
Usmonov Zuxriddin Muxiddinovich – Buxoro tumani «Shexoncha» mahalla fuqarolar yig‘inidagi hokim yordamchisi, Buxoro viloyati
Xakimov Davron Nurmuxamadovich – Pop tumanidagi «Vodiy trade center» mas’uliyati cheklangan jamiyati ta’sischisi, Namangan viloyati
Xasanova Farida Raxmatullayevna – Sergeli tumanidagi «Farog‘atli» mahalla fuqarolar yig‘inining kompleks ijtimoiy xizmat ko‘rsatuvchi xodimi, Toshkent shahri
Xudoyqulova Munira Sunnatilloyevna – Nurota tumanidagi «Munira New Brand» mas’uliyati cheklangan jamiyati rahbari, Navoiy viloyati
Egamberdiyev Farruh Usmanaliyevich – Yangiobod tumani soliq inspeksiyasining «Shodlik» va «Do‘stlik» mahallalariga biriktirilgan davlat soliq bosh inspektori, Jizzax viloyati.
Samarqand viloyatining Payariq tumanida, qayta bunyod etilgan Imom Buxoriy majmuasidagi 10 ming kishilik yangi masjidda ilk hayit namozi o‘qildi.
Hayit namozida muftiy Shayx Nuriddin Xoliqnazar boshchiligida O‘zbekistonning turli hududlaridan kelgan ulamolar, bosh imom-xatiblar, nuroniylar va bir necha ming kishilik jamoat ishtirok etdi.
Ma’lumot uchun: besh yil davomida qayta qurilgan masjid-majmua kecha, 19-mart kuni hayit arafasida keng jamoatchilik uchun ochilgan edi.
«Duolar ijobat bo‘ladigan saodatli lahzalarda muftiy hazratlari boshchiligidagi jamoat Haq taolodan butun olamga tinchlik-omonlik, yurtimizga qut-baraka va xalqimiz farovonligini so‘rab duo-yu iltijo qildilar», — deyiladi O‘zbekiston musulmonlari idorasi xabarida.
16:36
Bir guruh hatayliklar Navro‘zni O‘zbekistonda nishonlamoqda
Source link
Shu yilning 20–24 mart kunlari Hatay viloyatidan Turkiya fuqarolari delegatsiyasining O‘zbekistonga tashrifi bo‘lib o‘tadi.
«Dunyo» AAning eslatishicha, ushbu tashrif O‘zbekiston Prezidentining Navro‘z bayrami munosabati bilan ilgari surilgan va 2026-yil 29-yanvar kuni bo‘lib o‘tgan Oliy darajadagi strategik hamkorlik kengashining to‘rtinchi yig‘ilishi doirasida bildirilgan tashabbusiga muvofiq tashkil etilmoqda.
Ta’kidlanishicha, tashabbus Turkiyadagi mahalliy OAVlarda keng yoritilgan. Jumladan, «Haberler», «Ensondakika», «İlkhaber Gazetesi», «Sondakika» kabi yetakchi elektron nashrlar, shuningdek, «Ülke TV» va «Bengü Türk» telekanallari bo‘lajak tashrifni faol yoritmoqda.
Xususan, Hatay viloyati gubernatori Mustafo Masatli va viloyat aholisining tashakkurnomasi e’lon qilinib, unda O‘zbekiston tomoniga taklif uchun minnatdorlik bildirilgan.
Ma’lum qilinishicha, delegatsiya tarkibidan Turkiya ommaviy axborot vositalari vakillari ham o‘rin olgan bo‘lib, ular tashrifning borishi va O‘zbekistonda Navro‘z bayrami doirasida o‘tkazilayotgan tadbirlar haqida Turkiya jamoatchiligini muntazam ravishda xabardor qilib boradi.
Toshkent viloyatining Qibray tumanidagi «Do‘rmon» qo‘rg‘onida Abdulla Oripov uy-muzeyining ochilishiga bag‘ishlangan tantanali marosim bo‘lib o‘tdi.
Tantanali marosimda O‘zbekiston Respublikasi Prezidenti maslahatchisi Ruslanbek Davletov hamda O‘zbekiston Respublikasi Bosh vaziri o‘rinbosari – Oila va xotin-qizlar qo‘mitasi raisi Zulayho Mahkamova ishtirok etdi.
Abdulla Oripov – o‘zbek xalqining ardoqli farzandi, atoqli shoiri, ozod O‘zbekiston madhiyasi matnining muallifi. Sobiq ittifoqning bir yoqlama mafkurasi qilichi ziyolilarimizning qutlug‘ qoni bilan bo‘yalgan va bu qon hali qurib ulgurmagan, ijodkorlarimiz boshi uzra qatag‘on siyosati ko‘lankasi solib turgan tahlikali davrda «O‘zbekiston – Vatanim manim!» deya o‘z yurtini baralla tarannum etish uchun hamma ham o‘zida jur’at topmagan. Mana shunday jasur qalam ahli eslanganida, shubhasiz, Abdulla Oripov nomi birinchilar qatorida zikr qilinadi. Qolaversa, millionlab qalblarni o‘zining lirik nazmiy asarlari orqali ezgulik va mehr-oqibat, pokiza ishq va vatanparvarlik tuyg‘usi bilan to‘ldirgan ham Abdulla Oripov edi.
Do‘rmon ijod uyiga tutash hovlida Abdulla Oripov 1996-2016 yillarda yashab, ijod qilgan. Joriy yil qahramon shoirimiz tavalludiga 85 yil to‘ldi…
— Bu uy-muzeyini tashkil etishda davlatimiz rahbarining tashabbusiga minnatdorlik bildirgan holda katta bunyodkorlik va o‘zgarishlarga beminnat ko‘mak bergan atoqli shoirimiz oilasi, jumladan, Hanifa aya Mustafoyevaga minnatdorlik bildiramiz, — dedi Toshkent viloyati hokimi, senator Zoyir Mirzayev tantanali tadbirda. — Chunki o‘z e’tibor berilmaganida, bugun bu yangi uy-muzeyining, pirovardida, kelajak avlodning madaniy mulkiga aylangan noyob eksponatlar, tarixiy qo‘lyozma va suratlar ko‘z qorachig‘idek asrab-avaylanmaganida, ularning yo‘q bo‘lib ketish ehtimoli ham yo‘q emasdi.
Tadbirda davlat va jamoat arboblari, shoir va yozuvchilar, xususan, Abdulla Oripovning shogirdlari so‘zga chiqdi, xalqimizning yangi madaniyat dargohi bilan samimiy tabrikladi.
Toshkent viloyatida ochilgan ushbu maskan Abdulla Oripovning betakror ijodiy merosini keng targ‘ib etish, ayniqsa, yoshlar qalbida Vatanga sadoqat, milliy g‘ururni mustahkamlash, avlodlarni yuksak insoniy fazilatlar ruhida tarbiyalashga xizmat qiladi.
AQSh tashqi yordamni keskin qisqartirmoqda
Bir guruh mahalla xodimlari mukofotlandi
Masharipov va Fayzullayev jarohat sabab xalqaro turnirda qatnashmaydi
-
Dunyodan3 days ago
Eron Hormuz boʻgʻozi orqali cheklangan oʻtishga ruxsat beradi
-
Jamiyat3 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Iqtisodiyot3 days agopayme Tez QR orqali to‘lovni 3% keshbek bilan ishga tushirmoqda
-
Siyosat2 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot4 days ago“Markaziy Osiyo umumiy investitsiya makonini yaratishi zarur” – Alisher Umirdinov
-
Jamiyat5 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Iqtisodiyot4 days agoMetandan go‘shtgacha. Narxi keskin oshgan mahsulot va xizmatlar
-
Iqtisodiyot3 days agoQashqadaryo viloyati ijtimoiy-iqtisodiy rivojlantiriladi