Sport
Bayram bayramday bo‘ldi. O‘zbekistonning tarixiy o‘yinidan Kun.uz fotoreportaji
5 iyun kuni o‘zbek futboli tarixidagi eng zo‘r kun bo‘lib tarixga kirgandi. O‘sha kuni muxlislar-u futbolchilar ko‘p qiyinchiliklarga duch kelishdi. Lekin butun millat O‘tkir Yusupov boshchiligida birlashib, 90 daqiqa bardam turib mundial yo‘llanmasini qo‘lga kiritgandik. O‘sha kungi sabr-toqat uchun taqdir bugun «Bunyodkor» stadionida biz uchun chinakam tuhfa tayyorlab qo‘ygan ekan…
O‘zbekiston milliy jamoasi saralashning oxirgi o‘yinini Qatarga qarshi Toshkentda, o‘yin boshlanishidan bir necha soat avval liq to‘lgan stadionda o‘tkazdi. Odatda milliy jamoa o‘ynasa, stadion to‘larmikin, deb kutardik. Bugun esa odamlar stadionga sig‘armikin, deb o‘yinni ko‘rdik. Axir bu tarixiy o‘yinga tushishni millionlab odamlar xohlagandi. Stadionda esa 33 mingga yaqin baxtli odamlar «Oq bo‘rilar»ning ajoyib o‘yinini tomosha qilishdi.
Turnir jadvali nuqtai nazaridan bugungi bahsda O‘zbekistonda motivatsiya yo‘q, qaytanga Qatarga g‘alaba zarurroq edi. Biroq futbolchilar bugun bayram qilish uchun kelgan muxlislar uchun juda zo‘r o‘yin ko‘rsatishdi.
Qatar o‘yin boshida yaxshi qarshilik ko‘rsatdi, birinchi golni urish oson bo‘lmadi. Shunday qiyin pallada Aziz Turg‘unboyev mas’uliyatni qo‘liga olib o‘ng qanotdan jarima maydonchasiga yorib kirdi. Aziz ikki raqib oyog‘i ostidan to‘pni yulqib olib zarba pozitsiyasiga chiqdi va yaqin yuqori burchakni aniq nishonga oldi. Qatar posboni to‘pni qaytaraman deb o‘ylagandi, lekin u stadion larzaga kelgan vaqtda tushunib yetdi: to‘p to‘qqizlikka «mixlangandi» – 1:0.
Butun o‘yin davomida O‘zbekiston katta ustunlikka ega bo‘ldi, juda ko‘p zarba yo‘lladi, Yusupov zerikib qoldi. Biroq gol uchun nimadir yetishmayotgandi. Kapadze 62-daqiqada ana shu yetishmayotgan nimanidir topdi va Jamshid Iskanderovni maydonga tushirdi. Futbolimiz Iniyestasi top o‘yin o‘tkazdi. Avvaliga Eldor Shomurodovga chamasi 40 metrdan turib zargarona golli uzatmani amalga oshirdi. Eldor yakuniy zarbada adashmadi – 2:0.
Hakam tomonidan qo‘shib berilgan daqiqada Kadapze Shomurodovni o‘yindan olib o‘rniga muxlislar kutgan Igor Sergeyevni tushirdi. Superligani yondirayotgan hujumchi hamon top darajada ekanini isbotlashi uchun 10 soniya ham vaqt ketmadi: shunday maydonga tushdi-da, maestro Iskanderovning burchakdan uzatgan to‘pini darvozaga yo‘lladi – 3:0.
Goldan keyin Igoryok ko‘z yoshlarini tiya olmadi. Axir u og‘ir jarohatdan tiklanib hamon yaxshi hujumchi ekanini avvalo o‘ziga, keyin muxlislarga isbotlab qo‘ydi.
Kun.uz fotomuxbiri o‘yinni stadionga kuzatib, tarixiy lavhalarni kadrga muhrladi. Suratlardan zavqlaning, bayramdan zavqlaning. Barchangizga bayram muborak bo‘lsin.
Suratlar muallifi – Muhammadjon G‘aniyev
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Siyosat5 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport14 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat4 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi