Iqtisodiyot
Ko‘chmas mulk bozori faollashdi: dollarda uylar narxi qimmatlashdi
Markaziy bank tomonidan 2025 yil III choragi uchun Ko‘chmas mulk bozori tahlili e’lon qilindi.
Tahlil natijalariga ko‘ra:
Bozordagi yuqori faollik:
2025-yil yanvar–sentabr oylarida ko‘chmas mulk oldi-sotdi shartnomalari soni 229,8 mingtani tashkil etib, o‘tgan yilning mos davriga nisbatan 12,8 %ga oshdi.
III chorakning o‘zida 81,4 mingta shartnoma rasmiylashtirildi.
Hududlar kesimidagi o‘sish dinamikasi:
Shartnomalar sonining o‘rtacha ko‘rsatkichdan yuqori o‘sishi respublikaning aksariyat hududlarida kuzatildi. Farg‘ona vodiysi viloyatlari yetakchilar qatorida bo‘lib, shartnomalar soni 7–8 %ga o‘sdi, eng past o‘sish esa Toshkent shahrida (1,7 %) qayd etildi.
Ipoteka hisobiga qo‘llab-quvvatlanayotgan o‘sish:
2025-yil III choragida ipoteka kreditlari hajmi 5,6 trln so‘mni tashkil etib, o‘tgan yilning mos davriga nisbatan 14,9 %ga oshdi. Tijorat banklarining ipoteka portfeli qoldig‘i qariyb 17 %ga o‘sdi. Aholi real daromadlarining o‘sishi ham davom etib, 8,4 %ni tashkil etdi va uy-joyga bo‘lgan talabni qo‘llab-quvvatladi.
Qurilish va taklifning yuqori faolligi:
2025-yil yanvar–sentabr oylarida qurilish ishlari real hajmining o‘sishi 14,2 %ni tashkil etdi. Foydalanishga topshirilgan uy-joylarning umumiy maydoni 11,1 mln kvadrat metrga yetib, o‘tgan yilga nisbatan 2,4 %ga oshdi. O‘sish, asosan, yakka tartibdagi uy-joylar hisobiga ta’minlanmoqda.
Uy-joy – muhim investitsiya vositasi:
III chorak yakunlariga ko‘ra, turar-joy qurilishining jami asosiy kapitalga kiritilgan investitsiyalardagi ulushi 6 %ni tashkil etdi (yil boshidan buyon yig‘ilgan ulush – 7,2 %). Aholining iste’mol kayfiyati bo‘yicha o‘tkazilgan so‘rovda respondentlarning qariyb 6 % kuzatuv davrida turar-joy sotib olganini bildirgan. Shu bilan birga, kelgusida uy-joy sotib olish niyatida bo‘lganlar ulushi biroz pasaygan.
Narxlar dinamikasi:
Milliy valyutada uy-joy narxlari o‘sishi mo‘tadil sur’atda, AQSh dollari hisobida esa nisbatan sezilarli bo‘ldi. 2025 yil sentyabr holatiga ko‘ra, ko‘p qavatli birlamchi uy-joy narxlari so‘mda 2,4 %ga, dollarda esa 5,5 %ga; ikkilamchi ko‘p qavatli uy-joy bozorida esa so‘mda 1,8 %ga, dollarda 5,0 %ga oshdi.
Ijara bozori:
III chorakda, ayniqsa avgust–sentyabr oylarida mavsumiy talabning kuchayishi fonida ijara bozori faollashdi. 2025 yil sentyabr oyiga kelib, ijara narxlarining dollarda yillik o‘sishi Toshkent shahrida 5,4 %ni, respublika bo‘yicha umumiy ijara indeksi esa 8,4 %ni tashkil etdi. Bu ijara bozorida talabning kuchaygani va bozorning bosqichma-bosqich muvozanatlashayotganidan dalolat beradi.
Dollar kursining pasayishi davom etadi
Source link
Iqtisodiyot
O‘zbekistonliklarga martda go‘sht va sut hamda energetika mahsulotlari qimmatlashgani eng ko‘p sezildi
Markaziy bank o‘tkazgan so‘rovlarda Toshkent shahrida yashovchilar oxirgi 12 oyda narx-navo 13,3 foizga oshganini aytgan bo‘lsa, qashqadaryoliklar 11,6 foizlik inflatsiyani sezganliklarini bildirgan. Namanganda sezilgan inflatsiya ko‘rsatkichi esa eng past – 10 foiz. Daromadlari 2 mlndan 4 mln so‘mgacha bo‘lgan aholi qatlami eng kam – 9,9 foizlik inflatsiyani sezgan bo‘lsa, 30 mln so‘mdan ko‘proq daromad topuvchilar narx-navo 16,4 foizdan ko‘proqqa oshdi deb hisoblayapti.
2026 yil mart oyida O‘zbekiston aholisi sezgan yillik inflatsiya darajasi fevral oyiga nisbatan 0,5 foiz bandga pasayib, 11,1 foizni tashkil etdi. Bu haqda Markaziy bank xabar berdi.
So‘rovnomada 3239 nafar respondent ishtirok etgan. Ular bergan javoblarga qaraganda, sezilgan inflatsiya Toshkent shahrida eng yuqori – 13,3 foizni, Qashqadaryo viloyatida 11,6 foizni, Sirdaryo viloyatida 11,5 foizni tashkil etgan.
Namanganliklar esa narx-navo oshishini hammadan ham kamroq sezgan – 10 foiz. Xorazm viloyatida yashovchilar 10,5 foiz, Qoraqalpog‘iston Respublikasi aholisi 10,6 foizlik inflatsiyani his etgan.
Mart oyida aholi tomonidan narxlarida yuqori o‘sish kuzatilgan asosiy tovar va xizmatlar quyidagilar: go‘sht va sut, benzin va yoqilg‘i, elektr va tabiiy gaz, meva va sabzavotlar,dorilar, shuningdek, yo‘lkira va tashish xizmatlari.
Daromadlari 2 mlndan 4 mln so‘mgacha bo‘lgan aholi qatlami eng kam – 9,9 foizlik inflatsiyani sezgan bo‘lsa, 30 mln so‘mdan ko‘proq daromad topuvchilar oxirgi 12 oyda narx-navo 16,4 foizdan ko‘proqqa oshdi deb hisoblayapti.
Yangi qonunga ko‘ra, nogironligi bo‘lgan bolalar uchun kunduzgi parvarish xizmatini ko‘rsatuvchi tadbirkorlar 2030 yil 1 yanvarga qadar barcha turdagi soliqlardan (ijtimoiy soliqdan tashqari) ozod qilinadi.
O‘RQ–1129-sonli qonun bilan Soliq kodeksi va boshqa qonun hujjatlariga tegishli o‘zgartirish va qo‘shimchalar kiritildi.
Unga muvofiq, 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmatini ko‘rsatuvchi tadbirkorlar belgilangan muddatgacha soliq imtiyozlariga ega bo‘ladi.
Shuningdek, farzandlari xususiy maktab yoki bog‘chaga boradigan nogironligi bo‘lgan bolalar uchun kunduzgi parvarish xizmatidan foydalangan ota-onalar tomonidan har bir bola uchun oyiga 3 mln so‘mgacha bo‘lgan to‘lovlar jismoniy shaxslar daromad solig‘idan ozod qilinishi belgilandi.
Bundan tashqari, “Aholi bandligi to‘g‘risida”gi qonunga kiritilgan qo‘shimchalarga ko‘ra, tazyiq va zo‘ravonlikdan jabrlangan xotin-qizlar tegishli tartibda ish qidirayotgan shaxs sifatida ro‘yxatga olinishi mumkin.
Mazkur qonun rasmiy e’lon qilingan kundan e’tiboran kuchga kiradi.
2026-yil yanvar–fevral oylarida O‘zbekistonda ta’lim xizmatlari hajmi 6,8 trln so‘mni tashkil etdi. Milliy statistika qo‘mitasi ma’lumotiga ko‘ra, bu ko‘rsatkich o‘tgan yilning mos davriga nisbatan 24,8 foizga oshgan.
Qayd etilishicha, ta’lim xizmatlari hajmida hududlar bo‘yicha eng yuqori ko‘rsatkich Toshkent shahri hissasiga to‘g‘ri kelib, 3,6 trln so‘mni tashkil etgan.
Keyingi o‘rinlarda Samarqand (445,7 mlrd so‘m) va Farg‘ona viloyati (413 mlrd so‘m) qayd etilgan. Andijon viloyati, Namangan viloyati ham yuqori ko‘rsatkichlar qatorida.
Eng past ko‘rsatkich Sirdaryo viloyati hissasiga to‘g‘ri kelib, 67,8 mlrd so‘mni tashkil etgan.
2026-yil yanvar–fevral oylarida O‘zbekistonga 34 ta davlatdan qariyb 6,6 ming tonna shokolad mahsulotlari import qilindi. Bu haqda Milliy statistika qo‘mitasi ma’lum qildi.
Qayd etilishicha, importning umumiy qiymati 27,7 mln AQSh dollarini tashkil etgan.bu ko‘rsatkich o‘tgan yilning mos davriga nisbatan 1,1 ming tonnaga kamaygan.
2026-yilning dastlabki ikki oyida O‘zbekistonga eng ko‘p shokolad yetkazib bergan davlat Rossiya bo‘lib, 4 407 tonna mahsulot import qilingan.
Shuningdek, Ukraina 607 tonna, Turkmaniston 209,1 tonna, Qozog‘iston 201,8 tonna va Turkiya 190,7 tonna hajmda shokolad yetkazib bergan.
Polsha ham 124,4 tonna bilan yetakchi eksportchilar qatoriga kirgan. Qolgan 825,9 tonna mahsulot boshqa davlatlar hissasiga to‘g‘ri kelgan.
Dollar kursining pasayishi davom etadi
200 dollarlik «xizmat»ning achchiq bahosi: Sirdaryoda xavfli qahvalar to‘xtatildi
Qashqadaryoda lolazorni payhon qilganlar jarimaga tortildi
-
Siyosat3 days ago
«Muruvvat» internat uylari «G‘amxo‘rlik» markazlariga aylantiriladi
-
Iqtisodiyot5 days ago21 mlrd so‘mdan ortiq davlat xaridlarida qonunbuzilishlar aniqlandi
-
Dunyodan3 days ago
Eron nega Hurmuzni yana qamal qildi?
-
Jamiyat5 days ago
Reklama qonunchiligini buzgan qurilish kompaniyalari jarimaga tortildi
-
Siyosat3 days agoO‘zbekistonda bolalar va nogironligi bo‘lgan shaxslarni ijtimoiy qo‘llab-quvvatlash va himoya qilishni kuchaytirmoqda
-
Jamiyat3 days ago«World Content Market»da ilk bor O‘zbekiston milliy paviloni tashkil etildi
-
Jamiyat3 days ago16:13 “Qo‘rquv bo‘lishi tabiiy, ammo bu sizni to‘xtatmasin”, – 17 yoshida NASA va SpaceX bilan kosmik loyihani amalga oshirgan Akbar hikoyasi
-
Jamiyat2 days ago
Afg‘onistonda farzandlari halok bo‘lgan ota-onalarga imtiyoz beriladi