Jamiyat
Intellektual olimpiada o‘yinlari g‘oliblari taqdirlandi
Intellektual olimpiadaning respublika bosqichi 15–18 dekabr kunlari Toshkent shahrida bo‘lib o‘tdi. Jamoalar 6 ta yo‘nalishda – “Zakovat”, “Breyn-ring”, “Erudit-kvartet”, “Shaxsiy o‘yin”, shaxmat va shashka o‘yinlari bo‘yicha bellashuv olib bordi.
Toshkentda 18 dekabr kuni oliy ta’lim tashkilotlari talabalari o‘rtasida Intellektual olimpiada o‘yinlari yakunlandi. Tadbir Milliy mass-mediani qo‘llab-quvvatlash va rivojlantirish jamoat fondi, “Zakovat intellektual klubi” NNT, Yoshlar ishlari agentligi, Oliy ta’lim, fan va innovatsiyalar vazirligi hamkorligida tashkil etildi.
21 noyabr kuni barcha hududlardagi oliy ta’lim muassasalari talabalari o‘rtasidagi Intellektual olimpiadaning hududiy saralash bosqichi o‘tkazilgan edi. Unda 132 ta OTM jamoalari hamda 1056 nafar talaba ishtirok etib, ulardan eng kuchli 50 ta OTM hamda 550 nafar talaba turnirning final bosqichiga yo‘l oldi.
Intellektual olimpiadaning respublika bosqichi 15–18 dekabr kunlari Toshkent shahrida bo‘lib o‘tdi. Jamoalar 6 ta yo‘nalishda – “Zakovat”, “Breyn-ring”, “Erudit-kvartet”, “Shaxsiy o‘yin”, shaxmat va shashka o‘yinlari bo‘yicha bellashuv olib bordi.
Turnirning sovrin jamg‘armasi 5 mlrd 400 million so‘mni tashkil etdi. Shundan 4,5 mlrd so‘m prezident sovg‘asi sifatida quyidagi oliy ta’lim muassasalariga topshirildi:
1-o‘rin – O‘zbekiston milliy universiteti (2 mlrd so‘m);
2-o‘rin – Toshkent davlat tibbiyot universiteti (1,5 mlrd so‘m);
3-o‘rin – Fan va texnologiyalar universiteti (1 mlrd so‘m).
Intellektual olimpiada doirasidagi barcha yo‘nalish g‘oliblari:
Breyn-ring o‘yinida:
1-o‘rin: Toshkent davlat tibbiyot universiteti (100 mln so‘m);
2-o‘rin: Toshkent davlat tibbiyot universiteti Termiz filiali (60 mln so‘m);
3-o‘rin: O‘zbekiston milliy universiteti (40 mln so‘m).
“Zakovat” o‘yinida:
1-o‘rin: O‘zbekiston Milliy universiteti (100 mln so‘m);
2-o‘rin: Farg‘ona davlat universiteti (60 mln so‘m);
3-o‘rin: Qoraqalpoq davlat universiteti (40 mln so‘m).
Erudit-kvartet o‘yinida:
1-o‘rin: Buxoro davlat tibbiyot instituti (100 mln so‘m);
2-o‘rin: Fan va texnologiyalar universiteti (60 mln so‘m);
3-o‘rin: Urganch davlat universiteti (40 mln so‘m).
Shaxsiy o‘yinda:
1-o‘rin: Diyorbek Mahmudjonov (International school of finance technology and science) – 30 mln so‘m;
2-o‘rin: Sardor Abdusodiqov (O‘zbekiston Milliy universiteti) – 20 mln so‘m;
3-o‘rin: Shohrux Bo‘riyev (Buxoro davlat universiteti) – 10 mln so‘m.
Shaxmat (o‘g‘il bolalar):
1-o‘rin: Uchqun Umirov (Samarqand davlat pedagogika instituti) – 30 mln so‘m
2-o‘rin: Sherzod Samandarov (Toshkent davlat tibbiyot universiteti) – 20 mln so‘m
3-o‘rin: Abdulaziz Kurbanov (Toshkent davlat iqtisodiyot universiteti) – 10 mln so‘m.
Shaxmat (qiz bolalar):
1-o‘rin: Sitora Saparova (Toshkent davlat iqtisodiyot universiteti) – 30 mln so‘m
2-o‘rin: Yuliya Xegay (Toshkent davlat tibbiyot universiteti)
3-o‘rin: Zuxra Alaxonova (O‘zbekiston milliy universiteti Jizzax filiali).
Shashka (o‘g‘il bolalar):
1-o‘rin: Behruz Yo‘ldoshev (Fan va texnologiyalar universiteti) – 30 mln so‘m;
2-o‘rin: Javohir To‘xtayev (Jizzax davlat pedagogika universiteti) – 20 mln so‘m;
3-o‘rin: Ahmad Rahimov (Buxoro davlat tibbiyot instituti).
Shashka (qiz bolalar):
1-o‘rin: Ferangiz Hasanova (Toshkent davlat iqtisodiyot universiteti);
2-o‘rin: Asal Botirova (Yangi O‘zbekiston universiteti);
3-o‘rin: Maftuna Umarova (Fan va texnologiyalar universiteti) – 10 mln so‘m.
Intellektual olimpiadaning respublika bosqichi doirasidagi “Zakovat” o‘yini g‘olibi bo‘lgan ishtirokchilar ta’limning keyingi bosqichi – magistraturaga bazaviy to‘lov kontrakt asosida imtihon sinovlarisiz qabul qilinadi.
Bundan tashqari, “Zakovat” o‘yini g‘olibi bo‘lgan jamoalarning har bir a’zosiga bir o‘quv yili davomida har oy quyidagi miqdorda “Zakovat” stipendiyasi to‘lab boriladi. (1-o‘ringa 2 mln 60 ming so‘m, 2-o‘ringa 1 mln 648 ming so‘m, 3-o‘ringa 1 mln 236 ming so‘m).
Shu bilan birga, g‘olib va sovrindorlariga quyidagi imkoniyatlar ham beriladi:
– chet elda malaka oshirish, stajirovka o‘tash yoki magistratura va PhD dasturlari bo‘yicha ta’lim olishga yuboriladi;
– Davlat xizmatini rivojlantirish agentligi Intellektual olimpiada g‘olib va sovrindorlarini o‘z mutaxassisligi bo‘yicha kadrlar zaxirasiga oladi.
Holat “G‘afur G‘ulom” bekatida sodir bo‘lgan. Yo‘lovchi ayol poyezd kirib kelayotganida uning yo‘liga tushib ketgan. Mashinist harakat tarkibini tezkor to‘xtatib qolgan. Ayol jiddiy jarohatlanmagan.
Foto: Toshkent metropoliteni
Toshkent metrosida yo‘lovchi ayol poyezd yo‘liga tushib ketdi. Bu haqda metropoliten matbuot xizmati xabar berdi.
Ma’lum qilinishicha, holat 2 may kuni soat 21:35 atrofida “G‘afur G‘ulom” bekatida sodir bo‘lgan. Bekatga 40-sonli harakat tarkibi kirib kelayotgan paytida yo‘lovchi ayol ehtiyotsizlik oqibatida yo‘lga tushib ketgan.
Mashinist tezkor va aniq harakat qilib, harakat tarkibini zudlik bilan to‘xtatgan hamda xavfsizlik choralariga to‘liq rioya etgan.
Dastlabki ma’lumotlarga ko‘ra, fuqaro jiddiy tan jarohati olmagan. U tez tibbiy yordam xodimlari tomonidan ko‘rik uchun olib ketilgan.
Qo‘shimcha qilinishicha, hodisa metro harakati jadvaliga ta’sir ko‘rsatmagan, barcha poyezdlar belgilangan jadval asosida harakatlangan.
DXX va bojxona xodimlari hamkorlikda yirik miqdordagi giyohvandlik moddalarini fosh qilishdi.
Voqea Kogon tumanida Surxondaryo–Buxoro yo‘nalishida harakatlanayotgan «Lacetti» avtomashinasi to‘xtatib tekshirilishidan boshlandi. Mashinani boshqarib kelayotgan buxorolik shaxs (1993-y.t) muqaddam narkojinoyat sodir etgani uchun sudlangani ma’lum bo‘ldi. Avtomashina ko‘zdan kechirilganda, uning motor qismidagi havo filtri ostiga yashirilgan 993 gramm «opiy» moddasi topildi.
Surishtiruv davomida ushbu modda Termiz tumanida yashovchi, xalqaro yuk tashish bilan shug‘ullanuvchi 46 yoshli shaxsdan olingani aniqlandi. Tezkor tadbir davom ettirilib, termizlik ham qo‘lga olindi. Uning yonidan Afg‘onistondan kontrabanda yo‘li bilan keltirilgan 5 kg, yashash xonadonidan esa 7 kg «opiy» ashyoviy dalil sifatida rasmiylashtirildi.
Mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.
O‘zbekistonda energiya resurslaridan samarali foydalanishni kuchaytirishga qaratilgan yangi chora-tadbirlar belgilandi. Bu Prezidentning 2026-yil 29-aprelda qabul qilingan «2026-yilda energiya samaradorligini yanada oshirish, energiya resurslarini tejash va ulardan oqilona foydalanishning qo‘shimcha chora-tadbirlari to‘g‘risida»gi PF–70-sonli Farmonida o‘z aksini topgan.
Farmonga muvofiq, 2026-yil 1-iyuldan boshlab davlat tashkilotlari, ijtimoiy soha muassasalari hamda davlat ishtirokidagi korxonalarning yangi quriladigan, rekonstruksiya qilinadigan yoki mukammal ta’mirlanadigan bino va inshootlari energiya samaradorligining kamida «S» toifasiga javob berishi shart bo‘ladi. Bu talab binolarni loyihalash va qurish jarayonida energiya tejamkor yechimlarni joriy etishni rag‘batlantirishga qaratilgan.
Shu bilan birga, energiyani tejash iste’molchilarni elektr energiyasi yoki tabiiy gaz tarmoqlaridan uzib qo‘yish orqali emas, balki samaradorlikni oshirish orqali ta’minlanishi belgilandi. Bu yondashuv energiya ta’minotida barqarorlikni saqlash bilan birga, resurslardan oqilona foydalanishni ta’minlashga xizmat qiladi.
Hujjatga ko‘ra, Energiya samaradorligi milliy agentligiga Energiya samaradorligini rag‘batlantirish va qo‘llab-quvvatlash jamg‘armasi orqali energiya servis kompaniyalari (ESKO) tomonidan ko‘rsatiladigan xizmatlar uchun kafolatlangan to‘lovlarni amalga oshirish huquqi berildi. Bu mexanizm sohada xususiy sektor ishtirokini kengaytirish va yangi loyihalarni jalb qilish imkonini oshiradi.
2026 yildan boshlab energiya sarfi belgilangan me’yorlardan keskin oshib ketgan davlat obyektlarida har yili xalqaro standartlar asosida energiya samaradorligini yaxshilashga qaratilgan dasturlar amalga oshiriladi. Bu orqali ortiqcha energiya sarfini kamaytirish va tizimli nazoratni kuchaytirish ko‘zda tutilgan.
Shuningdek, 2026-yil 1-oktyabrga qadar energiya iste’molini tahlil qilishda zamonaviy raqamli yechimlar joriy etiladi. Xususan, Big Data, Business Intelligence va sun’iy intellekt texnologiyalari orqali energiya sarfi va samaradorlik ko‘rsatkichlarini doimiy monitoring qilish tizimi yo‘lga qo‘yiladi.
Jamiyat
Navoiyda ma’danli toshlarni qazish va oltin ajratib olish bilan shug‘ullangan shaxslar ushlandi
Tomdi tumanida bir necha fuqaroi umumiy bahosi 569,8 mln so‘mlik 5200 kg ma’danli toshlarni noqonuniy ravishda qazib olgan vaqtida ushlangan.
Foto: Illyustrativ surat / SI
Bosh prokuratura huzuridagi Departamentning Tomdi tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro O.I. va boshqalar “Bessopan” sanoat maydoni hududidan tarkibida umumiy bahosi 569,8 mln so‘mlik 315,1 gramm oltin moddasi bo‘lgan 5 200 kg ma’danli toshlarni noqonuniy ravishda qazib olgan vaqtida ushlanib, ushbu mahsulotlar ashyoviy dalil sifatida olingan.
Departamentning Konimex tumani bo‘limi va IIB xodimlari hamkorligida o‘tkazilgan tezkor tadbirda fuqarolar T.T. va T.G‘. o‘zaro til biriktirib, “Karakata” OFY hududida tarkibida oltin moddasi bo‘lgan qum va toshlarni oltin izlovchilar usulida maxsus uskunalar orqali qazib olish faoliyati bilan shug‘ullanib kelayotganliklari aniqlangan.
Departamentning Xatirchi tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirlarda fuqaro U.R. “Zarafshon” MFY hududidagi xonadonida qum va toshdan oltin ajratib olish bilan shug‘ullanib kelganligi aniqlanib, undan tarkibida oltin zarralari bo‘lgan 160 kg qum-toshlari ashyoviy dalil sifatida olingan.
Shu kabi, fuqaro S.X. ham “Zarafshon” MFY hududidagi xonadonida qum va toshdan oltin ajratib olish bilan shug‘ullanib kelganligi aniqlanib, undan tarkibida oltin zarralari bo‘lgan 300 kg qum-toshlari ashyoviy dalil sifatida olingan.
Mazkur holatlar yuzasidan Jinoyat kodeksining 196-2-moddasi (foydali qazilmalarni oltin izlovchilar usulida ruxsatnomasiz qazib olish) bilan jinoyat ishlari qo‘zg‘atilib, tergov harakatlari o‘tkazilmoqda.
Jamiyat
Ekopolitsiya tomonidan «Sho‘rtan neft va gaz qazib chiqarish boshqarmasi»ga 16 ta ko‘rsatma berildi
Ekologiya va iqlim o‘zgarishi milliy qo‘mitasi Davlat ekologik nazorat inspeksiyasi (Ekopolitsiya) tomonidan ekologik qonunchilik talablari ijrosini ta’minlash hamda sanoat korxonalarining atrof-muhitga ta’sirini kamaytirish maqsadida Qashqadaryo viloyatida navbatdagi tekshiruv tadbirlari o‘tkazildi.
O‘tkazilgan tadbirlar jarayonida “Sho‘rtan neft va gaz qazib chiqarish boshqarmasi” atrof-muhitga muntazam salbiy ta’sir ko‘rsatayotganligi, jumladan, atmosfera havosini muhofaza qilish talablariga rioya etilmasligi, chang-gaz tozalash uskunalari, oqova suvlarni tozalash inshootlari ekologik talablarga javob bermasligi va yana bir qator ekologik qonunchilik talablari qat’iy buzilganligi aniqlandi.
Mazkur holatlar yuzasidan korxonaga nisbatan qo‘shimcha kompensatsiya to‘lovlari belgilandi. Shuningdek, 16 banddan iborat bajarilishi majburiy bo‘lgan ko‘rsatmalar berildi.
To‘plangan hujjatlar yakuniy baho berish va qaror chiqarish maqsadida sud organlariga yuborildi.
Toshkent metrosida yo‘lovchi poyezd yo‘liga tushib ketdi
«Arsenal»da yirik g‘alaba, «Barsa» bugun chempion bo‘lishi mumkin
Samarqand Media haftaligining shov-shuvli natijalari bilan tanishing
-
Siyosat4 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Siyosat4 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Mahalliy5 days ago
Gulga shaydo onaxon, kitob “ovchisi” va chemodansiz sayyoh…
-
Jamiyat4 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Dunyodan4 days ago
Jarrohlar Apple Vision Pro foydasiga monitorlardan voz kechishmoqda
-
Siyosat3 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Iqtisodiyot4 days ago«Kursga sun’iy ta’sir o‘tkazish tarafdori emasmiz»
-
Dunyodan4 days ago
Ukraina va Yevropa Ittifoqi Isroilga qarshi sanksiyalar kiritmoqchi