Sport
«MYu» va «Bornmut» o‘yini gollar shousiga aylandi
«Qizil iblislar» to‘rtta gol urdi, lekin yakunda bir ochko bilan kifoyalandi.
Foto: foto: Robin Jones – AFC Bournemouth/AFC Bournemouth via Getty Images
«Manchester Yunayted» navbatdagi marta beqaror mavsum o‘tkazmoqda. Shu bilan birga, bu mavsumda APLdagi raqobatchilarning aksarida ham muammolar kuzatilmoqda. Shu tufayli turnir jadvalining yuqori qismida jamoalar tig‘iz joylashgan. Va «Bornmut» bilan o‘yin yakunlariga ko‘ra Ruben Amorim jamoasida kuchli to‘rtlikka kirib olish imkoniyati yuzaga kelgandi. Qolaversa, ushbu raqib so‘nggi olti turda atigi ikki ochko jamg‘argandi. Ammo vaziyat «MYu» uchun reja bo‘yicha ketmadi.
«Bornmut» bilan o‘yin – «Manchester Yunayted» uchun 3-4-3 sxemasidagi so‘nggi o‘yin bo‘lishi mumkin. Angliyadagi nashrlar Amad Diallo, Brayan Mbeumo va Nussayr Mazraviy Afrika Kubogiga ketishi munosabati bilan Ruben Amorim sxemani 4-3-3 ko‘rinishiga o‘zgartirayotgani haqida yozishdi. Ammo portugaliyalik mutaxassis hozircha bunga qo‘l olmadi. Shu bilan birga, «MYu» boshlang‘ich tarkibida 19 yoshli himoyachi Eyden Heven tushirildi.
Birinchi bo‘limda «Manchester Yunayted» munosib o‘yin ko‘rsatdi. Futbolchilar orqa chiziqda deyarli xatosiz harakatlandi, oldingi chiziqda esa muntazam ravishda vaziyatlar yaratib, hujumkor futbol bilan muxlislarni xushnud etishdi. «Bornmut» uchun esa o‘yin starti ko‘ngilsiz kechdi: mehmonlar beshinchi daqiqadayoq jarohat tufayli Tayler Adamsdan ayrilishdi. Amerikalik ushbu futbolchi – Andoni Iraola tizimidagi muhim futbolchilardan biri sanaladi. Natijada «Bornmut»ning o‘yin uchun rejasiz jiddiy o‘zgarishga uchradi.
«MYu» aynan shundan foydalangan bo‘lishi mumkin. Mezbonlarning ilk daqiqalardan uyushtirgan bosimi 13-daqiqada hisob ochilishiga olib keldi. Diogu Dalo qanotdan darvozabon hududiga to‘p oshirdi, Mateus Kunya bosh bilan yaxshi zarba berolmadi, ammo «Bornmut» darvozaboni Jorde Petrovichni chalg‘ita oldi. Serbiyalik posbon to‘pni ushlab ololmadi, qaytgan to‘pga Amad Diallo birinchi bo‘lib yetib keldi – 1:0.
«MYu» shundan keyin ham hujum uyushtirishda davom etdi: Mateus Kunya, Kazemiro va Brian Mbemoda golli vaziyatlar bo‘ldi, Diallo dublga yaqin keldi.
28-daqiqada «MYu» uchun ilk ogohlik qo‘ng‘irog‘i chalindi – darvozabon Senne Lammens Markus Taverniyening boshda yo‘llagan zarbasini qiyinchilik bilan qaytardi. Bo‘lim oxirida esa u baribir Semenyo qarshisida ojiz qoldi. 40-daqiqada Lyuk Shou qanotda to‘p uchun kurashni boy berdi, ganalik vinger mezbonlarni bu xato uchun kechirmadi – 1:1.
Birinchi bo‘limni bunday hisobda yakunlash mezbonlar uchun alamli bo‘lgan bo‘lardi. Jamoa dastlabki 45 daqiqalikda 2,49 xG (kutilgan gollar) ko‘rsatkichiga erishganji. Va ularning baxtiga bo‘lim oxirida mehmonlar darvozaboni yordamlashib yubordi. Birinchi golda ham qisman aybdor bo‘lgan Petkovich 45+4-daqiqada yaqqol xatoga yo‘l qo‘ydi. Fernandesh burchakdan to‘pni Kazemiroga yetkazdi, braziliyalik yarimhimoyachi boshda oddiy zarba yo‘lladi, ammo darvozabon bu zarbani qaytara olmadi – to‘p uning qo‘llaridan sirg‘alib chiqib, darvoza to‘riga yo‘l oldi.
Lekin hisobda yana oldinga chiqib olganidan keyin «MYu» futbolchilari bo‘shashdi, «Bornmut» futbolchilari esa katta ishtiyoq bilan oldinga tashlandi. Mehmonlar ikkinchi bo‘lim boshidagi ilk hujumdayoq hisobni tenglashtirishdi. Taverniye markazda to‘pni egallab olgach, Evanilsonni qulay vaziyatga chiqardi va hujumchi to‘pni olis burchakka aniq yo‘naltirdi.
Olti daqiqa o‘tib «Old Trafford»da yig‘ilgan muxlislar yana bir bor karaxt holatga tushishdi. Kazemiro «Bornmut»ning navbatdagi hujumini jarima maydoni yaqinida fol ishlatib to‘xtatdi. Markus Taverniye esa zarba berishni o‘z zimmasiga oldi va to‘pni futbolchilar orasidan orasidan o‘tkazib, chap pastki burchakka aniq yo‘naltirdi.
Senne Lammens to‘pga yeta olmadi va bir necha daqiqa ichida 2:1 hisobi 2:3 ko‘rinishiga o‘zgardi.
«Manchester Yunayted» futbolchilari esa o‘zini yo‘qotib qo‘ymadi. Mezbonlar asta-sekinlik bilan «Bornmut» jarima maydonini qamal qila boshladi. Va bu 77-daqiqada o‘z samarasini berdi. Jarima maydoni tashqarisida to‘p mehmonlar himoyachisi Markos Senesining qo‘liga tegdi va bosh hakam Saymon Huper jarima zarbasi belgiladi. Nuqtaga yaqinlashgan Brunu Fernandesh esa yana bir shedevr gol muallifiga aylandi.
U to‘pni olis to‘qqizlikka aniq joyladi va muvozanatni tikladi.
To‘qqiz daqiqa o‘tib «MYu» ajoyib qarshi hujum uyushtirdi: Benyamin Sheshko qanotda oldinga tashlanib, jarima maydoniga uzatma berdi, to‘p esa Adriyen Tryuffer orqali mutlaqo bo‘sh turgan Mateus Kunyaga kelib tushdi va hisob 4:3 ko‘rinishini oldi.
Ammo bu hisob ham uzoq saqlanib turmadi, ikkinchi bo‘limda zaxiradan o‘yinga qo‘shilgan 19 yoshli Eli Krupi Ximenesning uzatmasidan keyin jarima maydoni ichida bir harakat bilan to‘pni o‘ziga bo‘ysundirdi va ikkinchi teginishda darvozan ishg‘ol etdi.
Hakam o‘yinning asosiy vaqtiga sakkiz daqiqa qo‘shib berdi va ikki jamoa ham bu daqiqalarni hujumda o‘tkazdi, ammo muxlislar boshqa gol ko‘rishmadi. «MYu» va «Bornmut» joriy mavsumdagi eng telbavor o‘yinlardan birini o‘tkazib berishdi, ammo yakunda bittadan ochko bilan kifoyalanishdi. «Manchester Yunayted» kuchli beshlikka ham kirolmadi.
Kanadaliklar futbolchisining oyog‘i sinib ketdi. Arablar jamoasi o‘yinni 9 kishi bo‘lib yakunladi va javobsiz 6 ta gol o‘tkazdi.
Foto: Alex Grimm/Getty Images
Dahshatli jarohat kanadaliklarning yorqin g‘alabasini xiralashtirdi
Kanada – Qatar 6:0
Gollar: Larin, 16 (1:0). Devid, 29 (2:0). Devid, 45+3 (3:0). Saliba, 64 (4:0). Al-Mannai, 75 – avtogol (5:0). Devid, 90+2 (6:0)
Kanada: Krepo, De Fujyerol (Oluvaseyi, 71), Kornelius (Bombito, 46), Lareya, Jonston, Eushtakiu, Kone (Saliba, 56), A. Ahmad (Shaffelberg, 71), Byukenen (Sigur, 83), Larin, Devid
Qatar: Abunada, Pedru Migel, Huhi, X. Ahmad, Al-Oui, Madibo, Layye, Abdulsalom (Fati, 46, Mendes, 87), Afif (Al-Husayn, 59), Edmilson Junior (Al-Mannai, 46), Abdurisoq (Al-Brake, 40)
Ogohlantirishlar: Kornelius, 9 – Fati, 62
Chetlatish: X. Ahmad, 33. Madibo, 51
Kanadaliklar jahon chempionati guruh bosqichining ikkinchi turida Qatarni osonlik bilan mag‘lub etdi – 6:0. O‘yin taqdiri birinchi bo‘limdayoq hal bo‘ldi: o‘tgan turda ham bosniyaliklar darvozasiga yagona golni urgan Kayl Larin gollari sonini oshirib oldi, Jonatan Devid dublni rasmiylashtirdi. Bundan tashqari, 33-daqiqada Qatar ozchilik bo‘lib qoldi: Homam Ahmad darvozabon bilan yakkama-yakka vaziyatga chiqib borayotgan Byukenenga so‘nggi umid folini ishlatgan deb topildi va maydonan chetlatildi.
Birinchi bo‘limdayoq hisob yirik ko‘rinish oldi, ammo kanadaliklar to‘plar nisbatini yaxshilab olish uchun faollik bilan hujum qilishda davom etishdi. 51-daqiqada esa o‘yinda dahshatli voqea ro‘y berdi: qatarliklar himoyachisi Assim Madibo to‘pni olib qo‘yishga urinib, Ismoil Konega og‘ir jarohat yetkazdi.
Kanadaliklar yarimhimoyachisi gazonda yotgan holda oyog‘iga qaradi va dahshatga tushib, qo‘llari bilan yuzini yopdi – uning chap oyog‘i sinib ketgan va notabiiy ko‘rinishga kelgandi.
O‘yin shu zahoti to‘xtatildi. Konening jamoadoshlari darhol Madiboni o‘rab olishdi va keskin ohangda e’tiroz bildira boshlashdi. Ammo himoyachining o‘zi qilib qo‘ygan ishidan karaxt holatga tushgandi. Uni tinchlantirish uchun jamoa darvozaboni Mahmud Abunada yetib keldi.
O‘yin bosh hakami Kristian Garay avvaliga qoidabuzarga sariq kartochka ko‘rsatgandi, ammo fol oqibatlarini ko‘rganidan keyin qarorini o‘zgartirib, futbolchini maydondan chetlatdi.
Maydonda ikki jamoa vakillari, jumladan, murabbiylar shtabi a’zolari o‘rtasida kichik to‘qnashuvlar ham bo‘lib o‘tdi.
O‘yinda olti daqiqadan ko‘proq to‘xtalish yuzaga keldi. Maydonga jonlantirish brigadasi tushib keldi. Tibbiy yordam ko‘rsatish chog‘ida kanalik futbolchilar Kone va shifokorlarni har tomondan o‘rab turishdi.
Kone hushini yo‘qotmagandi. U zambilda maydonni tark etish chog‘ida tribunadagilarga qo‘l silkitishga ham o‘zida kuch topa oldi.
Futbolchilar o‘ziga kelishi uchun ham vaqt talab etildi. Kanadaning ayrim futbolchilari ko‘z yoshlarini tiya olishmayotgandi.
Ammo pauzadan keyin o‘yin davom ettirildi va gol urishda davom etishdi.
Konening o‘rnini egallagan Saliba 64-daqiqada to‘rtinchi golni urdi va Konening futbolkasini ko‘targan holda golni unga bag‘ishladi.
Kanadaliklar bu bilan to‘xtashmadi va Shveytsariyaga qarshi hal qiluvchi o‘yin oldidan gollar nisbatini yaxshilash bo‘yicha ishni davom ettirishdi. To‘qqiz kishi bo‘lib qolgan osiyoliklarda esa qarshilik ko‘rsatish imkoniyati yo‘q edi. 75-daqiqada Muhammad Al-Mannai to‘pni darvoza chizig‘i ustidan qaytarib yuborishga urinib, o‘z jamoasi darvozasini ishg‘ol etib qo‘ydi, o‘yinga qo‘shib berilgan daqiqalarda esa Devid het-trik amalga oshirib, turnir to‘purari Lionel Messiga yetib oldi.
6:0 – Kanada jahon chempionatlaridagi ilk g‘alabasini shunday hisobda qo‘lga kiritdi va amalda pley-off masalasini hal qildi: endi mezbonlarda ham Shveytsariyadagi kabi 4 ta ochko bor.
Endi ushbu jamoalar 24 iyun kuni 3-tur doirasida o‘zaro kuch sinashadi – amalda ikki jamoani ham durang hisob qoniqtiradi. Qatar hamda Bosniya va Hersegovinada bittadan ochko bor.
21:53
Debyutda mag‘lubiyat. Qayerda xato qildik?
Source link
17–21 iyun kunlari Xitoyning Gonkong shahrida FIDE World Rapid & Blitz Team Chess Championships 2026 xalqaro musobaqasi bo‘lib o‘tmoqda.
Dunyoning eng kuchli shaxmatchilari ishtirok etayotgan nufuzli turnirda 53 ta jamoa g‘oliblik uchun bahs olib bormoqda. O‘zbekiston terma jamoasi ham musobaqada 8 nafar yetakchi shaxmatchi bilan qatnashmoqda.
17-iyun kuni o‘tkazilgan dastlabki to‘rt tur natijalariga ko‘ra, O‘zbekiston jamoasi:
«Blue Bulldogs»ni 5:1
Indoneziya terma jamoasini 3,5:2,5
«Chess Thulir» jamoasini 4,5:1,5 hisobida mag‘lub etdi.
Shu bilan birga, jamoa Qozog‘istonning «KazChess» klubiga qarshi bahsda 2,5:3,5 hisobida mag‘lubiyatga uchradi.
To‘rt tur yakunlariga ko‘ra, O‘zbekiston terma jamoasi musobaqa jadvalida 6-o‘rinni egallab turibdi.
Turnir bahslari 21-iyunga qadar davom etadi. O‘zbekistonlik shaxmatchilar yuqori o‘rinlar uchun kurashni davom ettirmoqda.
Milliy jamoa bosh murabbiyi Kolumbiyaga qarshi mag‘lubiyatli o‘yinga izoh berdi.
O‘zbekiston milliy jamoasi bosh murabbiyi Fabio Kannavaro JCh-2026 guruh bosqichidan o‘rin olgan Kolumbiyaga (1:3) qarshi o‘yindan keyin o‘z fikrlarini aytdi.
— O‘yin qiziqarli o‘tdi. Ikkinchi bo‘limda biz o‘yinni o‘zgartirishga erishdik. Chap qanotdan imkoniyatlar yaratdik. O‘yin nazoratini o‘z qo‘limizga olishga harakat qildik.
Avvalambor biz O‘zbekistonni butun dunyoga ijobiy namoyish etish uchun bu yerga keldik. Men doim jamoamga o‘yin davomida faol harakat qilish kerakligini aytib kelaman. Kolumbiya singari jamoalarga qarshi o‘ynash, to‘psiz harakat qilish osonmas. Umuman olganda, ikkinchi bo‘limda yaxshi harakat qildik, biroq afsuski gol o‘tkazib yubordik.
Biz bu stadionda o‘tgan ushbu o‘yinni eslab qolamiz. Chunki bu tarixiy o‘yin. Biz Jahon chempionatidamiz. Bugungi o‘yin biz uchun yaxshi bo‘ldi, deb ayta olaman. Xatolar bo‘ldi, ular ustida ishlaymiz.
— Futbolchilarimdan g‘ururlanaman. Ular yaxshi o‘ynadi. Bugun qiyin o‘yin bo‘ldi. Bunday stadionda, muxlislar qarshisida o‘ynash oson emas. Lekin bu sizga ko‘proq motivatsiya berishi ham mumkin.
O‘zbekiston milliy jamoasi navbatdagi o‘yinni 23 iyun kuni Portugaliyaga qarshi o‘tkazadi.
Portugaliya kamtarona Kongo DR bilan o‘yinda ishonchni oqlay olmadi, Angliya va Xorvatiya turnirning hozircha eng yaxshi o‘yinini o‘tkazishdi.
Jahon chempionatining navbatdagi kuni ham voqealarga boy bo‘ldi. O‘zbekiston turnirda ilk o‘yinini o‘tkazdi va ilk golini urdi, Gana Panamani so‘nggi daqiqalarda urilgan gol bilan ranjitdi, Krishtianu Ronaldu boshchiligidagi Portugaliya milliy jamoasi Kongoni DR milliy jamoasini mag‘lub etolmadi, Angliya va Xorvatiya o‘yinida esa haqiqiy triller kuzatildi.
Hakamlar yana diqqat markazida: ilk bor ayol hakam JCh o‘yiniga tayinlandi, ekspertlar esa Argentina va Jazoir uchrashuvida Shimon Marchinyak Lionel Messini maydondan chetlatmay, xato qilgan deb hisoblamoqda.
Portugaliyada yo‘qotish
Portugaliya – Kongo DR 1:1
Gollar: Joau Nevesh, 6 (1:0). Vissa, 45+5 (1:1)
Portugaliya: Koshta, Arauju, Veyga, Nunu Mendesh (Semedu, 72), Joau Kanselu, Joau Nevesh, Vitinya (Ramush, 83), Brunu Fernandesh, Pedru Netu (Leau, 72), Bernardu Silva (Konseysau, 46), Krishtianu Ronaldu
Kongo DR: Mpasi-Nzau, Kapuadi, Tuanzebe, Mbemba, Masuaku (J. Kayyembe, 74), Van-Bissaka (Kalulu, 85), Mutussami, E. Kayyembe (Pikel, 74), Mukau (Sadiki, 57), Bakambu (Banza, 85), Vissa
Ogohlantirishlar: Bernardu Silva, 13. Semedu, 88. Arauju, 90 – Mbemba, 32
Bir kun oldin Lionel Messi Jazoir darvozasiga het-trik qayd etib, Krishtianuga chaqiriq tashlagandi. Muxlislar uning portugaliyalik azaliy raqibidan javob kutishgandi va «An-Nasr» forvardi Afrikadan kelgan kamtaron jamoaga qarshi o‘yinda bu vazifani uddalaydigandek ko‘ringandi ham.
O‘yinning oltinchi daqiqasidayoq 174 santimetrlik Joau Nevesh Pedru Netuning uzatmasini bosh bilan golga aylantirganida bu fikr yanada mustahkamlangandi. Ammo shundan keyin portugallar hech narsa o‘ylab topa olishmadi. Bo‘lim oxirida esa kongoliklar hujumchisi Yoan Vissa hisobni tenglashtirdi.
O‘yinning ikkinchi bo‘limida ham portugaliyaliklar raqib darvozasi atrofida xavfli vaziyatlar yarata olmadi. Yakunda o‘yin 1:1 hisobidagi sensatsion durang bilan yakunlandi.
Ronaldu esa yirik turnirlarda qatorasiga 10 o‘yindan buyon gol ura olmayapti. Opta Spors qayd etishicha, bu uning jahon va Yevropa chempionatlaridagi antirekord seriyasi hisoblanadi.
Turnirning eng yaxshi o‘yini
Angliya – Xorvatiya 4:2
Gollar: Keyn, 12 – penalti (1:0). Baturina, 36 (1:1). Keyn, 42 (2:1). Musa, 45+5 (2:2). Bellinghem, 47 (3:2). Reshford, 85 (4:2)
Angliya: Pikford, Konsa, Stouns (Geyi, 87), O`Rayli, Jyeyms, Rays (Rodjyers, 72), Anderson, Bellinghem (Spens, 79), Gordon (Saka, 72), Madueke (Reshford, 72), Keyn
Xorvatiya: Livakovich, Vushkovich (Matanovich, 66), Gvardiol, Shutalo, Modrich (Kovachich, 58), M. Pashalich (Vlashich, 78), Perishich, Stanishich, Baturina (Kramarich, 78), Suchich, Musa (M. Pashalich, 66)
Angliya – Xorvatiya juftligi oldindan birinchi turdagi eng yorqin afisha sifatida ko‘rilayotgandi. Va amalda ham jamoalar kutilmalarni oqladi. Gollar shousi 10-daqiqadayoq boshlandi: Luka Modrich o‘z jamoasi jarima maydonida Noni Maduekega qarshi fol ishlatdi, Harri Keyn esa birinchi urinishda yaxshi zarba bera olmadi, ammo hakamlar bu vaziyatda darvozabon zarbadan oldin chiziqni tark etgan deb topishdi va ingliz hujumchisiga ikkinchi imkoniyatni taqdim etishdi. Bu safar hujumchi Dominik Livakovichga hech qanday imkon qoldirmadi.
Bo‘lim oxirida jamoalar xuddi ko‘cha bokchilaridek zarbalar almashinuvini amalga oshirishdi va gollar ham urildi. Avvaliga Martin Baturin hisobni tenglashtirdi, Keyn burchak zarbasidan keyin jamoasini hisobda oldinga olib chiqdi, bo‘limga qo‘shib berilgan daqiqalarda Petar Musa inglizlar jamoasi himoyasidagi xatodan foydalanib, yana muvozanatni tikladi.
Ikkinchi bo‘lim startini Angliya futboli tarixiga kiritish mumkin: Tomas Tuxel shogirdlari 10 daqiqa ichida 9 zarba berdi, shundan bittasi golga aylandi. Agar Livakovich bo‘lmaganida o‘yin taqdiri shu daqiqalarda hal bo‘lib ulgurgan bo‘lardi.
Shundan keyin o‘yin sur’ati pasaydi va xorvatlarda o‘yinga qaytish uchun imkoniyat saqlanib turdi. Tuxel esa uchtalik almashtirish qilib, Saka, Reshford va Rodjyersni maydonga tashladi. Qolgan vaqt davomida ulardan birining pasini ikkinchi golga aylantirib, yakuniy hisobni o‘rnatdi – 4:2.
Gana g‘alabani ilib ketdi
Gana – Panama 1:0
Gol: Yirenkiy, 90+5 (1:0)
Gana: Ati-Zidji (Asare, 46), Adjyeti, Opoku, Mensa, Senayya, Yirenkiy, Ovusu (Sibo, 78), Semenyo, Nuama (Fatavu, 58), Sulemana (Tomas-Asante, 58), Ayyu (Adu, 87)
Panama: Moskera, Kordoba, Andrade, Ramos, Barsenas, Harvi, Blekmen (Godoy, 90), Murilo, Rodriges (Dias, 74), Martines (Faxardo, 63), Uoterman (Londono, 63)
Ogohlantirishlar: Yirenkiy, 16 – Blekmen, 72. Harvi, 90
Panamaliklar uchun bu jahon chempionati tarixidagi ikkinchi ishtirok bo‘lmoqda. Markaziy amerikaliklar 2018 yil Rossiyada bo‘lib o‘tgan turnirda Belgiya, Angliya va Tunis bilan bir guruhdan joy olib, birorta ochko qo‘lga kirita olmagandi. Bu safar esa jamoa ilk ochkosini qo‘lga kiritishga juda yaqin keldi: Tomas Kristiansen shogirdlari jamoaviy o‘yinni yaxshi qura olgani ma’lum bo‘ldi, Gana esa turnirga eng yaxshi holatida yetib kelmagani bilinib qoldi. Afrikaliklar o‘rtoqlik uchrashuvlaridagi muvaffaqiyatsiz natijalardan keyin bosh murabbiyni almashtirishdi va bu lavozimga tajribali Karlush Keyrushni olib kelishdi. Turnir startida esa tarkib bilan bog‘liq muammo yuzaga keldi: Panamaga qarshi Kanadada bo‘ladigan o‘yinga jamoa yetakchilaridan biri, tayanch yarimhimoyasi Tomas Parti qatnasha olmaydigan bo‘ldi: unga ushbu mamlakat hukumati viza bermadi.
Panama o‘yin debyutidayoq hisobni ochishi mumkin edi, ammo ganaliklar darvozaboni Lourens Ati-Zidji ajoyib seyv ijro etdi. Shundan keyin o‘yin kartinasi o‘zgardi: to‘qnashuvlar ko‘payib, aniq uzatmalar kamaydi, jamoalar hujumning oxirgi qismida xato qarorlar tufayli to‘p yo‘qotishdi.
Ikkinchi bo‘limda ham syujyet o‘zgarmadi va barchasi golsiz durangga qarab keta boshladi. Ammo o‘yinga qo‘shib berilgan daqiqalarda ganaliklar saviyadagi farqni namoyish etishdi: 90+5-daqiqada «Manchester Siti» vingeri Antuan Semenyoo boshlab bergan hujumda Brendon Tomas-Asante chap qanotda oldinga yurib davom ettirdi va jarima maydoniga kirib borgan sherigi Kaleba Yirenkini golli pas bilan ta’minladi – 0:1.
Bu orqali Keyrush jahon chempionatlarida g‘alabaga erishgan eng keksa yoshli murabbiyga aylandi. Portugaliyalik mutaxassis 73 yoshda, uning uchun bu karerasidagi beshinchi jahon birinchiligi bo‘lmoqda.
O‘zbekistonda debyut
O‘zbekiston – Kolumbiya 1:3
Gollar: Munyos, 40 (0:1). Fayzullayev, 60 (1:1). Dias, 65 (1:2). Kampas, 90+9 (1:3)
O‘zbekiston: Yusupov, Abdullayev, Ashurmatov (O‘rozov, 77), Husanov, Mozgovoy, Shukurov, Nasrullayev (Sayfiyev, 46), Karimov, O‘runov (Hamdamov, 46), Fayzullayev (Amanov, 77), Shomurodov (Sergeyev, 90+3)
Kolumbiya: Vargas, Lukumi, Sanches, Mohika, Munyos, Lerma, Arias (Kastanyo, 90+3), Puerta (Rios, 80), Dias (Gomes, 90+3), Hames Rodriges (Kampas, 72), Suares (Ernandes, 80)
Ogohlantirishlar: Husanov, 34 – Mohika, 7
Turnirning eng hujumkor jamoalaridan biri sanalgan kolumbiyaliklar turnir debyutantiga qarshi bir bo‘lim davomida deyarli hech narsa qila olishmadi. Janubiy amerikaliklar kutilganidek to‘pga egalik qilishdi va vaziyatlar yaratishdi, ammo o‘zbekistonliklar himoyada ishonchli harakat qilishdi. Ammo bo‘lim yakunlanishi arafasida kolumbiyaliklar qaytarilgan navbatdagi hujumni ikkinchi tempda davom ettirib, o‘z maqsadiga erishdi: Luis Dias to‘pni havolatib himoyachilar ortiga tashlab berdi, unga yetib borgan Daniel Munyos darvozabonga hech qanday imkoniyat qoldirmadi. Fabio Kannavaro shogirdlari esa bo‘lim davomida birorta golli vaziyat yarata olishmadi.
Lekin italiyalik mutaxassisning tanaffusda qilgan o‘zgarishlari samara berdi va 60-daqiqada O‘zbekiston hisobni tenglashtirdi: Shomurodov yo‘llagan zarbani darvozabon qaytardi, ammo to‘pga birinchi bo‘lib yetib kelgan Abbos Fayzullayev osonlik bilan darvozani ishg‘ol etdi.
Lekin turnir debyutantlari hisobni saqlash o‘rniga hujumga o‘tishdi va jazolanishdi: Dias yana bir bor o‘z darajasini namoyish etib, g‘alaba golini urdi. O‘yinga qo‘shib berilgan daqiqalarda esa Haminton Kampas yakuniy hisobni o‘rnatdi – 3:1.
Messi nega yig‘ladi?
Jazoirga qarshi o‘yind Lionel birinchi golidan keyin ko‘z-yosh to‘kkani ko‘pchilikning e’tiborini tortgandi. Argentinalik forvard o‘yindan keyingi matbuot anjumanida hissiyotlarini jilovlay olmagani futbol bilan bog‘liq emasligini aytdi.
La Opinion nashri buning sababini aniqlagan: futbolchi otasi xastaligini o‘ta og‘ir qabul qilgan. Jahon chempionati arafasida katta Messining ahvoli og‘irlashib qolgan.
JCh tarixidagi ikkinchi ayol arbitr
Turnirda erkak hakamlar mojaroli qarorlari bilan shov-shuvlarga sabab bo‘layotgan mahalda FIFA amerikalik ayol hakam Tori Pensoga murojaat qildi — guruh bosqichida Chexiya va JAR o‘yinini boshqarish unga ishonib topshirildi.
Bu jahon chempionatlari tarixidagi ikkinchi holat bo‘ldi. Mundialdagi birinchi ayol hakam fransiyalik Stefani Frappar bo‘lgandi, u 2022 yilgi turnirda Germaniya — Kosta-Rika o‘yinida ishlagan.
Navbatda qanday o‘yinlar bor?
Jahon chempionatida birinchi tur yakunlandi. Bugun va ertaga ikkinchi tur doirasida quyidagi uchrashuvlar o‘tkaziladi
21.00 Chexiya — JAR
00.00 Shveytsariya — Bosniya va Hersegovina
3.00 Kanada — Qatar
6.00 Meksika — Janubiy Koreya
Zomin va Baxmalda sel kuzatildi, 3 ta avtomobil oqib ketdi
Jahon banki O‘zbekistonga qishloq infratuzilmasini rivojlantirish uchun 150 mln dollar ajratadi
1400 dollar olgan hokim yordamchisi ushlandi
-
Siyosat4 days ago
«Ushbu masalani shaxsan nazoratimga oldim» — Saida Mirziyoyeva giyohvandlikka qarshi kurash haqida
-
Mahalliy4 days ago
my.gov.uz — 35 yilda odamlarning vaqtini qaytarib berdi!
-
Jamiyat4 days agoFarg‘onada 1 kilogrammdan ortiq gashish olib ketayotgan shaxs qo‘lga olindi
-
Jamiyat5 days agoFarg‘onada “Lasetti” qarama-qarshi yo‘nalishga chiqib ketishi oqibatida ikki kishi halok bo‘ldi
-
Mahalliy4 days ago
Quyoshda turgan suvning ta’mi emas, tarkibi o‘zgaradi… bu esa juda xavfli
-
Sport4 days agoEron Amerikaga bordi, Osiyo Yevropaning ta’zirini berayotir – JCh kundaligi
-
Dunyodan3 days ago
Dunyo bo’ylab qochqinlar soni 10 yil ichida birinchi marta kamaydi.
-
Jamiyat4 days agoToshkentda renovatsiyaning birinchi bosqichi boshlandi