Jamiyat
Toshkentdagi mahalla ichida 5 qavatli mehmonxona qurilishi mumkin. Aholi bunga qarshi chiqmoqda
Yakkasaroy tumanining hovlilardan iborat To‘qimachi mahallasida yashovchilar mahalla hududidagi 6 sotixli maydonda kotlovan qazish boshlangach, bu yerda 5 qavatli ofis va mehmonxona qurilishidan xabar topdi. Aholi vakillari otel kelajakda nobop maskanga aylanishi, mahallaning tinchini o‘g‘irlashidan xavotirda. Ularning da’vosini ko‘rib chiqayotgan sudya qurilish joyiga kelib, holatni o‘rgandi. O‘rganish jarayonida Kun.uz muxbiri ham qatnashdi.
{Yii::t(}
O’tkazib yuborish 6s
O’tkazib yuborish
Toshkentning Yakkasaroy tumani “To‘qimachi” MFY Jambul ko‘chasida 5 qavatli mehmonxona qurilishi mumkin. Hozircha kotlovan holatida turgan obekt mahalliy aholi noroziligiga sabab bo‘lmoqda.
“Toshneftgazishchita’minot” MChJ Jambul ko‘chasi 2-uy manzilida ofis va mehmonxona qurish uchun 2024 yil 15 iyulda Toshkent shahar qurilish bosh boshqarmasidan ijobiy xulosa olgan. Shu yerda yashovchi aholi vakillari esa bu loyihadan 2025 yil may oyiga kelib, ya’ni qurilish ishlari boshlangach xabar topganini aytmoqda.
Bir guruh fuqarolar qurilish boshqarmasining xulosasini haqiqiy emas deb topish bo‘yicha Toshkent tumanlararo ma’muriy sudiga da’vo arizasi kiritgan. 2025 yil 20 may kuni sudya Olim Shamsiyev arizachilarning iltimosnomasini qanoatlantirib, obektning qurilish-montaj ishlarini vaqtincha to‘xtatish bo‘yicha ajrim chiqardi.
Kun.uz muxbiri voqea joyida bo‘lib, aholi vakillarini tingladi. Ularning aytishicha, 6 sotixlik yer maydoni qo‘ldan qo‘lga o‘tib kelgan, mehmonxona qurilishidan qo‘ni-qo‘shnilarning xabari bo‘lmagan.
“Aka-ukalar turardi. Ota-onasi o‘tgandan keyin sotib ketishdi. Undan keyin joy yana ikki marta sotildi. Keyin bu keldi. Unga aytdim, ota-onang bormi seni dedim. Bor dedi. Ota-onang bo‘lsa dedim, ikki qavatlik qurasan dedim. Besh qavatlik qurmaysan dedim. Bu bizga to‘g‘ri kelmaydi. Peshonamda turadi. Foxishaxona bo‘ladimi dedim. Yo‘q, xola, qurib beraman, olib kelaman dedi. Shu bo‘yicha yo‘q bo‘lib ketgandi”, – deydi fuqarolardan biri.
Jambul ko‘chasida yashovchilardan yana biri oxirgi paytlar atrofda mehmonxonalar ko‘payib ketgani, shu sabab mahalladan osudalik ariganini aytdi. Bir holatda, otellardan birining mijozlari mashinada ichki ishlar xodimlaridan qochib, mahalla ichidan yurib, yo‘l chetida turgan mashinalarni qirib o‘tib ketgan.
“Mana shularni dastidan mashina ko‘p. Yurib bo‘lmaydi. Ko‘chaga chiqa olmaymiz. Bolalar ko‘chaga chiqib, shu mashina turtib yubormasin deb eshikni qulflab o‘tiramiz. Yana otishmalar bo‘lib ketdi, hammayoq militsiyaga to‘lib ketdi. Juda xavotirga tushib yashayapmiz. Mahallani ichi tinch bo‘ladi deymiz-u, tinchligimiz yo‘qoldi-da. Ko‘chani narigi yuzi mehmonxona. Hamma yoqni mehmonxona bosib ketdi. Endi bunisi juda ortiqcha bo‘ldi. Svetimizga, suvimizga ta’siri bo‘lyapti”, – deydi Kun.uz muxbiri bilan suhbatlashgan ayol.
Sud ishida asosiy da’vogar bo‘lgan Sanobar Rahimova ham mehmonxona kerak emasligini aytdi. “Hech kim kelishuvga imzo chekmadi. Ular bizni eshitmayapti”, – deydi da’vogar.
Kun.uz’ga berilgan ma’lumotga ko‘ra, loyihani amalga oshirayotgan “Toshneftgazishchita’minot” vakillari 2024 yil 16 noyabrda mahallada yig‘ilish o‘tkazib, 2-uy manzilida nimalar bo‘lishi haqida ma’lumot bergan. Shundan keyin mahalla raisi, hokim yordamchisi va boshqa faollar yig‘ilish bayonini muhr va imzo bilan tasdiqlab berishgan. Sanobar Rahimovaning ishonchli vakili, advokat Farrux Sayfullayevga ko‘ra, quruvchi qo‘shnilarning roziligini olmagan, xulosani esa noqonuniy qo‘lga kiritgan.
“Himoyam ostidagi shaxs 17-uyda yashab keladi. Tadbirkor besh qavatli mehmonxona qurish jarayonida kotlovan ishlarini olib borgan. Shu jarayonda mana shu uyda devorlarda siljish, pollarda uyning ichida treshina berish holatlari yuzaga kelgan. Aholini juda ham ko‘p noroziligiga olib kelyapti. Aholini roziligini olish kerak degan sharti bor. Chunki Toshkent shahar qurilish bosh boshqarmasini ijobiy xulosasini bandida yon qo‘shnilarni roziligini olish tavsiya etiladi deb belgilab ketilgan. O‘ndan ziyod fuqarolar norozi”, – deydi advokat.
3 iyun kungi sud majlisida sudya Olim Shamsiyev masalani joyiga chiqib o‘rganish bo‘yicha qaror chiqargan. 4 iyun kuni sudya manzilga kelib, loyiha bilan tanishdi. Sanobar Rahimovaning uyi va obektning oraliq masofasi 6 metr chiqdi. Sudya avtoturargoh qayerda bo‘lishi va nechta mashinaga mo‘ljallanayotgani bilan ham qiziqdi. MChJ vakiliga ko‘ra, turargoh ko‘chaga qilinmaydi. Shundan so‘ng, sudya asosiy da’vogar Sanobar Rahimovaning uyini ko‘zdan kechirib, uyning shikastlangan devorini suratga tushirdi.
surat
“Toshneftgazishchita’minot” MChJning manfaatlarini himoya qilayotgan advokat Marat Hayitov aholi taklif bersa, kelishish masalasi ko‘rib chiqilishni bildirdi.
“Bu uyning devorlari xom g‘ishtdan yoki loydan terilgan. Bu aynan biz tomonimizdan qurilish xavfsizligiga rioya qilinmagani natijasida devori zax tortib ko‘chganini bildirmaydi. Tepasidan suv o‘tgan bo‘lishi mumkin. Ichkaridan ham qarasangiz, devorni yiqitadigan yoki biror narsa emas. 6,4 metr qochirilgan. Yerning o‘zi hozir 5 metr turgan bo‘lsa, 1 metri kotlovan ochilib qoldiriladi, yana qaytadan zasipka qilinadi, ya’ni qayta ko‘miladi. Bu degani 200-sonli qaror bo‘yicha 6 metrdan ham ko‘proq degani. Sanitariya organlari tomonidan xulosa berilganki, biz tomonimizdan, ya’ni barpo etilayotgan bino qo‘shni, yondosh, qo‘shni yashayotgan boshqa odamlarni huquqlariga daxl qilmaydi. Ikkinchidan, yong‘in xavfsizligi bo‘yicha 6 metrdan ko‘p masofa qoldirilsa, boshqalarning huquqini buzmaydi. Taklif bersin, kelishish masalasini ko‘rib chiqamiz. Taklif ma’qul kelsa. Agar taklif ma’qul kelmasa, bizga noma’qul taklif keladigan bo‘lsa, unda kelishishga hojat ham yo‘q”, – deydi u.
Advokatning so‘zlariga ko‘ra, elektr energiyasi tarmog‘iga tushadigan yuklama ham hisobga olingan. Bunda tegishli elektr tarmoqlari korxonasidan texnik shart olinadi.
Hayitovga ko‘ra, tegishli hujjatlarda aholidan ruxsat olish talabi yo‘q.
“Bular qo‘shni bizga. Yo‘lning narigi betida. 14 metr masofasi bor ekan u tomonigacha, Lekin qonunda yoki Vazirlar Mahkamasi qarorida, boringki, normativ-huquqiy hujjatda yo‘q talabni bizga qo‘yishga hech kimning vakolati, haqqi yo‘q”, – deydi u.
Kun.uz ijobiy xulosa qanday berilgani, obektga yaqin qo‘shnilarning roziligi qanchalik inobatga olinganini bilish uchun Toshkent shahar qurilish boshqarmasi bilan bog‘landi. Matbuot xizmatining ma’lum qilishicha, yangi tahrirdagi shaharsozlik normalari va qoidalariga asosan, qo‘shni uchastkalardan rozilik yoki ruxsat olish bandi olib tashlangan.
Yuqoridagi kabi holatlarda bino-inshootlar sanitariya va yong‘in xavfsizligi talablariga javob berishi yoki javob bermasligi nuqtayi nazaridan loyiha-smeta hujjatlari tegishli tashkilotlar tomonidan ko‘rib chiqiadi va xulosa beriladi.
Qurilish va uy-joy kommunal xo‘jaligida nazorat qilish inspeksiyasi matbuot xizmati esa qurilish boshlamasdan oldin kamida 10-15 ta aholining roziligini olib kelishish kerakligini bildirdi.
Holat bo‘yicha sud ishi davom etmoqda.
Shahzod O‘roqboyev,
Kun.uz
Prezident farmoni bilan bir guruh mahalla tizimi xodimlari mukofotlandi. Ular mahalla xodimlari kuni sabab taqdirlangan.
«Mehnat shuhrati» ordeni bilan
Kalandarova Muborak Durdiboyevna – Olot tumanidagi «Buvijonlar maktabi» jamoatchilik kengashi raisi, Buxoro viloyati
Xudaybepganov Madpaxim Xudaybepganovich – Bog‘ot tumanidagi «Kattabog‘» mahalla fuqarolar yig‘ini kengashi raisining o‘rinbosari, Xorazm viloyati
«Do‘stlik» ordeni bilan
Bulokova Dilfuza Xotamovna – Oqdaryo tumanidagi «Chorbog‘» mahalla fuqarolar yig‘ini raisi, Samarqand viloyati
Janisboyeva Aliya Mexmonkulovna – Bo‘ka tumani 9-oilaviy poliklinikasining «Samarqand» mahalla fuqarolar yig‘inidagi patronaj hamshirasi, Toshkent viloyati
Inagamov Jovdatxon Sultanovich – O‘zbekiston mahallalari uyushmasi raisining birinchi o‘rinbosari
Lutfillayeva Salima Boymirzayevna – Namangan shahar obodonlashtirish boshqarmasining «Chorsu», «Ozod» va «G‘ishtko‘prik» mahalla fuqarolar yig‘inlaridagi ko‘kalamzorlashtiruvchi – gul ekuvchisi, Namangan viloyati
Masharipov Yusupbay Ataxanovich – Ellikqal’a tumanidagi «Sharq yulduzi» ovul fuqarolar yig‘inining Yangi O‘zbekiston ko‘chasi biyi, Qoraqalpog‘iston Respublikasi
Raxmonov Erkin Xolliyevich – Angor tumanidagi «To‘lqin» mahalla fuqarolar yig‘ini raisi, Surxondaryo viloyati
Haziratkulov Baxodir Mirzayevich – Guliston tumanidagi «Sharq haqiqati» mahalla fuqarolar yig‘ini raisi, Sirdaryo viloyati
Yuldasheva Marxabo O‘mirovna – Forish tumanidagi «Xonbandi» mahalla fuqarolar yig‘ini xotin-qizlar faoli, Jizzax viloyati
II darajali «Sog‘lom avlod uchun» ordeni bilan
Allayeva Zulfiya Hazratqulovna – Shahrisabz tumanidagi «Miraki» mahalla fuqarolar yig‘ini maslahat guruhi rahbari, Qashqadaryo viloyati
Saatova Zulayxa Ochilovna – Toshkent shahar bosh imom-xatibining xotin-qizlar masalalari bo‘yicha yordamchisi, bosh otinoyisi
Toshlanova Xodisaxon Otajonovna – Paxtaobod tumanidagi «Ma’rifat» mahalla fuqarolar yig‘ini raisi, Andijon viloyati
Enazarov Izzatilla Saibovich – «Nuroniy» jamg‘armasining Buvayda tumani bo‘limi raisi, Farg‘ona viloyati
II darajali «Salomatlik» ordeni bilan
Aydarova Juldizay Razakovna – Konimex tumani 6-oilaviy poliklinikasining «To‘qqiztepa» mahalla fuqarolar yig‘inidagi oilaviy shifokori, Navoiy viloyati
«Sodiq xizmatlari uchun» medali bilan
Axmedov Sanjar Baxtiyorovich – Romitan tumani ichki ishlar bo‘limining «Qumrabot» mahalla fuqarolar yig‘inidagi profilaktika katta inspektori, Buxoro viloyati
Mamadjonov Donyorbek Ikromjon o‘g‘li – Mingbuloq tumani ichki ishlar bo‘limining «Birlashgan» mahalla fuqarolar yig‘inidagi profilaktika katta inspektori, Namangan viloyati
«Jasorat» medali bilan
Xayitov Sayitnazar Atokulovich – Ishtixon tumanidagi yakka tartibdagi tadbirkor, temirchi usta, Samarqand viloyati
Yuldasheva Moxidil Shadmanbekovna – Andijon shahridagi «Yaxshi» mahalla fuqarolar yig‘ini xotin-qizlar faoli, Andijon viloyati
«Sog‘lom turmush» medali bilan
Yodgorov Ulug‘bek Baxtiyorovich – Dang‘ara tumanidagi «Firdavs Yunusov» mas’uliyati cheklangan jamiyati ta’sischisi, Farg‘ona viloyati
Turabova Lutfiya Normuminovna – Paxtachi tumanidagi 4-oilaviy bolalar uyi rahbari, Samarqand viloyati
Yuldasheva Muyassar Tairovna – Mirzo Ulug‘bek tumanidagi «Oqibat» mahalla fuqarolar yig‘ini raisi, Toshkent shahri
«Kelajak bunyodkori» medali bilan
Abdullayev Yigitali Saydullo o‘g‘li – Jarqo‘rg‘on tumanidagi «Young Adults» o‘quv markazi direktori, Surxondaryo viloyati
Ahmadov Sirojiddin Sodiq o‘g‘li – Guliston shahridagi «Ibratli» mahalla fuqarolar yig‘ini yoshlar yetakchisi, Sirdaryo viloyati
Muxitdinov Nizomiddin Najmiddin o‘g‘li – Zangiota tumanidagi «Shodlik» mahalla fuqarolar yig‘ini yoshlar yetakchisi, Toshkent viloyati
Xolmatov Mehrojbek Erkin o‘g‘li – Chilonzor tumanidagi «Tirsakobod» mahalla fuqarolar yig‘ini yoshlar yetakchisi, Toshkent shahri
«Shuhrat» medali bilan
Axmedov Qilichbek Dadaparpiyevich – Oltiariq tumani «Zilol» mahalla fuqarolar yig‘inidagi hokim yordamchisi, Farg‘ona viloyati
Bayjanova Maqsuda Xudayberganovna – Urganch tumani soliq inspeksiyasining «Cho‘lobod», «Oyoqbog‘» va «Yangi O‘rtabog‘» mahallalariga biriktirilgan davlat soliq katta inspektori, Xorazm viloyati
Ikromov Davronbek Ilxom o‘g‘li – Piskent tumani «Navoiy» mahalla fuqarolar yig‘inidagi hokim yordamchisi, Toshkent viloyati
Kazaxbayev Polat Torebayevich – Qo‘ng‘irot tumanidagi «Talliq» mahalla fuqarolar yig‘ini raisi, Qoraqalpog‘iston Respublikasi
Kasimova Xasiyat Ulukovna – Surxondaryo viloyati bosh imom-xatibining xotin-qizlar masalalari bo‘yicha yordamchisi, bosh otinoyisi
Qodirov Asliddin Baxtiyor o‘g‘li – G‘allaorol tumanidagi «Madaniyat» qishloq fuqarolar yig‘inining kompleks ijtimoiy xizmat ko‘rsatuvchi xodimi, Jizzax viloyati
Kodirova Mufazzal Arslonovna – Andijon viloyati targ‘ibotchilar guruhi rahbari
Murodov Sobur G‘aniyevich – O‘zbekiston mahallalari uyushmasining milliy qadriyatlarni mustahkamlash va sog‘lom turmush tarzini targ‘ib etish bo‘limi bosh mutaxassisi
Soxiyeva Gulshod Jobborovna – Qamashi tumanidagi «G‘ishtli» va «Boybo‘ri» mahalla fuqarolar yig‘inlari xotin-qizlar faoli, Qashqadaryo viloyati
Usmonov Zuxriddin Muxiddinovich – Buxoro tumani «Shexoncha» mahalla fuqarolar yig‘inidagi hokim yordamchisi, Buxoro viloyati
Xakimov Davron Nurmuxamadovich – Pop tumanidagi «Vodiy trade center» mas’uliyati cheklangan jamiyati ta’sischisi, Namangan viloyati
Xasanova Farida Raxmatullayevna – Sergeli tumanidagi «Farog‘atli» mahalla fuqarolar yig‘inining kompleks ijtimoiy xizmat ko‘rsatuvchi xodimi, Toshkent shahri
Xudoyqulova Munira Sunnatilloyevna – Nurota tumanidagi «Munira New Brand» mas’uliyati cheklangan jamiyati rahbari, Navoiy viloyati
Egamberdiyev Farruh Usmanaliyevich – Yangiobod tumani soliq inspeksiyasining «Shodlik» va «Do‘stlik» mahallalariga biriktirilgan davlat soliq bosh inspektori, Jizzax viloyati.
Samarqand viloyatining Payariq tumanida, qayta bunyod etilgan Imom Buxoriy majmuasidagi 10 ming kishilik yangi masjidda ilk hayit namozi o‘qildi.
Hayit namozida muftiy Shayx Nuriddin Xoliqnazar boshchiligida O‘zbekistonning turli hududlaridan kelgan ulamolar, bosh imom-xatiblar, nuroniylar va bir necha ming kishilik jamoat ishtirok etdi.
Ma’lumot uchun: besh yil davomida qayta qurilgan masjid-majmua kecha, 19-mart kuni hayit arafasida keng jamoatchilik uchun ochilgan edi.
«Duolar ijobat bo‘ladigan saodatli lahzalarda muftiy hazratlari boshchiligidagi jamoat Haq taolodan butun olamga tinchlik-omonlik, yurtimizga qut-baraka va xalqimiz farovonligini so‘rab duo-yu iltijo qildilar», — deyiladi O‘zbekiston musulmonlari idorasi xabarida.
16:36
Bir guruh hatayliklar Navro‘zni O‘zbekistonda nishonlamoqda
Source link
Shu yilning 20–24 mart kunlari Hatay viloyatidan Turkiya fuqarolari delegatsiyasining O‘zbekistonga tashrifi bo‘lib o‘tadi.
«Dunyo» AAning eslatishicha, ushbu tashrif O‘zbekiston Prezidentining Navro‘z bayrami munosabati bilan ilgari surilgan va 2026-yil 29-yanvar kuni bo‘lib o‘tgan Oliy darajadagi strategik hamkorlik kengashining to‘rtinchi yig‘ilishi doirasida bildirilgan tashabbusiga muvofiq tashkil etilmoqda.
Ta’kidlanishicha, tashabbus Turkiyadagi mahalliy OAVlarda keng yoritilgan. Jumladan, «Haberler», «Ensondakika», «İlkhaber Gazetesi», «Sondakika» kabi yetakchi elektron nashrlar, shuningdek, «Ülke TV» va «Bengü Türk» telekanallari bo‘lajak tashrifni faol yoritmoqda.
Xususan, Hatay viloyati gubernatori Mustafo Masatli va viloyat aholisining tashakkurnomasi e’lon qilinib, unda O‘zbekiston tomoniga taklif uchun minnatdorlik bildirilgan.
Ma’lum qilinishicha, delegatsiya tarkibidan Turkiya ommaviy axborot vositalari vakillari ham o‘rin olgan bo‘lib, ular tashrifning borishi va O‘zbekistonda Navro‘z bayrami doirasida o‘tkazilayotgan tadbirlar haqida Turkiya jamoatchiligini muntazam ravishda xabardor qilib boradi.
Toshkent viloyatining Qibray tumanidagi «Do‘rmon» qo‘rg‘onida Abdulla Oripov uy-muzeyining ochilishiga bag‘ishlangan tantanali marosim bo‘lib o‘tdi.
Tantanali marosimda O‘zbekiston Respublikasi Prezidenti maslahatchisi Ruslanbek Davletov hamda O‘zbekiston Respublikasi Bosh vaziri o‘rinbosari – Oila va xotin-qizlar qo‘mitasi raisi Zulayho Mahkamova ishtirok etdi.
Abdulla Oripov – o‘zbek xalqining ardoqli farzandi, atoqli shoiri, ozod O‘zbekiston madhiyasi matnining muallifi. Sobiq ittifoqning bir yoqlama mafkurasi qilichi ziyolilarimizning qutlug‘ qoni bilan bo‘yalgan va bu qon hali qurib ulgurmagan, ijodkorlarimiz boshi uzra qatag‘on siyosati ko‘lankasi solib turgan tahlikali davrda «O‘zbekiston – Vatanim manim!» deya o‘z yurtini baralla tarannum etish uchun hamma ham o‘zida jur’at topmagan. Mana shunday jasur qalam ahli eslanganida, shubhasiz, Abdulla Oripov nomi birinchilar qatorida zikr qilinadi. Qolaversa, millionlab qalblarni o‘zining lirik nazmiy asarlari orqali ezgulik va mehr-oqibat, pokiza ishq va vatanparvarlik tuyg‘usi bilan to‘ldirgan ham Abdulla Oripov edi.
Do‘rmon ijod uyiga tutash hovlida Abdulla Oripov 1996-2016 yillarda yashab, ijod qilgan. Joriy yil qahramon shoirimiz tavalludiga 85 yil to‘ldi…
— Bu uy-muzeyini tashkil etishda davlatimiz rahbarining tashabbusiga minnatdorlik bildirgan holda katta bunyodkorlik va o‘zgarishlarga beminnat ko‘mak bergan atoqli shoirimiz oilasi, jumladan, Hanifa aya Mustafoyevaga minnatdorlik bildiramiz, — dedi Toshkent viloyati hokimi, senator Zoyir Mirzayev tantanali tadbirda. — Chunki o‘z e’tibor berilmaganida, bugun bu yangi uy-muzeyining, pirovardida, kelajak avlodning madaniy mulkiga aylangan noyob eksponatlar, tarixiy qo‘lyozma va suratlar ko‘z qorachig‘idek asrab-avaylanmaganida, ularning yo‘q bo‘lib ketish ehtimoli ham yo‘q emasdi.
Tadbirda davlat va jamoat arboblari, shoir va yozuvchilar, xususan, Abdulla Oripovning shogirdlari so‘zga chiqdi, xalqimizning yangi madaniyat dargohi bilan samimiy tabrikladi.
Toshkent viloyatida ochilgan ushbu maskan Abdulla Oripovning betakror ijodiy merosini keng targ‘ib etish, ayniqsa, yoshlar qalbida Vatanga sadoqat, milliy g‘ururni mustahkamlash, avlodlarni yuksak insoniy fazilatlar ruhida tarbiyalashga xizmat qiladi.
AQSh tashqi yordamni keskin qisqartirmoqda
Bir guruh mahalla xodimlari mukofotlandi
Masharipov va Fayzullayev jarohat sabab xalqaro turnirda qatnashmaydi
-
Dunyodan3 days ago
Eron Hormuz boʻgʻozi orqali cheklangan oʻtishga ruxsat beradi
-
Jamiyat3 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Iqtisodiyot3 days agopayme Tez QR orqali to‘lovni 3% keshbek bilan ishga tushirmoqda
-
Siyosat2 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot4 days ago“Markaziy Osiyo umumiy investitsiya makonini yaratishi zarur” – Alisher Umirdinov
-
Jamiyat5 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Iqtisodiyot4 days agoMetandan go‘shtgacha. Narxi keskin oshgan mahsulot va xizmatlar
-
Iqtisodiyot3 days agoQashqadaryo viloyati ijtimoiy-iqtisodiy rivojlantiriladi