Iqtisodiyot
O‘zbekiston Bangladesh kompaniyalari uchun tranzit va ishlab chiqarish habi bo‘lishi mumkin
O‘zbekistonning Bangladeshdagi elchisi (qarorgohi Dehli shahrida) Sardor Rustamboyev Dakka shahriga amaliy tashrif buyurdi. Bu haqda “Dunyo” muxbiri xabar berdi.
Tashrif doirasida Bangladesh Tashqi ishlar vazirligi, hukumat va ishbilarmon doiralari vakillari bilan qator uchrashuvlar o‘tkazilib, ikki tomonlama aloqalarni yangi, amaliy darajaga olib chiqish masalalari muhokama qilindi. Diplomatlar prezident Shavkat Mirziyoyev rahbarligida amalga oshirilayotgan izchil islohotlar, shuningdek, O‘zbekistonda erishilayotgan barqaror ijtimoiy-iqtisodiy o‘sish to‘g‘risida batafsil ma’lumot berdi.
Bangladesh tashqi ishlar vaziri o‘rinbosari Nazrul Islom bilan uchrashuvda O‘zbekiston–Bangladesh munosabatlarining ijobiy rivojlanish sur’atlari alohida qayd etildi. Tashqi siyosat idorasi rahbarining muovini O‘zbekistondagi keng ko‘lamli islohotlarni yuqori baholab, mamlakatni Markaziy Osiyoning ulkan iqtisodiy salohiyatga ega yetakchi davlati sifatida ta’rifladi.
Tomonlar to‘qimachilik sanoati, farmatsevtika, qishloq xo‘jaligi, mineral o‘g‘itlar ishlab chiqarish va turizmni hamkorlikning ustuvor yo‘nalishlari sifatida belgiladi. O‘zaro manfaatli rishtalarni faollashtirishning asosiy omili sifatida Toshkent va Dakka o‘rtasida to‘g‘ridan to‘g‘ri aviaqatnovlarni yo‘lga qo‘yish masalasi muhokama qilindi.
Bangladesh bosh vazirining savdo, to‘qimachilik, aviatsiya va turizm bo‘yicha maslahatchisi shayx Bashir Uddin bilan muzokaralar ham samarali o‘tdi. U to‘qimachilik sohasida to‘plangan boy tajribasidan kelib chiqib, O‘zbekistonda amalga oshirilayotgan islohotlarga, ayniqsa, to‘qimachilik tarmog‘idagi yangilanishlarga katta qiziqish bildirdi.
Shayx Bashir Uddin O‘zbekistonning strategik joylashuvini alohida ta’kidlar ekan, mamlakat Rossiya va Yevropa bozorlariga chiqishga intilayotgan Bangladesh kompaniyalari uchun muhim ishlab chiqarish va tranzit habi bo‘lishi mumkinligini qayd etdi. U jiddiy va amaliy niyatlar ifodasi sifatida Bangladeshning yetakchi kompaniyalari delegatsiyasiga boshchilik qilib, 2026 yilda O‘zbekistonga safar qilishga tayyorligini tasdiqladi.
Tashrif doirasida O‘zbekiston elchixonasi tomonidan Dakka shahrida mamlakatning iqtisodiy va investitsion salohiyati taqdimoti o‘tkazildi. Unda Bangladesh savdo vaziri o‘rinbosari Mahbubur Rahmon, yetakchi savdo-sanoat palatalari va yirik kompaniyalar vakillari ishtirok etdi.
Ishtirokchilar to‘qimachilik va farmatsevtika tarmoqlarida qo‘shma korxonalar tashkil etish, shuningdek, O‘zbekistonda xorijiy investorlar uchun yaratilgan sharoitlar borasida katta qiziqish bildirdi. Bangladesh ishbilarmon doiralari vakillari 2026 yilda O‘zbekistonga biznes-safar uyushtirish niyatida ekanini ma’lum qildi.
Dakkaga amaliy tashrif natijalari O‘zbekiston–Bangladesh munosabatlarini amaliy qo‘shma loyihalar shakllantirish va o‘zaro tovar ayirboshlash hajmini sezilarli oshirish uchun mustahkam poydevor yaratdi.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot2 days ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi