Sport
Holand «Siti»ni ikkinchi o‘ringa olib chiqdi, Yamal yana gol urishni boshladi
«Milan» «Roma» yakkapeshqadam bo‘lib olishiga yo‘l qo‘ymadi. Yakshanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: safar komplekslari
«Vest Hem» – «Nyukasl Yunayted» 3:1
Gollar: Myorfi, 4 (0:1). Lukas Paketa, 35 (1:1). Botman, 45+5 – v svoi vorota (2:1). Souchek, 90+7 (3:1)
«Vest Hem»: Areola, Kilman, Todibo, Diuf, Van-Bissaka, Lukas Paketa, Pots, Fernandesh (Igor, 85), Sammervill (Uoker-Piters, 79), Bouen, Uilson (Souchek, 61)
«Nyukasl Yunayted»: Poup, Botman (Barns, 65), Tshau, Bern, Kraft (Sher, 46), Tonali, Joelinton, Gimarayns, Gordon (Remsi, 46), Myorfi (Elanga, 77), Voltemade (Osula, 46)
Ogohlantirishlar: Lukas Paketa, 90 – Gimarayns, 30. Remsi, 90
«Vest Hem» o‘tgan oyda Grem Potterni ishdan bo‘shatib, uning o‘rniga Nunu Eshpiritu Santuni tayinladi. Portugaliyalik mutaxassis ilk o‘yinida «Everton» bilan safarda durangga erishgandi, ammo shundan keyingi uch o‘yinda anchadan buyon gol ham o‘tkazmayotgan «Arsenal», shuningdek, nisbatan oson raqiblar bo‘lgan «Brentford» va «Lids»ga yutqazdi. Lekin «bolg‘achilar» «Nyukasl»ga jiddiy muammo tug‘dira oldi.
Holbuki «qarg‘alar» uchun o‘yin ideal boshlangandi — Myorfi qarshi hujumda tezkor gol urdi. Ammo bo‘lim davomida Lukas Paketa jarima maydoni tashqarisidan yo‘llagan kuchli zarbasi bilan Poupni ilojsiz ahvolda qoldirdi, birinchi bo‘limga qo‘shib berilgan beshinchi daqiqada esa londonliklar Botmanning avtogoli evaziga hisobda oldinga chiqib oldi. O‘yinning ikkinchi bo‘limida esa «Vest Hem» hisobni saqlab qolish uchun o‘ynadi. Jarima maydoni atrofida «avtobus» qo‘ygan mezbonlar qarshi hujumda imkon izladi. Avvaliga APLning joriy mavsumida ilk bor boshlang‘ich tarkibda tushgan Potsning goli hujumda ishtirok etgan Souchek ofsaydda qolib ketgani tufayli bekor qilindi, ammo aynan ushbu chexiyalik futbolchi o‘yin oxirida uchinchi golni urdi.
«Vest Hem» muxlislari nihoyat jamoaning uydagi ilk g‘alabasiga guvoh bo‘lishdi, turnir jadvalining ikkinchi qismidan chiqa olmayotgan «Nyukasl» esa safar o‘yinlaridagi noxush seriyani davom ettirmoqda: qatorasiga sakkiz safar o‘yinida 4 durang va to‘rt mag‘lubiyat – bunaqasi so‘nggi to‘rt yillikda kuzatilmagandi.
«Manchester Siti» – «Bornmut» 3:1
Gollar: Holand, 17 (1:0). Adams, 25 (1:1). Holand, 33 (2:1). O`Rayli, 60 (3:1)
«Manchester Siti»: Donnarumma, Ruben Diash, Gvardiol, O`Rayli, Mateus Nunes, Gonsales, Bernardu Silva (Ait Nuri, 90), Foden (Rodri, 90), Doku (Reynders, 73), Sherki (Savio, 73), Holand (Marmush, 82)
«Bornmut»: Petrovich, Senesi, Diakite, Tryuffer, Ximenes (Kuk, 62), Skott (Kristi, 73), Adams (Douk, 80), Bruks (Klyuyvert, 62), Semenyo, Taverniyer, Krupi (Evanilson, 62)
Ogohlantirishlar: Donnarumma, 26. Foden, 45 – Tryuffer, 65. Klyuyvert, 87
Erling Holand «Siti»ni yolg‘iz o‘zi oldinga boshlashda davom etmoqda. Bu safar uning gollari mavsum kashfiyoti, sakkiz o‘yindan buyon mag‘lubiyatsiz seriya qayd etayotgan «Bornmut»ni yengish uchun qo‘l keldi. Iraola shogirdlari bu tur arafasida ikkinchi o‘rinda, Gvardiola shogirdlari esa sakkizinchi o‘rinda edi. Ammo birinchi bo‘limda «olchalar» jamoasi Holanddek tezkor hujumchiga qarshi yuqori chiziqda himoyalanishi pand berdi. Norvegiyalik forvard ikki bor Sherkining uzatmalarini golga aylantirdi va Donnarummaning xatosi tufayli o‘tkazilgan gol ahamiyatini yo‘qqa chiqardi. U mavsumning 10 o‘yinida urgan gollari sonini 13 taga yetkazib oldi. Bu APLdagi boshqa istalgan futbolchining natijasidan yetttitaga ko‘proq.
Ikkinchi bo‘limda O’Rayli o‘zining bu mavsumdagi ilk goli bilan amalda o‘yin taqdirini hal qildi, unga shu kuni APLdagi yubiley 200-o‘yinida maydonga tushgan Foden assistentlik qildi. «Bornmut» safar o‘yinlarida o‘zi uchun o‘ta noqulay bo‘lgan raqibga bu safar ham yutqazdi, ushbu jamoa «Etihad»dagi so‘nggi to‘qqiz o‘yinining barchasida yutqazgan, to‘plar nisbati 4:34! Bu g‘alabadan keyin «Siti» ikkinchi o‘ringa ko‘tarildi, ammo birinchi o‘rindagi «Arsenal» bilan farq olti ochkoni tashkil etmoqda. «Bornmut» esa qo‘shimcha ko‘rsatkichlar tufayli uchinchi o‘rinni ham «Liverpul»ga topshirib, to‘rtinchi o‘rinda joylashgan.
Ispaniya: «Barsa» klasikodan keyin tezda o‘ziga keldi
«Barselona» – «Elche» 3:1
Gollar: Yamal, 9 (1:0). Torres, 11 (2:0). Mir, 42 (2:1). Reshford, 61 (3:1)
«Barselona»: Shchensni, Arauxo, Garsiya, Balde (Martin, 74), Kunde, Kasado, Fermin Lopes (Olmo, 66), de Yong, Reshford (Levandovski, 74), Yamal (Fernandes, 88), Torres (Barji, 88)
«Elche»: Penya, Bigas (Fort, 70), Affengryuber, Nunes, Pedrosa (Donald, 82), Aguado, Febas, Neto (Mendosa, 46), Mir, Valera (Santyago, 70), Andre Silva (Rodriges, 74)
Ogohlantirish: Neto, 35
Kataloniyaliklarning yakshanba kungi o‘yinidan oldin insayderlar Yamal mash’uqasi bilan aloqalarini uzib, bor e’tiborini futbolga qaratmoqchi ekani haqida xabarlar tarqatdi. Bundan tashqari, u so‘nggi vaqtlarda og‘riq bilan o‘ynagani va bu uning harakatlariga ta’sir ko‘rsatgani, ammo endi maxsus dastur va tiklanish mashqlari uni bunday muammolardan xalos qilgani xabar qilindi.
«Elche»ga qarshi o‘yin boshlanganida esa futbolchi bu xabarlarni tasdiqlagandek, darvozani ishg‘ol qildi. Ammo amalda ko‘k-anorranglilar g‘alabaga oson erishmadi, «Elche» esa qarshi hujumda Fermin Lopes va Ferran Torresning kombinatsiyasidan keyin ikkinchi golni o‘tkazib yuborganida ham hujumkorlikni kamaytirmadi. Birinchi bo‘lim oxirida hisobni qisqartirgan Rafa Mir ikkinchi bo‘limda darvoza to‘sinini poyladi, Reshfordning goliga javoban uyushtirilgan qarshi hujumda esa uning zarbasi ustunga bordi. «Elche» to‘pga egalik qilish bo‘yicha ham «Barsa»dan ustunlik qildi (51 foiz), bunaqasi Segundadan chiqqan jamoalarning kataloniyaliklarga qarshi o‘yinlarida 20 yildan buyon kuzatilmagandi.
Yakunda g‘alabali hisobni saqlab qolgan «Barsa» turnir jadvalida «Vilyarreal»ni quvib o‘tib, yana ikkinchi o‘ringa qaytdi. Peshqadam «Real» bilan oradagi farq 5 ochkoligicha qolmoqda.
Italiya: Menyandan mo‘jizaviy seyv va «Inter»ning xarakteri
«Verona» – «Inter» 1:2
Gollar: Zelinski, 16 (0:1). Jovane, 40 (1:1). Frese, 90+4 – avtogol (1:2)
«Verona»: Montipo, Nelsson, Frese, Bella-Kotchap, Akpa-Akpro (Arrui, 88), Berned (Nyass, 73), Galyardini, Bradarich, Belgali, Orban (Moskera, 73), Jovane (Sarr, 80)
«Inter»: Zommer, Bissek, Bastoni, Akanji, Zelinski (Dyumfris, 55), Suchich (Frattezi, 88), Hoqon Chalxono‘g‘li, Karlos Augustu (Dimarko, 65), Luis Enrike (Barella, 55), Martines, Bonni (Espozito, 55)
Ogohlantirishlar: Orban, 41. Bella-Kotchap, 90 – Bissek, 67
«Inter» yana «Yuventus»dan uzoqlashdi va qiyin g‘alabaga erishib, live rejimida uchinchi o‘ringa ko‘tarildi. Holbuki turnir jadvalining quyi qismidagi jamoaga qarshi o‘yinda neradzurrilar muammoga duch kelishi taxmin qilinmayotgandi. Amalda ham mehmonlar tezkor gol bilan hisobni ochishdi, 16-daqiqada Hoqon Chalxono‘g‘li burchakdan to‘p uzatdi, jarima maydoni chizig‘i yaqinida havodagi to‘pni to‘xtatmay zarba bergan Zelinski chempionatda mavsum hit-paradidan o‘rin oladigan gollardan birini urdi. Ammo «Verona» birinchi bo‘limdayoq hisobni tenglashtirdi, ikkinchi bo‘limda esa mardonavor himoyalandi. Faqat o‘yinga qo‘shib berilgan daqiqalarda Barella jarima maydoniga uzatgan to‘pni mezbonlar himoyachisi Frese o‘z darvozasiga kiritib qo‘ydi va jamoasining alamli mag‘lubiyatiga sababchi bo‘ldi.
«Milan» – «Roma» 1:0
Gol: Pavlovich, 39 (1:0)
Aniq ijro etilmagan penalti: Dibala, 82’
«Milan»: Menyan, Gabbia, Pavlovich, de Vinter, Richchi, Modrich, Fofana, Bartesagi, Salemakers (Atekame, 88), Leau (Tomori, 90+4), Nkunku (Loftus-Chik, 84)
«Roma»: Svilar, N`Dika, Ermoso (Tsimikas, 84), Manchini, Al-Aynaviy (Pellegrini, 52), Kone, Uesli Vinisius, Zeki Chelik (Dovbik, 77), Kristante, Soule (Beyli, 51), Dibala (Baldansi, 84)
Ogohlantirishlar: Fofana, 78 – Al-Aynaviy, 34. Uesli Vinisius, 74. Zeki Chelik, 75. Ermoso, 83. Manchini, 90
«Roma» uchun «San-Siro»dagi o‘yin turnir jadvalida yakkapeshqadam bo‘lib olish uchun jangga aylandi va rimliklar avvaliga raqibga qaraganda o‘tkirroq harakatlanishdi. Dibala shedevr gol muallifi bo‘lishi mumkin edi, ammo uning butsasining tashqi qismi bilan olis «to‘qqizlik»ka yo‘llagan zarbasi biroz xato ketdi. Raqib hujumchisi Rafael Leau esa chinakamiga chiroyli golli harakatni amalga oshirdi, u o‘z uslubida qanotda himoyachidan qochib ketdi va jarima maydoniga yorib kirib, to‘pni qulay nuqtada o‘zini taklif qilgan Pavlovichga oshirdi. Bir necha daqiqa o‘tib Fofana o‘yin taqdirini hal qilib qo‘yishi mumkin edi, ammo uning qulay pozitsiyadan yo‘llagan zarbasiga aniqlik yetishmadi.
Ikkinchi bo‘lim boshida rossonerilar rimliklar darvozasini qamal qildi. Mehmonlar darvozaboni Svilar Leau o‘zi ham gol urishiga yo‘l qo‘ymadi, holbuki bu vaziyatda to‘p Manchinining oyog‘iga tekkan holda yo‘nalishini o‘zgartirib, uning vazifasini yanada qiyinlashtirgandi. Keyin esa «bo‘rilar»ni ustun qutqarib qoldi. Vaziyatlardan foydalana olmagan «Milan» jazolanishi mumkin edi, 84-daqiqada jonli devorda turgan Fofana to‘pni qo‘li bilan o‘ynadi va mezbonlar darvozasiga penalti belgilandi. Ammo Menyan deyarli ilojsiz ishni amalga oshirib, Dibala ijrosidagi penaltini bartaraf etdi. Rimliklar uchun yanada alamlisi, argentinalik hujumchi zarba berish chog‘ida oyog‘ini qayirib oldi va maydonni erta tark etishga majbur bo‘ldi.
A Seriyaning bu mavsumida ham turnir jadvalining yuqori qismida jiddiy kurash ketmoqda. Bu turda golsiz durang qayd etganiga qaramay, «Napoli» birinchi o‘rinni o‘zida saqlab qoldi. Lekin «Inter», «Milan» va «Roma» bir ochkolik farq bilan ta’qib qilmoqda.
Qirg‘izistonda 23-26-may kunlari badiiy gimnastika bo‘yicha Osiyo chempionati bo‘lib o‘tdi.
Musobaqalarning navbatdagi kuni ham O‘zbekiston terma jamoasi uchun muvaffaqiyatli yakunlandi. Sportchilarimiz 4 ta oltin va 1 ta bronza medalga sazovor bo‘lishdi.
Taxmina Ikromova — 2 ta oltin (kattalar: yakkalik ko‘pkurash hamda guruh mashqining ko‘pkurash dasturi);
Sabina Kagirova — 2 ta oltin (yoshlar: to‘p bilan mashq hamda guruh mashqining 5 ta to‘p bilan mashqi).
Natalya Usova — 1 ta bronza (kattalar: yakkalik ko‘pkurash).
O‘zbekistonlik tennischi Fransiya ochiq chempionatining birinchi bosqichidan muvaffaqiyatli o‘tdi.
Jahon tasnif jadvalida 89-pog‘onani egallab turgan tennischi Kamilla Rahimova «Rolan Garros» turnirida birinchi bosqich o‘yinini o‘tkazdi. Ruminiyalik Kristian Jaklinga (33-reyting) qarshi kortga chiqqan o‘zbekistonlik sportchi 3 set (6:3, 4:6, 6:4) davom etgan o‘yinda g‘alabaga erishdi. Rahimova ikkinchi davra bahsini chexiyalik Karolina Muxovaga qarshi o‘tkazadi.
«Katta dubulg‘a» turnirlariga kiruvchi «Rolan Garros» (Tennis bo‘yicha Fransiya ochiq chempionati) 24 maydan 7 iyungacha Parijdagi Stade Roland Garros grunt kortlarida bo‘lib o‘tadi. Musobaqa sovrin jamg‘armasi — taxminan 61,7 million yevro. 2025 yilda erkaklar o‘rtasidagi bahslarda ispaniyalik Karlos Alkaras, ayollar o‘rtasidagi bahslarda amerikalik Koko Gauff g‘alaba qozongan edi.
Asli rossiyalik bo‘lgan Kamilla Rahimova 2025 yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida ishtirok etishni boshladi.
Milliy jamoa Toshkent xalqaro aeroportida / Foto: O‘FA
Futbol bo‘yicha O‘zbekiston milliy jamoasi 26 may tongida Toshkent – Nyu York reysi bilan o‘z tarixidagi ilk jahon chempionatida ishtirok etish uchun AQShga uchib ketdi.
Bosh murabbiy Fabio Kannavaro chempionatga 30 nafar futbolchini olib ketmoqda, yakuniy ro‘yxatga ulardan 26 nafari kiritiladi.
Uzbekistan Airways jamoa uchun Boeing 787 Dreamliner samolyotini “Olg‘a O‘zbekiston”, “ko‘k bo‘rilar” kabi yozuvlar tushirilgan maxsus livreya bilan jihozladi.
22 may kuni “Bunyodkor” stadionida prezident Shavkat Mirziyoyev jamoa a’zolari bilan uchrashib, ularga muvaffaqiyat tiladi; ilk mundial sharafiga bayramona tadbir tashkil etildi.
O‘zbekiston JChdagi birinchi o‘yinini 17 iyunda (Toshkent vaqti bilan 18 iyun tongida) Mexiko shahrida Kolumbiyaga qarshi o‘tkazadi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Badiiy gimnastikachilarimiz Osiyo chempionatida zafar quchishdi
turk tadbirkorining Shveytsariya bankiga qarshi moliyaviy urushi
Namanganda YPX inspektorini urib ketib, o‘limiga sababchi bo‘lgan haydovchi 6 yilga qamaldi
-
Mahalliy4 days ago
Yoshlar umrini sotgan jinoyatchilar qo‘lga olindi
-
Mahalliy2 days agoSizni maktabda aldashgan! So‘nggi qo‘ng‘iroq haqida siz bilmagan haqiqat
-
Dunyodan3 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot4 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Mahalliy4 days ago
Prezident davlat boshqaruvidagi eng yaxshi kadrlarni e’tirof etdi
-
Siyosat5 days ago
Shavkat Mirziyoyev YeXHT bosh kotibini qabul qildi
-
Jamiyat5 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot5 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda