Iqtisodiyot
«Mikrokreditbank» – tadbirkorlarning ishonchli hamkori (video)
So‘nggi yillarda O‘zbekistonda kichik biznes va xususiy tadbirkorlikni rivojlantirish davlat iqtisodiy siyosatining ustivor yo‘nalishlaridan biriga aylangan. «Mikrokreditbank» aksiyadorlik tijorat banki tadbirkor va faol ishbilarmonlarning ishonchli hamkori sifatida faoliyat yuritmoqda. Ma’lumki, «Mikrokreditbank»ning asosiy maqsadi kichik biznes sub’yektlariga moliyaviy ko‘mak ko‘rsatish, yangi ish o‘rinlari yaratish va aholining iqtisodiy faolligini oshirishga qaratilgan.
Buxoro viloyatida ham «Mikrokreditbank» tomonidan tadbirkorlikni rivojlantirish, yoshlar va xotin-qizlarning biznes g‘oyalarini hayotga tatbiq etish bo‘yicha izchil ishlar olib borilmoqda. Bu yo‘nalishda yuzlab loyihalar amalga oshirilgan.
«Mikrokreditbank” ATB Axborot xizmati rahbar o‘rinbosari Yulduz Isakovaning «Xabar.uz» nashriga ma’lum qilishicha, joriy yilning o‘tgan davrida bank tomonidan 7,4 trillion so‘m kredit ajratilgan. Ushbu mablag‘ hisobidan 247 ta korxonaga 1,7 trillion so‘m miqdorida boshqa kredit liniyalari ajratilib, 6 300 ga yaqin ish o‘rni yaratilgan. Shundan 558,3 milliard so‘m xorijiy kredit liniyalariga to‘g‘ri keladi.
«Buxoro viloyati bo‘yicha 30 ta tadbirkorlik sub’yektiga 111 milliard so‘m miqdorida kredit liniyalari ajratilib, natijada 500 ga yaqin yangi ish o‘rni yaratildi. Shu mablag‘larning 43,2 milliard so‘mi xorijiy kredit liniyalari hissasiga to‘g‘ri keladi» – dedi Yulduz Isakova.
Tadbirkorlik loyihalarini keng jamoatchilikka tanitish maqsadida Buxoro viloyatida press-tur tashkil etildi. Jurnalistlar dastlab, Buxoro shahridagi «ALFA MEDICAL CENTER» xususiy klinikasi faoliyati bilan tanishdilar.
Klinika ish boshqaruvchisi Shohruzjon Muxtorovning ta’kidlashicha, zamonaviy tibbiyot uskunalari bilan jihozlangan klinika «Mikrokreditbank»dan 4,5 million AQSh dollari miqdorida kredit olgan. Ushbu mablag‘lar hisobidan Yevropa davlatlaridan zamonaviy tibbiyot uskunalari xarid qilingan va ularning ishlash jarayoni xorijiy mutaxassislar tomonidan o‘rgatilgan.
«Hozirgi kunda klinikamizda 24 nafar tibbiyot xodimining bandligi ta’minlangan. Faoliyatni yanada kengaytirish va qo‘shimcha ish o‘rinlari yaratish niyatimiz bor. «Mikrokreditbank»dan olingan kredit, nafaqat, moliyaviy yordam, balki, ishonch ramzi bo‘ldi», – dedi Shohruzjon Muxtorov.
Shuningdek, bank mablag‘lari yordamida Buxoro tumanidagi «Buxoro tekstil dizayn» MChJ yangi tikish jihozlarini xarid qilib, 50 dan ortiq ish o‘rni yaratgan. G‘ijduvon tumanida yosh fermer «Yoshlar tadbirkorligi» dasturi doirasida 150 million so‘m kredit olib, issiqxona faoliyatini yo‘lga qo‘ygan. Vobkent tumanidagi «Buxoro suvenirlari» art-sexi esa bankning turizm sohasiga qaratilgan imtiyozli qarzidan foydalanib, milliy hunarmandchilik mahsulotlarini eksport qilishni boshlagan.
Bank tadbirkorlarga, nafaqat, moliyaviy yordam, balki, biznes reja tuzish, bozor tahlili va moliyaviy savodxonlik bo‘yicha maslahatlar ham berib kelmoqda.
Bank mablag‘lari asosida faoliyat yuritayotgan «GIJDUVAN ECO BOTTLERS» MChJ meva sharbatlari hamda salqin ichimliklar ishlab chiqarish bilan shug‘ullanadi. Korxona 4 milliard so‘m kredit asosida ish boshlab, keyinchalik yana 12 milliard so‘m kredit olib, qo‘shimcha uskunalar xarid qildi va 58 nafar aholi bandligini ta’minladi.
«EKO» brendi ostidagi mahsulotlarimiz mahalliy bozorda gazli va gazsiz suvlarga bo‘lgan talabni qondirmoqda. Joriy yil yakuniga qadar meva sharbatlari ishlab chiqarishni yo‘lga qo‘yish uchun Xitoy bilan hamkorlik boshlandi. Korxona binolarini ta’mirlashdan tortib, uskunalar xaridigacha bo‘lgan barcha jarayonlar bank mablag‘lari hisobiga amalga oshirildi. Dastlab 20 nafar xodim bilan ish boshlagan bo‘lsak, hozirda bu ko‘rsatkich ikki barobardan ziyodga oshdi», – dedi korxona ish yurituvchisi Ruslan Haqnazarov.
«Mikrokreditbank»ning Buxoro viloyatidagi faoliyati, nafaqat, moliyaviy qo‘llab-quvvatlash, balki, yangi ishbilarmonlar avlodini shakllantirishga xizmat qilmoqda. Tadbirkorlikni rivojlantirish orqali iqtisodiy o‘sish, yangi ish o‘rinlari yaratish va aholi farovonligini oshirishga hissa qo‘shilmoqda.
«Mijozlar uchun qulaylik yaratish maqsadida Buxoro filiallarida onlayn ariza berish, elektron hisob-kitob tizimlari hamda mobil ilova orqali xizmat ko‘rsatish yo‘lga qo‘yilgan. Bu tadbirkorlarga vaqtni tejab, o‘z biznesiga ko‘proq e’tibor qaratish imkonini beradi, – dedi «Mikrokreditbank»ning Buxoro viloyati filiali Mahallabay ishlash va hududiy loyihalarni boshqarish bo‘limi boshlig‘i Feruz Tursunov.
Bugun «Mikrokreditbank», nafaqat, kreditlar bilan tadbirkorlarga qanot bag‘ishlayotgan, balki, ularning orzu-maqsadlariga yo‘l ochayotgan, ishonch va imkoniyat ko‘prigini qurib berayotgan bankka aylandi.
Markaziy bank 2026-yil 27-apreldan valyutalarning yangi kursini belgiladi.
AQSh dollari 4,52 so‘mga oshib, 12 020,48 so‘m etib belgilandi.
Yevro kursi 3,13 so‘mga tushdi va 14 048,33 so‘m bo‘ldi. Funt-sterling 16 207,21 so‘m bo‘ldi (-15,54).
Rossiya rubli 158,77 so‘m etib belgilandi (-1,53).
Iqtisodiyot
Ilk bor 2,4 mlrd dollarlik davlat aktivlarining 30 foizi xalqaro bozorga chiqadi – Prezident
Bugun, 24-aprel kuni Prezident Shavkat Mirziyoyev raisligida o‘tkazilgan videoselektor yig‘ilishida iqtisodiy ko‘rsatkichlar va yangi tashabbuslar muhokama qilinmoqda.
Davlat rahbariga ko‘ra, may oyida 2 milliard 400 million dollarlik davlat aktivlarining 30 foizi ilk bor xalqaro fond bozorlariga chiqariladi.
«Bu Milliy investitsiya jamg‘armasini tashkil qilib, 13 ta strategik korxona boshqaruvini nufuzli «Franklin Templeton» kompaniyasiga berganimiz uchun bo‘lyapti», – dedi Prezident.
Yig‘ilishda birinchi chorak natijalari ham ma’lum qilindi. YaIM 8,7 foizga, sanoat 8 foizga, xizmatlar 16,1 foizga o‘sgan. Eksport hajmi 5,8 milliard dollarga, xorijiy investitsiyalar 13,7 milliard dollarga yetgan. Inflyasiya esa yillik hisobda ilk bor 7,1 foizgacha pasaygan.
Shu bilan birga, budjet daromadlari 35 foizga o‘sib, 103 trillion so‘mni tashkil etgan. Mahalliy budjetlarda qo‘shimcha 2,2 trillion so‘m shakllangan bo‘lib, uning 1,4 trillioni tuman va shaharlar ixtiyorida qolgan.
Prezident so‘zlariga ko‘ra, mamlakat iqtisodiyoti xalqaro darajada ham ijobiy baholanmoqda. Xususan, Xalqaro valyuta jamg‘armasi hisobotida O‘zbekiston yuqori iqtisodiy faollik orqali barqaror o‘sishni saqlab qolayotgani qayd etilgan.
Shuningdek, mamlakat ilk bor «Iqtisodiy erkinlik indeksi»da «iqtisodiyoti mo‘tadil erkin» davlatlar qatoriga kirdi. Prezident ayrim sohalarda samaradorlik pastligini tanqid qilib, «ayrimlar hali ham uyg‘onmagan»ini ta’kidladi.
2026 yilning yanvar-mart oylarida O‘zbekistonga qariyb 3,8 mlrd dollar pul o‘tkazmalari amalga oshirildi. Bu 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p. O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
Foto: Patrick T. Fallon / Bloomberg
2026 yilning yanvar-mart oylarida O‘zbekistonga pul o‘tkazmalari hajmi 3,79 mlrd dollarga yetdi. Bu haqda Markaziy bank xabar berdi.
Xususan, o‘tkazmalar miqdori joriy yilning dastlabki 3 oyida quyidagicha bo‘lgan:
yanvar: 1,23 mlrd dollar;
fevral: 1,23 mlrd dollar;
mart: 1,33 mlrd dollar.
Joriy yilning yanvar-mart oylarida O‘zbekistonga amalga oshirilgan pul o‘tkazmalari miqdori 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p.
O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
«Xorijiy valutaga bo‘lgan taklifning ortishi asosan eksport tushumlari, banklar tomonidan jalb qilingan tashqi qarzlar va xalqaro pul o‘tkazmalari hissasiga to‘g‘ri keldi. Ayniqsa, aholi tomonidan valuta sotuvining yuqori sur’atlarda o‘sishi bozorda qo‘shimcha taklif bo‘lib xizmat qildi», deyiladi Markaziy bank sharhida.
2017-2025 yillar oralig‘ida O‘zbekistonga amalga oshirilgan pul o‘tkazmalari dinamikasining o‘zgarishi:
2020-2025 yillar oralig‘ida mamlakatga yuborilgan o‘tkazmalar miqdori 3 barobarga, ularning yalpi ichki mahsulotdagi ulushi esa 8,6 foizdan 12,8 foizgacha ko‘paydi.
O‘zbekistonning paxta sellyulozasi ishlab chiqaruvchi ikkita kompaniyasi: Farg‘ona kimyo zavodi va Jizzaxdagi Raw Materials Cellulose korxonasi Yevropa Ittifoqining Rossiyaga qarshi 20-sanksiyalar paketiga kiritildi.
Foto: REUTERS/Yves Herman
Bu ikki korxona Rossiya harbiy sanoati uchun paxta sellyulozasi yetkazib berganlikda gumon qilingan.
Sanksiya izohida keltirilishicha, Farg‘ona Kimyo Zavodi – Perm va Qozondagi porox zavodlarini, Raw Materials Cellulose esa Tambovdagi porox zavodini xomashyo bilan ta’minlagan.
Bu korxonalarga Yevropa Ittifoqi sub’yektlari tomonidan mablag‘ va iqtisodiy resurslar ajratish taqiqlangan. YeI yurisdiksiyasida aktivlari bo‘lgan taqdirda, ular muzlatiladi.
Ushbu ikki korxona, shuningdek, “Mercury Renaissance” MChJga o‘tgan yili Ukraina ham sanksiya qo‘llagan edi.
Farg‘ona kimyo zavodi – 2012 yilda tashkil etilgan. Ta’sischisi – Mercury Renaissance. Bu korxonaga 2023 yilda Rustam Rahimjonovich Mo‘minov (60%) va Gluxov Mixail Aleksandrovich (40%) egalik qilgan, keyinroq Gluxovning ulushi Shahriyor Saxiyorovich Tojiyevga, Mo‘minovning ulushi esa Olga Yurevna Shagiyevaga o‘tgan.
Shahriyor Tojiyev 2022 yilda tugatilgan Qwerty Up’da ulushdor bo‘lgan. Olga Shagiyeva esa Aloqainvest, Breegs, Atrium Tashkent, Geo Profi Mombasa Finance, Aloqa Klimkontrol, Visata Group, Fortress Invest, Pod Klyuch, Professional Legion va boshqa firmalarda ham ulushlarga ega.
Raw Materials Cellulose – 2017 yilda Jizzax shahrida ro‘yxatga olingan. 2024 yil yanvar holatiga, korxona yagona ta’sischi Larisa Mixaylovna Utkina egaligida bo‘lgan. Keyinroq uning ulushi 76 foizgacha qisqarib, Larisa Rahimjonova Bikova 24 foizlik ulushdorga aylangan. Bugungi kunda ta’sischilar tarkibi quyidagicha: Larisa Rahimjonovna Bikova (25,1%), Bobur Lutfullayevich Qobulniyozov (24,97%), Azamjon Nurillayevich Valixonov (24,97%), Ma’murjon Mahmudjon o‘g‘li Alimov (24,96%).
Larisa Bikova – Aloqa Klimkontrol va Vinder Invest’da, Mahmudjon Alimov – Velcor va Voltria’da, Bobur Qobulniyozov – Business Standart, Complex Technical Centre Asia va Fiber Expo kompaniyalarida hissadorlar qatorida turadi.
Azamjon Valixonov esa Chirchiq transformator zavodi, “O‘zbekkimyomash” zavodi, Quytosh koni, Universal Rent Tashkent, Maxwell Service, Glory Project, Fiber Expo va boshqa korxonalarda ulushdor sifatida ko‘rsatilgan.
Milliy statistika qo‘mitasi ma’lumotlariga ko‘ra, O‘zbekiston 2026-yilning yanvar-fevral oylarida xorijga 466,6 mln AQSh dollarilik to‘qimachilik mahsulotlari eksport qilgan.
Ushbu ko‘rsatkich umumiy eksportning 13,2 foizini tashkil etib, o‘tgan yilning mos davriga nisbatan 15,5 foizga oshgan.
Eksport qilingan to‘qimachilik mahsulotlari tarkibi quyidagicha:
Tayyor to‘qimachilik mahsulotlari — 52 foiz
Ip-kalava — 30 foiz
Trikotaj mato — 8 foiz
Gazlamalar — 7 foiz
Paypoq mahsulotlari — 2 foiz
Gilamlar — 1 foiz
Toshkentda avtobuslar uchun yana 16 ta yo‘nalish tashkil etilib, 70ta yangi bekat quriladi
Dunyoda milliarderlar soni qo’ziqorindek ko’paymoqda
O‘zbekistonda dollar kursi ko‘tarildi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Dunyodan4 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat4 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoGiyohvand moddalar savdosini moliyaviy tomirlarni kesish orqali to’xtatish mumkin.