Jamiyat
Olmaliqda murabbiy bolalarni kaltak bilan «tarbiyalab» kelgan. U bu ishi uchun uzr so‘radi
U yosh bolalarni jazolash holatlari aks etgan videolarni instagramdagi sahifasiga qo‘ygan – ko‘pchilik obunachilari uning uslubini ma’qullagan. Videolardan biri boshqa platformada keng tarqalib ketgach, tegishli choralar ko‘rildi, xususan, shahardagi barcha sport maktablari tekshiriladigan bo‘ldi.
Toshkent viloyati Olmaliq shahridagi nodavlat sport klublaridan birida ishlovchi murabbiy Suxrob Mirzavaliyev (u o‘zini MMA bo‘yicha professional jangchi va murabbiy sifatida ko‘rsatgan) bolalarni tarbiyalash uchun ularni kaltaklashni odat qilgan.
Bolalar 4-5 yoshdan boshlab shug‘ullantiriladigan maktabda u o‘z shogirdlari uchun o‘ziga xos sud tashkil etib, aybdor deb topganlarini plastik kaltak bilan jazolagan va bu jarayonni videoga olib, o‘z sahifasida joylashtirilgan. Ayrim holatlarda esa bolalarning ota-onasi undan o‘z uslubida «tarbiyalab qo‘yish»ni so‘rashgan.
Uning o‘z obunachilarining aksari bu uslubni ijobiy qabul qilishgan va bolalarga nisbatan qattiqqo‘l bo‘lish kerakligi haqida fikrlar yozishgan.
O‘z navbatida, bu video boshqa platformada joylashtirilgach, qizg‘in muhokamalarni keltirib chiqardi. Xususan, bunday usullar bolalarda chuqur ruhiy jarohatlar qoldirishi mumkinligi va bu pedagogika, sport hamda qonun talablariga mutlaqo zid ekani ta’kidlandi.
Foydalanuvchilar bolalar ombudsmani, Ichki ishlar vazirligi va Bosh prokuraturadan bu holatni tekshirishni va murabbiy hamda buni qo‘llab-quvvatlagan ota-onalarning harakatiga huquqiy baho berishni talab qilishdi.
Bu muhokamalardan so‘ng videolar murabbiyning sahifasidan o‘chirib tashlandi.
21 oktyabr kuni Milliy ijtimoiy himoya agentligi vaziyat nazoratga olingani, hodisani o‘rganish uchun tegishli idoralar jalb qilinganini ma’lum qilib, bolalarga nisbatan bunday harakatlarga hech qanday bahona bilan, hatto «tarbiya» yoki «iroda kuchaytirish» bahonasida ham yo‘l qo‘yib bo‘lmasligini ta’kidladi.
22 oktyabr kuni Olmaliq shahri hokimligi mazkur holat tegishli mutaxassislar tomonidan o‘rganilib, o‘z tasdig‘ini topgani, shu munosabat bilan Olmaliq shahar Bolalar ishlari bo‘yicha komissiyasining tezkor yig‘ilishi o‘tkazilgani haqida xabar berdi.
Yig‘ilish davomida holatning barcha jihatlari batafsil ko‘rib chiqilib, bir qator aniq choralar belgilangan. Jumladan, shahar ichki ishlar bo‘limiga murabbiyning noqonuniy harakatlariga nisbatan qonuniy chora ko‘rish topshirilgan.
Shuningdek, farzandlarini jazolashni murabbiydan iltimos qilgan bolalarning ota-onalari ma’muriy javobgarlikka tortilishi belgilangan.
«Bundan tashqari, tibbiyot birlashmasiga bolalarni chuqurlashtirilgan tibbiy ko‘rikdan o‘tkazish vazifasi yuklatildi. Shahar ichki ishlar bo‘limi hamda “Inson” markaziga esa bolalarning oilaviy muhitini o‘rganish, ularning ruhiy holatini baholash va tazyiq hamda zo‘ravonlik holatlarining oldini olish bo‘yicha kompleks chora-tadbirlarni amalga oshirish topshirildi.
Shuningdek, shahar sport maktabiga hududdagi barcha sport klublarini qayta xatlovdan o‘tkazish, xususiy murabbiylarga uslubiy tavsiyalar berish, noqonuniy faoliyat yuritayotgan sport to‘garaklarini aniqlagan taqdirda bu haqda tegishli idoralarga axborot kiritish vazifasi yuklatildi», – deyiladi xabarda.
Komissiya yig‘ilishida murabbiy S.Mirzavaliyev qilgan harakatidan pushaymon ekanini bildirib, keng jamoatchilikdan uzr so‘rashini bildirgan.
Jamiyat
Mirziyoyev Namanganda raqamlashtirish, bandlik va investitsiya bo‘yicha yangi vazifalarni belgiladi
Prezident Shavkat Mirziyoyev Namangan viloyatidagi vaziyatlar markazida hududni ijtimoiy-iqtisodiy rivojlantirish masalalariga bag‘ishlangan yig‘ilish o‘tkazdi.
Yig‘ilishda Namanganda tashkil etilgan «aqlli» vaziyatlar markazi va Yangi Namangan mahallasidagi «Mahalla axborot va xizmat markazi» loyihasi taqdim etildi. Markaz orqali 8 ta mahallada yashovchi 27 mingdan ortiq aholiga qariyb 980 turdagi xizmatlarni «yagona darcha» tamoyili asosida ko‘rsatish rejalashtirilgan.
Ma’lum qilinishicha, so‘nggi yillarda viloyat sanoati hajmi 4,6 trillion so‘mdan 40 trillion so‘mga yetgan. Joriy yilda yalpi hududiy mahsulotni 9,2 foizga oshirish vazifasi belgilangan.
Prezident hududlarni rivojlantirishda ilmiy yondashuvni kuchaytirish maqsadida 14 ta «aql markazi»ni yangi ish uslubiga o‘tkazishni topshirdi. Ular har bir tuman va shaharning iqtisodiy salohiyatini o‘rganib, qo‘shimcha o‘sish manbalarini aniqlaydi.
Yig‘ilishda bandlik va kambag‘allikni qisqartirish masalalariga ham alohida e’tibor qaratildi. Joriy yil yakuniga qadar viloyatda 80 ming aholini doimiy ish bilan ta’minlash, 21 ming oilani kambag‘allikdan chiqarish vazifasi qo‘yilgan.
Investitsiya sohasida Namanganga bu yil 5 milliard dollar xorijiy investitsiya jalb qilish va eksport hajmini 1,2 milliard dollarga yetkazish rejalashtirilgan. Toshkent xalqaro investitsiya forumi doirasida viloyat bo‘yicha 3 milliard dollarlik 43 ta kelishuvga erishilgani qayd etildi.
Shuningdek, jamoat transportini rivojlantirish uchun 1-sentyabrgacha 90 ta avtobus, 50 ta elektrobus va 30 ta mikroavtobus olib kelish, ichimlik suvi hamda kanalizatsiya tarmoqlarini kengaytirish bo‘yicha vazifalar belgilandi.
Yig‘ilishda sog‘liqni saqlash, yoshlarni kasb-hunarga o‘qitish, eksport infratuzilmasini rivojlantirish, yashirin iqtisodiyotni qisqartirish va jinoyatchilik profilaktikasi masalalari ham muhokama qilindi.
Toshkent shahrining Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kuzatilmoqda.
Bugun, 28 iyun soat 20:45 da Toshkent shahridagi «Yuksak» podstansiyasida nosozlik bo‘ldi.
Buning oqibatida Toshkent shahrining Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kuzatilmoqda.
Hozirgi vaqtda energetiklar tomonidan nosozliklarni bartaraf etish hamda iste’molchilarning elektr ta’minotini qayta tiklash choralari ko‘rilmoqda.
Avvalroq Toshkent shahridagi «Yuksak» podstansiyasida yuz bergan nosozlik sababli poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish sodir bo‘lgani xabar qilingandi.
Bugun, 28 iyun kuni Toshkent shahri, Chilonzor tumani, Bunyodkor shohko‘chasida joylashgan Dream Park istirohat bog‘idagi «Charxpalak» attraksionida fuqarolar qolib ketganligi to‘g‘risida Toshkent shahar FVBBga xabar tushgan.
Shunga ko‘ra, qutqaruv bo‘linmalari zudlik bilan hodisa joyiga yetib borgan va hozirda barcha fuqarolar charxpalakdan xavfsiz joyga tushirib olingan.
“Vaziyat Toshkent shahar FVBB tomonidan to‘liq nazoratga olingan. Hodisa oqibatida jarohat olganlar yo‘q”, deyiladi FVV xabarida.
Avvalroq Toshkent shahridagi «Yuksak» podstansiyasida yuz bergan nosozlik sababli poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish sodir bo‘lgani xabar qilingandi.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Foto: Energetika vazirligi
Bugun, 28 iyun soat 20:45 da Toshkent shahridagi «Yuksak» podstansiyasida nosozlik yuz berishi oqibatida poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kelib chiqqani xabar qilingandi.
FVV xabariga ko‘ra, “svet” o‘chishi oqibatida Chilonzor tumanida joylashgan Dream Park istirohat bog‘idagi «Charxpalak» attraksionida qolib ketgan fuqarolar xavfsiz joyga tushirib olingan.
Xabar qilinishicha, ayni paytda Energetika vazirligi hamda “O‘zbekiston milliy elektr tarmoqlari” AJ rahbariyati podstansiyada bo‘lib, ular tomonidan nosozlikni tiklash ishlari nazoratga olingan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Aviareyslarda kechikish va Yaqin Sharq mintaqasidagi keskin vaziyat sababli oila mamlakatni tark eta olmagan. Shuningdek, vizasiz yurish muddati tugagani uchun ular jarimaga tortilgan.
BAAda og‘ir vaziyatga tushib qolgan oila O‘zbekistonning Dubaydagi Bosh konsulxonasi ko‘magida vatanga qaytarildi.
Qayd etilishicha, P.G. va uning farzandi A.Z. 2025 yilda mavsumiy ishlash maqsadida BAAning Dubay shahriga borgan.
Biroq moliyaviy qiyinchiliklar sababli 2026 yil yanvarida O‘zbekistonga qaytish uchun aviachiptalar xarid qilgan. Aviareyslarda kechikish va Yaqin Sharq mintaqasidagi keskin vaziyat tufayli ular mamlakatni tark eta olmagan.
Shuningdek, vizasiz yurish muddati tugagani uchun oila vakillari jarimaga tortilgan.
O‘zbekistonning BAAdagi Bosh konsulxonasi tomonidan Dubay immigratsiya xizmati bilan olib borilgan muzokaralar natijasida ularning mamlakatni jarimasiz tark etishiga ruxsat olindi.
Ushbu oila a’zolari uchun 26 iyun kuni “Dubay–Toshkent” yo‘nalishi bo‘yicha aviachiptalar xarid qilindi hamda ularning O‘zbekistonga qaytishi ta’minlandi.
Mirziyoyev Namanganda raqamlashtirish, bandlik va investitsiya bo‘yicha yangi vazifalarni belgiladi
AQSh Oliy sudi yuz minglab muhojirlar taqdiriga daxldor qaror chiqardi.
Poytaxtning uch va Toshkent viloyatining bir tumani elektrsiz qoldi
-
Jamiyat4 days ago«Andijon polkasi» tadbiriga ketayotgan o‘quvchilar YTHga uchradi
-
Sport3 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan2 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Dunyodan5 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan
-
Iqtisodiyot4 days ago
O‘zbekiston banklari aktivlari 962,8 trln so‘mga yetdi
-
Dunyodan4 days agoQirg‘izistonda navbatdagi prezidentlik saylovlari qachon o‘tkazilishi ma’lum qilindi.
-
Siyosat5 days agoAshraf Xo‘jayev O‘zbekistonning Efiopiyadagi birinchi elchisi etib tayinlandi.