Sport
«Real» futbolchilari Qozog‘istonga uchib keldi
Mahalliy muxlislar ularning har qadamini kuzatib bormoqda.
Madridning «Real» klubi Chempionlar ligasi umumiy guruh bosqichining 2-turi doirasida mahalliy «Qayrat» klubiga qarshi o‘yin o‘tkazish uchun 29 sentabrga o‘tar kechasi Olmaotaga yetib keldi. Kutilganidek, taniqli mehmonlarning kelishi qozog‘istonliklar uchun oyning asosiy voqeasiga aylandi — shahar ahli yulduzlarni kutib olish uchun ko‘chalarga chiqishdi.
«Real» fanatlar qarshisiga kelmadi
Habi Alonso jamoasi Qozog‘istonga juda kech yetib keldi — bu vaqtda Osiyoning bu hududida tun yarmidan oqqandi. Ispan klubi Olmaotagacha sakkiz soatdan ortiq parvoz qilgan — va bu futbolchilarni juda toliqtirgan. Klub matbuot xizmati e’lon qilgan fotolarda futbolchilar horg‘in ko‘ringan.
Bu vaqtda aeroportda katta olomon yig‘ilgandi — yoshlar va yoshi kattalar ham madridliklar jamoasi futbolchilarini yaqindan ko‘rishga oshiqqan.
Ammo ularning ko‘pchiligi bunga muvaffaq bo‘la olmadi — «Real» a’zolari VIP-zona orqali chiqishdi.
Shu bilan birga, VIP-zonada ham qozog‘istonlik muxlislar navbatchilik qilayotgandi — ularning bir qismi kimlarnidir ko‘rishga va «Qirollik klubi» avtobusini kuzatib qo‘yishga ulgurishdi.
Ko‘p o‘tmay «Real» Olmaotadagi mehmonxonalardan biriga to‘xtadi. Klub bu yerdagi barcha nomerlarni band qilgan bo‘lsa-da, mehmonxona tashqarisida va ichkarisida baribir odamlar to‘plangandi.
Kimdir Kilian Mbappe uzoq parvozdan keyin o‘ziga saxiylik qilib, tarelkasini to‘ldirib olayotganini tasvirga olishga ham ulgurgan.
Unikal imkoniyat
«Real» futbolchilarini ta’qib qilgan muxlislarni tushunish qiyin emas. Ularda «Qirollik klubi» a’zolarini ko‘rish imkoniyati boshqa yuzaga kelmasligi ham mumkin — «Qayrat» bilan o‘yin uchun chiqarilgan barcha chiptalar (23 ming) darhol sotilib ketgan, shu tufayli shu vaqtgacha chipta sotib ololmaganlarda endi stadionga kirish imkoniyati bo‘lmaydi.
Qozog‘iston grandi chiptalarni 75 ming tenge 248 ming tengegacha bo‘lgan narxlarda chiqargan, 200 ming kishi oldindan onlayn-navbatga yozilgandi. Hozirda erkin sotuvda chiptalar yo‘q, «Qayrat» esa spekulyantlar bilan kurashishga va’da bergan.
Shunisi aniq: «Real» bunga tayyor turishi kerak. Yaqin kunlarda Qozog‘istonda barchaning e’tibori Madrid klubiga qaratiladi.
O‘yin, 30 sentabr kuni, mahalliy vaqt bilan 21:45 da boshlanadi.
Hindistonda 46-Butunjahon shaxmat olimpiadasi oldidan an’anaviy Mash’ala estafetasi marosimi bo‘lib o‘tdi.
Marosimda FIDE prezidenti vazifasini bajaruvchi Vishvanatan Anand va Hindiston shaxmat federatsiyasi prezidenti Nitin Narang olimpiada mash’alasini o‘zbekistonlik grossmeyster Javohir Sindarovga tantanali ravishda topshirdi.
Endilikda ramziy olov Samarqandda bo‘lib o‘tadigan 46-Butunjahon shaxmat olimpiadasiga yetkaziladi.
Eslatib o‘tamiz, 46-Butunjahon shaxmat olimpiadasining boshlanishiga 2 kun qoldi.
FIDE 2026-yilgi jahon chempionligi uchun match reglamentini e’lon qildi. Unga ko‘ra, amaldagi jahon chempioni Gukesh Dommaraju o‘zbekistonlik grossmeyster Javohir Sindarovga qarshi shaxmat tojini himoya qiladi.
Match 22-noyabrdan 12-dekabrgacha Shveysariyaning Jeneva shahridagi Fondation Martin Bodmer majmuasida bo‘lib o‘tadi. Birinchi klassik partiya 24 noyabrda, so‘nggisi esa 11-dekabrda o‘ynaladi. Agar 14 partiyadan keyin hisob teng bo‘lsa, 12-dekabr kuni tay-breyk o‘tkaziladi.
Jahon chempionligi bahsi ko‘pi bilan 14 ta klassik partiyadan iborat bo‘ladi. Birinchi bo‘lib 7,5 ochko to‘plagan shaxmatchi chempionlikni qo‘lga kiritadi.
Gukesh va Sindarov match boshlangan paytda 20 yoshda bo‘ladi. Shu tariqa, bu jahon chempionati tarixidagi eng yosh ikki shaxmatchi o‘rtasidagi chempionlik bahsi bo‘ladi.
Javohir Sindarov jahon chempionligi uchun matchda ishtirok etish huquqini 2026-yilgi FIDE Nomzodlar turnirida g‘olib chiqib qo‘lga kiritdi. U musobaqada 14 imkoniyatdan 10 ochko to‘plab, birorta ham partiyada mag‘lub bo‘lmadi va turnir g‘olibligiga bir tur qolgandayoq erishdi.
Bundan oldin Sindarov 2025-yilgi FIDE Jahon kubogida ham g‘olib chiqqan edi. U mutlaq jahon chempioni unvoni uchun matchda ishtirok etadigan O‘zbekiston tarixidagi birinchi shaxmatchi bo‘ladi.
Gukesh esa 2024-yilda Singapurda Din Lijenni 7,5:6,5 hisobida mag‘lub etib, jahon chempioni bo‘lgan. U o‘shanda 18 yoshida shaxmat tarixidagi eng yosh mutlaq jahon chempioniga aylangan.
Matchning umumiy mukofot jamg‘armasi 2,5 million dollarni tashkil etadi. Reglamentga ko‘ra, har bir g‘alaba uchun shaxmatchiga 200 ming dollardan beriladi, qolgan mablag‘ esa ikki ishtirokchi o‘rtasida taqsimlanadi.
Jahon chempionligi uchun bahs Fondation Martin Bodmer — jahon adabiyoti va insoniyat tarixiga oid noyob qo‘lyozmalar hamda hujjatlar saqlanadigan mashhur kutubxona-muzeyda o‘tkaziladi.
15-sentyabr kuni Samarqand shahrida 46-FIDE Butunjahon shaxmat olimpiadasiga start beriladi. O‘zbekiston nufuzli musobaqaga ilk bor mezbonlik qilmoqda.
Olimpiada 15–27 sentyabr kunlari Silk Road Samarkand xalqaro ko‘rgazma markazida o‘tkaziladi. Ilk tur bahslari 16 sentyabrda boshlanadi. Jamoalar ochiq va ayollar toifasida 11 tur davomida g‘oliblik uchun kurashadi.
Musobaqada qariyb 400 ta terma jamoa, 4 mingdan ortiq shaxmatchi, murabbiy va delegatsiya a’zosi ishtirok etishi kutilmoqda.
Olimpiada bilan bir vaqtda Samarqandda FIDE Kongressi ham o‘tkaziladi. 24-sentyabrda shaxmatni ta’limga integratsiya qilishga bag‘ishlangan FIDE ta’lim sammiti, 25-sentyabrda esa hududiy saylovlar bo‘lib o‘tadi.
26–27 sentyabr kunlari FIDE Bosh assambleyasi o‘tkaziladi. 26-sentyabrda tashkilotning keyingi to‘rt yillik rahbariyati saylanadi. Shuningdek, Bosh assambleyada 2030-yilgi Butunjahon shaxmat olimpiadasi mezboni ham aniqlanadi.
Olimpiadaning so‘nggi turi va yopilish marosimi 27-sentyabrga belgilangan.
Argentinalik hujumchi Lionel Messi Ispaniyaning «Eldense» futbol klubini sotib oladi. Bu haqda Marca xabar berdi.
Nashr ma’lumotlariga ko‘ra, 39 yoshli «Inter Mayami» futbolchisi klubning amaldagi egalari bilan kelishuvga erishgan. «Oltin to‘p»ning sakkiz karra sohibi «Eldense» aksiyalarining 100 foizini sotib olishni rejalashtirmoqda.
«Lionel Messi bilan aksiyalarni sotib olish bo‘yicha dastlabki kelishuvga erishildi. Natijada u klubning nazorat paketini egallaydi. Ayni paytda qolgan yuridik va shartnomaviy jarayonlar, jumladan, kompleks tekshiruv hamda Ispaniya Milliy sport kengashidan zarur ruxsatni olish ishlari yakunlanmoqda», — deyiladi klub bayonotida.
Aprel oyida Messi Ispaniya futbolining beshinchi divizionida ishtirok etadigan «Kornelya» klubining egasiga aylangan edi.
«Eldense» joriy mavsumda Ispaniyaning ikkinchi kuchli ligasi — Segundada ishtirok etmoqda. Jamoa ikki ochko jamg‘argan va turnir jadvalida 20-o‘rinni egallab turibdi.
«Paxtakor» bosh murabbiyi Kamoliddin Tojiyev matbuot anjumanida himoyachi Muhammadrasul Abdumajidovning Fransiya jamoasiga o‘tishini tasdiqladi.
«Abdumajidov 1 yanvardan e’tiboran “Brest” a’zosiga aylanadi, shartnoma imzolangan. Shunchaki Muhammadrasulning o‘zi jamoada qolib, yordam berishni istadi.
Agar ular oldinroq xat jo‘natishganida, balki, uni Fransiyaga jo‘natar edik. O‘tgan yili Muhammadali O‘rinboyevni Belgiya jamoasiga bergandik», — dedi Tojiyev.
Avvalroq tarmoqda «Paxtakor» rahbariyati futbolchining Fransiya klubiga o‘tishiga ruxsat bermagani haqida xabarlar tarqalgan edi.
Shundan so‘ng klub Fransiyadan taklif kech yetib kelgani va O‘zbekistonda transfer davri yopilganini ma’lum qildi. Shu tufayli mazkur transfer bo‘yicha taklif qishda ko‘rib chiqilishi aytilgan.
Nankin va Toshkent o‘rtasida yuk reyslari yo‘lga qo‘yilishi mumkin
Murojaatlar bilan ishlashdagi kamchiliklar uchun 151 nafar xodim lavozimidan ozod etildi
Butunjahon shaxmat olimpiadasi mash’alasi O‘zbekistonga keltiriladi
-
Siyosat3 days ago
Shavkat Mirziyoyev Nikol Pashinyan bilan muloqot o‘tkazdi: tafsilotlar
-
Jamiyat5 days ago
2030 yilga qadar havoni ifloslantiruvchi moddalar miqdori 10,5 foizga kamaytiriladi
-
Jamiyat4 days ago
Asadjon Xodjayev Raqamli texnologiyalar vaziri o‘rinbosari etib tayinlandi
-
Sport3 days ago
Samarqandda 46-Butunjahon shaxmat olimpiadasi boshlanadi
-
Iqtisodiyot3 days ago
O‘zbekiston mahsulotlarini eng ko‘p sotib oluvchi mamlakatlar ma’lum bo‘ldi
-
Iqtisodiyot2 days ago«O‘zmilliybank» AJ O‘zbekiston emitentlari orasida birinchi bo‘lib Xitoy kapital bozoriga 250 mln dollarlik obligatsiyalar chiqarmoqchi
-
Siyosat4 days agoPrezidentning Toshkent shahri bo‘yicha yig‘ilishi boshlandi
-
Jamiyat5 days ago
O‘zbekistonda raqamli valyuta to‘lov vositasi sifatida sinab ko‘riladi