Sport
«Real» derbida 5 ta gol o‘tkazib yutqazdi
Mavsumni g‘alabali seriya bilan boshlagan Alonso ilk jiddiy sinovdan o‘ta olmadi, mavsum boshida muvaffaqiyatsizlikka uchragan Simeone esa o‘zini hisobdan chiqarishga hali erta ekanini isbotladi.
«Atletiko» – «Real» 5:2
Gollar: Le Norman, 14 (1:0). Mbappe, 25 (1:1). Arda Guler, 36 (1:2). Serlot, 45+3 (2:2). Alvares, 51 – penalti (3:2). Alvares, 63 (4:2). Grizmann, 90+3 (5:2)
«Atletiko»: Oblak, Langle, Le Norman, Gansko (Galan, 83), Liorente, Koke, Barrios, Gonsales (Grizmann, 83), Simeone (Molina, 90+2), Syorlot (Gallaher, 67), Alvares (Baena, 90+2)
«Real»: Kurtua, Eder Militau (Raul Asensio, 46), Hausen (Garsiya, 89), Karreras, Karvahal (Kamavinga, 59), Valverde, Tshuameni, Vinisius Junior, Arda Guler (Mastantuono, 59), Bellinghem (Rodrigu, 70), Mbappe
Ogohlantirishlar: Syorlot, 22. Gonsales, 40. Langle, 56. Simeone, 82. Gallaher, 90 – Arda Guler, 50. Raul Asensio, 58. Karreras, 62. Mastantuono, 90
«Real» La Liga startidagi olti turda maksimum natijaga erishdi. Yettinchisida Madrid derbisidagi jiddiy sinov kutayotgandi. «Atletiko» esa, aksincha, mavsum startida muvaffaqiyatsizlikka uchrab, turnir jadvalida to‘qqizinchi o‘rinda joylashgandi. Ammo muhim nyuans bor edi: «Real» «Metropolitano» o‘yingohida 2022 yil sentabridan buyon g‘alaba qozona olmayotgandi. Yakunda bu seriya davom etdi, o‘yindan oldin imkoniyati past baholangan mezbonlar o‘yinning katta qismida ustunlik qilishdi va yirik hisobdagi g‘alabaga erishishdi.
Habi Alonso shu kuni klublar o‘rtasidagi jahon chempionatidan buyon ilk bor Bellinghemni boshlang‘ich tarkibga kiritdi, shu tufayli Guler o‘ng qanotga tushirildi, Mastantuono esa zaxira o‘rindig‘ida qoldirildi. Yozgi transferlar vaqtida tarkibi jiddiy o‘zgargan (sakkiz nafar yangi futbolchi xarid qilindi, o‘tgan yozda yettita transfer amalga oshirilgandi) «Atletiko» asta-sekin o‘yinini topib borayotganini ko‘rsatdi va o‘yinni raqibga nisbatan faolroq boshladi. Alvares qarshisida ikki futbolchi turganiga qaramay, hujum uyushtirdi va burchak zarbasi ishladi. Syorlot esa Kurtua bilan yakkama-yakka vaziyatga chiqib ketishiga bir baxya qoldi – faqat to‘pga zarba berish o‘rniga oyog‘i ostiga tashlangan Militaoning oyog‘ini tepdi (braziliyalik himoyachini tanaffusda almashtirishga to‘g‘ri keldi). Keyinroq norvegiyalik hujumchi boshda yo‘llagan zarba to‘sin ostiga borayotganida darvozabon qutqardi. 14-daqiqada esa bosim golga olib keldi. Juliano Simeone o‘ng qanotdan uzatma berdi, Le Norman Tshuamenidan ildamroq harakat qilib, boshda aniq zarba berdi.
«Real» esa birinchi bo‘lim o‘rtalarigacha hujumda hech narsaga erisha olmadi. 23-daqiqaga kelib zarbalar bo‘yicha ustunlik mezbonlar foydasiga 4:0 (uchtasi – darvoza sohasiga to‘g‘ri borgan), burchak zarbalari bo‘yicha 3:0 ko‘rinishida edi – mezbonlarning ustunligi yaqqol edi. Juliano va Syorlotda yana vaziyatlar bo‘ldi, ammo Kurtua yana o‘zini ko‘rsatdi. Keyin esa «Real» ilk jiddiy hujumida hisobni tenglashtirdi: Mbappe to‘pni o‘ng qanotdagi Gulerga oshirdi va jarima maydonida o‘zini taklif qildi, turkiyalik yarimhimoyachining himoyachilar orasidan o‘tkazib berilgan pasidan keyin olis burchakni aniq nishonga oldi.
Shundan keyin o‘yin qarama-qarshi kurslarda kecha boshladi. 37-daqiqada Le Norman maydon markazida to‘pni yo‘qotdi. Mbappe bundan foydalandi va to‘pni chap qanotdagi Vinisiusga uzatdi. U fint ishlatib, ikki raqibni ortda qoldirdi va to‘pni jarima maydoni markaziga yetkazdi, u yerda bo‘sh qoldirilgan Guler darvozani ishg‘ol qildi. Ardada 1+1, hisob bo‘yicha – 2:1 — mehmonlar o‘yini chiqmaganda ham individual ijrochilar evaziga maqsadga erisha oladigandek ko‘rina boshladi. Ammo hali hammasi oldinda edi.
Javob hujumida Alvaresning uzoq masofadan yo‘llagan zarbasi ustunni tenglashtirdi, bo‘lim oxirlarida esa burchak zarbasidan keyin Langle darvozani ishg‘ol etdi. Ammo VAR vaziyatga aralashdi va gol Maradona uslubida urilganini aniqlab, uni bekor qildi.
Birinchi bo‘limga qo‘shib berilgan daqiqalarda esa Syorlot baribir o‘z maqsadiga erishdi va uning golini bekor qilish uchun hech qanday sabab topilmadi: Koke autdan keyin to‘pni havolatib jarima maydoni markaziga yetkazdi, u yerda Syorlot Hausendan balandroq sakradi. Birinchi bo‘limning o‘zida hisob 2:2 ko‘rinishini oldi.
«Real» ushbu jamoaga qarshi o‘yinlarda «ikkinchi qavat» muammosini hal qila olmayapti: «matraschilar» la liga doirasidagi derbilarda so‘nggi o‘n golidan sakkiztasini bosh bilan urishgan. Syorlot esa ispan grandlari uchun haqiqiy dahshatli tushga aylangan. Skandinav hujumchi «Real» va «Barselona»ga qarshi o‘n to‘rt o‘yinda 11 marta darvozalarni ishg‘ol etgan. U statistikasini yanada yaxshilashi mumkin edi, ammo Kurtua bunga yo‘l qo‘ymadi.
Bu vaqtga kelib hisob «Atletiko» foydasiga o‘zgarib bo‘lgandi. Tanaffusda Alonso Militaoni maydondan olib, Asensioni tushirdi. Lekin «Atletiko»ning jarima maydoniga har qanday uzatmasi xavfli vaziyatga aylanaverdi. Shunday vaziyatlardan birida Guler havodagi to‘pni uzoqlashtirishga urinib, Gonsalesning yuziga tepib yubordi va jamoasi darvozasiga penalti qo‘yilishiga sababchi bo‘ldi. Alvares esa 11 metrdan qaytarib bo‘lmas zarba yo‘lladi.
«Atletiko» oldinga tashlanishda davom etdi. Alvares to‘purarlik tayoqchasini Syorlotdan qabul qilib olmoqchi ekanini ko‘rsatdi. O‘tgan turda «Rayo Valekano» darvozasiga het-trik qayd etgan argentinalik hujumchi Madrid derbisida dublni rasmiylashtirdi. Uning ikkinchi goli jarima zarbasidan to‘pni jonli devor ustidan oshirib, yaqin burchakka aniq yo‘naltirish orqali urildi.
Alonso Karvahal va Guler o‘rniga Kamavinga va Mastantuononi maydonga tushirib, uch markaziy himoyachi bilan o‘ynay boshladi. Lekin bu ish bermadi. Shu kuni maydonda yo‘qolib qolgan Bellinghem o‘rniga Rodrigoning tushishi ham hech narsani o‘zgartirmadi.
«Atletiko» hisobdagi ustunlikni xotirjamlik bilan ushlab turdi va o‘yin oxirida zaxiradan tushgan futbolchilarning sa’y-harakatlari bilan hisob yanada yiriklashtirildi. Qo‘shimcha daqiqalarda Baena qizg‘anchiqlik qilmadi va Grizmanni yakkama-yakka vaziyatga chiqarib yubordi, fransiyalik hujumchi mavsumdagi birinchi goli bilan hisobni 5:2 ko‘rinishiga yetkazib qo‘ydi. «Real» 75 yildan buyon ilk marta «Atletiko»dan beshta gol o‘tkazib yubordi. Mavsum startidagi muvaffaqiyatsizliklardan keyin tanqidlar ostida qolgan Simeone bir hafta ichidagi ikki g‘alaba bilan o‘zini oqladi va o‘zini hisobdan chiqarishga hali erta ekanini ko‘rsatib qo‘ydi.
«Metropolitano»da uch yildan buyon g‘alaba qozona olmayotgan «Real» hali ideal holatga kelmagani ko‘rinib qoldi, Alonsoning ilk mag‘lubiyati juda og‘riqli ko‘rinishda bo‘ldi.
«Barselona» esa bugun o‘z uyida «Real Sosedad»ni mag‘lub etsa, turnir jadvalida birinchi o‘ringa chiqib olishi mumkin.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
12 raund davom etgan jang yakuniga ko‘ra, britaniyalik Jyek Katterol hakamlarning yakdil qarori bilan g‘olib deb topildi.
O‘zbekistonlik bokschi Shahram G‘iyosov yarim o‘rta vaznda (66,7 kg) WBA Regular kamari uchun jang o‘tkazdi.
U Misrning Giza shahridagi Pyramids of Giza arenasida britaniyalik Jyek Katterolga qarshi ringga chiqdi. Jang 12 raund davom etdi va Jyek Katterol hakamlarning yakdil qarori bilan g‘olib deb topildi.
Bu Shahram G‘iyosovning professional boksdagi ilk mag‘lubiyati bo‘ldi. U bunga qadar 17ta jang o‘tkazib, ularning barchasida g‘alaba qozongan va 10ta jangda raqiblarini nokautga uchratgandi.
Uning raqibi esa bugunga qadar 34ta jang o‘tkazgan bo‘lib, 32 g‘alabaga erishgan, 2ta jangda mag‘lub bo‘lgan, 14ta jangni nokaut bilan yakunlagan.
Shahram G‘iyosovning so‘nggi jangi 2025 yil 12 aprel kuni bo‘lib o‘tgandi. O‘shanda o‘zbekistonlik bokschi argentinalik Franko Okamponi 4-raundda nokautga uchratgandi.
Coca-Cola kompaniyasi O‘zbekiston futbol assotsiatsiyasi bilan hamkorlikda O‘zbekiston milliy terma jamoasini 2026 yilgi futbol bo‘yicha Jahon chempionatiga tantanali kuzatish marosimini o‘tkazdi. Tadbir butun mamlakatdan o‘n minglab muxlislar, media vakillari, hamkorlar va futbol ishqibozlarini bir joyga jamladi.
Marosimda O‘zbekiston Respublikasi prezidenti Shavkat Miromonovich Mirziyoyev ishtirok etib, tadbirni rasman ochib berdi. Davlat rahbari milliy terma jamoani futbol bo‘yicha Jahon chempionatidagi ishtiroki oldidan shaxsan qo‘llab-quvvatlashini bildirar ekan, bu tarixiy yutuqning butun mamlakat uchun alohida ahamiyatga ega ekanini ta’kidladi.
“Kelinglar, bugun hammamiz yaxshi niyat qilaylik. Jahon chempionatida futbolchilarimizni Yaratganning o‘zi qo‘llasin! Har bir o‘yinda xalqimizning duosi madadkor bo‘lsin!
Yashasin o‘zbek futboli! Yashasin Yangi O‘zbekiston yoshlari! Yashasin bunyodkor O‘zbekiston xalqi!” – deya nutqini yakunladi Shavkat Mirziyoyev.
Marosim arafasida milliy terma jamoa o‘yinchilari va murabbiylar shtabi O‘zbekiston Respublikasi prezidenti Shavkat Miromonovich Mirziyoyev bilan uchrashdi. Bu bo‘lajak turnir oldidan jamoa uchun muhim va ruhlantiruvchi voqea bo‘ldi.
Oqshomning asosiy voqeasi O‘zbekiston milliy terma jamoasining “Bunyodkor” stadionidagi o‘rtoqlik uchrashuvi bo‘ldi. Stadion o‘rindiqlari jamoani bayroqlar, hayqiriqlar va qarsaklar bilan qo‘llab-quvvatlagan muxlislar bilan to‘lib-toshdi. Bu ko‘plab mehmonlar uchun terma jamoani 2026 yilgi futbol bo‘yicha Jahon chempionatidagi tarixiy ishtiroki oldidan aynan shu tarkibda ko‘rish uchun ajoyib imkoniyatga aylandi.
“The Coca-Cola Company uchun bugun, ana shunday tarixiy bir pallada O‘zbekiston terma jamoasi yonida turish katta sharafdir. Coca-Cola — o‘zi ishlab chiqariladigan mamlakat qalbi bilan yashaydigan jahon brendidir. Biz muhim bir voqea — O‘zbekiston milliy terma jamosini futbol bo‘yicha 2026 yilgi Jahon chempionatiga kuzatish marosimining bir qismi bo‘lganimizdan chin dildan faxrlanamiz.
O‘zbekistonning har bir g‘alabasi nafaqat millat zafari, balki butun dunyodagi Coca-Cola tizimi uchun ham iftixor manbaidir. Bugun biz shunchaki hamkor emas, balki jamoamizni butun qalbimiz bilan qo‘llab-quvvatlaydigan muxlislarmiz. Futbolchilarimizga chin yurakdan kuch-quvvat, o‘ziga ishonch va jahon arenasida ulkan muvaffaqiyatlar tilaymiz. Faxr bilan olg‘a — Olg‘a, O‘zbekiston!” deya ta’kidladi Coca-Cola kompaniyasining O‘zbekistondagi bosh direktori Kazumasa Mukaye.
Tadbirning asosiy qismi boshlanishidan avval mehmonlarni stadion hududida interaktiv va mavzuli fotozonalar, tanlovlar hamda ko‘ngilochar mashg‘ulotlar kutib turardi. Coca-Cola tizimining O‘zbekistondagi ko‘p yillik va ishonchli hamkori, shuningdek, O‘zbekiston futbol assotsiatsiyasining hamkori bo‘lgan Korzinka kompaniyasi tadbir mehmonlari uchun maxsus hududlar tashkil etdi. Bu yerda mehmonlar Coca-Cola mahsulotlarini hamda milliy terma jamoaning “Oq bo‘rilar” ramzini ifodalovchi “Bek maskot”larni xarid qilish imkoniga ega bo‘ldi.
“Coca-Cola” kompaniyasi ko‘magida mamlakatning barcha hududlarida milliy terma jamoani qo‘llab-quvvatlashga qaratilgan “Collecting Voices” nomli keng ko‘lamli flesh-mob loyihasi yo‘lga qo‘yildi. Marosim vaqtida stadion ekranlarida butun mamlakat muxlislarining ovozlarini jamlagan va milliy birlik ramziga aylangan maxsus rolik namoyish etildi.
Dastur yakunida o‘zbek estradasi yulduzi Sevara Nazarxon “Olg‘a O‘zbekiston!” sadosi ostida stadion maydoniga chiqdi va bu kechaning eng hayajonli daqiqalaridan biriga aylandi.
Mazkur marosim nafaqat muhim sport tadbiri, balki O‘zbekiston terma jamoasini qo‘llab-quvvatlash yo‘lida muxlislarni birlashtirgan chinakam milliy iftixor bayrami bo‘ldi. Mamlakatimizning FIFA 2026 Jahon chempionatiga tarixiy yo‘llanmani qo‘lga kiritishi milliy futbolimiz va butun mamlakat bo‘ylab millionlab o‘yin ishqibozlari uchun muhim bir marra bo‘ldi.
“Coca-Cola” kompaniyasi va O‘zbekiston futbol assotsiatsiyasi ushbu esda qolarli kechaning bir qismiga aylangan barcha mehmonlar va muxlislarga minnatdorchilik bildiradi hamda milliy terma jamoamizga bo‘lajak mundialda muvaffaqiyatli ishtirok etishini tilab qoladi.
Reklama huquqi asosida
Dollar ko‘tarildi, rublda esa pasayish kuzatildi
Qashqadaryoda «hojatbaror» IIB tezkor vakili qo‘lga olindi
O‘zbekiston Qirg‘iziston ko‘mirining asosiy xaridori bo‘lib qolmoqda
-
Siyosat4 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Mahalliy3 days ago
Yoshlar umrini sotgan jinoyatchilar qo‘lga olindi
-
Siyosat5 days agoJazoir elchisi O‘zbekistondagi diplomatik missiyasini yakunladi
-
Iqtisodiyot4 days agoOLX onlayn reklama bozorida ustun mavqega ega deb topildi